ಮಾರ್ಜಾಲಕ್ಕಿಲ್ಲಿ ನೈವೇದ್ಯ


ಒಳ್ಳೆಯ ಕೆಲಸಕ್ಕೆ ಹೋಗುವಾಗ ಬೆಕ್ಕು ಅಡ್ಡ ಬಂದರೆ ಅಪಶಕುನವೆಂದು ನಂಬುವ ಜನರೆ ಹೆಚ್ಚು, ಆದರೆ ಶಹಾಪುರ ತಾಲೂಕಿನ ಹಯ್ಯಳ (ಬಿ) ಗ್ರಾಮದಲ್ಲಿ ಹಯ್ಯಳಲಿಂಗೇಶ್ವರ ದೇಗುಲಕ್ಕೆ ಬರುವ ಭಕ್ತರು ಬೆಕ್ಕಿಗೆ ಹಾಲು ಹಾಗೂ ತುಪ್ಪವನ್ನು ನೈವೇದ್ಯವಾಗಿ ಸಲ್ಲಿಸುತ್ತಾರೆ. ಈ ಪದ್ಧತಿ ಪ್ರಾಚೀನ ಕಾಲದಿಂದಲೂ ನಡೆದುಕೊಂಡು ಬಂದಿದೆ. ಹಯ್ಯಳಲಿಂಗೇಶ್ವರ ಜಾತ್ರೆ ಸಂಕ್ರಾಂತಿ ಹಾಗೂ ನೂಲಹುಣ್ಣಿಮೆ ವೇಳೆ ನಡೆಯುತ್ತದೆ. ಆಂಧ್ರಪ್ರದೇಶ, ಮಹಾರಾಷ್ಟ್ರದಿಂದಲೂ ದೇಗುಲಕ್ಕೆ ಭಕ್ತರು ಬರುತ್ತಾರೆ. ತಮ್ಮ ಇಷ್ಟಾರ್ಥಗಳ ಸಿದ್ಧಿಗಾಗಿ ಹಿತ್ತಾಳೆ ಗಂಟೆ, ಬೆಳ್ಳಿ ಕುದುರೆ, ಬೆಳ್ಳಿ ತೊಟ್ಟಿಲುಗಳ ಹರಕೆ ಹೊತ್ತುಕೊಳ್ಳುತ್ತಾರೆ. ಹರಕೆಯಾಗಿ ತಂದ ಈ ಪದಾರ್ಥಗಳನ್ನು ದೇವಾಲಯದಲ್ಲಿ ಕಟ್ಟುವ ಮೂಲಕ ದೇವರಿಗೆ ಹರಕೆ ತೀರಿಸುತ್ತಾರೆ.
ಹಯ್ಯಳಲಿಂಗೇಶ್ವರ ದೇವಸ್ಥಾನದ ಆವರಣದಲ್ಲಿ ಸುಮಾರು ನೂರಕ್ಕಿಂತ ಹೆಚ್ಚು ಬೆಕ್ಕುಗಳಿವೆ. ಇಲ್ಲಿಗೆ ಬರುವ ಭಕ್ತರು ದೇವರಿಗೆ ತಂದ ನೈವೇದ್ಯ, ಹಾಲು, ತುಪ್ಪವನ್ನು ತಪ್ಪದೆ ಈ ಬೆಕ್ಕುಗಳಿಗೆ ಹಾಕುತ್ತಾರೆ. ಭಕ್ತರು ತರುವ ಹಾಲನ್ನು ಬೆಕ್ಕುಗಳಿಗೆ ಹಾಕಲು ಕಲ್ಲಿನ ತಟ್ಟೆ(ಲೋಟ) ಕೆತ್ತಲಾಗಿದೆ. ಬೆಕ್ಕುಗಳು ದೇವಾಲಯದ ಆವರಣದಲ್ಲೇ ಓಡಾಡಿಕೊಂಡಿರುತ್ತವೆ.
"ನಮ್ಮ ತಾತ, ಮುತ್ತಾತನ ಕಾಲದಿಂದಲೂ ಬೆಕ್ಕುಗಳು ದೇವಾಲಯದ ಆವರಣದಲ್ಲಿವೆ ಎಂದು ನಮ್ಮ ತಂದೆ ಹೇಳುತ್ತಾರೆ. ಈ ಬೆಕ್ಕುಗಳನ್ನು ನಾವು ಅಪಶಕುನವೆಂದು ತಿಳಿದಿಲ್ಲ. ಮದುವೆ ಸಮಯದಲ್ಲಿ ಕಟ್ಟೆ ಮೇಲೆ, ಕಂಬಳಿಯಲ್ಲಿ ಬಂದು ಕುಳಿತುಕೊಳ್ಳುತ್ತವೆ. ನಾವು ಓಡಿಸುವುದಿಲ್ಲ. ದೇವರ ದರ್ಶನಕ್ಕೆ ಬರುವ ಜನರು ದೇವರಿಗೆ ನೈವೇದ್ಯ ತೋರಿಸಿದ ನಂತರ ಇಲ್ಲಿರುವ ಬೆಕ್ಕುಗಳಿಗೆ ತಾವು ತಂದ ಹಾಲು, ತುಪ್ಪ ಹಾಕುತ್ತಾರೆ'' ಎನ್ನುತ್ತಾರೆ ದೇವಾಲಯದ ಪೂಜಾರಿ.

ಬೆಂಗಳೂರು ಐಐಎಂ ವಿದ್ಯಾರ್ಥಿಗಳು ವಿಶ್ವದಲ್ಲೇ ನಂ.1


ವಿಶ್ವದ ಶ್ರೇಷ್ಠ 200 ವಿಶ್ವವಿದ್ಯಾಲಯಗಳಲ್ಲಿ ಭಾರತದ ಒಂದೂ ವಿ.ವಿ.ಗೆ ಸ್ಥಾನವಿಲ್ಲ ಎಂಬ ನಿರಾಸೆಯ ಸುದ್ದಿಯ ಬೆನ್ನಲ್ಲೇ ಭಾರತೀಯರು ಅದರಲ್ಲೂ ಬೆಂಗಳೂರು ಹೆಮ್ಮೆ ಪಡುವಂತಹ ಸುದ್ದಿ ಬಂದಿದೆ. ಬೆಂಗಳೂರಿನಲ್ಲಿರುವ ಇಂಡಿಯನ್ ಇನ್ಸ್ಟಿಟ್ಯೂಟ್ ಅಫ್ ಮ್ಯಾನೇಜ್ಮೆಂಟ್(ಐಐಎಂ)ನ ವಿದ್ಯಾರ್ಥಿಗಳು ವಿಶ್ವದಲ್ಲೇ ನಂ.1 ಎಂದು ಸಮೀಕ್ಷೆಯೊಂದು ಹೇಳಿದೆ. ಈ ಮೂಲಕ ಹಾರ್ವರ್ಡ್, ಸ್ಟಾನ್ಫೋರ್ಡ್, ಎಂಐಟಿಯಂತಹ ವಿಶ್ವಶ್ರೇಷ್ಠ ವಿದ್ಯಾಲಯಗಳ ವಿದ್ಯಾರ್ಥಿಗಳನ್ನೂ ಐಐಎಂ (ಬಿ) ವಿದ್ಯಾರ್ಥಿಗಳು ಹಿಂದಿಕ್ಕಿದ್ದಾರೆ.
'ಕ್ಯುಎಸ್ ಗ್ಲೋಬಲ್ 200 ಬ್ಯುಸಿನೆಸ್ ಸ್ಕೂಲ್' ವರದಿಯ ಅನ್ವಯ, ವಿಶ್ವದ ಶ್ರೇಷ್ಠ ಬ್ಯುಸಿನೆಸ್ ಸ್ಕೂಲ್ಗಳಲ್ಲಿ ಪ್ರವೇಶ ಪಡೆಯಲು ನಡೆಸಲಾಗುವ ಜಿಮ್ಯಾಟ್ ಪ್ರವೇಶ ಪರೀಕ್ಷೆಯಲ್ಲಿ ಬೆಂಗಳೂರು ಐಐಎಂನ ವಿದ್ಯಾರ್ಥಿಗಳು ಸರಾಸರಿ 780 ಅಂಕ ಪಡೆಯುವ ಮೂಲಕ ಜಾಗತಿಕ ಮಟ್ಟದಲ್ಲಿ ನಂ.1 ಸ್ಥಾನ ಪಡೆದುಕೊಂಡಿದ್ದಾರೆ. ಜಿಮ್ಯಾಟ್ ಪ್ರವೇಶ ಪರೀಕ್ಷೆಯಲ್ಲಿ ಸ್ಟಾನ್ಫೋರ್ಡ್ ವಿದ್ಯಾರ್ಥಿಗಳ ಸರಾಸರಿ ಅಂಕ 730ರಷ್ಟಿದ್ದರೆ, ಐಐಎಂ ಅಹಮದಾಬಾದ್ನ ವಿದ್ಯಾರ್ಥಿಗಳ ಸರಾಸರಿ ಅಂಕ 767 ಇದೆ. ಅಂದರೆ ಈ ಪಟ್ಟಿಯಲ್ಲಿ ಮೊದಲ ಎರಡೂ ಸ್ಥಾನ ಭಾರತದ ಐಐಎಂಗಳದ್ದು.
ಭಾರತದ ಎರಡೂ ಐಐಎಂಗಳಲ್ಲಿ ಸೇರ್ಪಡೆಯಾಗಿರುವ ವಿದ್ಯಾರ್ಥಿಗಳು ಕೇವಲ 2 ವರ್ಷದ ಉದ್ಯಮದ ಅನುಭವ ಹೊಂದಿದ್ದಾರೆ. ಎಂಬಿಎ ಪೂರ್ಣಗೊಂಡ ಬಳಿಕ ಸಣ್ಣಮಟ್ಟದ ಕೆಲಸಕ್ಕೆ ಸೇರುವ ಬದಲು ಅವರೆಲ್ಲಾ ಉನ್ನತ ಶಿಕ್ಷಣಕ್ಕೆ ಆದ್ಯತೆ ನೀಡುತ್ತಿರುವುದೇ, ಐಐಎಂ (ಬಿ)ನಲ್ಲಿ ಉತ್ತಮ ವಿದ್ಯಾರ್ಥಿಗಳನ್ನು ಕಾಣಲು ಅನುವು ಮಾಡಿಕೊಟ್ಟಿದೆ. ಜೊತೆಗೆ ಬೆಂಗಳೂರು ಐಐಎಂ, ಮೆಲ್ಬರ್ನ್ ಬ್ಯುಸಿನೆಸ್ ಸ್ಕೂಲ್ ಅನ್ನೂ ಹಿಂದಿಕ್ಕಿ ಮುನ್ನಡೆದಿದೆ ಎಂದು ಸಮೀಕ್ಷೆ ಹೇಳಿದೆ.

ನ್ಟೆ ಸಿಸ್ಟಮ್ ವ್ಯವಹಾರ, ಸುರಕ್ಷಿತ ಪರಿಹಾರ


ಬ್ಯಾಂಕ್ನ ಒಂದು ಖಾತೆಯಿಂದ ಇನ್ನೊಂದು ಖಾತೆಗೆ ಹಣ ವರ್ಗಾವಣೆ ಈಗ ಅತ್ಯಂತ ಸುಲಭ. ದೇಶದ ಒಂದು ಭಾಗದಿಂದ ಇನ್ನೊಂದು ಭಾಗಕ್ಕೆ ಕೆಲವೇ ನಿಮಿಷಗಳಲ್ಲಿ ಹಣ ವರ್ಗಾಯಿಸಬಹುದಾಗಿದೆ. ಇದಕ್ಕೆ ಕಾರಣ ಚಾಲ್ತಿಯಲ್ಲಿರುವ ನೆಫ್ಟ್ ಸಿಸ್ಟಮ್. ವಿದ್ಯುನ್ಮಾನ ಹಣ ವರ್ಗಾವಣೆಯ ಮೂಲಕ ಹಣವನ್ನು ವರ್ಗಾಯಿಸುವ ನ್ಯಾಷನಲ್ ಇಲೆಕ್ಟ್ರಾನಿಕ್ ಂಡ್ ಟ್ರಾನ್ಸ್ರ್ (ಎನ್ಇಎ್ಟಿ) ತಂತ್ರಜ್ಞಾನದ ಮೂಲಕ ಸುರಕ್ಷಿತವಾಗಿ ನಿಮ್ಮ ಅಕೌಂಟ್ಗೆ ಹಣ ವರ್ಗಾವಣೆಯಾಗುತ್ತದೆ. ಯಾರ ಬ್ಯಾಂಕ್ನ ಖಾತೆಗೆ ಹಣ ಜಮೆ ಮಾಡಲು ತಿಳಿಸಬೇಕಾಗುತ್ತದೋ ಆ ಖಾತೆಗೆ ಕೆಲವೇ ಸಮಯದಲ್ಲಿ ಹಣ ಜಮೆಯಾಗುತ್ತದೆ. ಇಲ್ಲಿ ಡಿಮಾಂಡ್ ಡ್ರ್ಟಾ, ಚೆಕ್ ವಹಿವಾಟು ಮುಂತಾದವುಗಳ ತೊಂದರೆ ಇಲ್ಲ.
ಭಾರತೀಯ ರಿಸರ್ವ್ ಬ್ಯಾಂಕ್ ಈ ಪದ್ಧತಿಗೆ ಬೇಕಾದ ಎಲ್ಲಾ ಅಗತ್ಯ ಕ್ರಮ ಜರುಗಿಸುತ್ತಿದೆ. ದೇಶದ ಪ್ರತಿ ಪ್ರಜೆಯೂ ರಾಷ್ಟ್ರೀಕೃತ ಬ್ಯಾಂಕ್ಗಳಲ್ಲಿ ಖಾತೆಯನ್ನು ಹೊಂದಲೇಬೇಕೆಂಬ ಆಶಯ ಅದರದು. ನೆಫ್ಟ್ ಸಿಸ್ಟಮ್ಗೆ ಬ್ಯಾಂಕ್ಗಳ ಐಎ್ಎಸ್ ಮತ್ತು ಎಂಐಸಿಆರ್ ಸಂಖ್ಯೆಗಳು ಬಹಳ ಮುಖ್ಯ. ಈ ಸಂಖ್ಯೆಗಳು ಬ್ಯಾಂಕ್ನ ಶಾಖೆಯನ್ನು ತಿಳಿಸುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತವೆ. ಪ್ರಸ್ತುತ ಕೆಲವೇ ಬ್ಯಾಂಕ್ಗಳು ಈ ಪದ್ಧತಿಯನ್ನು ಅಳವಡಿಸಿಕೊಂಡಿವೆ. ಗ್ರಾಮೀಣ ಬ್ಯಾಂಕ್ಗಳು ಕೂಡಾ ಈ ವ್ಯವಸ್ಥೆಯನ್ನು ಅಳವಡಿಸಿಕೊಳ್ಳುವ ಯೋಜನೆಯಲ್ಲಿವೆ. ಕಾಲಕ್ರಮೇಣ ಎಲ್ಲಾ ಸಹಕಾರಿ, ಗ್ರಾಮೀಣ ಬ್ಯಾಂಕ್ಗಳು ಈ ವ್ಯವಸ್ಥೆಯತ್ತ ಹೆಜ್ಜೆ ಹಾಕಬಹುದು.
ಹಣ ವರ್ಗಾವಣೆ ಹೇಗೆ?:
ನಿಮ್ಮ ಖಾತೆಯಿಂದ ಬೇರೆ ಖಾತೆಗೆ ಹಣ ವರ್ಗಾಹಿಸುವ ವೇಳೆ ನೀವು ನಿಮ್ಮ ಖಾತೆಯಿರುವ ಬ್ಯಾಂಕ್ಗೆ ಹೋಗಿ ಅಲ್ಲಿ ನಿಗದಿತ ಅರ್ಜಿ ನಮೂನೆ ಪಡೆಯಿರಿ. ಅದರಲ್ಲಿ ಯಾರಿಗೆ ಹಣ ವರ್ಗಾಯಿಸಬೇಕೋ ಅವರ ಹೆಸರು, ಅಕೌಂಟ್ ನಂಬರ್, ಬ್ಯಾಂಕ್ ಶಾಖೆ ಕೋಡ್ (ಇಂಡಿಯನ್ ಫೈನಾನ್ಶಿಯಲ್ ಸಿಸ್ಟಮ್ ಕೋಡ್)ನ್ನು ಮತ್ತು ವರ್ಗಾಯಿಸಬೇಕಾದ ಹಣದ ಮೊತ್ತವನ್ನು ನಮೂದಿಸಬೇಕು. ಪ್ರತಿ ಬ್ಯಾಂಕಿನ ಪ್ರತಿ ಶಾಖೆಗೆ ಒಂದೊಂದು ಕೋಡ್ ಸಂಖ್ಯೆ ಇರುತ್ತದೆ. ಇದನ್ನು ಇದೀಗ ಪಾಸ್ ಬುಕ್ನಲ್ಲಿ ನಮೂದಿಸಿರುತ್ತಾರೆ. ಇಲ್ಲವೇ ಚೆಕ್ಬುಕ್ನಲ್ಲಿ  ಐಎ್ಸಿ ಸಂಖ್ಯೆ ಮತ್ತು ಚೆಕ್ ಸಂಖ್ಯೆಯ ಮುಂಭಾಗ ಎಂಐಸಿಆರ್ ಸಂಖ್ಯೆಯನ್ನು ನಮೂದಿಸಿರುತ್ತಾರೆ. ಹೆಚ್ಚಿನ ಮಾಹಿತಿಗಾಗಿ ಡಬ್ಲುಡಬ್ಲುಡಬ್ಲು.ಆರ್ಬಿಐ.ಆರ್ಗ್ ವೆಬ್ಸೈಟ್ನ್ನು ನೋಡಬಹುದು. ಹಣ ವರ್ಗಾವಣೆ ಮಾಡುವ ಬ್ಯಾಂಕ್ ಈ ವರ್ಗಾವಣೆಯ ವಿವರಗಳನ್ನು ಆರ್ಬಿಐಯ ಮಂಬಯಿ ಶಾಖೆಯ ಕ್ಲಿಯರಿಂಗ್ಗೆ ಕಂಪ್ಯೂಟರ್ನ ತಂತ್ರಜ್ಞಾನದ ಮೂಲಕ ವಿದ್ಯುನ್ಮಾನದಲ್ಲಿ ತಿಳಿಸುತ್ತದೆ.
ಆರ್ಬಿಐ ಕೂಡಲೇ ತನ್ನ ಸಂದೇಶವನ್ನು ಹಣ ವರ್ಗಾವಣೆ ಮಾಡಬೇಕಾದ ಶಾಖೆಗೆ ವಿದ್ಯುನ್ಮಾನದಲ್ಲಿ ತಿಳಿಸುತ್ತದೆ. ಕೂಡಲೇ ಜಮೆಯಾಗಬೇಕಾದ ಶಾಖೆಯ ಖಾತೆಗೆ ಹಣ ಆತನ ಎಲ್ಲಾ ವಿವರ ಸರಿ ಇದೆಯೇ, ಇಲ್ಲವೋ ಎಂಬುದನ್ನು ಪರಿಶೀಲಿಸಿ ಜಮೆ ಮಾಡಲಾಗುವುದು. ಖಾತೆಯ ಸರಿಯಾದ ವಿವರ ಇಲ್ಲದಿದ್ದರೆ, ತಪ್ಪು ಮಾಹಿತಿ ಬಂದಿದ್ದರೆ ಅದನ್ನು ಪುನಃ ಹಿಂತಿರುಗಿಸುವ ವ್ಯವಸ್ಥೆ ಮಾಡಲಾಗುತ್ತದೆ.
ಈ ನ್ಟೆ ಪದ್ಧತಿಯಲ್ಲಿ ತಗಲುವ ವೆಚ್ಚ ತುಂಬಾ ಕಡಿಮೆ. 1 ಲಕ್ಷ ರೂ. ವರ್ಗಾವಣೆ ಮಾಡುವುದಕ್ಕೆ ತಗಲುವ ವೆಚ್ಚ 5 ರೂ. ಮತ್ತು ತೆರಿಗೆ ಅಷ್ಟೇ. 2 ಲಕ್ಷ ರೂ.ಗೂ ಮಿಕ್ಕಿದ ಹಣ ವರ್ಗಾವಣೆಗೆ 25 ರೂ.ಪಾವತಿಸಿದರೆ ಸಾಕು. ಕೆಲವು ಬ್ಯಾಂಕುಗಳು ಈ ಸರ್ವಿಸ್ ಚಾರ್ಜನ್ನೂ ಪಡೆಯುವುದಿಲ್ಲ.
ಸುರಕ್ಷಿತ ವ್ಯವಸ್ಥೆ:
ಯಾವುದಾದರೂ ತಾಂತ್ರಿಕ ಸಮಸ್ಯೆಗಳಿಂದ ಹಣ ವರ್ಗಾವಣೆಯಾಗದೆ ಇದ್ದ ಪಕ್ಷದಲ್ಲಿ ಕಳುಹಿಸಿದವರ ಖಾತೆಗೆ ಹಣ ಮರು ಜಮೆಯಾಗುವ ವ್ಯವಸ್ಥೆ ಇಲ್ಲಿದೆ. ಖಾತೆದಾರನ ಹೆಸರು, ಇನಿಶಿಯಲ್ ಲೆಟರ್, ತಂದೆಯ ಹೆಸರು, ಖಾತೆ ಸಂಖ್ಯೆ ವ್ಯತ್ಯಾಸ ಕಂಡು ಬಂದರೆ ಇಲ್ಲವೆ ಖಾತೆ ಆ್ಯಕ್ಟಿವ್ ಆಗಿರದೆ ಇದ್ದರೆ ಹಣ ಜಮೆಯಾಗದೆ ಹಿಂದಕ್ಕೆ ಬರುತ್ತದೆ. ಹಣ ಪಡೆಯುವವರು ಡಿ.ಡಿ, ಚೆಕ್ ಪಡೆಯುವ,ಅಂಚೆ ಮೂಲಕ ಹಣ ಕಳುಹಿಸುವ ಪ್ರಮೇಯವೇ ಇಲ್ಲ. ಡಿ.ಡಿ., ಚೆಕ್ ಹಿಡಿದು ಬ್ಯಾಂಕ್ಗೆ ಹೋಗಿ ಬರುವ ಸಮಯಾವಕಾಶ ಉಳಿಯುತ್ತೆ. ಡಿ.ಡಿ., ಚೆಕ್ ಹರಿದು ಹೋಗುವ, ಹಾಳಾಗುವ, ಮೋಸ, ವಂಚನೆ, ಕಳ್ಳತನವಾಗುವ, ಕರೆಕ್ಷನ್ ಅಗಿದೆ ಎನ್ನುವ ಭಯ ದಾವುದೂ ಇಲ್ಲಿಲ್ಲ. ಈ ಸಿಸ್ಟಮ್ನಲ್ಲಿ ಆನ್ಲೈನ್ (ನೆಟ್) ಸಿಸ್ಟಮ್ನಲ್ಲೇ ಮನೆಯಲ್ಲೂ ವ್ಯವಹಾರ ಮಾಡಬಹುದು.
ಹಾಗಾಗಿ, ಎಲ್ಐಸಿ ಕ್ಲೈಮ್ ಸೆಟ್ಲ್ಮೆಂಟ್, ಬೋನಸ್, ಸ್ಕಾಲರ್ಶಿಫ್, ಪ್ರಾವಿಡಂಟ್ ಂಡ್, ಕೃಷಿ ಪರಿಹಾರ ಧನ, ಸಬ್ಸಿಡಿ ಹಣ, ಇಲಾಖೆಗಳ ಪರಿಹಾರ ಎಲ್ಲವೂ ಈಗ ಈ ಸಿಸ್ಟಮ್ ಮೂಲಕವೇ ಹಣ ಪಾವತಿಸುತ್ತವೆ.

ಮೊಬೈಲ್ಗೆ ಬರುತ್ತಿದೆ ಪಾಕ್ ಕರೆ, ಎಚ್ಚರವಿರಲಿ.


ಅನೇಕರ ಮೊಬೈಲ್ಗೆ ಅಪರಾತ್ರಿಯಲ್ಲಿ ಪಾಕಿಸ್ತಾನದ ದೂರವಾಣಿ ಸಂಖ್ಯೆಯಿಂದ ಕರೆಗಳು ಬರುತ್ತಿವೆ. ವಿವಿಧ ಅಂತಾರಾಷ್ಟ್ರೀಯ ನಂಬರ್ಗಳಿಂದ ಕರೆ ಮಾಡಿ ಜನರನ್ನು ವಂಚನೆಯ ಜಾಲಕ್ಕೆ ಸಿಲುಕಿಸುತ್ತಿದ್ದಾರೆ. +34, +35, +37 ರಿಂದ ಪ್ರಾರಂಭವಾಗುವ ಅನೇಕ ಸಂಖ್ಯೆಗಳಿಂದ ಪದೇ ಪದೇ ಕಿರಿ ಕಿರಿಯಾಗುವಷ್ಟು ಕರೆ ಬರುತ್ತಿದೆ. +37282010024 ಇಂತಹ ಸಂಖ್ಯೆಯ ಕರೆ ಅಪರಾತ್ರಿಯಲ್ಲಿ ಬರುತ್ತಿದೆ. ಇಂತಹ ಕರೆಗಳು ಬಂದರೆ ಸ್ವೀಕರಿಸಬೇಡಿ ಎಂದು ದೂರವಾಣಿ ಸಂಸ್ಥೆಗಳು ಮನವಿ ಮಾಡಿ ಸಂದೇಶ ಕಳುಹಿಸುತ್ತಿವೆಯಾದರೂ, ಕೆಲವರು ಮಿಸ್ ಕಾಲ್ ಇದೆ ಎಂದು ಮರಳಿ ಕರೆ ಮಾಡಿ ನೂರಾರು ರೂ.ಗಳ ಕರೆನ್ಸಿ ಕಳೆದುಕೊಂಡಿದ್ದಾರೆ.
ಇಂತಹ ಸಂಖ್ಯೆಯ ಕರೆ ಸ್ವೀಕರಿಸಿದರೆ ನಮ್ಮ ಸಂಖ್ಯೆಯ ಕುರಿತಾದ ಎಲ್ಲಾ ವಿವರಗಳನ್ನು ಕರೆ ಮಾಡಿದವರು ಸಂಗ್ರಹಿಸುತ್ತಾರೆ. ಆಗ ನಮ್ಮ ನಂಬರ್ ನಮ್ಮಲ್ಲಿದ್ದರೂ ಅವರದ್ದಾಗುತ್ತದೆ. ನಮಗೆ ಅರಿವಿಲ್ಲದಂತೆ ನಮ್ಮ ನಂಬರ್ನ್ನು ಅವರು ಉಪಯೋಗಿಸುತ್ತಾರೆ. ಭಯೋತ್ಪಾದನಾ ಕೃತ್ಯಗಳಿಗೆ ಬಳಸುವ ಸಾಧ್ಯತೆಯೂ ಇದೆ. ಇಂತಹ ಕೃತ್ಯಗಳಿಗೆ ದುಷ್ಕರ್ಮಿಗಳು ಒಂದು ಹ್ಯಾಕಿಂಗ್ ಸಾಪ್ಟ್ವೇರ್ ಉಪಯೋಗಿಸುತ್ತಾರೆ.
ಸಾಫ್ಟ್ವೇರ್ ಬಳಸಿ ಬಲ್ಕ್ ಕರೆಗಳನ್ನು ಮಾಡುತ್ತಾರೆ. ಉಗ್ರರು ಆ ಸಾಫ್ಟ್ವೇರ್ ಬಳಸಿ ಧ್ವನಿ ಮುದ್ರಿತ ಕರೆಗಳನ್ನು ಒಂದೇ ಸಮನೆ ಸಗಟಾಗಿ ಸಾವಿರಾರು ನಂಬರ್ಗಳಿಗೆ ಕರೆ ಮಾಡುತ್ತಾರೆ. ಎಲ್ಲವೂ ಸ್ವಯಂಚಾಲಿತವಾಗಿರುತ್ತದೆ. ಕಂಪ್ಯೂಟರ್, ಸಾಫ್ಟ್ವೇರ್ ಮೂಲಕ ನೂತನ ತಂತ್ರಜ್ಞಾನ ಬಳಸಿ ಇಂತಹ ಕತ್ಯ ಎಸಗುತ್ತಿದ್ದಾರೆ. ಬಿಎಸ್ಎನ್ಎಲ್, ಏರ್ಟೆಲ್ ಮೊದಲಾದ ಸಂಸ್ಥೆಗಳು ತಮ್ಮ ಗ್ರಾಹಕರಿಗೆ ಈ ಬಗ್ಗೆ ಎಸ್ಎಂಎಸ್ ಅನ್ನು ರವಾನೆ ಮಾಡುತ್ತಿವೆ. +91 ಹೊರತುಪಡಿಸಿ ಇತರ ಸಂಖ್ಯೆಯಿಂದ ಆರಂಭವಾಗುವ ಕರೆಗಳನ್ನು ಸ್ವೀಕರಿಸಬೇಡಿ ಎಂಬ ಎಚ್ಚರಿಕೆಯನ್ನೂ ನೀಡಿವೆ. ಅಲ್ಲದೇ ಯಾರಾದರೂ ಅಪರಿಚಿತರು ಕರೆ ಮಾಡಿ ಮೊಬೈಲ್ ಸ್ವಿಚ್ ಆಫ್ ಮಾಡಲು ತಿಳಿಸಿದರೆ ದಯವಿಟ್ಟು ಮಾಡಬೇಡಿ. ಒಂದು ವೇಳೆ ಸ್ವಿಚ್ ಆಫ್ ಮಾಡಿದರೆ ನಮ್ಮ ಮೊಬೆಲ್ ಹ್ಯಾಕರ್ಗಳ ಕೈವಶವಾಗುತ್ತದೆ ಎಂದೂ ವಿವರಿಸಲಾಗಿದೆ. ಇಷ್ಟಾಗಿಯೂ ಅಮಾಯಕರು ಬಲಿಪಶುಗಳಾಗುತ್ತಿದ್ದಾರೆ.
ಕೆಲ ಕರೆಗಳು ನಾವು ಗ್ರಾಹಕ ಸೇವಾ ಕೇಂದ್ರದಿಂದ ಕರೆ ಮಾಡುತ್ತಿದ್ದೇವೆ. ಹಬ್ಬದ ಪ್ರಯುಕ್ತ ನಿಮಗೆ ವಿಶೇಷ ಕೊಡುಗೆ ಇದೆ. ನಿಮ್ಮ ಮೊಬೆಲ್ನಲ್ಲಿ ಈ ಸಂಖ್ಯೆಗಳನ್ನು ಒತ್ತಿ ನಿಮಗೆ ಬೋನಸ್ ರೀಚಾರ್ಜ್ ಸಿಗುತ್ತದೆ ಎಂದು ನಿರ್ದಿಷ್ಟ ಸಂಖ್ಯೆಗಳನ್ನು ಒತ್ತಲು ತಿಳಿಸುತ್ತಾರೆ. ಅಂತಹ ಕರೆಗಳಲ್ಲಿ ತಿಳಿಸುವ ಸಂಖ್ಯೆಗಳನ್ನು ಒತ್ತಲು ಮುಂದಾಗಬೇಡಿ. ಒತ್ತಿದಿರಿ ಎಂದಾದರೆ ನಿಮ್ಮ ಮೊಬೆಲ್ನಲ್ಲಿದ್ದ ಉಳಿತಾಯದ ಕರೆನ್ಸಿ ಕಡಿತವಾಗುತ್ತದೆ.
ಕೇವಲ ಮೊಬೆಲ್ ಸಂಖ್ಯೆ ಮಾತ್ರ ದುಷ್ಕರ್ಮಿಗಳ ಕೆವಶವಾಗದೆ ನಮ್ಮ ಮೊಬೆಲ್ ಸಂಖ್ಯೆ, ಯಾರ ಹೆಸರಲ್ಲಿದೆ, ನಮ್ಮ ವಿವರ, ನಮ್ಮ ಭಾವಚಿತ್ರ, ಐ.ಡಿ ಕಾರ್ಡ್ ಅವರಿಗೆ ದೊರೆಯುತ್ತದೆ. ಅದನ್ನು ಅವರು ಪಡೆದು ದುರ್ಬಳಕೆ ಮಾಡಿಕೊಳ್ಳುತ್ತಾರೆ. ನಮ್ಮ ಹೆಸರಲ್ಲಿ ಭಯೋತ್ಪಾದನೆ ನಡೆಸುವ ಸಾಧ್ಯತೆಯೂ ಇದೆ. ಮಹಿಳೆಯರ ನಂಬರ್ ಸಿಕ್ಕರೆ ಅವರಿಗೆ ಪದೇ ಪದೇ ಕರೆ ಮಾಡಿ ಮಾನಸಿಕ ಹಿಂಸೆ ನೀಡಬಹುದು.
ಸಾಧಾರಣವಾಗಿ ಸಾಮಾಜಿಕ ತಾಣಗಳಲ್ಲಿ ಬಹಿರಂಗವಿರುವ ಮೊಬೆಲ್ ನಂಬರ್ಗಳನ್ನು ಉಗ್ರರು ಗುರಿಯಾಗಿಸಿಕೊಂಡಿದ್ದಾರೆ. ರೋಬೋಟ್ ತಂತ್ರಜ್ಞಾನದ ಮೂಲಕ ನಂಬರ್ಗಳನ್ನು ಸುಲಭವಾಗಿ ಪತ್ತೆ ಹಚ್ಚಿ ಕರೆ ಮಾಡುತ್ತಾರೆ. ಕೆಲ ತಿಂಗಳ ಹಿಂದೆಯಷ್ಟೆ ಖದೀಮರು ಮಾಲ್ವೇರ್ ವೆರಸ್ ಅಂತರ್ಜಾಲದಲ್ಲಿ ಹರಿಯುವಂತೆ ಮಾಡಿ 64,000 ಕ್ಕೂ ಹೆಚ್ಚು ಕಂಪ್ಯೂಟರ್ ಹಾಳುಗೆಡವಿದ್ದರು. ಇಂತಹ ಅನೇಕ ಪಿತೂರಿಗಳನ್ನು ಉಗ್ರರು ನಡೆಸುತ್ತಿದ್ದಾರೆ. ಆದ್ದರಿಂದ ಫೇಸ್ಬುಕ್ನಂತಹ ಜಾಲತಾಣದಲ್ಲಿ ಸಂಖ್ಯೆ ನೀಡುವಾಗ ಎಚ್ಚರವಿರಲಿ. ಅಂತರ್ಜಾಲ, ಮೊಬೈಲ್ ಬಳಕೆ ಮೇಲೆ ನಿಯಂತ್ರಣವಿರಲಿ.

ಸಪ್ತಪದಿಗೆ ಹೊಸ ಹೆಜ್ಜೆಯತ್ತ ವಧುಗಳು


ಸುಳ್ಯದ ಕಶ್ಯಪ್ ಯುವ ಬ್ರಾಹ್ಮಣ ವೇದಿಕೆ ಹಾಕಿಕೊಂಡ ಸಪ್ತಪದಿ ಹಾದಿಯಲ್ಲಿ ಹೊಸ ಹೆಜ್ಜೆಗೆ ಉತ್ತರ ಭಾರತ ಹಾಗೂ ಕರ್ನಾಟಕದ ವಧುಗಳು ಹೆಜ್ಜೆ ಹಾಕಲು ಮನ ಮಾಡಿದ್ದಾರೆ.
ಬ್ರಾಹ್ಮಣ ಯುವಕರಿಗೆ ಅದರಲ್ಲೂ ಪುರೋಹಿತ, ಕೃಷಿಕ, ಅಡುಗೆ, ವ್ಯಾಪಾರಸ್ಥರಿಗೆ ಹುಡುಗಿ ಕೊಡಲು ಹಿಂದೇಟು ಹಾಕುತ್ತಿದ್ದು, ಸಾವಿರಾರು ಮಂದಿ ವಿವಾಹವಾಗದೆ ಉಳಿದಿದ್ದಾರೆ. ಈ ಜ್ವಲಂತ ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳಲು ಸುಳ್ಯದ ಕಶ್ಯಪ ಯುವ ಬ್ರಾಹ್ಮಣ ವೇದಿಕೆ ಮುಂದಾಗಿ ಕಾರ್ಯಪ್ರವೃತ್ತವಾಗಿತ್ತು. ಈ ನಿಟ್ಟಿನಲ್ಲಿ ಸಮಾಲೋಚನಾ ಸಭೆ ವಧು-ವರರ ನೋಂದಣಿ ಮಾಡಿಕೊಳ್ಳಲಾಗಿತ್ತು. ಸುಮಾರು 400ಕ್ಕೂ ಹೆಚ್ಚು ಮಂದಿ ಯುವಕರು ವಿವಾಹಾಪೇಕ್ಷೆ ಬಯಸಿ ವೇದಿಕೆಗೆ ಅರ್ಜಿ ಹಾಕಿದ್ದರು.
ಕಾಶ್ಮೀರಿ ಬ್ರಾಹ್ಮಣ ಯುವತಿಯರು, ದೆಹಲಿ, ಹರಿದ್ವಾರ, ಡೆಹರಾಡೂನ್ ಮೊದಲಾದೆಡೆಯಿರುವ ಯುವತಿಯರತ್ತ ಹುಡುಕಾಟ ಆರಂಭಿಸಲಾಯಿತು. ಅಲ್ಲಿಯ ಕೆಲವು ಸಂಘಟನೆಗಳ ಜೊತೆ ಮಾತುಕತೆ ನಡೆಯಿತು. ಹಲವಾರು ಮಂದಿ ಮಾರ್ಗದರ್ಶನ ನೀಡಿದರು. ಉತ್ತರ ಭಾರತದ ಒಂದು ಸಂಘಟನೆ ಇಲ್ಲಿನ ವೇದಿಕೆಯೊಂದಿಗೆ ಸ್ಪಂದಿಸಿ 10 ಯವತಿಯರನ್ನು ವಿವಾಹ ಮಾಡಿಕೊಡಲು ಮುಂದೆ ಬಂದಿದೆ. ಮುಂದಿನ ಹಂತದಲ್ಲಿ ಇಲ್ಲಿನ 10 ಯುವಕರನ್ನು ಅಲ್ಲಿಗೆ ಕರೆದುಕೊಂಡು ಹೋಗಿ ಮುಖಾಮುಖಿ ಮಾಡಿಸಲಾಗುವುದು ನಂತರದ ದಿನಗಳಲ್ಲಿ ಮುಂದಿನ ಹೆಜ್ಜೆ .. ..
ಇತ್ತ ಕರ್ನಾಟಕದ ಯುವತಿಯರು ಜಾತಿ-ಬೇಧ ಮರೆತು ವಿಶಾಲ ಮನೋಭಾವನೆ ವ್ಯಕ್ತಪಡಿಸಿ ಬ್ರಾಹ್ಮಣ ಯುವಕರನ್ನು ವಿವಾಹವಾಗಲು ಮುಂದೆ ಬಂದಿದ್ದಾರೆ. ಸಮಾವೇಶದಲ್ಲಿ ಭಾಗವಹಿಸಲು ಮಂಜೇಶ್ವರದಿಂದ ಯುವತಿಯೊಬ್ಬರು ಬಂದಿದ್ದರು. ವರದಕ್ಷಿಣೆ, ವಿವಾಹಕ್ಕೆ ತಗಲುವ ವಿಪರೀತ ಖರ್ಚು ವೆಚ್ಚ ಭರಿಸಲು ಸಾಧ್ಯವಿಲ್ಲ. ಸರಳ ವಿವಾಹದಲ್ಲಿ ಮದುವೆ ಮಾಡಿಕೊಳ್ಳುವುದಾದರೆ ನಾನು ಸಿದ್ಧ ಎಂದಳು ಆ ಯುವತಿ.

ಅಂತೂ ಇಂತೂ ಹೆಮ್ಮನಬೈಲಿಗೆ ಸೇತುವೆ ಮಂಜೂರಾಯ್ತು


ಉತ್ತರ ಕನ್ನಡ ಜಿಲ್ಲೆ ಸಿದ್ದಾಪುರ ತಾಲೂಕಿನ ಸೋವಿನಕೊಪ್ಪ ಗ್ರಾಮ ಪಂಚಾಯತ ವ್ಯಾಪ್ತಿಯ ಹೆಮ್ಮನಬೈಲ್ ಹೊಳೆಯ ಸೇತುವೆ ನಿರ್ಮಾಣಕ್ಕೆ ರಾಜ್ಯ ಸರಕಾರ 1.40 ಕೋಟಿ ರೂ. ಮಂಜೂರು ಮಾಡಿದ್ದು, ಇದರಿಂದ ಈ ಭಾಗದ ಜನತೆಯ ಹಲವು ವರ್ಷಗಳ ಆಗ್ರಹ ಪೂರ್ವಕವಾದ ಬೇಡಿಕೆಗೆ ಫಲ ದೊರೆತಿದೆ.
ತಾಲೂಕು ಕೇಂದ್ರದಿಂದ ಸುಮಾರು 25-30 ಕಿ.ಮೀ. ದೂರದ, ಗ್ರಾಮೀಣ ಪ್ರದೇಶವಾದ ಸೋವಿನಕೊಪ್ಪ ಗ್ರಾ.ಪಂ. ವ್ಯಾಪ್ತಿಗೆ ಸಂಚಾರ ವ್ಯವಸ್ಥೆ ತುಂಬಾ ದುಸ್ತರ. ದಿನದಲ್ಲಿ ಒಂದೋ, ಎರಡೋ ಬಾರಿ ಇರುವ ಬಸ್ ಸಂಚಾರ ಮಳೆಗಾಲದಲ್ಲಿ ಸ್ಥಗಿತಗೊಳ್ಳುವುದೇ ಹೆಚ್ಚು. ಶಾಲಾ-ಕಾಲೇಜುಗಳಿಗೆ ಬರುವ ವಿದ್ಯಾರ್ಥಿಗಳು, ದೈನಂದಿನ ಕೆಲಸ-ಕಾರ್ಯಗಳಿಗೆ ತಾಲೂಕು ಕೇಂದ್ರಕ್ಕೆ ಬರಲೇಬೇಕಾದ ಸಾರ್ವಜನಿಕರು ಇದರಿಂದ ವರ್ಷದ ಹಲವು ದಿನ ಸಿದ್ದಾಪುರ-ಕುಮಟಾ ರಸ್ತೆಯವರೆಗೆ ಸುಮಾರು 6-7 ಕಿ.ಮೀ.ದೂರದವರೆಗೆ ಕಾಲ್ನಡಿಗೆಯಲ್ಲಿ ಬಂದು ಬಸ್ ಹಿಡಿಯಬೇಕಾದ ಸಂದರ್ಭವೇ ಹೆಚ್ಚು. ವೈದ್ಯಕೀಯ ಸೌಲಭ್ಯ, ದಿನಸಿ ಮುಂತಾಗಿ ಅಗತ್ಯಗಳಿಗೆ ಬಿಳಗಿಗೆ ಬರಬೇಕಿದ್ದು ಹೊಳೆಯ ಕಾರಣದಿಂದ ಸುಮಾರು 10 ಕಿ.ಮೀ. ಸುತ್ತು ಬಳಸಿ ಬರಬೇಕು. ಬಿಳಗಿಯಿಂದ ಹೆಮ್ಮನಬೈಲ್ ಹೊಳೆಯವರೆಗೆ ಡಾಂಬರ್ ರಸ್ತೆಯಾಗಿದ್ದು ಹೊಳೆಗೆ ಸೇತುವೆಯಾದರೆ ವಾಹನ ಸಂಚಾರಕ್ಕೆ ಅನುಕೂಲವಾಗುತ್ತದೆ.
ಹೆಮ್ಮನಬೈಲ್ ಹೊಳೆಗೆ ಸೇತುವೆ ನಿರ್ಮಿಸಬೇಕೆಂದು ಹಲವು ವರ್ಷಗಳಿಂದ ಈ ಭಾಗದ ಜನ ಸರಕಾರವನ್ನು ಆಗ್ರಹಿಸುತ್ತಲೇ ಬಂದಿದ್ದರು. ಜನರ ಅಗತ್ಯವನ್ನು ಗಮನಿಸುವ, ತಾವಾಗಿಯೇ ಮುಂದಾಗಿ ಜನತೆಯ ಸಮಸ್ಯೆಗಳನ್ನು ಪರಿಹರಿಸಲು ಮುಂದಾಗುವ ಮನೋಭಾವವಿಲ್ಲದ ಜನಪ್ರತಿನಿಗಳೆದುರು ಇದು ಅರಣ್ಯರೋದನವಾಗಿತ್ತು. ಆದರೂ ಛಲ ಬಿಡದ ಇಲ್ಲಿನ ಜನತೆ ತಮ್ಮ ಆಗ್ರಹವನ್ನು ಮುಂದುವರಿಸಿದ್ದಕ್ಕೆ ಈಗ ಪ್ರತಿಫಲ ದೊರಕಿದಂತಾಗಿದೆ. ತಾ.ಪಂ. ಉಪಾಧ್ಯಕ್ಷ ಪ್ರಸನ್ನ ಹೆಗಡೆ ಸೇರಿದಂತೆ ಈ ಭಾಗದ ಹಲವು ಜನಪ್ರತಿನಿಗಳ ನಿರಂತರ ಪ್ರಯತ್ನ ಫಲ ನೀಡಿದೆ. ಜಿಲ್ಲಾ ಉಸ್ತುವಾರಿ ಸಚಿವರು ಸೇತುವೆ ಮಂಜೂರಿ ಮಾಡಿದ್ದು, ಇದರಿಂದಾಗಿ ಗ್ರಾಮೀಣ ಭಾಗದ ಸಂಚಾರ ವ್ಯವಸ್ಥೆಗೆ ಅನುವು ಕಲ್ಪಿಸಿದಂತಾಗಿದೆ.

ಮನ ಮಿಡಿಯಿತು ಕೃಷಿಯತ್ತ, ವಿಮುಖವಾಯಿತು ನಗರದಿಂದ ಚಿತ್ತ


ಗಂಡನಿಗೆ ತಿಂಗಳಿಗೆ 75 ಸಾವಿರ ಸಂಬಳ, ಹೆಂಡತಿಗೆ 50 ಸಾವಿರ... ಕನಸಿನ ನಗರಿ ಬೆಂಗಳೂರಿನಲ್ಲಿ ಬದುಕು ಕಂಡುಕೊಳ್ಳಲು ಧಾರವಾಡದಿಂದ ಖುಷಿಯಿಂದ ಹೋಗಿದ್ದರು ಈ ದಂಪತಿ. ಆದರೆ ನಾಲ್ಕೆ ವರ್ಷ. ನಗರೀಕರಣದ ಯಾಂತ್ರಿಕ ಬದುಕು ಇವರನ್ನು ರಸ ಹೀರಿದ ಕಬ್ಬಿನಂತೆ ಮಾಡಿಬಿಟ್ಟಿತು. ಕೊನೆಗೆ ಆರೋಗ್ಯವೂ ಕೈ ಕೊಟ್ಟಿತು. ಆಗ ನೆನಪಾಗಿದ್ದು ಅಪ್ಪನ ಕೃಷಿ ಭೂಮಿ.
ನಿಜವಾದ ಬದುಕು ಅಂದ್ರೆ ಏನು ಎಂಬ ಅರಿವು ಈಗ ಆಗಿದೆ ಎಂದು ಶುಭಾ ರಾಜಶ್ರೀ ವಿಭೂತಿ ಹೇಳುವಾಗ ಅವರ ಕಣ್ಣಿನಲ್ಲಿ ಕೃಷಿ ಸಾಮ್ರಾಜ್ಯ ವಿಸ್ತರಿಸುವ ತವಕವಿತ್ತು. ಓದಿದ್ದು ಪದವಿ ವರೆಗೆ ಮಾತ್ರ. ಆದರೆ ಇಂಗ್ಲಿಷ್ ಭಾಷೆಯಿಂದಾಗಿ ವಿದೇಶಿ ಟೆಲಿಕಾಂ ಕಂಪನಿಯೊಂದರಲ್ಲಿ ಉತ್ತಮ ಹುದ್ದೆಯಲ್ಲಿ ಕೆಲಸ. ತಿಂಗಳ ಸಂಬಳ 50 ಸಾವಿರ ರೂ. ಆದರೆ ನೆಮ್ಮದಿ ಇರಲಿಲ್ಲ. ಮುಂಜಾವಿನ ಸೂರ್ಯೋದಯ, ಸಂಜೆಯ ಚಂದ್ರನುದಯ ಯಾವುದೂ ಇವರ ಜೀವನಕ್ಕೆ ಸಂಬಂಧಪಟ್ಟ ವಿಷಯವಾಗಿ ಉಳಿಯಲಿಲ್ಲ. ಅಲ್ಲೇನಿದ್ದರೂ ಬರೀ ದುಡಿತ, ದುಡಿತ, ದುಡಿತ..!
ವಿದೇಶಿ ಮೂಲದ ಖಾಸಗಿ ಟೆಲಿಕಾಂ ಕಂಪನಿಯೊಂದರಲ್ಲಿ ಗ್ರಾಹಕ ಸಂಬಂಧದ ವ್ಯವಸ್ಥಾಪಕಿಯಾಗಿದ್ದ ಶುಭಾ ಅವರ ದಿನಚರಿ ಅವರನ್ನು ಹಿಂಡಿ ಹಿಪ್ಪೆ ಮಾಡಿತ್ತು. ಬೆಳಗ್ಗೆ ಎದ್ದು ಮನೆಕೆಲಸ ಮಾಡಿಕೊಂಡು ಎಂಟು ಗಂಟೆಗೆ ಆಫೀಸು ತಲುಪಬೇಕು. ರಾತ್ರಿ 10:00 ಗಂಟೆ ವರೆಗೆ ಬಿಟ್ಟೂ ಬಿಡದ ಕೆಲಸ. ಹಬ್ಬಗಳೋ ಕನಸಿನಲ್ಲಿಯೇ ಆಚರಣೆ, ನಮ್ಮ ತಿನಿಸು, ತಿಂಡಿಗಳನ್ನು ನೆನೆಪಿಸಿಕೊಳ್ಳುವುದಷ್ಟೆ. ವಾರದ ರಜೆಯಲ್ಲಿ ಸುಸ್ತು, ಅಡುಗೆ ಮಾಡಿ ತಿನ್ನುವುದಕ್ಕೂ ಮನಸ್ಸಿಲ್ಲದಂತೆ ಕಚೇರಿಯ ದೂರವಾಣಿ ಕರೆಗಳು, ಸಾಲದ್ದಕ್ಕೆ ಸಣ್ಣ ತಪ್ಪಿಗೆ ಬಾಸ್ಗಳ ಕಿರಿಕಿರಿ.
ಇವರ ಬದುಕು ಇಂತಿದ್ದರೆ ಪತಿ ರಾಜೇಶ್ ಬ್ಯಾಂಕಿಂಗ್ ಕ್ಷೇತ್ರದಲ್ಲಿ ಉತ್ತಮ ಸಾಧನೆ ಮಾಡಿದ ವ್ಯಕ್ತಿ. ತಿಂಗಳಿಗೆ 75 ಸಾವಿರ ರೂ., ಸಂಬಳ. ಬೆಂಗಳೂರಿನಲ್ಲಿ ಮನೆ, ಕಾರು ಆಳು-ಕಾಳು ಎಲ್ಲವೂ ಓಕೆ. ಆದರೆ ವೈಯಕ್ತಿಕ ಜೀವನ ಸಾಧನೆ ಮಾತ್ರ ಶೂನ್ಯ ಎನ್ನಿಸಿತು ಅವರಿಗೆ. ಅಷ್ಟೇ ಅಲ್ಲ, ಕೆಲಸದ ಒತ್ತಡದಿಂದಾಗಿ ಆರೋಗ್ಯ ಕೈ ಕೊಟ್ಟಿತು. ಒತ್ತಡದ ಬದುಕು ಮತ್ತು ಯಾಂತ್ರಿಕ ಜೀವನ ಶೈಲಿಯಿಂದಾಗಿ ಬದುಕು ದುಸ್ತರ ಎನಿಸಿತು. ಕೂಡಲೇ ದಂಪತಿ ಗಮನ ಹೊರಳಿದ್ದು ಕೃಷಿಯತ್ತ, ಅರ್ಥಾತ್ ಮರಳಿ ಮಣ್ಣಿನತ್ತ.
ಕೃಷಿಯಲ್ಲಿ ಏನಿದೇ ಎಂದು ಪ್ರಶ್ನಿಸುವವರಿಗೆ ಬೆಂಗಳೂರಿನಲ್ಲಿ ಕೆಲಸ ಮಾಡಲು ಬಿಡಬೇಕು. ನಂತರ ಅವರಿಗೆ ತಿಳಿಯುತ್ತೆ ಕೃಷಿಯೇ ಎಲ್ಲದಕ್ಕೂ ಮೂಲ ಎಂಬುದು. ಮಲ್ಟಿನ್ಯಾಷನಲ್ ಕಂಪನಿಗಳ ನೀಲಿ ಗಾಜಿನ ಕಟ್ಟಡದಲ್ಲಿ ಕುಳಿತು ಕಂಪ್ಯೂಟರ್ ಎಂಬ ಹುಚ್ಚನೊಂದಿಗೆ ವ್ಯವರಿಸಿ ಸುಸ್ತಾದವರಿಗೆ ಈ ದಂಪತಿ ಮಾತ್ರ ಕೃಷಿಯಲ್ಲಿ ತೊಡಗಿಕೊಳ್ಳುವಂತೆ ಸಲಹೆ ನೀಡುತ್ತಾರೆ.
ಶುಭಾ ವಿಭೂತಿ ದಂಪತಿಗೆ ಹಿರಿಯರ ಕಾಲದ ಕೃಷಿ ಭೂಮಿ ಇದೆ. ಧಾರವಾಡ-ಅಳ್ನಾವರ ರಸ್ತೆಯಲ್ಲಿರುವ ಹೊನ್ನಾಪುರ ಗ್ರಾಮದ ಸಮೀಪದಲ್ಲಿ ಈ ಜಮೀನಿದೆ. ಮಕ್ಕಳು ಉನ್ನತ ವ್ಯಾಸಂಗ ಮಾಡಿ ಬೆಂಗಳೂರು, ಮುಂಬೈ ಸೇರಿಕೊಂಡ ಬಳಿಕ ಇದನ್ನು ನೋಡಿಕೊಳ್ಳುವವರು ಇಲ್ಲದಾಗಿತ್ತು. ಉನ್ನತ ವ್ಯಾಸಂಗ ಮಾಡಿದ ಎಲ್ಲರಿಗೂ ಮೊದಮೊದಲು ಜಮೀನು, ತೋಟ ಇಷ್ಟವಾಗುವುದಿಲ್ಲ. ಆಗೇನಿದ್ದರೂ ಲಕ್ಷ ಸಂಬಳದ ಗುರಿ ಕಾಡುತ್ತಿರುತ್ತದೆ.
ಆದರೆ ಕೃಷಿ ಮಾಡುವುದಾಗಿ ನಿರ್ಧರಿಸಿದ ದಂಪತಿ ಕೃಷಿಗೆ ತೊಡಗಿಕೊಳ್ಳುವ ಮುನ್ನ ಮುಂದೇನು ಮಾಡಬೇಕು ಎಂಬುದರ ಪುಟ್ಟ ಸಿದ್ಧತೆ ಮಾಡಿಕೊಂಡೇ ಬಂದಿದ್ದರು. ಇದರ ಫಲವಾಗಿ ಜಮೀನಿನಲ್ಲಿ ಅಡಿಕೆ, ತೆಂಗು, ಬಾಳೆ, ತೇಗದ ಮರಗಳ ಜೊತೆಗೆ ಮನೆಗೆ ಬೇಕಾಗುವ ಆಹಾರ ಧಾನ್ಯ, ಕಾಯಿಪಲ್ಲೆಗಳನ್ನು ಕೂಡ ಬೆಳೆಯುತ್ತಿದ್ದಾರೆ. ಏಳು ತಿಂಗಳಿನಿಂದ ಸಾವಯವ ಮತ್ತು ಎರೆಹುಳು ಗೊಬ್ಬರವನ್ನು ಕೂಡ ಉತ್ಪಾದಿಸುತ್ತಿದ್ದಾರೆ. ತಿಂಗಳಿಗೆ ಗೊಬ್ಬರದ ಉತ್ಪಾದನೆಯೇ 100 ಕ್ವಿಂಟಲ್. ಇದನ್ನು ಚಿತ್ರದುರ್ಗ, ದಾವಣಗೆರೆ, ಬೈಲಹೊಂಗಲ ಮತ್ತು ಧಾರವಾಡ ಸೇರಿದಂತೆ ಇತರೆಡೆಗಳಿಗೆ ಪೂರೈಕೆ ಮಾಡುತ್ತಾರೆ. ರಾಜ್ಯದಲ್ಲಿ ನಡೆಯುವ ದೊಡ್ಡ ಉತ್ಸವಗಳು, ಕೃಷಿ ಮೇಳಗಳಲ್ಲಿ ಶುದ್ಧ ಆರ್ಗ್ಯಾನಿಕ್ ಎಂಬ ಸಂಸ್ಥೆಯೊಂದನ್ನು ಕಟ್ಟಿಕೊಂಡು ಅಲ್ಲಿ ತಾವು ಉತ್ಪಾದಿಸಿದ ಎರೆಹುಳು ಗೊಬ್ಬರ ಮಾರಾಟ ಮಾಡುತ್ತಿದ್ದಾರೆ.
ಸಂಬಳ ಮತ್ತು ವೃತ್ತಿಕೌಶಲ್ಯದಿಂದ ಹಣ ಗಳಿಕೆ ಮಾಡುವವರಿಗೆ ಬೆಂಗಳೂರು ಖಂಡಿತವಾಗಿಯೂ ಬೃಹತ್ ಭಿತ್ತಿ. ಆದರೆ ಹಣದ ಬೆನ್ನು ಹತ್ತಿದರೆ ನಿಜವಾದ ಬದುಕು ನಡೆಸುವುದು ಸಾಧ್ಯವಿಲ್ಲ ಎಂಬುದು ಈ ದಂಪತಿ ಅನಿಸಿಕೆ. ಸಾಕಷ್ಟು ಓದಿದ ನಂತರ ಒಂದಿಷ್ಟು ಕೆಲಸ ಮಾಡಬೇಕು. ಇತರರಂತೆ ನಾವು ದೊಡ್ಡ ನಗರದಲ್ಲಿ ವಾಸಿಸಬೇಕು ಎಂಬ ಕನಸು ಸಹಜ. ಆದರೆ ಅಲ್ಲಿನ ಬದುಕು ನಮಗೆ ಪಾಠ ಕಲಿಸುತ್ತದೆ. ಅದರಲ್ಲೂ ವಿಶೇಷವಾಗಿ ಮೂಲತಃ ಕೃಷಿ ಕುಟುಂಬ ಮತ್ತು ಅವಿಭಕ್ತ ಕುಟುಂಬದ ಸದಸ್ಯರಿಗೆ ಅಲ್ಲಿನ ಬದುಕು ಹಿಂಸೆಯಾಗಿ ಪರಿವರ್ತನೆಗೊಳ್ಳುತ್ತದೆ ಎಂಬುದು ಇವರ ಸ್ಪಷ್ಟೋಕ್ತಿ.
ಇದೀಗ ರಾಜೇಶ ಅವರ ಆರೋಗ್ಯ ಸುಧಾರಣೆಯಾಗಿದೆ. ನಾವೀಗ ಕೃಷಿಕರು ಎಂದು ಹೇಳಿಕೊಳ್ಳಲು ಹೆಮ್ಮೆ ಪಡುತ್ತೇವೆ. ನಮ್ಮ ಬದುಕಿಗೆ ಇದೀಗ ನಿಜವಾದ ಅರ್ಥ ಬಂದಿದೆ ಎನ್ನುತ್ತಾರೆ ಶುಭಾ ವಿಭೂತಿ. ಜೀವನ ನಡೆಸುವುದಕ್ಕೆ ಹಣಬೇಕು. ಆದರೆ ಹಣ ಗಳಿಸುವುದೇ ಜೀವನದ ಮುಖ್ಯ ಉದ್ದೇಶ ಆಗಬಾರದು. ಕೃಷಿಯಲ್ಲಿ ಬದುಕಿದೆ, ಹೊಲದಲ್ಲಿ ಚಿಗುರು ಬೆಳೆ, ಬೀಸುವ ತಂಗಾಳಿ, ಸುರಿಯುವ ಮಳೆ ಮತ್ತು ಹಕ್ಕಿಪಿಕ್ಕಿಗಳ ಕಲರವ ಮನುಷ್ಯನ ಜೀವನಕ್ಕೆ ಸಾರ್ಥಕತೆಯನ್ನು ತಂದು ಕೊಡಬಲ್ಲದು. ಇದು ದೈತ್ಯ ನಗರದ ಗಗನಚುಂಬಿ ಕಟ್ಟಡಗಳಲ್ಲಾಗಲಿ, ವಿದೇಶಿ ಕಂಪನಿಗಳು ವಿಸುವ ಗುರಿ ತಲುಪುವ ಆಟದಲ್ಲಿ ಸಿಕ್ಕಲಾರದು ಎಂಬುದಕ್ಕೆ ಈ ದಂಪತಿ ಸಾಕ್ಷಿಯಾಗಿದ್ದಾರೆ.

ಔಷ ದುಷ್ಪರಿಣಾಮ, ಖಾಲಿಯಾಗುತ್ತಿದೆ ಅಡಿಕೆ ತೋಟ


ಸುಳ್ಯ ತಾಲೂಕಿನ ಗುತ್ತಿಗಾರು ಗ್ರಾಮದ ಕಮಿಲದ ಪುಚ್ಚಪ್ಪಾಡಿಯ ವಿಶ್ವನಾಥ, ಕೊಳೆರೋಗ ನಿಯಂತ್ರಣಕ್ಕೆ ಇಕೋಮಿನ್ ಎಂಬ ಔಷಯನ್ನು ಸುಳ್ಯದ ಮಾರಾಟ ಪ್ರತಿನಿಯೊಬ್ಬರ ಮೂಲಕ ತಂದು ಸಿಂಪಡಿಸಿದ್ದರು. ಇದರ ಜೊತೆಗೆ ಕಂಪನಿಯ ಮಾರಾಟ ಪ್ರತಿನಿ ಹೇಳಿದ ಮಾದರಿಯಲ್ಲೇ ಅವರೇ ನೀಡಿದ ಅಂಟು ದ್ರಾವಣವನ್ನೂ ಬೆರೆಸಿ ಮೇ ಅಂತ್ಯದಲ್ಲಿ ತೋಟಕ್ಕೆ ಸಿಂಪಡಿಸಿದ್ದರು. ಆದರೆ ತಿಂಗಳು ಕಳೆದ ನಂತರ ಅಡಿಕೆ ಮರದ ಬುಡದಲ್ಲಿ ಕಾಯಿ ಅಡಿಕೆ ಬಿದ್ದಿತ್ತು. ಇದು ವಾತಾವರಣ ಸಹಜ ಪ್ರಕ್ರಿಯೆ ಎಂದು ಸುಮ್ಮನಾಗಿದ್ದರು. ಆದರೆ ಒಂದಷ್ಟು ದಿನ ಕಳೆದ ನಂತರ ಹಲವಾರು ಅಡಿಕೆ ಮರಗಳ ಬುಡದಲ್ಲಿ ಕಾಯಿ ಅಡಿಕೆ ಬಿದ್ದಿರುವುದು ಕಂಡು ಬಂತ್ತು. ಆದರೆ ಆಸುಪಾಸಿನ ಯಾವುದೇ ತೋಟದಲ್ಲಿ ಇಂತಹ ಯಾವುದೇ ಲಕ್ಷಣಗಳು ಕಾಣಿಸಿಕೊಂಡಿರಲಿಲ್ಲ. ಹೀಗಾಗಿ ಇದು ವಾತಾವರಣದ ಪರಿಣಾಮ ಅಲ್ಲ ಎಂಬ ನಿರ್ಧಾರಕ್ಕೆ ವಿಶ್ವನಾಥ ಬಂದರು.
ಫಸಲು ನಷ್ಟವಾಗುತ್ತಿರುವುದನ್ನು ಕಂಡ ಇವರು ಔಷ ಮಾರಾಟ ಮಾಡಿದವರಿಗೆ ತಿಳಿಸಿದಾಗ, ಇದು ವಾತಾವರಣ ಪರಿಣಾಮ ಎಂದು ಉಡಾಫೆಯಿಂದ ಮಾತನಾಡಿದರು. ಔಷ ನೀಡಿದ ಕಂಪನಿಯಾಗಲಿ, ಪರಿಹಾರ ಸೂಚಿಸಲು ಮಾರಾಟ ಪ್ರತಿನಿಯಾಗಲಿ ಬರಲೇ ಇಲ್ಲ. ಈ ನಡುವೆ ಕೆಲವು ಮರಗಳಲ್ಲಿ ಕೊಳೆರೋಗವೂ ಕಾಣಿಸಿಕೊಂಡಿತು.
ಕಾರಣ ನಿಗೂಢ:
ಹೀಗೇ ಎಳೆ ಅಡಿಕೆ ಉದುರಲು ಆರಂಭವಾಗಿ ಎರಡು ತಿಂಗಳಾಗುವಷ್ಟರಲ್ಲಿ ಅಡಿಕೆ ಮರದಲ್ಲಿದ್ದ ಬಹುತೇಕ ಅಡಿಕೆಗಳು ಉದುರಿ, ಈಗ ಕೆಲವು ಅಡಿಕೆ ಮರದಲ್ಲಿ ಒಂದೇ ಒಂದು ಅಡಿಕೆಯೂ ಇಲ್ಲ. ಇನ್ನೂ ಕೆಲವು ಮರಗಳಲ್ಲಿ ಬೆರಳೆಣಿಕೆಯಷ್ಟಿವೆ. ಇದೇ ರೀತಿ ಪರಿಸ್ಥಿತಿ ಮುಂದುವರಿಯುತ್ತಿದ್ದು, ಇನ್ನೂ ನಿಯಂತ್ರಣಕ್ಕೆ ಬಂದಿಲ್ಲ. ಹೀಗಾಗಿ ಇದು ಯಾವುದರಿಂದ ಸಮಸ್ಯೆ ಆರಂಭವಾಗಿದೆ ಎಂಬುದು ಇನ್ನೂ ನಿಗೂಢವಾಗಿದೆ.
ಇಲಾಖೆಯಿಂದಲೂ ವೌನ:
ಕಳೆದ ವರ್ಷ ಅಡಿಕೆಗೆ ಕೊಳೆರೋಗದಿಂದ ವ್ಯಾಪಕ ಹಾನಿ ಸಂಭವಿಸಿತ್ತು. ಹೀಗಾಗಿ ಕೃಷಿಕರಿಗಾಗಿಯೇ ಇರುವ ಕೃಷಿ ಹಾಗೂ ತೋಟಗಾರಿಕಾ ಇಲಾಖೆ ಅಡಿಕೆ ಬೆಳೆಗಾರರಿಗೆ ಸೂಕ್ತ ಮಾಹಿತಿ ಹಾಗೂ ಮಾರ್ಗದರ್ಶನ ನೀಡಬೇಕಾಗಿತ್ತು. ಆದರೆ ಎಂದಿನಂತೆ ಬೋರ್ಡೋ ದ್ರಾವಣಕ್ಕೆ ಕಾಪರ್ ಸಲೆಓಂೀಟ್ ಸಬ್ಸಿಡಿ ದರದಲ್ಲಿ ನೀಡುವುದು ಬಿಟ್ಟರೆ ಬೇರೆ ಯಾವುದೇ ಮಾಹಿತಿಯನ್ನು ನೀಡುತ್ತಿಲ್ಲ ಎಂಬುದು ಅಡಿಕೆ ಬೆಳೆಗಾರರ ಆರೋಪ. ಈಗ ಹಲವು ಕಡೆಗಳಲ್ಲಿ ಅಡಿಕೆ ಉದುರಿ ಇಡೀ ಬೆಳೆಯೇ ನಷ್ಟವಾದ ಸಂದರ್ಭದಲ್ಲಿ ಕೃಷಿ ಹಾಗೂ ತೋಟಗಾರಿಕಾ ಇಲಾಖೆ ಕನಿಷ್ಟ ಭೇಟಿ ನೀಡಿ ಅಧ್ಯಯನ ಮಾಡುವುದಕ್ಕೂ ಕೂಡಾ ಮುಂದಾಗದೇ ಇರುವುದು ವಿಪರ್ಯಾಸವೇ ಆಗಿದೆ.

ಸಪ್ತಪದಿ ಹಾದಿಯಲ್ಲಿ ಆಶಾದಾಯಕ ಬೆಳವಣಿಗೆ


ಬ್ರಾಹ್ಮಣ ಯುವಕರಿಗೆ ಅದರಲ್ಲೂ ವಿಶೇಷವಾಗಿ ಪುರೋಹಿತ, ಕೃಷಿಕ, ಅಡುಗೆ ವೃತ್ತಿಯವರಿಗೆ ವಿವಾಹವಾಗಲು ಹುಡುಗಿ ಕೊಡಲು ಹಿಂದೇಟು ಹಾಕುತ್ತಿರುವ ಹಿನ್ನೆಲೆಯಲ್ಲಿ ಸುಳ್ಯದ ಕಶ್ಯಪ್ ಯುವ ಬ್ರಾಹ್ಮಣ ವೇದಿಕೆ ಸಪ್ತಪದಿ ಹಾದಿಯಲ್ಲಿ ಹೊಸ ಹೆಜ್ಜೆಯನ್ನಿರಿಸಿದ್ದು, ಇದಕ್ಕೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ.
ಉತ್ತರ ಭಾರತದಿಂದ ಯುವತಿಯರನ್ನು ಕರೆತಂದು ವಿವಾಹ ಮಾಡಿಸುವ ಯೋಜನೆಗೆ ಸಂಚಾಲಕ ಎಂ.ಜಿ. ಸತ್ಯನಾರಾಯಣ ಅವರನ್ನೊಳಗೊಂಡ ನಿಯೋಗ ಹೊಸದಿಲ್ಲಿಗೆ ತೆರಳಿ, ಹಲವಾರು ಬ್ರಾಹ್ಮಣ ಸಂಘ, ಸಂಸ್ಥೆಗಳ ಪ್ರಮುಖರನ್ನು ಸಂದರ್ಶಿಸಿ ವೈವಾಹಿಕ ಸಂಬಂಧಗಳ ಸಾಧ್ಯತೆಗಳ ಬಗ್ಗೆ ಸಾಕಷ್ಟು ಚರ್ಚಿಸಿ ಬಂದಿದ್ದಾರೆ. ಈ ತಿಂಗಳ ಅಂತ್ಯದಲ್ಲಿ ಅಲ್ಲಿನ ನಿಯೋಗ ದಕ್ಷಿಣ ಕನ್ನಡ, ಉಡುಪಿ, ಕಾಸರಗೋಡು ಜಿಲ್ಲೆಯ ಕೆಲವೆಡೆ ಭೇಟಿ ನೀಡಿ ಅನಂತರ ವಿವಾಹ ಸಂಬಂಧದ ಬಗ್ಗೆ ಚಿಂತಿಸಲಿದೆ.
ಕನ್ನಡ ಕುವರಿಯರ ಸ್ಪಂದನ:
ಈ ನಡುವೆ ಕನ್ನಡ ಕುವರಿಯರು ರಾಜ್ಯದ ನಾನಾ ಕಡೆಗಳಿಂದ ವೇದಿಕೆ ಸಂಪರ್ಕಿಸಿ, ಈ ವಿವಾಹ ಸಂಬಂಧ ಬೆಳೆಸಲು ಆಸಕ್ತರಾಗಿದ್ದಾರೆ. ಅಷ್ಟೇ ಅಲ್ಲದೆ ಜಾತಿ, ಬೇಧದ ಕಟ್ಟು ಪಾಡುಗಳಿಲ್ಲದೆ ವಿಶಾಲ ಮನೋಭಾವದ ಕನ್ನಡದ ಯುವತಿಯರು ಬ್ರಾಹ್ಮಣ ಯುವಕರನ್ನು ವಿವಾಹವಾಗಲು ಮುಂದೆ ಬಂದಿದ್ದಾರೆ. ಯಾವುದೇ ವರದಕ್ಷಿಣೆ ಹಾಗೂ ಮಧ್ಯವರ್ತಿಗಳಿಲ್ಲದೆ ಮುಂದೆ ನಿಂತು ವಿವಾಹ ಕಲ್ಪಿಸಲು ವೇದಿಕೆ ಮುಂದಾಗಿದೆ. ಆಸಕ್ತ ವಿವಾಹಾಪೇಕ್ಷಿತ ಯುವತಿಯರು ವೇದಿಕೆ ಸಂಪರ್ಕಿಸಬಹುದು ಎಂದು ಅಧ್ಯಕ್ಷ ಆರ್.ಕೆ. ಭಟ್ (9980567416) ತಿಳಿಸಿದ್ದಾರೆ.

‘ವ್ನಿೇಶ್ವರ'ನ ತಯಾರಿಕರಿಗೆ ನೂರೆಂಟು 'ವಿಘ್ನ'


ಗಣೇಶ, ಲಂಬೋದರ, ವಿನಾಯಕ, ಮೂಷಿಕ ವಾಹನ, ಗಜಾನನ... ಹೀಗೆ ಹಲವಾರು ಹೆಸರುಗಳಿಂದ ಕರೆಯಲ್ಪಡುವ ವ್ನಿೇಶ್ವರನ ಮೂರ್ತಿ ತಯಾರಿಕರಿಗೆ ಈಗ ನೂರೆಂಟು ವಿಘ್ನಗಳು.
ವರ್ಷದಿಂದ ವರ್ಷಕ್ಕೆ ದುಪ್ಪಟ್ಟಾಗುತ್ತಿರುವ ಜೇಡಿ ಮಣ್ಣು, ವಿವಿಧ ಬಣ್ಣಗಳ ಬೆಲೆ, ಮಾರುಕಟ್ಟೆಗೆ ದಾಂಗುಡಿಯಿಟ್ಟಿರುವ ಪ್ಲಾಸ್ಟರ್ ಆಫ್ ಪ್ಯಾರಿಸ್ ಗಣಪನ ಹಾವಳಿ, ಹೊರ ರಾಜ್ಯಗಳಿಂದ ಬರುವ ಮೂರ್ತಿ ತಯಾರಕರು, ಕಡಿಮೆ ಬೆಲೆಗೆ ಮಾರಾಟ ಮಾಡುವವರಿಂದ ಎದುರಾಗುವ ತೀವ್ರ ಪೈಪೋಟಿ, ಕ್ರಮೇಣವಾಗಿ ಜನರಲ್ಲಿ ಗಣೇಶನ ಪ್ರತಿಷ್ಠಾಪನೆ ಬಗ್ಗೆ ಕಡಿಮೆಯಾಗುತ್ತಿರುವ ಆಸಕ್ತಿ... ಹೀಗೆ ಹಲವಾರು ವಿಘ್ನಗಳು ಗಣೇಶನ ಮೂರ್ತಿ ತಯಾರಿಕೆಯಲ್ಲಿ ತೊಡಗಿರುವವರಿಗೆ ಎದುರಾಗುತ್ತಿವೆ.
ಹಲವಾರು ದಶಕಗಳಿಂದ ಸಾಂಪ್ರದಾಯಕವಾಗಿ ಗಣೇಶನ ತಯಾರಿಕೆಯಲ್ಲಿ ತೊಡಗಿರುವ ನೂರಾರು ಕುಟುಂಬಗಳು ನಮ್ಮಲ್ಲಿವೆ. ಗಣೇಶನ ಮೂರ್ತಿ ತಯಾರಿಸುವುದೇ ಅವರಿಗೆ ಜೀವನ ಮೂಲಾಧಾರ. ಅನಾದಿ ಕಾಲದಿಂದಲೂ ಕುಲ ಕಸುಬನ್ನೇ ನಂಬಿಕೊಂಡು ಬಂದಿರುವ ಬಹುತೇಕ ಮಂದಿ ವರ್ಷದಿಂದ ವರ್ಷಕ್ಕೆ ತೀವ್ರ ಸಮಸ್ಯೆಗಳ ಸುಳಿಯಲ್ಲಿ ಸಿಲುಕುತ್ತಿದ್ದಾರೆ.
ಕೆಲವರು ಗಣೇಶ ಹಬ್ಬದ ಸಂದರ್ಭದಲ್ಲಿ ಇತರ ಕೆಲಸಗಳೊಂದಿಗೆ ಗಣೇಶನ ನಿರ್ಮಾಣ ಕಾರ್ಯದಲ್ಲಿ ತೊಡಗಿದರೆ, ಕೆಲವರು ವರ್ಷ ಪೂರ್ತಿ ಗಣೇಶನ ತಯಾರಿಕೆಯಲ್ಲಿ ತೊಡಗಿರುತ್ತಾರೆ. ಇಡೀ ಕುಟುಂಬದವರ ಸತತ 6 ತಿಂಗಳ ಕಾಲದ ದುಡಿಮೆಗೆ ಎಲ್ಲಾ ಖರ್ಚು ಕಳೆದು ಅಮ್ಮಮ್ಮ ಎಂದರೆ 10 ಸಾವಿರ ಕೈಗೆ ದೊರೆತರೆ ಅದೇ ಪುಣ್ಯ ಎನ್ನುವ ಪರಿಸ್ಥಿತಿ ಇದೆ. ಹಾಗಾಗಿಯೇ ಅನೇಕರು ಗಣೇಶನ ತಯಾರಿಕೆಯಿಂದ ವಿಮುಖವಾಗುತ್ತಿದ್ದಾರೆ.
'ಪ್ಲಾಸ್ಟರ್ ಆಫ್ ಪ್ಯಾರಿಸ್ ಗಣಪ ಮಾರುಕಟ್ಟೆಗೆ ಬಂದಾಗಿನಿಂದ ಸಾಂಪ್ರದಾಯಿಕವಾಗಿ ಜೇಡಿ ಮಣ್ಣಿನಿಂದ ಗಣೇಶನನ್ನು ಮಾಡುವವರಿಗೆ ಬಹು ದೊಡ್ಡ ಹೊಡೆತ ಬೀಳುತ್ತಿದೆ. ನಾವು ಕಷ್ಟಪಟ್ಟು ಮೂರ್ತಿ ಮಾಡಿದರೆ, ಇನ್ನು ಕೆಲವರು ಕೆಲವೇ ಗಂಟೆಗಳಲ್ಲಿ ಗಣಪನ ಮಾಡುತ್ತಾರೆ. ಕಡಿಮೆ ಬೆಲೆಗೂ ಮಾರಾಟ ಮಾಡುತ್ತಾರೆ. ಇದರಿಂದ ಇದನ್ನೇ ನಂಬಿದವರಿಗೆ ಸಾಕಷ್ಟು ತೊಂದರೆ ಆಗುತ್ತಿದೆ. ಗಣೇಶನ ಮಾಡುವುದರಿಂದ ಏನೂ ಲಾಭ ಇಲ್ಲ ಎನ್ನುವ ಕಾರಣಕ್ಕೆ ಅನೇಕರು ಆ ಕಾರ್ಯ ಮಾಡುವುದನ್ನೇ ಕೈ ಬಿಟ್ಟಿದ್ದಾರೆ' ಎನ್ನುವುದು ಮೂರ್ತಿ ತಯಾರಕರ ಅಳಲು.
'ಸರ್ಕಾರದವರು ಗಣೇಶನ ಹಬ್ಬ ಬಂದ ತಕ್ಷಣವೇ ಪರಿಸರಕ್ಕೆ ಹಾನಿವುಂಟು ಮಾಡುವ ಪ್ಲಾಸ್ಟರ್ ಆಫ್ ಪ್ಯಾರಿಸ್ನಿಂದ ತಯಾರಿಸಿದ ಗಣೇಶನ ವಿಗ್ರಹ ಮಾರಾಟ ಮಾಡುವಂತಿಲ್ಲ, ಪ್ರತಿಷ್ಠಾಪನೆ ಮಾಡುವಂತಿಲ್ಲ. ನಿರ್ಬಂಸಲಾಗಿದೆ ಎಂಬುದಾಗಿ ಹೇಳ್ತುತಾರೆ. ಆದರೆ, ಪ್ಲಾಸ್ಟರ್ ಆಫ್ ಪ್ಯಾರಿಸ್ ಹಾವಳಿ ಮಾತ್ರ ನಿಲ್ಲುವುದಿಲ್ಲ. ಈಗಲೂ ಮಾರಾಟ ನಡೆಯುತ್ತದೆ. ಪರಿಸರಕ್ಕೆ ಮಾತ್ರವಲ್ಲ, ಅನಾದಿ ಕಾಲದಿಂದಲೂ ಇದೇ ಕಸಬನ್ನೇ ನಂಬಿಕೊಂಡು ಜೀವನ ಸಾಗಿಸುತ್ತಿರುವರಿಗೆ ಮಾರಕವಾಗಿರುವ ಪ್ಲಾಸ್ಟರ್ ಆಫ್ ಪ್ಯಾರಿಸ್ ಗಣೇಶನ ವಿಗ್ರಹ ಮಾರಾಟ ತಡೆಯಬೇಕು' ಎನ್ನುವುದು ಅವರ ಆಗ್ರಹ.
ವಿಘ್ನ ನಿವಾರಕ ವಿನಾಯಕನ ಮೂರ್ತಿ ತಯಾರಿಕೆಯಲ್ಲಿ ತೊಡಗಿರುವವರಿಗೆ ಕಾಡುತ್ತಿರುವ ಹಲವಾರು ವಿಘ್ನಗಳ ನಿವಾರಣೆಗೆ ಸಂಬಂತರು ಕ್ರಮ ತೆಗೆದುಕೊಳ್ಳುವರೇ, ಪ್ಲಾಸ್ಟರ್ ಆಫ್ ಪ್ಯಾರಿಸ್ ಗಣಪನ ಹಾವಳಿ ತಡೆಯುವರೇ ಎಂಬುದಕ್ಕೆ ಆ ವಿನಾಯಕನೇ ಉತ್ತರಿಸಬೇಕು.
'ನಮ್ಮ ತಾತ-ಮುತ್ತಾತನ ಕಾಲದಿಂದಲೂ ಗಣಪನ ಮೂರ್ತಿ ಸಿದ್ಧಗೊಳಿಸುತ್ತಿದ್ದೇವೆ. ಈಗಂತೂ ಯಾವುದೇ ಲಾಭ ಇಲ್ಲ. ಕಳೆದ ವರ್ಷ 2,500 ರೂಪಾಯಿ ಇದ್ದ ಒಂದು ಟ್ರ್ಯಾಕ್ಟರ್ ಲೋಡ್ ಜೇಡಿ ಮಣ್ಣಿನ ಬೆಲೆ ಈ ವರ್ಷ 6,500 ರೂ. ಆಗಿದೆ. ಗಣೇಶನ ಕಿರೀಟ, ಇತರೆಡೆ ಬಳಸುವ ಮುತ್ತಿನ ಕಲರ್ ಬೆಲೆ ಲೀಟರ್ಗೆ 600 ರೂಪಾಯಿಯಿಂದ 2500 ರೂಪಾಯಿಗೆ ಏರಿದೆ. ಇನ್ನು ಬೇರೆ ಬೇರೆ ವಸ್ತುಗಳ ಬೆಲೆ ಕೂಡ ಜಾಸ್ತಿಯಾಗಿದೆ. ಒಂದು ಗಣಪನ ವಿಗ್ರಹ ತಯಾರಿಸಲು ಖರ್ಚು ಮತ್ತು ಮಾರಾಟ ದರ ಲೆಕ್ಕ ಹಾಕಿದರೆ ಲಾಭ ಏನೂ ಉಳಿಯದು. ನಾವು ಲಾಭದ ಆಸೆಗೆ ಮಾಡುತ್ತಿಲ್ಲ . ಇದನ್ನು ಬಿಟ್ಟರೆ ಕೆಟ್ಟದಾಗುತ್ತದೆ ಎಂದು ನಮ್ಮ ಹಿರಿಯರು ಹೇಳಿದ್ದರಂತೆ. ಆದಕ್ಕೆ ಲಾಭನೋ, ನಷ್ಟನೋ ನಮ್ಮ ಕೆಲಸ ಮಾಡ್ತುತಾ ಇದ್ದೀವಿ..'ಎನ್ನುವ ಮೂರ್ತಿ ತಯಾರಕರ ಅಳಲನ್ನು ಗಣೇಶ ಕೇಳಿಯಾನೇ?.

ಮಾನವ ಕಳ್ಳಸಾಗಣೆಗೆ ರಹದಾರಿ


ಉದ್ಯೋಗದ ನೆಪದಲ್ಲಿ ಶ್ರೀಲಂಕಾ ಮತ್ತು ಬಾಂಗ್ಲಾ ದೇಶದ ನಿರಾಶ್ರಿತರಿಗೆ ಐರೋಪ್ಯ ಅಥವಾ ಆಸ್ಟ್ರೇಲಿಯಾ ದೇಶಕ್ಕೆ (ಜಿ- 7 ರಾಷ್ಟ್ರಗಳಿಗೆ ಮಾತ್ರ) ಅಕ್ರಮವಾಗಿ ತೆರಳಿ ಅಲ್ಲಿನ ವೀಸಾ ಬಳಿಕ ಗ್ರೀನ್ ಕಾರ್ಡ್ ಪಡೆದು, ಅಲ್ಲಿಯೇ ನೆಲೆಯೂರಲು ವಿಶೇಷ ಅವಕಾಶ ಕಲ್ಪಿಸಲಾಗಿದೆ. ಈ ವಿಶೇಷ ಅವಕಾಶ ಶ್ರೀಲಂಕಾ ಮತ್ತು ಬಾಂಗ್ಲಾ ನಿರಾಶ್ರಿತರ ಶಿಬಿರಗಳಲ್ಲಿ ಇದ್ದವರಿಗೆ ಮಾತ್ರ ಇದೆ. ಇದು ಮಾನವ ಕಳ್ಳಸಾಗಣೆಗೆ ದಾರಿ ಮಾಡಿಕೊಡುತ್ತಿದೆ. ಈ ಅವಕಾಶದ ದುರುಪಯೋಗಪಡಿಸಿಕೊಳ್ಳುವ ಏಜಂಟರೂ ಇದ್ದಾರೆ. ಈ ರೀತಿಯಲ್ಲಿ ಊರು ಬಿಟ್ಟು ಇಂಗ್ಲೆಂಡ್, ಜರ್ಮನಿ, ಆಸ್ಟ್ರೇಲಿಯಾಗಳಿಗೆ ಹೋಗಿ ನೆಲೆಯೂರಿದ ಮಂದಿ ರಾಜ್ಯದ ಹಲವೆಡೆ ಇದ್ದಾರೆ.
ಇದಕ್ಕೆ ಬೇಕಾಗಿರುವುದು 3ರಿಂದ 5 ಲಕ್ಷ ರೂ. ಹಣ ಮತ್ತು ಧೈರ್ಯ. ನಿಗದಿತ ಏಜಂಟರಿಗೆ ಹಣ ಪಾವತಿಸಿದರೆ ಅವರು ಬೋಟ್ ಮೂಲಕ ಸಮುದ್ರದಲ್ಲಿ ಕರೆದೊಯ್ದು ಆಸ್ಟ್ರೇಲಿಯಾ ಅಥವಾ ಇಂಗ್ಲಂಡ್ನ ಗಡಿ ಭಾಗಕ್ಕೆ ತಲುಪಿಸುತ್ತಾರೆ. ಅಲ್ಲಿನ ಪೊಲೀಸರು ಇವರನ್ನು ತಮ್ಮ ದೇಶಕ್ಕೆ ಅಕ್ರಮವಾಗಿ ಪ್ರವೇಶ ಮಾಡಿದ ಕಾರಣಕ್ಕಾಗಿ ಬಂಸಿ ಜೈಲಿಗೆ ಕಳುಹಿಸುತ್ತಾರೆ. ಈ ನಿರಾಶ್ರಿತರಿಗಾಗಿಯೇ ಪ್ರತ್ಯೇಕವಾದ ಜೈಲು ಇದ್ದು, ಅಲ್ಲಿ ಅವರನ್ನು ಇರಿಸುತ್ತಾರೆ. 2 ವರ್ಷಗಳ ಸೆರೆಮನೆ ವಾಸದ ಬಳಿಕ ಅವರಿಗೆ ಆ ದೇಶದ ವೀಸಾ ಕೊಡಲಾಗುತ್ತದೆ. ಹಾಗೆ ಅವರು ಅಲ್ಲಿ ಉದ್ಯೋಗಕ್ಕೆ ಸೇರುತ್ತಾರೆ. ಕ್ರಮೇಣ ಆ ದೇಶದ ಗ್ರೀನ್ ಕಾರ್ಡ್ ಕೂಡಾ ಲಭಿಸಿ ಅಲ್ಲಿ ಖಾಯಂ ವಾಸಕ್ಕೆ ಅವಕಾಶ ಸಿಗುತ್ತದೆ.
ಈ ಎಲ್ಲಾ ಸೌಲಭ್ಯಗಳು ಶ್ರೀಲಂಕಾ ಮತ್ತು ಬಾಂಗ್ಲಾ ನಿರಾಶ್ರಿತರೆಂಬುದಾಗಿ ವೀಸಾ ಹೊಂದಿದವರಿಗೆ ಮಾತ್ರ ಇವೆ. ಆದರೆ ಇತ್ತೀಚಿನ ವರ್ಷಗಳಲ್ಲಿ ಕೇರಳದ ಕೆಲವರು ಶ್ರೀಲಂಕಾಕ್ಕೆ ಹೋಗಿ ಅಲ್ಲಿಂದ ತಾವು ಶ್ರೀಲಂಕಾ ನಿರಾಶ್ರಿತರು ಎಂಬ ವೀಸಾ ಪಡೆದು ಅದರ ಮೂಲಕ ಈ ರೀತಿಯಲ್ಲಿ ಐರೋಪ್ಯ ದೇಶಗಳಿಗೆ ಅಕ್ರಮವಾಗಿ ಹೋಗಿ ಅಲ್ಲಿ ನೆಲೆ ಕಂಡುಕೊಂಡವರಿದ್ದಾರೆ.

ಅಮೆರಿಕದಲ್ಲೂ ಬರವಿದೆ, ಜೊತೆಗೆ ೆವಿಮೆಯಿದೆ... ನಮ್ಮಲ್ಲಿ?.


ಅಮೆರಿಕದ ಮೂರನೇ ಎರಡು ಭಾಗದಷ್ಟು ಪ್ರದೇಶ ಬರಪೀಡಿತವೆಂದು ಘೋಷಿಸಲ್ಪಟ್ಟಿದೆ. ಆದರೆ, ಬೆಳೆವಿಮೆಯಿಂದಾಗಿ ಅಲ್ಲಿಯ ರೈತರು ನಿಶ್ಚಿಂತೆಯಿಂದಿದ್ದಾರೆ. 2012ನೇ ಸಾಲಿನ ಆರಂಭದಿಂದಲೂ ಅಭಿವೃದ್ಧಿ ಹೊಂದಿದ ಮತ್ತು ಹೊಂದುತ್ತಿರುವ ದೇಶಗಳ ಅನೇಕ ಭಾಗಗಳು ಬರಪೀಡಿತವಾಗಿವೆ. ಈ ವರ್ಷ ಜಾಗತಿಕ ಬರದ ವರ್ಷ ಎಂದು ಇತಿಹಾಸದಲ್ಲಿ ದಾಖಲಾಗಲಿದೆ. 1988ರ ನಂತರ ಈ ವರ್ಷ ಉತ್ತರ ಅಮೆರಿಕವನ್ನು ತೀವ್ರ ಬರಗಾಲ ಕಾಡಿದೆ. ಅಮೆರಿಕದ ಪ್ರಾಂತೀಯ ಸರಕಾರಗಳು ಬರ ಪರಿಸ್ಥಿತಿಯನ್ನು ಗಂಭೀರವಾಗಿ ತೆಗೆದುಕೊಂಡಿದ್ದು, ಜುಲೈ 12ರಂದು ಈ ಸಂಬಂಧ ಪ್ರಕಟಣೆ ಹೊರಡಿಸಿವೆ. ಅಲ್ಲಿಯ ಪ್ರಮುಖ ವ್ಯಾಪಾರಿ ಸಂಘಟನೆಗಳು ಬೆಲೆ ಏರಿಕೆ ತಡೆಯಲು ಸ್ವಯಂ ಸೂರ್ತಿಯಿಂದ ತಮ್ಮ ದೇಶದ ಜನತೆಗೆ ಬೇಕಾದ ಆಹಾರ ಧಾನ್ಯ ಮತ್ತು ಜೀವನಾವಶ್ಯಕ ವಸ್ತುಗಳನ್ನು ಕಡಿಮೆ ಬೆಲೆಗೆ ದೊರೆಯುವ ದೇಶಗಳಿಂದ ತರಿಸಿ ಸಂಗ್ರಹಿಸುವ ಕೆಲಸ ನಡೆಸಿವೆ.
ಅಮೆರಿಕದ ಮುಖ್ಯ ಬೆಳೆಗಳಾದ ಜೋಳ, ಗೋ, ಸೋಯಾಬಿನ್ ಮೊದಲಾದವುಗಳನ್ನು ಸ್ಥಳೀಯ ಅಗತ್ಯ ಪೂರೈಸಿ ಹೆಚ್ಚಿದ್ದರೆ ಮಾತ್ರ ರಫ್ತು ಮಾಡಲಾಗುತ್ತಿದೆ. ಬರದಿಂದಾಗಿ ಬೆಲೆ ಹೆಚ್ಚಬಹುದಾದರೂ ಅದು 2013ರ ಸಾಲಿನ ಅಂತ್ಯದವರೆಗೆ ಶೇಕಡಾ 3ರಿಂದ 5ಕ್ಕೆ ಮೀರದಂತೆ ವ್ಯವಸ್ಥೆ ಮಾಡಿಕೊಂಡಿವೆ. ಅಲ್ಲಿಯ ಫುಡ್ ಸರ್ವಿಸಸ್ ಸಂಸ್ಥೆ ಪರಿಸ್ಥಿತಿಯನ್ನು ನಿಯಂತ್ರಣದಲ್ಲಿಟ್ಟಿದೆ. ಬೆಳೆ ವಿಮೆ ಸರ್ವತ್ರವಾಗಿರುವುದರಿಂದ ರೈತರಿಗೆ ಬರಗಾಲದ ಬಿಸಿ ಸ್ವಲ್ಪವೂ ತಟ್ಟುವುದಿಲ್ಲ. ವಿಮೆ ಕಂಪನಿ ರೈತರನ್ನು ಸುರಕ್ಷಿತವಾಗಿ ಮತ್ತೆ ಕೃಷಿಗೆ ಇಳಿಸುತ್ತದೆ. ಬರಗಾಲ, ನೆರೆಹಾವಳಿ, ಯುದ್ಧ, ಸಮೃದ್ಧಿ ಇವು ಅತಿಯಾದರೆ ಪ್ರಜೆಗಳಿಗೆ ಕಷ್ಟ ಎಂದು ಅಲ್ಲಿಯ ಸರಕಾರಕ್ಕೆ ಗೊತ್ತಿದೆ. ಯಶಸ್ವಿಯಾಗಿ ಪರಿಸ್ಥಿತಿ ಎದುರಿಸಿ ದೇಶದ ಪ್ರಜೆಗಳನ್ನು ಸುಖವಾಗಿಡಲು ಯಶಸ್ವಿಯಾಗುತ್ತದೆ. ಅಲ್ಲಿ ಬರ ಸಮೀಕ್ಷೆ, ವರದಿಗೆ ರಾಜಕೀಯ ವ್ಯಕ್ತಿಗಳು ಬರುವುದಿಲ್ಲ. ಎಲ್ಲವನ್ನೂ ತಜ್ಞರು ನಿಭಾಯಿಸುತ್ತಾರೆ. ಯಾರೂ ದುರ್ಲಾಭ ಪಡೆದುಕೊಳ್ಳಲು ಮನಸ್ಸು ಮಾಡುವುದಿಲ್ಲ. ಅದು ಸಾಧ್ಯವೂ ಇಲ್ಲದಂತೆ ಆಡಳಿತ ವ್ಯವಸ್ಥೆಯಿದೆ.
ನಮ್ಮ ರಾಜ್ಯದಲ್ಲಿಯೂ ಕೆಲವು ಕಡೆ ತೀವ್ರ ಬರವಿದೆ. ಪ್ರಕೃತಿ ವಿಕೋಪ ನಿಭಾಯಿಸಲು ನಮ್ಮ ದೇಶದಲ್ಲಿ, ರಾಜ್ಯದಲ್ಲಿ ಕಾಯಿದೆ ಕಾನೂನಿಗೆ, ಯೋಜನೆಗಳಿಗೆ ಬರವಿಲ್ಲ. ಹಾಗೆ ನೋಡಿದರೆ,  ಹಣವೂ ಸಮಸ್ಯೆಯಲ್ಲ. ನಂಜುಂಡಪ್ಪ ಸಮಿತಿಯ ವರದಿಯಂತಹ ನೂರಾರು ವರದಿಗಳು ಧೂಳು ಹಿಡಿದಿವೆ. ನಮ್ಮಲ್ಲಿ ಪ್ರತಿ ವರ್ಷ ಬರಗಾಲ ಕಾಡುತ್ತದೆ. ರೈತರು ಆತ್ಮಹತ್ಯೆ ಮಾಡಿಕೊಳ್ಳುತ್ತಾರೆ. ಪ್ರಕೃತಿ ವಿಕೋಪ ಕಾಮಗಾರಿಗಳು ನಡೆಯುತ್ತವೆ. ಹಣ ವೆಚ್ಚವಾಗುತ್ತದೆ. ಪರಿಣಾಮ?. ಎಲ್ಲರಿಗೂ ಗೊತ್ತಿರುವಂತದ್ದೇ. ಇಲ್ಲಿ ಪ್ರಕೃತಿ ವಿಕೋಪ ತಡೆ ಕಾಮಗಾರಿ ಆರ್ಥಿಕ, ಸಾಮಾಜಿಕ, ರಾಜಕೀಯ ಸ್ಥಿರತೆಗಾಗಿ ಪೈಪೋಟಿಯಿಂದ ನಡೆಯುತ್ತದೆ. ರಾಜಕೀಯ ನಾಯಕರು ಬರ ಪ್ರವಾಸ ಮಾಡುತ್ತಾರೆ. ಬಿಜೆಪಿಯನ್ನು ಕಾಂಗ್ರೆಸ್, ಸರಕಾರವನ್ನು ಜೆಡಿಎಸ್, ಕೇಂದ್ರ ಸರಕಾರವನ್ನು ರಾಜ್ಯ, ಕೇಂದ್ರ ಮಂತ್ರಿಗಳು ರಾಜ್ಯ ಸರಕಾರವನ್ನು ದೂರುತ್ತಾರೆ. ರೈತರು ಆತ್ಮಹತ್ಯೆ ಮಾಡಿಕೊಳ್ಳುತ್ತಲೇ ಹೋಗುತ್ತಾರೆ. ಅವಶ್ಯಕ ವಸ್ತುಗಳ ಬೆಲೆ ಏರುತ್ತಲೇ ಇರುತ್ತದೆ. ಜನಸಾಮಾನ್ಯರು, ಕಷ್ಟ ಪಟ್ಟು ದುಡಿದು, ಪ್ರಾಮಾಣಿಕವಾಗಿ ಬದುಕುವವರು ಕಷ್ಟ ಪಡುತ್ತಲೇ ಇರುತ್ತಾರೆ, ಪತ್ರಕರ್ತರು ಬೈ ಲೈನ್ ವರದಿಗಳನ್ನು ಪ್ರಕಟಿಸುತ್ತಲೇ ಇರುತ್ತಾರೆ. ವ್ಯಾಪಾರಿಗಳು ರೇಟು ಏರಿಸಿ ಗ್ರಾಹಕರ ಹಣ ವಸೂಲು ಮಾಡುವತ್ತಲೇ ಗಮನ ಹರಿಸುತ್ತಾರೆ. ರಾಜಕೀಯ ನಾಯಕರು ಶ್ರೀಮಂತರಾಗುತ್ತಲೇ ಹೋಗುತ್ತಾರೆ. ನ್ಯೂಸ್ ಚಾನೆಲ್ಗಳು ಅತಿರಂಜಿತ ಸುದ್ದಿಗಳನ್ನು ಪ್ರಕಟಿಸುತ್ತಲೇ ಇರುತ್ತಾರೆ... ಎಲ್ಲವೂ ಅವರವರ ಹಣೆಬರಹದಂತೆ!.

ಇದು ರಾಜ್ಯದ ಮೊದಲ ಮುಖ್ಯಮಂತ್ರಿಯ ಸ್ವಗ್ರಾಮದ ಪ್ರೌಢಶಾಲಾ ದುರ್ಗತಿ


ಕೋಲಾರ ಜಿಲ್ಲೆಯ ಬಂಗಾರಪೇಟೆ ತಾಲೂಕಿನ ಕೆಜಿಎಪ್ಗೆ ಸಮೀಪದ ಕ್ಯಾಸಂಬಳ್ಳಿ, ರಾಜ್ಯದ ಪ್ರಥಮ ಮುಖ್ಯಮಂತ್ರಿ ಕೆ.ಚಂಗಲ್ರಾಯರೆಡ್ಡಿಯವರ ಹುಟ್ಟೂರು.
ಇಲ್ಲೊಂದು ಸರ್ಕಾರಿ ಪ್ರಾಥಮಿಕ ಶಾಲೆಯಿತ್ತು. ಪ್ರೌಢಶಾಲೆಗಾಗಿ ಸುತ್ತಮುತ್ತಲಿನ ಹಳ್ಳಿಗಳ ಮಕ್ಕಳು ಸುಮಾರು 40 ಕಿ.ಮೀ. ಕ್ರಮಿಸಬೇಕಾಗಿತ್ತು. ಹೀಗಾಗಿ ಶೇ.90ರಷ್ಟು ಮಕ್ಕಳು ಪ್ರಾಥಮಿಕ ಶಾಲೆಗೆ ತಮ್ಮ ವಿದ್ಯಾಭ್ಯಾಸ ಮುಗಿಸುತ್ತಿದ್ದರು. ಗ್ರಾಮಸ್ಥರ ಒತ್ತಾಯದ ಮೆಲೆ 1968ರಲ್ಲಿ ಗ್ರಾಮಕ್ಕೆ ಪ್ರೌಢಶಾಲೆ ಬಂತು. ಕಟ್ಟಡ ಇಲ್ಲದ ಕಾರಣ ಪ್ರಾಥಮಿಕ ಶಾಲಾಕಟ್ಟಡದಲ್ಲಿಯೇ ಪ್ರೌಢಶಾಲೆಯನ್ನು ಆರಂಭಿಸಲಾಯಿತು. ಕೆಲವೇ ಮಕ್ಕಳಿಂದ ಪ್ರಾರಂಭವಾದ ಈ ಶಾಲೆ, ಕ್ರಮೇಣ ಹೆಚ್ಚು ಹೆಚ್ಚು ವಿದ್ಯಾರ್ಥಿಗಳನ್ನು ಆಕರ್ಷಿಸಲಾರಂಭಿಸಿತು. ವಿದ್ಯಾರ್ಥಿಗಳ ಸಂಖ್ಯೆ ಹೆಚ್ಚಾಗುತ್ತಾ ಬಂತು. ಆದರೆ ಕೊಠಡಿಗಳ ಸಂಖ್ಯೆ ಮಾತ್ರ ಹೆಚ್ಚಾಗಲಿಲ್ಲ.
ಪ್ರೌಢಶಾಲೆಗೆ ಪ್ರತ್ಯೇಕ ಕಟ್ಟಡ ಮಂಜೂರಾಗಲಿಲ್ಲ. ಕಟ್ಟಡಕ್ಕೆ ಬೇಕಾದ ನಿವೇಶನ ಇಲ್ಲದ ಕಾರಣ ಪ್ರೌಢಶಾಲೆಗೆ ಪ್ರತ್ಯೇಕ ಕಟ್ಟಡ ನಿರ್ಮಿಸಲು ಸರ್ಕಾರ ಮುಂದೆ ಬರಲೇ ಇಲ್ಲ. 1990ರ ದಶಕದಲ್ಲಿ ಕ್ಯಾಸಂಬಳ್ಳಿ ಹೊರವಲಯದಲ್ಲಿ ಸುಮಾರು 2 ಎಕ್ರೆ ಭೂಮಿಯನ್ನು ಪ್ರೌಢಶಾಲೆಗೆಂದು ನಿಗದಿ ಮಾಡಲಾಯಿತು. ಆದರೆ, ಅಂದಿನ ರಾಜಕೀಯ ಮುಖಂಡರು ತಮಗೆ ಶಾಲೆಗಿಂತ ವಿದ್ಯುತ್ಶಕ್ತಿ ಸಬ್ಸ್ಟೇಷನ್ ಮುಖ್ಯ ಎಂದು ಹೇಳಿ ಆ ಸ್ಥಳವನ್ನು ಕರ್ನಾಟಕ ವಿದ್ಯುತ್ ಶಕ್ತಿ ಮಂಡಳಿಗೆ ಸ್ಥಳಾಂತರಿಸಿದರು. ಅಂದಿನಿಂದ ಇಂದಿನವರೆಗೆ ಪ್ರೌಢಶಾಲೆಗೆ ನಿವೇಶನ ಸಿಗಲೇ ಇಲ್ಲ. ಸ್ವಂತ ಕಟ್ಟಡ ನಿರ್ಮಾಣವಾಗಲೇ ಇಲ್ಲ.
ಈಗ ಸುತ್ತಮುತ್ತಲಿನ ಗ್ರಾಮಗಳಿಂದ ಸುಮಾರು 800 ಮಕ್ಕಳು ಶಾಲೆಗೆ ಬರುತ್ತಿದ್ದಾರೆ. ಪ್ರತಿ ತರಗತಿಯಲ್ಲೂ ನಾಲ್ಕು ವಿಭಾಗಗಳಾಗಿವೆ. ಆದರೆ ಮಕ್ಕಳಿಗೆ ಕುಳಿತುಕೊಳ್ಳಲು ಕೊಠಡಿಗಳೇ ಇಲ್ಲ. ಮರದ ಕೆಳಗೆ, ಚಾವಣಿ ಮೇಲೆ ಶಿಕ್ಷಕರು ತರಗತಿಗಳನ್ನು ನಡೆಸುವ ದೃಶ್ಯ ಈ ಶಾಲೆಯಲ್ಲಿ ಸರ್ವೆಸಾಮಾನ್ಯ. 2004ರಲ್ಲಿ ಮಳೆಗೆ ಶಾಲಾ ಕೊಠಡಿ ಶಿಥಿಲಗೊಂಡಾಗ ವಿದ್ಯಾರ್ಥಿಗಳು ಪ್ರತಿಭಟನೆ ನಡೆಸಿದರು. ಜಿಲ್ಲಾ ಪಂಚಾಯಿತಿ ವತಿಯಿಂದ ನಾಲ್ಕು ಕೊಠಡಿಗಳನ್ನು ನಿರ್ಮಿಸಲಾಯಿತು. ಆದರೆ ಆ ಕೊಠಡಿಗಳು ಮಳೆ ಬಂದರೆ ಸೋರುತ್ತವೆ. ಗಾಳಿ ಮತ್ತು ಬೆಳಕು ಇಲ್ಲದಂತಹ ಕೊಠಡಿಗಳಲ್ಲಿ ಸೊಳ್ಳೆಗಳು ತುಂಬಿ ಕುಳಿತುಕೊಳ್ಳಲು ಯೋಗ್ಯವಲ್ಲದ ಸ್ಥಿತಿ ನಿರ್ಮಾಣವಾಗಿದೆ. ಆದರೆ, ಬೇರೆ ವಿಯಿಲ್ಲದೆ ತರಗತಿಗಳನ್ನು ಅಲ್ಲೆ ನಡೆಸಲಾಗುತ್ತಿದೆ. 800 ಮಂದಿ ಮಕ್ಕಳಿರುವ ಈ ಶಾಲೆಗೆ ಒಂದೇ ಒಂದು ಶೌಚಾಲಯವೂ ಇಲ್ಲ. ಹೀಗಾಗಿ, ಸುಮಾರು 300 ಹೆಣ್ಣು ಮಕ್ಕಳು ಬಯಲಿನಲ್ಲೆ ಶೌಚಕ್ಕೆ ಹೋಗುವ ಅನಿವಾರ್ಯತೆ ಎದುರಾಗಿದೆ. ರಾಜ್ಯದ ಪ್ರಥಮ ಮುಖ್ಯಮಂತ್ರಿಯ ತವರೂರಿನ ಶಾಲೆಯ ದುರ್ಗತಿಯಿದು.

ವಿಪ್ರರಿಗಾಗಿ ಬೆಂಗಳೂರಿನಲ್ಲಿ ಉದ್ಯೋಗಮೇಳ


ಬೆಂಗಳೂರಿನ ಶ್ರೀ ಸತ್ಯಾತ್ಮತೀರ್ಥ ಚಾರ್ತುಮಾಸ ಸಮಿತಿ ವತಿಯಿಂದ ಸೆ. 9ರಂದು ಬೆಳಗ್ಗೆ 10ರಿಂದ ವಿಪ್ರ ಯುವಕ-ಯುವತಿಯರಿಗಾಗಿ ಉದ್ಯೋಗಮೇಳವನ್ನು ಬೆಂಗಳೂರಿನ ಬಸವನಗುಡಿಯ ನ್ಯಾಷನಲ್ ಕಾಲೇಜು ಆವರಣದಲ್ಲಿ ಹಮ್ಮಿಕೊಳ್ಳಲಾಗಿದೆ.
ಮೇಳದಲ್ಲಿ ಪ್ರತಿಷ್ಟಿತ ಕಂಪನಿಗಳಾದ ವಿಪ್ರೋ, ಇನ್ಫೋಸಿಸ್, ನೋಕಿಯಾ ಸೇರಿದಂತೆ ಹಲವು ಸಂಸ್ಥೆಗಳು ಭಾಗವಹಿಸಲಿದೆ. ಯಾವುದೇ ವಿದ್ಯಾರ್ಹತೆಯುಳ್ಳ ಅಭ್ಯರ್ಥಿಗಳು ಇದರ ಸದುಪಯೋಗವನ್ನು ಪಡೆದುಕೊಳ್ಳಬಹುದಾಗಿದೆ. ಆಸಕ್ತ ಅಭ್ಯರ್ಥಿಗಳು ತಮ್ಮ ಸ್ವವಿವರವನ್ನು www.placement.totalaccount.com ಲಾಗಿನ್ ಆಗಿ ಸಲ್ಲಿಸಿ ಉದ್ಯೋಗ ಮೇಳದಲ್ಲಿ ಭಾಗವಹಿಸಬಹುದಾಗಿದೆ. ಹೆಚ್ಚಿನ ಮಾಹಿತಿಗಾಗಿ ಮೊ : 9449599944ಗೆ ಸಂರ್ಪಕಿಸಬಹುದಾಗಿದೆ.

ಬದುಕು ಕಟ್ಟುವ ಉಪನ್ಯಾಸಕಿ ಬದುಕು ಕಳೆದುಕೊಂಡ ಕಥೆ


ಸರಿಯಾಗಿ ಎರಡು ವರ್ಷಗಳ ಹಿಂದೆ. ಜು.26ರಂದು. ಮೇಲಂತಬೆಟ್ಟಿನ ಸರಕಾರಿ ಪ್ರಥಮ ದರ್ಜೆ ಕಾಲೇಜಿನಲ್ಲಿ ಉಪನ್ಯಾಸ ಮುಗಿಸಿ ಬೆಳ್ತಂಗಡಿ ಬಸ್ ನಿಲ್ದಾಣದೆಡೆಗೆ ಬರುತ್ತಿದ್ದರು ಆಕೆ. ಅದೇನು ದುರಾದೃಷ್ಟವೋ, ಎದುರಿನಿಂದ ಬಂದ ಪಿಕ್ಅಪ್ ವಾಹನವೊಂದು ನೇರಾ ನೇರ ರಿಕ್ಷಾಗೆ ಢಿಕ್ಕಿ ಹೊಡೆದೇ ಬಿಟ್ಟಿತು. ರಿಕ್ಷಾ ರಸ್ತೆಗೆ ಬೋರಲಾಗಿ ಮಗುಚಿತು. ರಿಕ್ಷಾದಲ್ಲಿ ಸಹಪ್ರಯಾಣಿಕೆಯಾಗಿದ್ದ ನತದೃಷ್ಟ ಉಪನ್ಯಾಸಕಿ ಭಾರತಿ (27) ಅವರು ಜೀವಚ್ಛವವಾಗಿ ಇಂದಿಗೂ ನರಳುವಂತಾಯಿತು.
ಕನಸುಕಂಗಳ, ಸಾಧನೆಯ ಹಂಬಲದ, ಕಲಿಯುವ ತುಡಿತದ ಈಕೆ ತನ್ನ ಸ್ವಂತ ಸಂಪಾದನೆಯಿಂದ ಒಂದಷ್ಟು ಆದಾಯ ಬಂದರೆ ಚಂದದ ಸೂರು ಕಟ್ಟಬೇಕು. ಮನೆಯ ವ್ಯವಸ್ಥೆ ಸರಿ ಮಾಡಬೇಕು. ಕಲಿಯಲು ಅಮ್ಮ ಮಾಡಿಟ್ಟ ಅಷ್ಟೂ ಸಾಲ ತೀರಿಸಬೇಕು. ಮನೆಯವರ ಬದುಕಿಗೆ ಆಧಾರವಾಗಬೇಕು. ತಮ್ಮ, ತಂಗಿಯ ಓದಿಗೆ ನೆರವಾಗಬೇಕು... ಹೀಗೆಲ್ಲ ಆಶಾಗೋಪುರ ಕಟ್ಟಿದ್ದರು. ಆದರೆ ವಿಯ ಆಟವೇ ಬೇರೆ ಆಗಿತ್ತು. ಅಪಘಾತದಲ್ಲಿ ಗಂಭೀರವಾಗಿ ಗಾಯಗೊಂಡು ಅರ್ಧ ದೇಹದ ಮೇಲಿನ ಸ್ವಾೀನ ಕಳೆದುಕೊಂಡ ಭಾರತಿ ಅವರು ಲಕ್ಷಾಂತರ ರೂ. ಖರ್ಚು ಮಾಡಿದರೂ ಇಂದಿಗೂ ಮಲಗಿದಲ್ಲಿಯೇ ಇದ್ದಾರೆ.
ಕುರುಂಬಿಲ ಲಕ್ಷ್ಮೆ ಅವರ ಏಳು ಮಕ್ಕಳ ಪೈಕಿ ಭಾರತಿ ಮೊದಲನೆಯವರು. ತಂದೆ ತೀರಿ 10 ವರ್ಷವಾಯಿತು. ಭಾರತಿ ಅವರು ಮನೆಯ ಕಷ್ಟದ ದಿನಗಳಲ್ಲಿಯೇ ಎಂಕಾಂ ಪದವಿ ಮಾಡಿದರು. ಉಜಿರೆ ಅನುಗ್ರಹ ಕಾಲೇಜಿಗೆ ಉಪನ್ಯಾಸಕಿಯಾಗಿ ಸೇರಿ ಬಳಿಕ ಸರಕಾರಿ ಪ್ರಥಮ ದರ್ಜೆ ಕಾಲೇಜಿಗೆ ಅರೆಕಾಲಿಕ ಅತಿಥಿ ಉಪನ್ಯಾಸಕಿಯಾಗಿ ಸೇರಿದರು. ವಾಮದಪದವು ಪದವಿ ಪೂರ್ವ ಕಾಲೇಜಿನಲ್ಲಿಯೂ ಅತಿಥಿ ಉಪನ್ಯಾಸಕಿಯಾಗಿ ಒಂದಷ್ಟು ಸಂಪಾದನೆ ಶುರು ಆಯಿತು ಎನ್ನುವಷ್ಟರಲ್ಲಿ ವಿ ಅಟಕಾಯಿಸಿಕೊಂಡಿತು.
‘ ಇನ್ನು ಮಾರಲು ಎಂದೇನೂ ಉಳಿದಿಲ್ಲ. ಬಹುಶಃ ಇಂತಹ ಪರಿಸ್ಥಿತಿ ಬರುತ್ತದೆ ಎಂದು ಕನಸಿನಲ್ಲಿಯೂ ಅಂದುಕೊಂಡಿರಲಿಲ್ಲ. ಮಗಳು ಕಲಿತಳು, ಮನೆಗೆ ಆಧಾರವಾದಳು ಎಂದೇ ಭಾವಿಸಿದ್ದೆವು. ನಮ್ಮ ಕನಸಿನ ಸೌಧ ನುಚ್ಚುನೂರಾಯಿತು. ವಿ ವಾಹನದ ರೂಪದಲ್ಲಿ ನಮ್ಮನ್ನು ಅಟ್ಟಾಡಿಸಿಕೊಂಡು ಬಂತು. ಇಷ್ಟಕ್ಕೂ ನಮಗೆ ಇರುವುದು ತುಂಡು ಭೂಮಿ. ಉಳಿದುಕೊಂಡ ಮನೆ ಮಾಡಿಗೆ ಹಂಚು ಹಾಕಲು ಉಪಯೋಗಿಸಿದ್ದು ಬಿದಿರಿನ ಗಳ. ಅದೂ ಹಳತಾಗುತ್ತಿದೆ. ಮಣ್ಣಿನ ನೆಲ. ಸಿಮೆಂಟ್ ಕಂಡೇ ಇಲ್ಲ. ಮನೆ ದುರಸ್ತಿ ಮಾಡಿಸುವುದೋ, ಮಗಳ ಆರೋಗ್ಯಕ್ಕಾಗಿ ಖರ್ಚು ಮಾಡುವುದೋ ಎಂಬ ಒದ್ದಾಟದಲ್ಲಿರುವಾಗಲೇ ಬ್ಯಾಂಕಿನವರು ಕಲಿಯಲು ಮಾಡಿದ ಸಾಲ ತೀರಿಸಿ ಎಂದು ಬೆನ್ನತ್ತುತ್ತಾರೆ. ಮಗಳು ದೇಹದ ಸ್ವಾೀನ ಕಳೆದುಕೊಂಡು ಮಲಗಿದಲ್ಲಿಯೇ ಇದ್ದಾಳೆ. ದುಡಿಯುವ ತಾಕತ್ತನ್ನು ದೇವರು ತೆಗೆದು ಬಿಟ್ಟಿದ್ದಾನೆ. ಮಗಳಲ್ಲಿ ಒಂದಷ್ಟು ಚೈತನ್ಯ ತುಂಬಿದರೆ, ಹೇಗಾದರೂ ಮಾಡಿ ಆಕೆ ಕುಳಿತಲ್ಲಿಯೇ ಮಾಡುವ ಉದ್ಯೋಗಕ್ಕೆ ಹೋದರೆ ಆಗ ಖಂಡಿತ ನಿಮ್ಮ ಸಾಲ ತೀರಿಸುತ್ತೇನೆ. ದಯವಿಟ್ಟು ಸಮಯ ಕೊಡಿ ಎಂದರೆ ಬ್ಯಾಂಕಿನವರಿಗೆ ದಾಖಲೆ ಮಾತ್ರ ಬೇಕಾದುದು, ಮಿಡಿವ ಹೃದಯವಲ್ಲ. ಕರುಳು ಹಿಂಡುವ ಕಂಬನಿಯ ಧಾರೆಯಲ್ಲ’ ಎಂಬುದು ಆಕೆಯ ಅಮ್ಮನ ಗೋಳು.
ಮೂರು ಎಕರೆ ಗುಡ್ಡ ಎಂಬ ಜಾಗ ಇದೆ. ಅದರಲ್ಲಿ ನಾಲ್ಕಾರು ತೆಂಗಿನ ಮರಗಳು ಬಿಟ್ಟರೆ ಬೇರೇನೂ ಸಂಪಾದನೆಯಿಲ್ಲ. ತಂಗಿ ರೇವತಿ ಬೆಂಗಳೂರಿನಲ್ಲಿ ನರ್ಸ್ ಆಗಿದ್ದಾರೆ. ಇಬ್ಬರು ತಮ್ಮಂದಿರು , ಮೂವರು ತಂಗಿಯಂದಿರು ಕಲಿಯುತ್ತಿದ್ದಾರೆ. ಅಮ್ಮ ಬೀಡಿ ಕಟ್ಟಿ ಪುಡಿಕಾಸು ಸಂಪಾದಿಸುತ್ತಾರೆ. ಆದರೆ ಅದು ಯಾವುದಕ್ಕೂ ಸಾಲದು. ಸಾಲದ ಶೂಲೆ ಇರಿಯುತ್ತಿದೆ. ಆಕೆಯದೇನೂ ವಾಸಿಯಾಗದ ಕಾಯಿಲೆಯಲ್ಲ,. ಅಂತಹ ದೊಡ್ಡ ಸಮಸ್ಯೆಯೂ ಅಲ್ಲ. ಒಂದಷ್ಟು ಹೃದಯವಂತರು ಮನಸ್ಸು ಮಾಡಿದರೆ ಈಕೆಗೆ ಚಿಕಿತ್ಸೆ ಕೊಡಿಸಬಹುದು. ಹಾಗಾದಾಗ ಈಕೆ ಗಾಲಿಕುರ್ಚಿಯಲ್ಲಾದರೂ ಹೋದಾರು. ಹಾಗೆ ಹೋದರೆ ತನ್ನ ಬದುಕನ್ನು ತಾನು ನಡೆಸಿಯಾರು. ಕನಸುಗಳು ಕರಗಿ ಜಾರದಂತೆ ಈಕೆಯ ಆಸೆಯ ವೇದಿಕೆಗೆ ಮೆಟ್ಟಿಲಾಗಲು ಸಹಾಯ ಹಸ್ತ ಬೇಕಿದೆ.
ವಿಳಾಸ: ಭಾರತಿ. ಉಬರಡ್ಕ ಮನೆ. ಗೇರುಕಟ್ಟೆ ಅಂಚೆ. ಬೆಳ್ತಂಗಡಿ ತಾಲೂಕು. 02142200021971 ಗೇರುಕಟ್ಟೆ ಸಿಂಡಿಕೇಟ್ ಬ್ಯಾಂಕ್.

ಗುಡವಿಗೆ ಬನ್ನಿ, ಹಕ್ಕಿಗಳ ಕುಹೂ ಕುಹೂ ಕಲರವ ಕೇಳಲು


ರಾಜ್ಯದ ಪ್ರಮುಖ ಪಕ್ಷಿಧಾಮಗಳಲ್ಲಿ ಒಂದಾದ ಗುಡುವಿಯಲ್ಲಿ ಈಗ ಹಗಲೂ ರಾತ್ರಿ ಹಕ್ಕಿಗಳ ಕುಹೂ ಕುಹೂ ಕಲರವ. ಇದನ್ನು ಕೇಳಲು, ನೋಡಿ ಆನಂದಿಸಲು ನಿತ್ಯ ಜನ ಜಾತ್ರೆ. ಬಿಳಿಕೊಕ್ಕರೆ, ಕಪ್ಪುತಲೆ ಕೊಕ್ಕರೆ, ನೀರು ಕಾಗೆ, ಹೀಗೆ ಹತ್ತಾರು ಜಾತಿಯ
ಹಕ್ಕಿಗಳು ಸಾವಿರಾರು ಸಂಖ್ಯೆಯಲ್ಲಿ ಇಲ್ಲಿ ಜಮಾಯಿಸಿವೆ.
ಶಿವಮೊಗ್ಗ ಜಿಲ್ಲೆ ಸೊರಬ ತಾಲೂಕಿನ ಬನವಾಸಿ ರಸ್ತೆಯಲ್ಲಿರುವ ಗುಡವಿ ಸುಂದರ ಪಕ್ಷಿಧಾಮ. ಪ್ರತಿ ವರ್ಷ ಜೂನ್ ತಿಂಗಳಿನಲ್ಲಿ ಆಗಮಿಸುವ ಹಕ್ಕಿಗಳು ನವೆಂಬರ್ ತಿಂಗಳಿನವರೆಗೆ ಇಲ್ಲಿ ಠಿಕಾಣಿ ಹೂಡುತ್ತವೆ. ನಂತರ ಅವು ತಮ್ಮ ಸ್ವಸ್ಥಾನಕ್ಕೆ ಹೊರಟು ಹೋಗುತ್ತವೆ. ಸಂತಾನ ವೃದ್ಧಿಗಾಗಿ ಅವು ಇಲ್ಲಿಗೆ ಬರುತ್ತವೆ. ಎರಡು ಕೆರೆಗಳು, ಅವುಗಳ ಮಧ್ಯೆ ಇರುವ ಮರ-ಗಿಡಗಳು, ನೀರಿನಲ್ಲಿ ಇರುವ ಜಲಚರಗಳು ಹಕ್ಕಿಗಳಿಗೆ ಆಶ್ರಯ ನೀಡುತ್ತಿವೆ. ಅಲ್ಲದೇ ಸಾವಿರಾರು ಎಕರೆ ಇರುವ ಭತ್ತದ ಗದ್ದೆಗಳು ಆಹಾರ ಪೂರೈಸುವ ಕೇಂದ್ರಗಳಾಗಿವೆ.
ಕದಂಬರ ರಾಜಧಾನಿ ಬನವಾಸಿಗೆ ಭೇಟಿ ನೀಡುವ ಎಲ್ಲ ಪ್ರವಾಸಿಗರು ಸಮೀಪದಲ್ಲಿ ಇರುವ ಗುಡವಿಗೆ ಭೇಟಿ ನೀಡುತ್ತಾರೆ. ಇದರಿಂದ ಗುಡುವಿಯಲ್ಲಿ ಒಂದೆಡೆ ಹಕ್ಕಿಗಳ ಮೇಳ. ಇನ್ನೊಂದೆಡೆ ಜನರ ಜಾತ್ರೆ. ಅರಣ್ಯ ಇಲಾಖೆಯ ವಶದಲ್ಲಿರುವ ಪಕ್ಷಿಧಾಮವನ್ನು ಸಾಕಷ್ಟು ಅಭಿವೃದ್ಧಿಪಡಿಸಿದ್ದರೂ, ವೀಕ್ಷಣಾ ಗೋಪುರ, ಕುಡಿಯುವ ನೀರು, ಹಾಗೂ ಇನ್ನಿತರ ಸಮಸ್ಯೆಗಳು ಇನ್ನೂ ಪರಿಹಾರ ಕಂಡಿಲ್ಲ. ಅಲ್ಲದೇ ಇತ್ತೀಚಿನ ವರ್ಷಗಳಲ್ಲಿ ರಾಸಾಯನಿಕ ಗೊಬ್ಬರ, ಕೀಟನಾಶಕದ ಬಳಕೆ ಹೆಚ್ಚಾಗಿರುವುದರಿಂದ ಹಕ್ಕಿಗಳ ಮೊಟ್ಟೆಗಳು ಕೆಲವು ಮರಿಗಳಾಗುತ್ತಿಲ್ಲ ಎಂಬ ಮಾತುಗಳೂ ಕೇಳಿ ಬರುತ್ತಿವೆ. ಆಧುನಿಕ ಮನರಂಜನಾ ಸಲಕರಣೆಗಳು ಹಕ್ಕಿಗಳ ಬದುಕಿನ ಮೇಲೆ ಪರಿಣಾಮ ಬೀರುತ್ತವೆ ಎಂಬ ಮಾತುಗಳಿವೆ. ನಿಶ್ಯಬ್ಧವಾಗಿರಬೇಕಾದ ಸ್ಥಳದಲ್ಲಿ ಈಗ ಆಧುನಿಕ ಗದ್ದಲ!.

ಹೊನ್ನಾವರದ ಗಣೇಶ ಮಂದಿರದಲ್ಲಿ ಲಕ್ಷಾಹುತಿ ದೂರ್ವಾಹವನ


ನಂದನ ಸಂವತ್ಸರ ಅಧಿಕ ಭಾದ್ರಪದ ಮಾಸದ ಪ್ರಯುಕ್ತ ಹೊನ್ನಾವರದ ರಾಯಲಕೇರಿ ಶ್ರೀ ಗಣೇಶ ಮಂದಿರದಲ್ಲಿ ಸೆ.1ರಿಂದ 11ರ ವರೆಗೆ 'ಲಕ್ಷಾಹುತಿ ದೂರ್ವಾಹವನ' ಕಾರ್ಯಕ್ರಮ ನಡೆಯಲಿದೆ.
ಸೆ.1ರಿಂದ 11ರವರೆಗೆ ಶ್ರೀ ಅಷ್ಟೌಮಹಾಮಂತ್ರ, ಶ್ರೀ ಕೃಷ್ಣ, ಶ್ರೀ ವೆಂಕಟೇಶ ಮಂತ್ರ ಹವನ, ಶ್ರೀ ಆದಿತ್ಯ ಹೃದಯ ಹವನ, ರುದ್ರ ಹವನ, ಶ್ರೀ ಷಡ್ಬೀಜ ಮಂತ್ರ, ಬ್ರಹ್ಮಣಸ್ಪತಿಸೂಕ್ತ, ಗಣಹೋಮ, ಶ್ರೀ ಪುರುಷೋತ್ತಮ ಯೋ ಹವನ, ಶ್ರೀ ದ್ವಾದಶ ಸ್ತೋತ್ರ ಹವನ, ಶ್ರೀ ಹಿರಣ್ಯ ಸೂಕ್ತ ಹವನ, ಶ್ರೀ ಹರಿವಾಯುಸ್ತುತಿ ಹವನ, ಶ್ರೀ ಮನ್ಯುಸೂಕ್ತ ಹವನ, ಶ್ರೀ ಭಾಗ್ಯೈಕ್ಯ ಸೂಕ್ತ ಹವನ, ಶ್ರೀ ಮಹಾಯಜ್ಞದ ಪೂರ್ಣಾಹುತಿಯೊಂದಿಗೆ ಕಾರ್ಯಕ್ರಮ ಸಂಪನ್ನಗೊಳ್ಳಲಿದೆ. ಅಧಿಕ ಪುಣ್ಯಲ ನೀಡುವ ಈ ಕಾರ್ಯಕ್ರಮಗಳನ್ನು ಲೋಕಕಲ್ಯಾಣಾರ್ಥ ಕೈಗೊಳ್ಳಲಾಗಿದೆ. 'ಎಲೈ ದೂರ್ವೆಯೇ ರೋಗನಿವಾರಣೆಯಲ್ಲಿ ಅಮೃತದಂತಿರುವ, ನೂರಾರು ಬೇರು, ಚಿಗುರುಗಳನ್ನುಳ್ಳ ನೂರಾರು ಪಾಪಗಳನ್ನು ನಾಶ ಮಾಡುವ, ನೂರು ವರ್ಷ ಆಯುಷ್ಯ ಬೆಳೆಸುವ ನಿನಗೆ ಪ್ರಣಾಮ' ಎಂಬುದು ಶಾಸದಲ್ಲಿ ದೂರ್ವೆಯ ಬಗ್ಗೆ ಹೇಳಲಾಗಿರುವ ಉಕ್ತಿ.


ಡೋಂಟ್ ವರಿ, ಸೆಪ್ಟಂಬರ್ನಲ್ಲಿ ಉತ್ತಮ ಮಳೆಯಾಗಲಿದೆ


ಮಳೆ ಮಾರುತಗಳಿಗೆ ತಡೆಯಾಗಿರುವ ಎಲ್ನಿನೋ ಹವಾಮಾನದ ಸಾಧ್ಯತೆಗಳು ಕ್ಷೀಣಗೊಳ್ಳುತ್ತಿರುವ ಹಿನ್ನೆಲೆಯಲ್ಲಿ ಸೆಪ್ಟಂಬರ್ ತಿಂಗಳಲ್ಲಿ ದೇಶದಲ್ಲಿ ಉತ್ತಮ ಮಳೆಯಾಗಲಿದೆ ಎಂದು ಕೃಷಿ ಇಲಾಖೆ ಆಶಾವಾದ ವ್ಯಕ್ತಪಡಿಸಿದೆ. ದೇಶದಲ್ಲಿ ಮುಂಗಾರು ಮಳೆ ವ್ಯಾಪಕವಾಗಿ ಸುರಿಯದಿರುವುದರಿಂದ ಕರ್ನಾಟಕ ಸೇರಿದಂತೆ ಹಲವು ರಾಜ್ಯಗಳು ಬರಗಾಲಕ್ಕೆ ಈಡಾಗಿದ್ದು, ಇದೀಗ ಈ ಹಿಂದಿನ ಎಲ್ಲ ಮುನ್ಸೂಚನೆಗೆ ವ್ಯತಿರಿಕ್ತವಾಗಿ ಮುಂದಿನ ತಿಂಗಳಲ್ಲಿ ಮಳೆ ಉತ್ತಮಗೊಳ್ಳುವ ನಿರೀಕ್ಷೆ ಇದೆ ಎಂಬ ಕೃಷಿ ಖಾತೆಯ ಮುನ್ಸೂಚನೆ, ದೇಶದ ರೈತರ ಮೊಗದಲ್ಲಿ  ಸಂತಸ ಮೂಡಿಸಿದೆ.
ಆಗಸ್ಟ್  ತಿಂಗಳಾರಂಭದಲ್ಲಿ ಭಾರತೀಯ ಹವಾಮಾನ ಇಲಾಖೆ ಶಾಂತ ಸಾಗರದಲ್ಲಿ ಉಷ್ಣತೆಯ ಪ್ರಮಾಣ ಹೆಚ್ಚುತ್ತಿರುವುದರಿಂದಾಗಿ ಎಲ್ನಿನೋ ಹವಾಗುಣದ ಪರಿಣಾಮವಾಗಿ ಸೆಪ್ಟಂಬರ್ನಲ್ಲಿ ಸಾಮಾನ್ಯಕ್ಕಿಂತ ಕಡಿಮೆ ಮಳೆ ಸುರಿಯುವ ಸಾಧ್ಯತೆಗಳಿವೆ ಎಂದು ಮುನ್ಸೂಚನೆ ನೀಡಿತ್ತು. ಆದರೆ ಇಲಾಖೆಯ ಹೊಸ ಮುನ್ಸೂಚನೆಯ ಪ್ರಕಾರ, ಶಾಂತ ಸಾಗರದಲ್ಲಿನ ಉಷ್ಣತೆಯ ಪ್ರಮಾಣ ಸಾಮಾನ್ಯವಾಗಿದ್ದು, ಎಲ್ನಿನೋ ಭೀತಿಯ ಛಾಯೆ ನಿವಾರಣೆಯಾಗಿದೆ. ಸೆಪ್ಟಂಬರ್ನಲ್ಲಿ  ಈ ಹಿಂದಿನ ನಿರೀಕ್ಷೆಗಿಂತ ಹೆಚ್ಚಿನ ಪ್ರಮಾಣದಲ್ಲಿ ಮಳೆ ಸುರಿಯಲಿದೆ ಎಂದಿದ್ದಾರೆ ಕೃಷಿ ಖಾತೆಯ ಕಾರ್ಯದರ್ಶಿ ಆಶೀಷ್ ಬಹುಗುಣ.
ಪ್ರಸಕ್ತ ಮುಂಗಾರು ಋತುವಿನಲ್ಲಿ ಈ ವರೆಗೆ ದೇಶದಲ್ಲಿ  ಶೇ. 14ರಷ್ಟು  ಕಡಿಮೆ ಮಳೆ ಸುರಿದಿದೆ. ಮಳೆಯ ಕೊರತೆಯಿಂದಾಗಿ ಕರ್ನಾಟಕ, ಮಹಾರಾಷ್ಟ್ರ, ರಾಜಸ್ಥಾನ ಹಾಗೂ ಗುಜರಾತ್ನಲ್ಲಿ ಬಿತ್ತನೆ ಕಾರ್ಯಕ್ಕೆ ಭಾರೀ ಅಡಚಣೆ ಎದುರಾಗಿದೆ. ಕಳೆದ ವರ್ಷ ಇದೇ ಅವಧಿಯಲ್ಲಿ ದೇಶದಲ್ಲಿ  34.2 ದಶಲಕ್ಷ  ಹೆಕ್ಟೇರ್ಗಳಷ್ಟು ಪ್ರದೇಶದಲ್ಲಿ ಬಿತ್ತನೆ ಕಾರ್ಯ ನಡೆದಿದ್ದರೆ, ಈ ಬಾರಿ 32.9 ದಶಲಕ್ಷ ಹೆಕ್ಟೇರ್ ಪ್ರದೇಶದಲ್ಲಿ ಮಾತ್ರ ಬಿತ್ತನೆ ಕಾರ್ಯ ನಡೆದಿದೆ. ಒಟ್ಟಾರೆಯಾಗಿ ಮಳೆಯ ಕೊರತೆಯಿಂದಾಗಿ ಬಿತ್ತನೆ ಪ್ರದೇಶದಲ್ಲಿ ಶೇ. 5ರಷ್ಟು ಇಳಿಕೆಯಾಗಿದೆ. ಮುಂದಿನ ತಿಂಗಳು ದೇಶದಲ್ಲಿ ಉತ್ತಮ ಮಳೆಯಾಗುವ ನಿರೀಕ್ಷೆ ಇರುವುದರಿಂದ ಈ ಕೊರತೆ ಸಾಧ್ಯವಾದಷ್ಟು ಮಟ್ಟಿಗೆ ತುಂಬುವ ಆಶಾಭಾವವಿದೆ.
ಸದ್ಯ ದೇಶದಲ್ಲಿ ಮಳೆ ತನ್ನ ತೀವ್ರತೆಯನ್ನು ಕಂಡುಕೊಳ್ಳುತ್ತಿರುವುದರಿಂದಾಗಿ ದೇಶದ ಹಲವೆಡೆ ಕೃಷಿ ಕಾರ್ಯಗಳು ಚುರುಕುಗೊಂಡಿವೆ. ಕಳೆದ ವರ್ಷ ಜುಲೈ-ಜೂನ್ ಅವಧಿಯಲ್ಲಿ 257.44 ದಶಲಕ್ಷ ಟನ್ಗಳಷ್ಟು ಆಹಾರ ಉತ್ಪಾದನೆಯಾಗಿದ್ದು, ಈ ಬಾರಿ ಉತ್ಪಾದನೆಯ ಪ್ರಮಾಣದಲ್ಲಿ ಕೊಂಚ ಕುಸಿತ ಕಂಡು ಬರಲಿದೆ ಎಂಬುದು ಇಲಾಖೆಯ ಹೇಳಿಕೆ.

ಮಾಣಿಗಳಿಗೆ ದೆಹಲಿ ಕನ್ಯೆಯರ ಹುಡುಕಾಟ


ಬ್ರಾಹ್ಮಣ ಸಮುದಾಯದ ಗಂಡು ಮಕ್ಕಳು ಎದುರಿಸುತ್ತಿರುವ ಕನ್ಯಾಮಣಿಗಳ ಕೊರತೆಯ ಸಮಸ್ಯೆಯನ್ನು ಬಗೆಹರಿಸುವ ದೃಷ್ಟಿಯಿಂದ ಉತ್ತರ ಭಾರತ ಮತ್ತು ದಕ್ಷಿಣ ಭಾರತವನ್ನು ವೈವಾಹಿಕ ಸಂಬಂಧದಲ್ಲಿ ಬೆಸೆಯಲು ನಿರ್ಧಾರವೊಂದನ್ನು ಕೈಗೊಳ್ಳಲಾಗಿದೆ.
ಅ. 7ರಂದು ದೆಹಲಿಯಲ್ಲಿ ಮೊದಲ ಬಾರಿಗೆ ಉತ್ತರ ಮತ್ತು ದಕ್ಷಿಣ ಭಾರತದ ಬ್ರಾಹ್ಮಣ ಮುಖಂಡರ ಸಭೆಯು ಉಡುಪಿ ಶ್ರೀಗಳ ನೇತೃತ್ವದಲ್ಲಿ ನಡೆಯಲಿದೆ.
ಉತ್ತರ ಭಾರತದಲ್ಲಿ ಸಾಕಷ್ಟು ಸಂಖ್ಯೆಯಲ್ಲಿ ವಿಪ್ರ ಹೆಣ್ಣು ಮಕ್ಕಳು ಇದ್ದು, ಇವರನ್ನು ಇಲ್ಲಿನ ವಿಪ್ರ ಸಮಾಜದ ಯುವಕರಿಗೆ ಮದುವೆ ಮಾಡಿಕೊಡುವ ಸಂಬಂಧ ಮಾತುಕತೆಯ ಯತ್ನವೊಂದು ಆರಂಭಗೊಂಡಿದೆ. ಮುಖ್ಯವಾಗಿ ನಿರಾಶ್ರಿತರಾಗಿ ಕಾಲ ಕಳೆಯುತ್ತಿರುವ ಕಾಶ್ಮೀರಿ ಪಂಡಿತರ ಸಮುದಾಯದಲ್ಲಿ ದೊಡ್ಡ ಸಂಖ್ಯೆಯಲ್ಲಿ ಹೆಣ್ಣು ಮಕ್ಕಳಿದ್ದಾರೆ ಎನ್ನಲಾಗಿದ್ದು, ಅವರನ್ನು ಇಲ್ಲಿಗೆ ಕರೆತರುವ ಪ್ರಯತ್ನವೊಂದು ಸದ್ದಿಲ್ಲದೆ ಶುರುವಾಗಿದೆ. ಇದಕ್ಕೆ ಮಠಾಧೀಶರು ಕೈಜೋಡಿಸಿದ್ದಾರೆ.
ಮುಖ್ಯವಾಗಿ ಮಲೆನಾಡು ಮತ್ತು ಕರಾವಳಿ ತೀರ ಪ್ರದೇಶದ ವಿಪ್ರ ಸಮಾಜದಲ್ಲಿ ಯುವಕರಿಗೆ ಸಮುದಾಯದ ವಧುಗಳು ಸಿಗುತ್ತಿಲ್ಲ. ಹೆಣ್ಣು-ಗಂಡು ಅನುಪಾತದ ಕೊರತೆ ಒಂದೆಡೆಯಾದರೆ, ಬಹುತೇಕ ಎಲ್ಲ ಹೆಣ್ಣು ಮಕ್ಕಳು ಉನ್ನತ ವ್ಯಾಸಂಗ ಮಾಡುತ್ತಿದ್ದು, ಸಾಮಾನ್ಯ ಮಟ್ಟದ ಶಿಕ್ಷಣ ಪಡೆದ ಯುವಕರನ್ನು ಮದುವೆಯಾಗಲು ನಿರಾಕರಿಸುತ್ತಿದ್ದಾರೆ. ಜೊತೆಗೆ ನಗರದ ವ್ಯಾಮೋಹದಿಂದಾಗಿ ಗ್ರಾಮೀಣ ಪ್ರದೇಶದ ಯುವಕರಿಗಂತೂ 40 ಕಳೆದರೂ ಕಂಕಣ ಭಾಗ್ಯವೇ ಇಲ್ಲವಾಗಿದೆ. ಹೀಗಾಗಿ ಯುವಕರು ಕೂಡ ಹಳ್ಳಿಯಲ್ಲಿ ಉಳಿಯಲು ಒಪ್ಪುತ್ತಿಲ್ಲ. ಆದರೆ ಸಮಾಜದ ಶೇ. 50ಕ್ಕಿಂತ ಹೆಚ್ಚು ಜನರು ಕೃಷಿ ಜೀವನ ನಡೆಸುತ್ತಿದ್ದು, ಈ ಬೆಳವಣಿಗೆಯಿಂದಾಗಿ ಹಳ್ಳಿಗಳು ವೃದ್ದಾಶ್ರಮಗಳಾಗುತ್ತಿವೆ.
ಇತ್ತೀಚೆಗೆ ಶಿವಮ್ಗದಲ್ಲಿ ನಡೆದ ವಿಪ್ರಜಾಗೃತಿ ಸಮಾವೇಶದಲ್ಲಿ ಕೂಡ ಸಮಾಜದ ಗಂಡು ಮಕ್ಕಳು ಎದುರಿಸುತ್ತಿರುವ ವೈವಾಹಿಕ ಜೀವನದ ಸಮಸ್ಯೆ ಕುರಿತು ಚರ್ಚಿಸಲಾಗಿತ್ತು. ಇದಕ್ಕೆ ಪರಿಹಾರ ಕಂಡು ಕೊಳ್ಳುವ ಬಗ್ಗೆ ಕೂಡ ಗಂಭೀರ ಚಿಂತನೆ ನಡೆಸಲಾಗಿತ್ತು. ಇದೀಗ ಅಖಿಲ ಕರ್ನಾಟಕ ಬ್ರಾಹ್ಮಣ ಮಹಾಸಭಾ ಹಾಗೂ ಜಿಲ್ಲಾ ಬ್ರಾಹ್ಮಣ ಮಹಾಸಭಾ, ಜಿಲ್ಲಾ ವಿಪ್ರ ನೌಕರರ ಸಂಘದ ಪದಾಧಿಕಾರಿಗಳು ಹಾಗೂ ನಗರದ ಕೃಷ್ಣಮೂರ್ತಿ ಬಾಯರ್ ನೇತೃತ್ವದಲ್ಲಿ 25ಕ್ಕೂ ಹೆಚ್ಚು ಯುವಕರ ತಂಡ ಇತ್ತೀಚೆಗೆ ಮೈಸೂರಿನಲ್ಲಿ ಚಾರ್ತುಮಾಸ ಕುಳಿತಿರುವ ಉಡುಪಿ ಪೇಜಾವರ ಅಧೋಕ್ಷ ಮಠದ ಕಿರಿಯ ಶ್ರೀಗಳಾದ ಶ್ರೀ ವಿಶ್ವಪ್ರಸನ್ನ ತೀರ್ಥ ಶ್ರೀಪಾದಂಗಳವರನ್ನು ಭೇಟಿ ಮಾಡಿ, ಸಮಸ್ಯೆ ಕುರಿತು ಚರ್ಚೆ ನಡೆಸಿ, ಶ್ರೀಗಳ ಸಹಕಾರವನ್ನು ಕೋರಿದ್ದರು.
ಈ ಸಂದರ್ಭದಲ್ಲಿ ಉತ್ತರ ಭಾರತದಲ್ಲಿರುವ ವಧುವಿನ ಪೋಷಕರು ಹಾಗೂ ಬ್ರಾಹ್ಮಣ ಸಮಾಜದ ಮುಖಂಡರ ಜೊತೆಗೆ ಚರ್ಚಿಸಿ ಉತ್ತರ ಹಾಗೂ ದಕ್ಷಿಣ ಭಾರತದ ನಡುವೆ ಸಂಬಂಧ ಬೆಸೆಯುವ ಕುರಿತು ಮಾತುಕತೆ ನಡೆಸಲಾಯಿತು. ಇದಕ್ಕೆ ಶ್ರೀಗಳು ಪೂರಕವಾಗಿ ಸ್ಪಂದಿಸಿ, ಸಮಸ್ಯೆ ಬಗೆಹರಿಸುವ ನಿಟ್ಟಿನಲ್ಲಿ ತಾವು ಸಂಪೂರ್ಣ ಸಹಕಾರ ನೀಡುವುದಾಗಿ ಭರವಸೆ ನೀಡಿದರು.
ಚರ್ಚೆಯ ಲವಾಗಿ ಅ. 7ರಂದು ನವದೆಹಲಿಯ ವಿದ್ಯಾಪೀಠದಲ್ಲಿ ಉತ್ತರ ಭಾರತ ಹಾಗೂ ದಕ್ಷಿಣ ಭಾರತದ ಬ್ರಾಹ್ಮಣ ಸಮಾಜದ ಮುಖಂಡರ ಸಭೆಗಳನ್ನು ಶ್ರೀಗಳ ಸಾನ್ನಿಧ್ಯದಲ್ಲಿ ನಡೆಸುವ ತೀರ್ಮಾನ ಕೈಗೊಳ್ಳಲಾಯಿತು. ಸಮಸ್ಯೆ ಬಗೆಹರಿಸುವ ಕುರಿತು ವಿವಿಧ ಸಮಾನ ಮನಸ್ಕ ಮಠಾಧೀಶರನ್ನು ಸಂಪರ್ಕಿಸುವ ಜವಾಬ್ದಾರಿಯನ್ನು ಅಖಿಲ ಕರ್ನಾಟಕ ಬ್ರಾಹ್ಮಣ ಮಹಾಸಭಾದ ಸಂಘಟನಾ ಕಾರ್ಯದರ್ಶಿ ಮಾ.ಸ. ನಂಜುಂಡಸ್ವಾಮಿ ಅವರಿಗೆ ವಹಿಸಲಾಗಿದೆ.
ಅ. 7ರಂದು ನಡೆಯುವ ಈ ಸಭೆಯಲ್ಲಿ ಪಾಲ್ಗೊಳ್ಳಲು ಆಸಕ್ತಿ ಹೊಂದಿರುವವರು ಮಾ.ಸ. ನಂಜುಂಡಸ್ವಾಮಿ (ಮೊ. 9448721572) ಸಾಗರ ಅಥವಾ ಕೃಷ್ಣಮೂರ್ತಿ ಬಾಯರ್ ನಗರ (ಮೊ. 9480566790) ಇವರನ್ನು ಸಂಪರ್ಕಿಸಬಹುದಾಗಿದೆ. ಕಳೆದ ಎರಡು ವರ್ಷಗಳಿಂದ ಶೃಂಗೇರಿ ಶ್ರೀಮಠದ ನೇತೃತ್ವದಲ್ಲಿ ಹೊರ ರಾಜ್ಯದಲ್ಲಿರುವ ಬ್ರಾಹ್ಮಣ ಕನ್ಯೆಯರನ್ನು ಸಂಬಂಧ ಮಾಡಿಕೊಳ್ಳುವ ಕುರಿತಂತೆ ಮುಂದಡಿ ಇಡಬೇಕು ಎಂಬ ಆಗ್ರಹ ಭಕ್ತರಿಂದ ಕೇಳಿ ಬಂದಿತ್ತು. ಇದರ ನೇತೃತ್ವ ವಹಿಸಲು ಮಠದ ಮುಖ್ಯಸ್ಥರು ಕೂಡ ಒಪ್ಪಿದ್ದರು.

ಸ್ಟಾರ್ ಆಸ್ಪತ್ರೆಗಳ ದಿನದ ಬೆಡ್ ಬಾಡಿಗೆಯೇ ಒಂದು ಲಕ್ಷ


ಐಷಾರಾಮಿ ಹೋಟೆಲ್ಗಳಲ್ಲಿ ಒಂದು ದಿನದ ರೂಮಿನ ಬಾಡಿಗೆ 75,000 ರೂ. ಆಸುಪಾಸು ಇರುವುದು ಸಾಮಾನ್ಯ. ಆದರೆ ಇತ್ತೀಚಿನ ದಿನಗಳಲ್ಲಿ ಹೈಟೆಕ್ 5 ಸ್ಟಾರ್ ಆಸ್ಪತ್ರೆಗಳ ಒಂದು ದಿನದ ಬೆಡ್ ಶುಲ್ಕವೂ ಹೆಚ್ಚು ಕಡಿಮೆ 1 ಲಕ್ಷ ರೂ.ವರೆಗೆ ತಲುಪಿ ನಿಂತಿದೆ. ದಿಲ್ಲಿಯಲ್ಲಿರುವ ಫೋರ್ಟಿಸ್ ಹಾರ್ಟ್ ಇನ್ಸಿಟಿಟ್ಯೂಟ್ನ ಪ್ರೆಸಿಡೆನ್ಷಿಯಲ್ ಸೂಟ್ಸ್ (ಕೊಠಡಿ)ನ ಒಂದು ದಿನದ ಬೆಡ್ ಶುಲ್ಕ 75,000 ರೂ., ಇನ್ನು ಗುಡಂಗಾವ್ನಲ್ಲಿ ಶೀಘ್ರವೇ ಆರಂಭವಾಗಲಿರುವ ಇದೇ ಫೋರ್ಟಿಸ ಸಂಸ್ಥೆಯ 7 ಸ್ಟಾರ್ ಆಸ್ಪತ್ರೆಯಲ್ಲಿ 1 ದಿನದ ಬೆಡ್ ಶುಲ್ಕ ಹೆಚ್ಚು ಕಡಿಮೆ 1 ಲಕ್ಷ ರೂ. ಆಸುಪಾಸಿನಲ್ಲಿದೆ. ಅಂದಹಾಗೆ ಈ ಶುಲ್ಕದಲ್ಲಿ ಯಾವುದೇ ವೈದ್ಯಕೀಯ ಸೇವೆಯ ಶುಲ್ಕ ಸೇರಿಲ್ಲ. ಇದೇನಿದ್ದರೂ ಐಷಾರಾಮಿ ಸೇವೆ, ಭದ್ರತೆ, ರಹಸ್ಯ ವಾತಾವರಣ ಕಾಪಾಡಿಕೊಳ್ಳುವುದಕ್ಕೇ ನೀಡಬೇಕಾದ ಹಣ.
ಇದರ ಜೊತೆಗೆ ವಿಶ್ವವಿಖ್ಯಾತ ಬಾಣಸಿಗರು ರೋಗಿಗಳಿಗೆ ಕೊಡಬಹುದಾದ ಬಾಯಿಯಲ್ಲಿ ನೀರೂರಿಸುವ ಔತಣ ತಯಾರಿಸಿ ಕೊಡುತ್ತಾರೆ. ಕೊಠಡಿಯಲ್ಲೇ ಎಲ್ಸಿಡಿ ಟೀವಿ, ವೈಫೈ ಸಂಪರ್ಕ, ರೆಫ್ರಿಜಿರೇಟರ್, ಭೇಟಿಗೆ ಬಂದವರಿಗೆ ವಿಶ್ರಾಂತಿಗೆ ಪ್ರತ್ಯೇಕ ಸ್ಥಳ, ರೂಫ್ಟಾಪ್ ಗಾರ್ಡನ್... ಹೀಗೆ ಹತ್ತು ಹಲವು ಸೌಕರ್ಯಗಳು ರೋಗಿಗಳಿಗೆ ಲಭ್ಯ.
ಹೀಗಾಗಿಯೇ ಹಣಕ್ಕೆ ಕೊರತೆ ಇಲ್ಲದವರು ಇತ್ತೀಚಿನ ದಿನಗಳಲ್ಲಿ ಇಂತಹ ಆಸ್ಪತ್ರೆಗಳತ್ತ ಮುಖ ಮಾಡುತ್ತಿದ್ದಾರೆ. ಪರಿಣಾಮ ಇಂತಹ ದುಬಾರಿ ಸೇವೆ ನೀಡುವ ಆಸ್ಪತ್ರೆಗಳ ಸಂಖ್ಯೆಯೂ ಹೆಚ್ಚಾಗುತ್ತಿದೆ. ಇದರ ಜೊತೆಗೆ ಈ ಆಸ್ಪತ್ರೆಗಳಲ್ಲಿ ಸಿಗುವ ನುರಿತ ವೈದ್ಯರ ಸೇವೆ ಕೂಡಾ ರೋಗಿಗಳನ್ನು ದುಬಾರಿ ವೆಚ್ಚದ ಹೊರತಾಗಿಯೂ ಈ ಆಸ್ಪತ್ರೆಗಳತ್ತ ಬರುವಂತೆ ಮಾಡುತ್ತಿದೆ.


ಇದಕ್ಕೆ ಉದಾಹರಣೆ ನಟ ರಜನಿಕಾಂತ್ ಅವರ ಪುತ್ರಿ ಐಶ್ವರ್ಯಾ. ಅವರು ತಮ್ಮ ಎರಡನೇ ಹೆರಿಗೆಯನ್ನು ಚೆನ್ನೈನಲ್ಲಿರುವ ಅಪೋಲೋ ಆಸ್ಪತ್ರೆಯಲ್ಲಿ ಮಾಡಿಸಿಕೊಂಡಿದ್ದು. ಈ ಆಸ್ಪತ್ರೆ ಕೂಡಾ ಅತ್ಯಾಧುನಿಕ ಸೇವೆಯ ಜೊತೆಗೆ ದುಬಾರಿ ಶುಲ್ಕಕ್ಕೆ ಖ್ಯಾತಿ ಹೊಂದಿರುವಂತಹದ್ದು. ಜೇಬು ತುಂಬಿರುವ ಶ್ರೀಮಂತರಿಗೆ ಹಣಕ್ಕಿಂತ ಶುಚಿತ್ವ, ಐಷಾರಾಮಿ ಸೇವೆ, ಭದ್ರತೆ ಹೆಚ್ಚು ಆಪ್ತವಾಗಿರುವುದರಿಂದ ಫೈವ್ಸ್ಟಾರ್ ಆಸ್ಪತ್ರೆಗಳ ಸಂಖ್ಯೆ ಹೆಚ್ಚುತ್ತಿದೆ ಎನ್ನುವುದು ವೈದ್ಯರ ಅಭಿಪ್ರಾಯ.
ಇನ್ನು ಐಶ್ವರ್ಯಾ ರೈ ಮುಂಬೈನ ಸೆವೆನ್ ಹಿಲ್ಸ್ ಆಸ್ಪತ್ರೆ ಅತ್ಯಂತ ಬಿಗಿ ಭದ್ರತೆ ಹೊಂದಿದೆ ಎಂಬ ಕಾರಣಕ್ಕಾಗಿಯೇ ಹೆರಿಗೆಗಾಗಿ ಅಲ್ಲಿಗೆ ದಾಖಲಾಗಿದ್ದರು. ಅಲ್ಲಿದ್ದಷ್ಟೂ ದಿನ ಅವರಿಗೆ ಅಲ್ಲಿ ಸಿಕ್ಕ ಸೇವೆಯಿಂದ ತೃಪ್ತಿ ಹೊಂದಿದ್ದ ನಟ ಅಮಿತಾಭ್ ಬಚ್ಚನ್, ಇತ್ತೀಚೆಗೆ ತಮ್ಮ ಹರ್ನಿಯಾ ಶಸ್ತ್ರಚಿಕಿತ್ಸೆಗೂ ಸೆವೆನ್ ಹಿಲ್ಸ್ಗೆ ದಾಖಲಾಗಿದ್ದರು.

ಇಲಿ ಜ್ವರ ಹೇಗೆ ಬರುತ್ತದೆ?


ಇಲಿ ಜ್ವರ ಒಬ್ಬರಿಂದ ಒಬ್ಬರಿಗೆ ಹರಡುವ ಕಾಯಿಲೆ. ಮುಖ್ಯವಾಗಿ ಈ ಜ್ವರ ಕಂಡು ಬರುವುದು ಇಲಿ, ಹೆಗ್ಗಣ ಹಾಗೂ ಕಾಡು ಪ್ರಾಣಿಗಳಲ್ಲಿ. ಅವುಗಳಿಂದ ನೀರಿನ ಮೂಲಕ ಹರಡುವ ರೋಗಾಣುಗಳು ಮಾನವನ ದೇಹದಲ್ಲಿರುವ ಗಾಯಗಳ ಮೂಲಕ ಅಥವಾ ಆ ಕಲುಷಿತ ನೀರಿನಲ್ಲಿ ಕಣ್ಣು ತೊಳೆದಾಗ ಮಾನವ ದೇಹವನ್ನು ಪ್ರವೇಶಿಸುತ್ತವೆ.

ಲೆಪ್ಟೊಸ್ಟೈರೋಸಿಸ್ ಎಂದು ಕರೆಯಲಾಗುವ ಈ ರೋಗ ಸೆರೋಕಿಟಾ ಎಂಬ ಸೂಕ್ಷ್ಮಾಣು ಜೀವಿಗಳಿಂದ ಉಂಟಾಗುವ ಸಾಂಕ್ರಾಮಿಕ ರೋಗ. ರೋಗವನ್ನು ಹರಡಬಹುದಾದ ರೋಗಾಣುಗಳು ಪ್ರಾಣಿಗಳ ಮೂತ್ರದಲ್ಲಿದ್ದು, ಇಂತಹ ಸೋಂಕು ದೇಹವನ್ನು ಸೇರಿ ಮನುಷ್ಯರಿಗೆ ಈ ಕಾಯಿಲೆ ಕಾಣಿಸಿಕೊಳ್ಳುತ್ತದೆ.
ಮನೆಯ ಪರಿಸರದಲ್ಲಿ ಇರುವ ಇಲಿ, ಹೆಗ್ಗಣ, ಬೆಕ್ಕು, ನಾಯಿ ಹಾಗೂ ಕೆಲವು ಕಾಡು ಪ್ರಾಣಿಗಳ ದೇಹದಲ್ಲಿ ರೋಗದ ಸೂಕ್ಷ್ಮಾಣುಗಳು ಇರುತ್ತವೆ. ಸೋಂಕು ಹೊಂದಿರುವ ಇಂತಹ ಪ್ರಾಣಿಗಳ ಮಲ, ಮೂತ್ರ ಮೂಲಕ ರೋಗಾಣುಗಳು(ಸ್ಟೈರೋಕಿಟಾ) ನೀರಿನಲ್ಲಿ ಸೇರಿಕೊಳ್ಳುತ್ತದೆ. ಇಂತಹ ಕಲುಷಿತ ನೀರನ್ನು ಮನುಷ್ಯ ಕುಡಿದಾಗ, ಇಲ್ಲವೇ ಇಂತಹ ನೀರು ದೇಹ ಸಂಪರ್ಕ ಹೊಂದಿದಾಗ ಶರೀರದಲ್ಲಿ ಇರಬಹುದಾದ ಗಾಯಗಳ ಮೂಲಕ ರೋಗಾಣುಗಳು ದೇಹವನ್ನು ಸೇರಿಕೊಳ್ಳುತ್ತವೆ. ಅಲ್ಲದೆ ಬಾಯಿ, ಮೂಗು, ಮತ್ತು ಕಣ್ಣುಗಳ ಒಳ ಭಾಗದ ಮೂಲಕವೂ ದೇಹವನ್ನು ಪ್ರವೇಶಿಸುವ ಸಾಧ್ಯತೆ ಇದೆ. ಈ ರೋಗಾಣುಗಳು ದೇಹವನ್ನು ಸೇರಿದ 4-19 ದಿನಗಳಲ್ಲಿ ರೋಗ ಲಕ್ಷಣಗಳು ಕಾಣಿಸಿಕೊಳ್ಳುತ್ತವೆ.
ರೋಗ ಲಕ್ಷಣಗಳು:
ಜ್ವರ, ಮಾಂಸ ಖಂಡಗಳ ನೋವು, ಮೈ ಕೈ ನೋವು ಹಾಗೂ ತಲೆನೋವು ಕಾಣಿಸಿಕೊಳ್ಳುವುದು ರೋಗದ ಲಕ್ಷಣಗಳಲ್ಲಿ ಒಂದು. ಕೆಲವರಲ್ಲಿ ಪಿತ್ತ ಕಾಮಾಲೆ(ಜಾಂಡೀಸ್)ಯ ಲಕ್ಷಣಗಳೂ ಕಂಡು ಬರುವ ಸಾಧ್ಯತೆ ಇದೆ. ಬಾಯಿ, ಮೂಗು, ಕದಲ್ಲಿ ರಕ್ತ ಸ್ರಾವವನ್ನು ಕಾಣಬಹುದು. ಮೂತ್ರ ಪಿಂಡ ಹಾಗೂ ಹೃದಯದ ಸೋಂಕು ಉಂಟಾಗಬಹುದು.
ಚಿಕಿತ್ಸಾ ಮಾಹಿತಿ:
ಕ್ರಮ ಬದ್ಧವಾದ ಚಿಕಿತ್ಸೆಯಿಂದ ರೋಗವನ್ನು ಸಂಪೂರ್ಣ ಗುಣಪಡಿಸಬಹುದು. ಹೃದಯ, ಶ್ವಾಸಕೋಶ, ಮೂತ್ರಪಿಂಡ ಸೋಂಕು ಬಹಳ ವಿರಳವಾಗಿದ್ದರೂ ಅವುಗಳ ಸೋಂಕು ಕಾಣಿಸಿಕೊಂಡಲ್ಲಿ, ಚಿಕಿತ್ಸೆ ಸಕಾಲಕ್ಕೆ ದೊರಕದಿದ್ದಲ್ಲಿ ದುಷ್ಪರಿಣಾಮ ಉಂಟಾಗಬಹುದು. ಶೀಘ್ರ ರೋಗಪತ್ತೆ ಹಾಗೂ ಕ್ರಮಬದ್ಧ ಚಿಕಿತ್ಸೆಯಿಂದ ರೋಗವನ್ನು ಸಂಪೂರ್ಣವಾಗಿ ಗುಣಪಡಿಸಬಹುದಾಗಿದೆ. ರೋಗಿಯನ್ನು ಇತರರಿಂದ ಪ್ರತ್ಯೇಕಿಸುವ ಅಗತ್ಯವಿಲ್ಲ. ಸೋಂಕು ರೋಗಿಯಿಂದ ಆರೋಗ್ಯವಂತ ವ್ಯಕ್ತಿಗಳಿಗೆ ರೋಗ ಹರಡುವುದಿಲ್ಲ.
ಮುಂಜಾಗ್ರತಾ ಕ್ರಮಗಳು:
* ನೀರಿನ ಸಂರಕ್ಷಣೆ ಅತೀ ಅಗತ್ಯವಾಗಿದ್ದು, ಸ್ನಾನ ಮತ್ತು ಕುಡಿಯಲು ಉಪಯೋಗಿಸುವ ನೀರಿನಲ್ಲಿ ಪ್ರಾಣಿಗಳ ಮೂತ್ರ ಸೇರದಂತೆ ನೀರಿನ ಶೇಖರಣಾ ತೊಟ್ಟಿಗಳಿಗೆ ಭದ್ರವಾಗಿ ಮುಚ್ಚಳವನ್ನು ಮುಚ್ಚಿರಬೇಕು.
* ಸಾಕು ಪ್ರಾಣಿ ಹಾಗೂ ಕಾಡು ಪ್ರಾಣಿಗಳಲ್ಲಿ ಈ ರೋಗ ಹರಡುವ ರೋಗಾಣುಗಳು ಇರುವ ಸಾಧ್ಯತೆ ಇರುವುದರಿಂದ ಕೊಳ, ಹೊಂಡ ಹಾಗೂ ನಿಂತ ನೀರಿನಲ್ಲಿ ಸ್ನಾನ ಮಾಡಬಾರದು ಹಾಗೂ ಈ ನೀರನ್ನು ಸೇವಿಸಬಾರದು.
* ಆಹಾರ ಪದಾರ್ಥಗಳು, ಹಣ್ಣು, ತರಕಾರಿ ಇತ್ಯಾದಿಗಳು ಇಲಿಗಳಿಗೆ ಸಿಗದಂತೆ ದಾಸ್ತಾನು ಮಾಡಬೇಕು. ಮನೆ, ಗೋದಾಮು, ಅಂಗಡಿ, ಚರಂಡಿ ಹಾಗೂ ಹೊಲ ಗದ್ದೆ ಪರಿಸರದಲ್ಲಿ ಇಲಿಗಳು ವಾಸ ಮಾಡದಂತೆ ಹಾಗೂ ಸಂತಾನ ವೃದ್ಧಿಯಾಗದಂತೆ ಬಿಲ, ಕಿಂಡಿಗಳನ್ನು ಮುಚ್ಚಬೇಕು. ಪರಿಸರ ನೈರ್ಮಲ್ಯದಿಂದ ರೋಗ ಹರಡುವ ಸಾಧ್ಯತೆಗಳು ಕಡಿಮೆಯಾಗುತ್ತದೆ.
* ಇಂತಹ ಪ್ರಾಣಿಗಳು ಇರಬಹುದಾದ ವಾಸ ಸ್ಥಳಗಳಲ್ಲಿ ಬರಿಗಾಲಿನಲ್ಲಿ ಓಡಾಡದೆ ಚಪ್ಪಲಿ ಧರಿಸಿ ನಡೆಯುವುದು. ಹೆಚ್ಚಿನ ಮಾಹಿತಿ ಹಾಗೂ ಚಿಕಿತ್ಸೆಗಾಗಿ ಹತ್ತಿರದ ಆರೋಗ್ಯ ಕೇಂದ್ರಗಳ ವೈದ್ಯಾಧಿಕಾರಿಗಳ ಸಲಹೆ ಪಡೆಯಬೇಕು.
* ಮುಖ್ಯವಾಗಿ ಇಲಿಗಳು ಓಡಾಡುವ ಪ್ರದೇಶಗಳಲ್ಲಿ ಕೆಲಸ ಮಾಡುವವರು ಹೆಚ್ಚಿನ ಮುಂಜಾಗ್ರತೆ ವಹಿಸಬೇಕು.
* ರೋಗ ಕಾಣಿಸಿಕೊಂಡ ಪ್ರದೇಶದ ಕೃಷಿಕರು ಹಾಗೂ ಕಾರ್ಮಿಕರು ಖಾಲಿ ಕಾಲಿನಲ್ಲಿ ಓಡಾಡಬಾರದು. ಚಪ್ಪಲಿ ಅಥವಾ ಗ್ಲೌಸ್ ಹಾಕಬೇಕು.
* ರೋಗ ಲಕ್ಷಣ ಕಂಡು ಬಂದಾಕ್ಷಣ ವ್ಯಕ್ತಿ ವೈದ್ಯರನ್ನು ಭೇಟಿ ಮಾಡಿ, ಸೂಕ್ತ ಚಿಕಿತ್ಸೆ ಪಡೆದುಕೊಳ್ಳುವುದು ಒಳ್ಳೆಯದು.
* ರೋಗ ಪತ್ತೆಗಾಗಿ ಸ್ಕ್ರೀನಿಂಗ್ ಟೆಸ್ಟ್ (ಪರೀಕ್ಷೆ) ಮಾಡಿಸಿ ಅನುಮಾನದ ಮಟ್ಟದಲ್ಲಿದ್ದರೆ ಸೂಕ್ತ ಚಿಕಿತ್ಸೆ ಪಡೆದುಕೊಳ್ಳುವುದು ಒಳ್ಳೆಯದಿ.
* ಇಲಿ ಜ್ವರಕ್ಕೆ ಎಲ್ಲ ಸರಕಾರಿ ಆಸ್ಪತ್ರೆಗಳಲ್ಲಿ ಔಷಧಿ ಲಭ್ಯವಿದ್ದು, ಚಿಕಿತ್ಸೆ ಪಡೆಯ ಬಹುದಾಗಿದೆ ಎನ್ನುತ್ತಾರೆ ವೈದ್ಯರು. ರೋಗ ಉಲ್ಬಣಗೊಂಡರೆ ಚಿಕಿತ್ಸೆ ಕಷ್ಟವಾಗಿದ್ದು, ಜ್ವರದ ಲಕ್ಷಣಗಳು ಕಂಡು ಬಂದ ತತ್ಕ್ಷಣ ವೈದ್ಯರನ್ನು ಕಾಣಬೇಕು ನ್ನುವುದು ಆರೋಗ್ಯ ತಜ್ಞರ ಅಭಿಮತ.

ಅಶ್ಲೀಲ ಎಸ್ಎಂಎಸ್ ಕಳುಹಿಸುವುದರಲ್ಲಿ ಭಾರತೀಯರೂ ಮುಂದೆ


ಅಶ್ಲೀಲ ಎಸ್ಎಂಎಸ್, ಎಂಎಂಎಸ್ ಕಳುಹಿಸುವ ವಿಪರೀತ ಚಾಳಿ ಏನಿದ್ದರೂ, ವಿದೇಶೀಯರೇ.. ಭಾರತೀಯರೇನಿದ್ದರೂ, ತೀರಾ ತೀರಾ ಪರಮ ಪವಿತ್ರರು ಎಂದುಕೊಂಡಿದ್ದರೆ, ನಿಮ್ಮ ಊಹೆ ತಪ್ಪು. ಭಾರತದಲ್ಲೂ ಅಶ್ಲೀಲ ಎಸ್ಎಂಎಸ್ಗಳನ್ನು, ಚಿತ್ರಗಳನ್ನು ಕಳುಹಿಸುವ ಚಾಳಿ ಹೆಚ್ಚಾಗುತ್ತಿದ್ದು, ಶೇ.54ರಷ್ಟು ಮಂದಿ ಇಂತಹುವುಗಳಲ್ಲಿ ನಿರತರಾಗಿರುತ್ತಾರೆ ಎಂದು ಸಮೀಕ್ಷೆಯೊಂದು ಹೇಳಿದೆ.
ಟೈಮ್ ಮ್ಯಾಗಝೀನ್ ನಡೆಸಿದ "ವೈರ್ಲೆಸ್ ಇಷ್ಯೂ" ಎಂಬ ಸಮೀಕ್ಷೆಯಲ್ಲಿ ಈ ವಿಚಾರ ಬಯಲಾಗಿದೆ. ಸಮೀಕ್ಷೆಗಾಗಿ 8 ದೇಶಗಳನ್ನು - ಭಾರತ, ಅಮೆರಿಕ, ಬ್ರಿಟನ್, ದಕ್ಷಿಣ ಕೊರಿಯಾ, ದಕ್ಷಿಣ ಆಫ್ರಿಕಾ, ಇಂಡೋನೇಷಿಯಾ ಮತ್ತು ಬ್ರೆಝಿಲ್ನ 5 ಸಾವಿರ ಮಂದಿಯನ್ನು ಸಂದರ್ಶಿಸಲಾಗಿದೆ.
ಇವುಗಳಲ್ಲಿ ಅಶ್ಲೀಲ ಎಸ್ಎಂಎಸ್ ಕಳುಹಿಸುವ ಪ್ರಮಾಣ ಬ್ರೆಝಿಲ್ನಲ್ಲಿ ಶೇ.64ರಷ್ಟಿದ್ದರೆ, ಶೇ.45 ಅಮೆರಿಕ ಮತ್ತು ಶೇ.54ರಷ್ಟು ದಕ್ಷಿಣ ಆಫ್ರಿಕಾದ ಮಂದಿಯಿದ್ದಾರೆ.
ಸಮೀಕ್ಷೆ ಪ್ರಕಾರ, ಆಧುನಿಕ ಯುಗದಲ್ಲಿ ಫೋನ್ನಂತಹ ಮಾಧ್ಯಮಗಳು ಬಂದ ಮೇಲೆ ಸಂಬಂಧಗಳು ಬಹುಬೇಗ ಸಾಧ್ಯವಾಗುತ್ತವೆ.ಬಹುತೇಕ ರಾಷ್ಟ್ರಗಳಲ್ಲಿ ಶೌಚಾಲಯ, ನೀರನ್ನು ಬಳಸುವುದಕ್ಕೂ ಹೆಚ್ಚು, ಜನ ಮೊಬೈಲ್ ಬಳಸುತ್ತಾರೆ ಎನ್ನಲಾಗಿದೆ. ಸಮೀಕ್ಷೆಗೊಳಪಟ್ಟವರಲ್ಲಿ ಶೇ.84ರಷ್ಟು ಮಂದಿ ಮೊಬೈಲ್ ಇಲ್ಲದಿದ್ದರೆ, ಒಂದು ದಿನ ಕಳೆಯಲೂ ಸಾಧ್ಯವಿಲ್ಲ ಎಂದಿದ್ದಾರೆ. ಇಂಥವರು ಪ್ರತಿ 30 ನಿಮಿಷಕ್ಕೊಮ್ಮೆ ಮೊಬೈಲ್ ಹಿಡಿಯುತ್ತಾರೆ. ಇವರಲ್ಲಿ ಐವರಲ್ಲೋರ್ವ, ಪ್ರತಿ ಹತ್ತು ನಿಮಿಷಕ್ಕೆ ಮೊಬೈಲ್ ನೋಡುತ್ತಾರೆ ಎಂದು ಹೇಳಲಾಗಿದೆ.

ಸ್ವಾತಂತ್ರ್ಯವೆಂಬುದು ಹಲವರು ಮಾಡಿದ ಬಲಿದಾನದ ಫಲ


ನಮ್ಮ ಹೆಮ್ಮೆಯ ತಾಯ್ನಡಾದ ಭಾರತವು ಸುಮಾರು ಮೂರು ಶತಮಾನಗಳ ದಾಸ್ಯದ ಸಂಕೋಲೆಯಿಂದ ಬಿಡುಗಡೆಗೊಂಡು ಇಂದು ಅರುವ್ತೈದನೆಯ ಸ್ವಾತಂತ್ರ್ಯೋತ್ಸವ ಆಚರಿಸುತ್ತಿರುವ ಸಂಭ್ರಮದ ಹಿಂದೆ ಭಾರತಕ್ಕೆ ಸ್ವಾತಂತ್ರ್ಯ ದೊರಕಿಸಿಕೊಟ್ಟ ಅದೆಷ್ಟು ಧೀರ, ವೀರ, ತ್ಯಾಗಿಗಳ ಬಲಿದಾನಗಳಿವೆ ಎಂಬುದನ್ನು ಇಂದಿನ ಯುವಜನತೆ ಒಮ್ಮೆಯಾದರೂ ನೆನಪಿಸಿಕೊಂಡರೆ ಚೆನ್ನ. ನಮ್ಮ ಮೊಗದಲ್ಲರಳುವ ಹೂ ನಗುವಿನ ಹಿಂದೆ ಸಾವಿರಾರು ಸ್ವಾತಂತ್ರ್ಯ ಹೋರಾಟಗಾರರ ಕಣ್ಣೀರ ಕಥೆಗಳಿವೆ ಎಂಬುದನ್ನು ಈ ಸಂದರ್ಭದಲ್ಲಿ ನಾವಿಲ್ಲಿ ಸ್ಮರಿಸಲೇಬೇಕು.
ನಮ್ಮ ನೆಲದಲ್ಲಿ ನಾವೇ ಗುಲಾಮರಾದೆವು:
ತನ್ನ ಅನನ್ಯ ಪರಂಪರೆಯಿಂದ, ಸಕಲ ಸಂಪದ್ಭರಿತ ರಾಷ್ಟ್ರವಾಗಿ ವಿಶ್ವದ ಗಮನ ಸೆಳೆಯುತ್ತಿದ್ದ ಭಾರತಕ್ಕೆ ವ್ಯಾಪಾರಕ್ಕೆಂದು ಬಂದ ಪರಕೀಯರು ಇಲ್ಲಿ ತಮ್ಮ ಆಳ್ವಿಕೆಯನ್ನು ಸ್ಥಾಪಿಸಿ ನಮ್ಮವರನ್ನೆಲ್ಲ ಗುಲಾಮರನ್ನಾಗಿಸಿದರು. ವಿದೇಶೀಯರ ದಾಳಿಗೆ ಸಿಲುಕಿ ತಾಯ್ನಡಿನಲ್ಲೇ ಪರಕೀಯರಾಗುವ ಸ್ಥಿತಿ ಭಾರತೀಯರದ್ದಾಗಿತ್ತು.
ಬ್ರಿಟಿಷ್ ಆಡಳಿತವು ಭಾರತದ ಆರ್ಥಿಕತೆಯನ್ನು ಅಸ್ತವ್ಯಸ್ತಗೊಳಿಸಿತು. ಅವರ ಬಿಗು ಧೋರಣೆಗಳು ಜನರ ಬದುಕನ್ನೇ ಬುಡಮೇಲಾಗಿಸಿದವು. ವಿದೇಶೀಯರ ಆಡಳಿತ ನಿಯಮಗಳು ಸಾರ್ವತ್ರಿಕವಾಗಿ ಎಲ್ಲ ವರ್ಗದ ಜನರ ವಿರೋಧಗಳಿಸಿಕೊಳ್ಳುವುದರ ಜತೆಗೆ ದಾಸ್ಯದ ಬಂಧನದಿಂದ ವಿಮುಕ್ತಿ ಹೊಂದಲು ಭಾರತೀಯರನ್ನೆಲ್ಲ ಎಚ್ಚರಿಸುವಂತೆ ಮಾಡಿತು. ಅಂದು ಜಾತಿ, ಮತ, ಧರ್ಮಗಳ ವ್ಯತ್ಯಾಸವಿಲ್ಲದೆ ಎಲ್ಲರೂ ಸ್ವಾತಂತ್ರ್ಯಕ್ಕಾಗಿ ಒಕ್ಕೊರಲಿನಿಂದ ದನಿ ಎತ್ತಿದರು. ಸಾವಿರಾರು ಭಾರತೀಯರು ಸ್ವಾತಂತ್ರ್ಯ ಹೋರಾಟಕ್ಕೆ ಧುಮುಕಿದರು. ತಾಯ್ನಡ ರಕ್ಷಣೆಗಾಗಿ ನೂರಾರು ಮಂದಿ ಬ್ರಿಟಿಷರ ಗುಂಡಿಗೆ ಆಹುತಿಯಾದರು. ಭಗತ್ಸಿಂಗ್, ರಾಜಗುರು, ಸುಖ್ದೇವ್ರಂತಹ ತರುಣಯೋಧರನ್ನು ಬ್ರಿಟಿಷರು ಗಲ್ಲಿಗೇರಿಸಿದರು. ಹಾಗಿದ್ದರೂ ಭಾರತೀಯರು ಹಿಂತೆಗೆಯಲಿಲ್ಲ. ಮಹಾತ್ಮ ಗಾಂಧೀಜಿ, ಸುಭಾಶ್ಚಂದ್ರಭೋಸ್ ಮೊದಲಾದವರ ನೇತೃತ್ವದಲ್ಲಿ ನಡೆದ ಸಾತ್ವಿಕ, ಸ್ವಾಭಿಮಾನದ ಹೋರಾಟ ಹುಸಿಯಾಗಲಿಲ್ಲ. 1947 ಆಗಸ್ಟ್ 15ರಂದು ಭಾರತ ದೇಶವು ಸ್ವಾತಂತ್ರ್ಯಗಳಿಸಿಕೊಂಡಿತು. ನಮ್ಮ ಹೆಮ್ಮೆಯ ತ್ರಿವರ್ಣಧ್ವಜ ಬಾನಂಗಳದಲ್ಲಿ ನಲಿದಾಡಿತು. ನೂರಾರು ಯೋಧರ ತ್ಯಾಗ, ಬಲಿದಾನಗಳ ಪ್ರತೀಕವಾಗಿರುವ ಸ್ವಾತಂತ್ರ್ಯದ ಸವಿಯನ್ನು ನಾವಿಂದು ಅನುಭವಿಸುತ್ತಿದ್ದೇವೆ.
"ಸರ್ವ ಜನಾಂಗದ ಶಾಂತಿಯ ತೋಟ ರಸಿಕರ ಕಂಗಳ ಸೆಳೆಯುವ ನೋಟ' ಎಂಬ ಸಾಲುಗಳು ಭಾರತದ ವಿಶಿಷ್ಟ ಸಾಂಸ್ಕೃತಿಕ ಮೌಲ್ಯಗಳ ಬಗ್ಗೆ, ಇಲ್ಲಿನ ಅನುಪಮ ಕೌಟುಂಬಿಕ ಅನುಬಂಧ, ಪ್ರೀತಿ, ವಾತ್ಸಲ್ಯಗಳ ಕುರಿತುತೆಂದೇ ಭಾವಿಸಿಕೊಳ್ಳಬಹುದು.
"ಹಿಂದೂ, ಕ್ರೈಸ್ತ, ಮುಸಲ್ಮಾನ ಾರಸಿಕ ಜೈನರುದ್ಯಾನ" ಎಂಬ ನುಡಿಯೂ ವಿವಿಧತೆಯಲ್ಲಿ ಏಕತೆಯಿದೆ ಎಂಬ ಸಂದೇಶ ಸಾರುತ್ತಾ ವಿಶ್ವಕ್ಕೆ ಮಾದರಿಯೆನಿಸಿರುವ ನಮ್ಮ ದೇಶದ ಹಿರಿಮೆಯನ್ನೇ ಸಾರುತ್ತಿದೆ ಎಂದು ಕೊಳ್ಳೋಣ.
ವೈಜ್ಞಾನಿಕ ಪ್ರಗತಿ, ತಾಂತ್ರಿಕ ಅಭಿವೃದ್ಧಿ, ಐಟಿ, ಬಿಟಿ ಕ್ಷೇತ್ರಗಳಲ್ಲಿ ಮಾತ್ರವಲ್ಲದೆ ಸಂಗೀತ, ಸಾಹಿತ್ಯ, ಕಲೆ, ಕ್ರೀಡೆಗಳ ಖ್ಯಾತಿಯ ಮೂಲಕ ಜಗತ್ತಿನಲ್ಲಿ ಹೆಸರುಗಳಿಸುತ್ತಿರುವ ಭಾರತ ಇತ್ತೀಚೆಗಿನ ದಿನಗಳಲ್ಲಿ ಭ್ರಷ್ಟಾಚಾರ, ಹಿಂಸಾಚಾರಗಳಿಂದ ನಲುಗುತ್ತಿದೆ. ಮಹಿಳೆಯರನ್ನು ತಾಯಿಯಂತೆ, ಸೋದರಿಯರಂತೆ ಕಾಣುತ್ತಿದ್ದ ಸಂಸ್ಕೃತಿಗೆ ಎಲ್ಲೋ ಕುಂದುಂಟಾಗುತ್ತಿದೆ ಎನಿಸದಿರದು. ನಮ್ಮ ರಾಷ್ಟ್ರ, ರಾಷ್ಟ್ರಗೀತೆ, ರಾಷ್ಟ್ರೀಯ ಧ್ವಜಗಳನ್ನೆಲ್ಲ ಗೌರವದಿಂದ ಕಾಣಬೇಕಾದ ನಾವು ಕೇವಲ ಸ್ವಾರ್ಥ ಚಿಂತನೆಯತ್ತಲೇ ಹೆಚ್ಚು ಗಮನ ನೀಡುತ್ತಿದ್ದೇವೆ. ಅರುತ್ತಾರನೇ ಸ್ವಾತಂತ್ರ್ಯೋತ್ಸವವನ್ನಾಚರಿಸುತ್ತಿರುವ ಈ ಸುಸಂದರ್ಭದಲ್ಲಿ ನಾವೆಲ್ಲರೂ ಒಂದಿಷ್ಟು ಆತ್ಮಾವಲೋಕನ ಮಾಡಿಕೊಳ್ಳೋಣ.
ಜನನೀ ಜನ್ಮಭೂಮಿಶ್ಚ ಸ್ವರ್ಗಾದಪಿ ಗರೀಯಸೀ:
ಸಾವಿರಾರು ವರ್ಷಗಳ ಭವ್ಯ ಇತಿಹಾಸವಿರುವ ಈ ನೆಲದ ಸಂಸ್ಕೃತಿಯನ್ನು ಉಳಿಸಿ, ಬೆಳೆಸಬೇಕೆಂಬುದೇ ಪ್ರತಿಯೊಬ್ಬ ಭಾರತೀಯನ ಮನೋಭಿಲಾಷೆಯಾಗಿರಲಿ. "ಜನನೀ ಜನ್ಮಭೂಮಿಶ್ಚ ಸ್ವರ್ಗಾದಪಿ ಗರೀಯಸೀ" ಎಂಬಂತೆ ಸ್ವರ್ಗಕ್ಕಿಂತಲೂ ಮಿಗಿಲಾದ ತಾಯಿಯ ಮಡಿಲನ್ನೂ, ತಾಯ್ನೆಲದ ಒಡಲನ್ನೂ ರಕ್ಷಿಸುವ ಹೊಣೆ ನಮ್ಮೆಲ್ಲರದಾಗಿರಲಿ. ಹಿರಿಯರು ತ್ಯಾಗ, ಬಲಿದಾನಗಳ ಮೂಲಕ ಗಳಿಸಿಕೊಟ್ಟ ಈ ಸ್ವಾತಂತ್ರ್ಯವು ದುಷ್ಟಶಕ್ತಿಗಳಿಗೆ ಸಿಲುಕಿ ನರಳುವಂತಾಗದಿರಲಿ ಎಂಬುದೇ ಎಲ್ಲರ ಸದಾಶಯವಾಗಿರಲಿ. ಈ ಸ್ವಾತಂತ್ರ್ಯೋತ್ಸವದ ಸಂದರ್ಭದಲ್ಲಿ ನಾವೆಲ್ಲರೂ ಭವ್ಯ ಭಾರತದ ಸತ್ರ್ಪಜೆಗಳಾಗುವ  ಪ್ರತಿಜ್ಞೆಯೊಂದಿಗೆ ಭಾರತಾಂಬೆಯ ರಕ್ಷಣೆಗಾಗಿ ಕೈ ಜೋಡಿಸೋಣ.

ವಧು ಕೊರತೆ ನೀಗಿಸಲು ಹೊಸ ಹೆಜ್ಜೆ


ವಧುವಿನ ಕೊರತೆ ಎದುರಿಸುತ್ತಿರುವ ಬ್ರಾಹ್ಮಣ ಸಮಾಜದ ಯುವಕರಿಗೆ ವಿವಾಹ ಸಂಬಂಧ ಕಲ್ಪಿಸಲು ಸುಳ್ಯದ ಕಶ್ಯಪ್ ಯುವ ಬ್ರಾಹ್ಮಣ ವೇದಿಕೆ ಹೊಸ ಹೆಜ್ಜೆ ಇರಿಸಿದೆ. ದೂರದ ಕಾಶ್ಮೀರಿ ಬ್ರಾಹ್ಮಣ ಸಮಾಜದ ಯುವತಿಯರ ಜೊತೆ ವಿವಾಹ ಸಂಬಂಧ ಬೆಳೆಸುವ ಬಗ್ಗೆ ಚಿಂತನೆ ಹಾಗೂ ವಿಚಾರಗೋಷ್ಠಿಯನ್ನು ಏರ್ಪಡಿಸಿದೆ. ಆಗಸ್ಟ್ 18ರಂದು ಅಪರಾಹ್ನ 2 ಗಂಟೆಗೆ ಸುಳ್ಯದ ಚೆನ್ನಕೇಶವ ದೇವಸ್ಥಾನದ ಸಮೀಪ ಇರುವ ಸ್ವಾತಿ ಸಿಟಿ ಲಾಡ್ಜ್ನ ಪುಷ್ಯ ಹಾಲ್ನಲ್ಲಿ ವಿಚಾರಗೋಷ್ಠಿ ನಡೆಯಲಿದೆ.
ಅಂದು ಕರ್ನಾಟಕ ಹಾಗೂ ನೆರೆಯ ಕೇರಳ ರಾಜ್ಯದ ದ್ರಾವಿಡ ಬ್ರಾಹ್ಮಣ ಸಮಾಜದ ಎಲ್ಲಾ ಪಂಗಡದವರು ಭಾಗವಹಿಸುವ ನಿರೀಕ್ಷೆ ಇದೆ. ಅಲ್ಲದೆ ವಿವಾಹಾಸಕ್ತ ಸ್ತ್ರೀ, ಪುರುಷರ ನೋಂದಣಿ ಕೂಡ ಈ ಸಂದರ್ಭದಲ್ಲಿ ನಡೆಯಲಿದೆ. ಮರು ವಿವಾಹಗಳಿಗೂ ಅವಕಾಶವಿದೆ. ಹೆಚ್ಚಿನ ಮಾಹಿತಿಗಾಗಿ ವೇದಿಕೆ ಅಧ್ಯಕ್ಷ ಆರ್.ಕೆ. ಭಟ್ (9980567416) ಅವರನ್ನು ಸಂಪರ್ಕಿಸಬಹುದು.

ಓದೋಣ ಬನ್ನಿ......,


ಓದುವಿಕೆ ಮತ್ತು ಬರೆಯುವಿಕೆ ಅಷ್ಟು ಸುಲಭದಲ್ಲಿ ಸಿದ್ಧಿಸಲಾರವು. ಅವಕ್ಕೆ ತಕ್ಕ ಪರಿಶ್ರಮ ಅಗತ್ಯ. ಓದುವಿಕೆ ಇಲ್ಲದೆ ಬರೆಯುವಿಕೆ ಅಸಾಧ್ಯ. ಒಬ್ಬ ವ್ಯಕ್ತಿಯಿಂದ ಉತ್ತಮ ಲೇಖನವೊಂದು ರಚನೆಯಾಗಬೇಕಾದರೆ ಆತ ಹಲವು ಆಕರ ಗ್ರಂಥಗಳನ್ನು ಓದಿ ಮಾಹಿತಿ ಸಂಗ್ರಹ ಮಾಡಲೇ ಬೇಕು. ಹಾಗಾಗಿ ಓದುವಿಕೆಗೆ ಬಹಳ ಮಹತ್ವವಿದೆ.
ವಿದ್ಯಾರ್ಥಿಗಳಲ್ಲಿ ಓದುವಿಕೆ ಬಗ್ಗೆ ಆಸಕ್ತಿ ಮೂಡಿಸುವಲ್ಲಿ ಶಿಕ್ಷಕನ ಪಾತ್ರ ಮಹತ್ವದ್ದು. ಅದಕ್ಕಾಗಿ ಆತನಲ್ಲಿ ತಾಳ್ಮೆ, ಸಹನೆ ಇರಬೇಕು. "ಸಹನೆ ವಜ್ರದ ಕವಚ' ಎಂಬ ಡಿ.ವಿ.ಜಿ.ಯವರ ಮಾತು ಬರಲೇ ಬಾರದು. ಕೋಪದ ನಟನೆ ಮಾತ್ರ ಆತ ಮಾಡಬಹುದು. ಉತ್ತಮ ಶಿಕ್ಷಕನ ಮಾರ್ಗದರ್ಶನದಿಂದ ಮಗು ಓದುವಿಕೆಯಲ್ಲಿ ಹೆಚ್ಚಿನ ಸಾಧನೆಯನ್ನು ಮಾಡಬಹುದು.
ತರಗತಿಯ ಪಾಠದ ವೇಳೆಯಲ್ಲಿ ಮಾತ್ರವಲ್ಲ, ಬಿಡುವಿನ ವೇಳೆಯಲ್ಲಿಯೂ ವಿದ್ಯಾರ್ಥಿಗಳನ್ನು ಗ್ರಂಥಾಲಯಕ್ಕೋ, ವಾಚನಾಲಯಕ್ಕೋ ಕರೆದೊಯ್ದು ಚಿಕ್ಕಪುಟ್ಟ ಪುಸ್ತಕಗಳನ್ನು ಕೊಟ್ಟು ಓದಿಸಬಹುದು. ಓದಿದ ವಿಷಯದ ಮೇಲೆ ಪ್ರಶ್ನೆಗಳನ್ನು ಕೇಳಬೇಕು. ಉತ್ತಮವಾದ ಉತ್ತರಕ್ಕೆ ಮೆಚ್ಚುಗೆ ಸೂಚಿಸಬೇಕು. ತಪ್ಪಿದರೆ ತಾಳ್ಮೆಯಿಂದ ತಿದ್ದಬೇಕು. ತರಗತಿಯ ಕೋಣೆಯೊಳಗಡೆಯೇ ವಿವಿಧ ಪತ್ರಿಕೆಗಳನ್ನು, ನಿಯತಕಾಲಿಕೆಗಳನ್ನು, ವಿಶೇಷಾಂಕಗಳನ್ನು ಇರಿಸಿ ಓದುವ ಮೂಲೆಯೊಂದನ್ನು ನಿರ್ಮಾಣ ಮಾಡಬಹುದು. ಅದನ್ನು ನಿಭಾಯಿಸುವ ಹೊಣೆಯನ್ನು ಮಕ್ಕಳಿಗೇ ನೀಡುವುದು ಸೂಕ್ತ. ಆಗ ಅವರಿಗೆ ಜವಾಬ್ದಾರಿಯೂ ಅಂಟಿಕೊಳ್ಳುತ್ತದೆ. ಓದಿದ ವಿಚಾರಗಳನ್ನು ಸ್ವತಂತ್ರವಾಗಿ ಬರೆಯಲು ಅಗತ್ಯವುಳ್ಳ ಸೂಚನೆಗಳನ್ನು ಶಿಕ್ಷಕರು ನೀಡಬೇಕು. ಓದು-ಬರಹಗಳ ಕುರಿತು ಚಿಕ್ಕಪುಟ್ಟ ವಿಮರ್ಶೆಗಳನ್ನೂ ಮಾಡಿಸಬೇಕು. ಮಾತ್ರವಲ್ಲ, ವಿಷಯಗಳನ್ನು ಮನದಟ್ಟಾಗುವಂತೆ ತಿಳಿಯ ಹೇಳಿ ಮಾರ್ಗದರ್ಶನ ಮಾಡಬೇಕು.
ಇಷ್ಟೆಲ್ಲ ಕೆಲಸಗಳನ್ನು ಮಾಡಬೇಕಾದರೆ ಶಿಕ್ಷಕನಾದವನು ಮೊದಲು ಓದಬೇಕು. ಓದಿ ಅರ್ಥೈಸಿಕೊಳ್ಳಬೇಕು. ತನ್ಮೂಲಕ ಜ್ಞಾನವಂತನಾಗಿರಬೇಕು. ನಂತರ ವಿದ್ಯಾರ್ಥಿಗಳನ್ನು ಓದಿಸಿ, ಸುಸಂಸ್ಕೃತರನ್ನಾಗಿಸಬೇಕು. ಆದರೆ ಇಂದು ಅದೆಷ್ಟೋ ಮಂದಿ ಶಿಕ್ಷಕರು ಗ್ರಂಥಗಳ ಅವಲೋಕನವನ್ನು ಮಾಡದೇ ಮಗುವಿಗೆ ಬೋಧಿಸುವ ಕೆಲಸ ಮಾಡುತ್ತಿರುವುದು ಕಂಡು ಬರುತ್ತಿದೆ. ಸೋಮಾರಿತನವೆಂಬುದು ಶಿಕ್ಷಕರ ಬಳಿ ಸುಳಿಯಲೂ ಬಾರದು. ಸದಾಕಾಲ ಕುರ್ಚಿಗಂಟಿಕೊಂಡೇ ಇದ್ದು ಮಕ್ಕಳನ್ನು ವೈರಿಗಳಂತೆ ಕಾಣುವ ಶಿಕ್ಷಕರಿಗೆ ಇಂಥ ವಿಚಾರಗಳು ಅಪಥ್ಯವಾಗುವುದರಲ್ಲಿ ಸಂದೇಹವಿಲ್ಲ. "ಓದಿ ಓದಿ ಓದಿಸಿದ ಓಜನಿಗೆ ಚಟ್ಟಗಟ್ಟಿಗನೆನೆ ಹೆಮ್ಮೆ" ನಾಡೋಜ ಕವಿ ಕಯ್ಯರರ ಈ ವಾಣಿ ಸಾರ್ಥಕವಾಗುವಲ್ಲಿ ಎಲ್ಲ ಶಿಕ್ಷಕರ ಪ್ರಯತ್ನವೂ ನಿರಂತವಾಗಿರಬೇಕಲ್ಲವೇ?
"ಓದದ ಬಾಯಿ ಬಿಲದ ಬಾಯಿ' ಎಂಬ ಕವಿವಾಣಿ ಓದುವಿಕೆ ಇಲ್ಲದವನ ಜೀವನವೇ ವ್ಯರ್ಥವೆಂಬುದನ್ನು ಸೂಚಿಸುವಂತಿದೆ. ಎಲ್ಲರೂ ಚೆನ್ನಾಗಿ ಓದಬೇಕು. ಉತ್ತಮ ಪುಸ್ತಕಗಳ ಓದುವಿಕೆಯಿಂದ ಉತ್ತಮ ಗುಣಗಳೂ ಸಿದ್ಧಿಸುತ್ತವೆ. ತನ್ಮೂಲಕ ವ್ಯಕ್ತಿ ದೈವತ್ವಕ್ಕೇರಬಲ್ಲನು. ಸಮಾಜಕ್ಕೆ ಉತ್ತಮ ಗುರುವೂ ಆಗಬಲ್ಲನು. ಉತ್ತಮ ಪುಸ್ತಕಗಳೇ ನಮ್ಮ ನಿಜವಾದ ಸ್ನೇಹಿತರು. ಅಂಥ ಪುಸ್ತಕಗಳನ್ನು ಓದಿದಷ್ಟೂ ವಿದ್ಯಾಬುದ್ಧಿಗಳ ಸಿದ್ದಿಯುಂಟಾಗುವುದರಲ್ಲಿ ಸಂದೇಹವಿಲ್ಲ. ಆಂತರಂಗಿಕ ಪ್ರಗತಿ ಅಥವಾ ಹೃದಯ ವೈಶಾಲ್ಯ ಹೊಂದುವುದೇ ಓದುವಿಕೆಯ ಪ್ರಯೋಜನವಾಗಿದೆ. ಓದುವಿಕೆ ಒಂದು ಸಾಧನೆ ಅಥವಾ ತಪಸ್ಸು. ಅಲ್ಲಿ ಏಕಾಗ್ರತೆ ಇರಬೇಕು. ಆ ಸಾಧನೆಯ ಹಾದಿಯಲ್ಲಿ ಸಾಗಿದರೆ ಬೆಳಗುವುದು ದಿವ್ಯಾತ್ಮ ಜ್ಯೋತಿ.
ಮಗುವಿಗೆ ಮನೆಯೇ ಮೊದಲ ಪಾಠಶಾಲೆ. ಜನನಿಯೇ ಮೊದಲ ಗುರು. ಆದುದರಿಂದ ಎಲ್ಲ ಮನೆಗಳಲ್ಲಿಯೂ ಓದುವಿಕೆಗೆ ಭದ್ರವಾದ ಪಂಚಾಂಗವನ್ನು ಹಾಕುವ ಪುಟ್ಟ ಗ್ರಂಥಾಲಯ ಇರಲೇ ಬೇಕು. ಅಲ್ಲಿ ಲಭ್ಯವಿರುವ ಪುಸ್ತಕಗಳನ್ನೆಲ್ಲ ವರ್ಗೀಕರಣ ಮಾಡಿ ಒಪ್ಪ ಓರಣವಾಗಿ ಜೋಡಿಸಿಡ ಬೇಕು. ಬೇಕಾದ ಪುಸ್ತಕಗಳು ಸುಲಭವಾಗಿ ಕೈಗೆ ದೊರಕುವಂತಿರಬೇಕು. ಹಾಗಿದ್ದರೆ ಮಾತ್ರ ಓದುವಿಕೆ ನಿರಾತಂಕವಾಗಿ ಸಾಗುತ್ತದೆ.
ಓದು ಸಂತಸಕ್ಕಾಗಿ, ಓದು ಜ್ಞಾನಕ್ಕಾಗಿ
ಓದು ಸಾಹಿತ್ಯ ಸಾಗರದ ಪರಿಚಯಕ್ಕಾಗಿ
ಓದುವಿಕೆ ಬೆಳಕಾಗಿ ದಾರಿಯನು ತೋರುವುದು
ಓದುವಿಕೆ ಸಂಕುಚಿತ ಭಾವನೆಯ ನೀಗುವುದು
ಓದುವೇ ನುಡಿಯೊಲವು, ಓದುವುದೆ ಹಗೆ ಗೆಲುವು
ಓದುವುದೆ ತಾಯ ಮಡಿಲ ಸುಖವು.
ಆದರಿಂದು ಮಕ್ಕಳು, ಹಿರಿಯರು ಎಂಬ ಭೇದವಿಲ್ಲದೆ ಎಲ್ಲರಲ್ಲೂ ಓದುವ ಹವ್ಯಾಸ ಕುಂಠಿತವಾಗುತ್ತಾ ಇದೆ. ಇದಕ್ಕೆ ಕಾರಣಗಳೂ ಹಲವಾರು. ಮುಖ್ಯವಾಗಿ ದೃಶ್ಯ ಮಾಧ್ಯಮ, ಶ್ರವ್ಯ ಮಾಧ್ಯಮ ಮೊದಲಾದವುಗಳು ಇಂದು ಮನುಷ್ಯನ ಓದುವಿಕೆಯನ್ನು ಕುಂಠಿತಗೊಳಿಸಿವೆ. ಅಂತರ್ಜಾಲ, ದೂರವಾಣಿಗಳೂ ಕೂಡಾ ಓದು, ಬರಹಗಳ ಮೇಲೆ ಗದಾ ಪ್ರಹಾರ ಮಾಡುತ್ತಲೇ ಇವೆ. ಬಹಳ ಹಿಂದೆ ಪ್ರಧಾನ ಸಂಪರ್ಕ ಸಾಧನವಾಗಿದ್ದ ಪತ್ರಲೇಖನ ಇಂದು ಸಂಪೂರ್ಣ ನಿಂತು ಹೋಗಿದೆ. ಇದರಿಂದಾಗಿ ಸಾಹಿತ್ಯದ ಒಂದು ಪ್ರಧಾನ ಪ್ರಕಾರವೇ ಸತ್ತು ಹೋದಂತಾಗಿದೆ. ಕ್ಷಣ, ಕ್ಷಣಕ್ಕೂ ಆಗುತ್ತಿರುವ ನವನವೀನ ಆವಿಷ್ಕಾರಗಳಿಂದಾಗಿ ಮನುಷ್ಯನ ಕೈ ಬರಹ ಸಂಪೂರ್ಣ ಮಾಯವಾದರೂ ಆಶ್ಚರ್ಯ ಪಡಬೇಕಾಗಿಲ್ಲ. ಅಂತಾಗುವ ಮೊದಲೇ ನಾವೆಲ್ಲರೂ ಎಚ್ಚೆತ್ತುಕೊಳ್ಳೋಣ. ಎಲ್ಲರೂ ಓದಿ ಸಾಧಿಸೋಣ, ಓದಿ ಬೆಳೆಯೋಣ, ಓದುತ್ತಲೇ ಗಳಿಸೋಣ.