ಡಿ. 30ರಂದು ಗಂಗಾಧರ ಕೊಳಗಿಯವರ ಪುಸ್ತಕ ಬಿಡುಗಡೆ

ಪತ್ರಕರ್ತ ಗಂಗಾಧರ ಕೊಳಗಿ ರಚಿಸಿದ ಕಾಡಂಚಿನ ಕತೆಗಳು ಪುಸ್ತಕ ಡಿಸೆಂಬರ್ 30ರಂದು ಉತ್ತರ ಕನ್ನಡ ಜಿಲ್ಲೆ ಸಿದ್ದಾಪುರದಲ್ಲಿ ಬಿಡುಗಡೆಯಾಗಲಿದೆ. ಇಲ್ಲಿನ ಎಪಿಎಂಸಿ ಯಾರ್ಡಿನಲ್ಲಿನ ತಾಲೂಕು ಮಾರ್ಕೆಟಿಂಗ್ ಸೊಸೈಟಿ ಸಭಾಂಗಣದಲ್ಲಿ ಸಂಜೆ 4.30ಕ್ಕೆ ಪುಸ್ತಕ ಬಿಡುಗಡೆ ಕಾರ್ಯಕ್ರಮ ನಡೆಯಲಿದೆ.
ಪ್ರಸಿದ್ಧ ಸಾಹಿತಿ, 80ನೇ ಅಖಿಲ ಭಾರತ ಕನ್ನಡ ಸಾಹಿತ್ಯ ಸಮ್ಮೇಳನದ ನಿಯೋಜಿತ ಅಧ್ಯಕ್ಷ ಡಾ ನಾ.ಡಿಸೋಜಾ ಪುಸ್ತಕ ಬಿಡುಗಡೆಗೊಳಿಸುವರು. ನಾಟಕ ಅಕಾಡೆಮಿ ಪ್ರಶಸ್ತಿ ಪುರಸ್ಕೃತ, ಕಾಗೋಡು ರಂಗಮಂಚ ಸಂಸ್ಥೆ ಅಧ್ಯಕ್ಷ ಕಾಗೋಡು ಅಣ್ಣಪ್ಪ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸುವರು. ಸಿದ್ದಾಪುರದ ಶೃಂಗೇರಿ ಶಂಕರಮಠದ ಧರ್ಮಾಕಾರಿ ವಿಜಯ ಹೆಗಡೆ ದೊಡ್ಮನೆ, ಹಿರಿಯ ಬರಹಗಾರ, ಪತ್ರಕರ್ತ ಕಲಗಾರು ಲಕ್ಷ್ಮೀನಾರಾಯಣ ಹೆಗಡೆ, ಕನ್ನಡಸೇನೆಯ ರಾಜ್ಯ ಸಂಚಾಲಕ ಎಚ್.ಪಿ. ಶ್ರೀಧರಗೌಡ ಮುಖ್ಯ ಅತಿಥಿಗಳಾಗಿ ಪಾಲ್ಗೊಳ್ಳಲಿದ್ದಾರೆ.

ಗದ್ದೆಗಳಿಗೆ ಕಾಲಿಟ್ಟವು ಯಂತ್ರಗಳು

ಮಲೆನಾಡಿನ ಎಲ್ಲೆಡೆ ಜೋಳ, ಭತ್ತ ಕಟಾವು ಕಾರ್ಯ ಭರದಿಂದ ಸಾಗಿದೆ. ಆದರೆ ಈ ಹಿಂದೆ ಭತ್ತ ಕೊಯ್ಲು ಬಂತೆಂದರೆ ರೈತರ ಮುಖದಲ್ಲಿ ಇರುತ್ತಿದ್ದ ಹರ್ಷ ಮಾಯವಾಗುತ್ತಿದೆ. ಭತ್ತ ಕಟಾವಿಗೆ ಬಂತೆಂದರೆ ಕೃಷಿ ಕಾರ್ಮಿಕರು ಸಾಲು ಸಾಲಾಗಿ ಬರುತ್ತಿದ್ದರು. ಇಲ್ಲವೆ ವಾಹನದಲ್ಲಿ ಬರುತ್ತಿದ್ದರು. ಆದರೀಗ ಅದು ಮರೆಯಾಗುತ್ತಿದೆ. ಕೃಷಿ ಕಾರ್ಮಿಕರ ಕೊರತೆಯಿಂದ ಯಂತ್ರಗಳಿಗೆ ರೈತರು ಲಗ್ಗೆ ಇಡುತ್ತಿರುದೇ ಇದಕ್ಕೆ ಕಾರಣವಾಗಿದೆ.
ಹಿಂದೆ ಒಂದು ದಿನಕ್ಕೆ 100 ರೂ.ಗೆ ಕೂಲಿ ಕಾರ್ಮಿಕು ಸಿಗುತ್ತಿದ್ದರು. ಆದರೆ ಈಗ 300-400 ರೂ. ನೀಡಿದರೂ ಕಾರ್ಮಿಕರು ಸಿಗುತ್ತಿಲ್ಲ. ಹಾಗಾಗಿ, ಭತ್ತ ಕಟಾವಿಗೆ ಇದೀಗ ಬಹುತೇಕ ರೈತರು ಯಂತ್ರದ ಮೊರೆ ಹೋಗಿದ್ದಾರೆ.
ಕಾರ್ಮಿಕರ ಮೂಲಕ ಒಂದು ಎಕರೆ ಭತ್ತ ಕೊಯ್ಲಿಗೆ ಕನಿಷ್ಠ 3000 ರೂ. ಖರ್ಚಾಗುತ್ತದೆ. ಆದರೆ ಯಂತ್ರದಲ್ಲಿ 1400 ರೂ.ಗೆ ಒಂದು ಗಂಟೆಗೆ ಒಂದು ಎಕರೆ ಕೊಯ್ಲು ಪೂರ್ಣವಾಗುತ್ತದೆ. ಆದರೆ, ಯಂತ್ರದಿಂದ ಭತ್ತ ಕಟಾವು ಮಾಡಿದರೆ ಜಾನುವಾರು ಮೇವಿಗೆ ಕೊರತೆಯಾಗುತ್ತದೆ ಎಂಬುದು ರೈತರ ಅಳಲು.

ಈ ಕೃತ್ಯವನ್ನು ಹಿಂದೂ ತಂಡದ ಸದಸ್ಯರು ಮಾಡಿದ್ದರೆ...

ಅವಿಭಜಿತ ದಕ್ಷಿಣ ಕನ್ನಡ ಜಿಲ್ಲೆಯ ಉಳ್ಳಾಲ ಸಮೀಪದ ದೇರಳಕಟ್ಟೆಯ ಖಾಸಗಿ ಕಾಲೇಜಿನಲ್ಲಿ ಕಲಿಯುತ್ತಿದ್ದ ಕೇರಳ ಮೂಲದ ವಿದ್ಯಾರ್ಥಿ ಮತ್ತು ಬಿಹಾರ ಮೂಲದ ವಿದ್ಯಾರ್ಥಿನಿಯನ್ನು ಅವರದೇ ಕಾರನಲ್ಲಿ 6 ಜನರ ತಂಡವೊಂದು ಅಪಹರಿಸಿತು. ಇಬ್ಬರು ವಿಭಿನ್ನ ಕೋಮಿನ ವಿದ್ಯಾರ್ಥಿಗಳು. ಅಪಹರಿಸಿದ ನಂತರ ಬಲವಂತವಾಗಿ ಇವರ ಬ್ಲೂ ಫಿಲಂ ತೆಗೆದು, 30 ಸಾವಿರ ರೂ. ನೀಡದಿದ್ದರೆ ಇದನ್ನು ಯೂಟ್ಯೂಬ್ನಲ್ಲಿ ಅಪ್ಲೋಡ್ ಮಾಡುವುದಾಗಿ ಬೆದರಿಸಿತು. ವಿದ್ಯಾರ್ಥಿಯ ಮೊಬೈಲನ್ನು ತೆಗೆದುಕೊಂಡು ಹಣ ನೀಡುವಂತೆ ಹೇಳಿ ಇವರಿಬ್ಬರನ್ನೂ ಕಳುಹಿಸಿಕೊಟ್ಟಿತ್ತು. ನಂತರ ವಿದ್ಯಾರ್ಥಿಗಳಿಬ್ಬರು ಮಂಗಳೂರಿನ ಮಹಿಳಾ ನ್ಯಾಯವಾದಿ ಮೂಲಕ ಪೊಲೀಸರಿಗೆ ದೂರು ನೀಡಿದರು. ಪೊಲೀಸರು ಚಾಕಚಕ್ಯತೆಯಿಂದ ಕಾರ್ಯಾಚರಣೆ ನಡೆಸಿ, ಎಂಟು ಮಂದಿಯ ತಂಡವನ್ನು ಸೆರೆ ಹಿಡಿಯಿತು. ಸೆರೆ ಸಂದರ್ಭ ತಂಡದಲ್ಲಿದ್ದ ಸದಸ್ಯನೊಬ್ಬ ಪೊಲೀಸರ ಮೇಲೆ ಹಲ್ಲೆ ನಡೆಸಿದ. ತಂಡದಲ್ಲಿ ಒಟ್ಟು ಎಂಟು ಮಂದಿಯಿದ್ದು, ಎಲ್ಲರನ್ನೂ ಬಂಧಿಸಲಾಗಿದೆ. ವಿಶೇಷವೆಂದರೆ ತಂಡದ ಎಲ್ಲಾ ಸದಸ್ಯರೂ ಮುಸ್ಲಿಂ ಜಾತಿಗೆ ಸೇರಿದ ಯುವಕರು.
ಅರೋಪಿಗಳು ಮುಸ್ಲಿಮರಾಗಿದ್ದರಿಂದ ಅಷ್ಟೊಂದು ಗಲಾಟೆಯಾಗಲಿಲ್ಲ. ಮಾಧ್ಯಮಗಳಲ್ಲಿ ಚರ್ಚೆಯಾಗಲಿಲ್ಲ. ಮಹಿಳಾ ಸಂಘಟನೆಗಳು ಬೊಬ್ಬೆ ಹಾಕಲಿಲ್ಲ. ರಾಜ್ಯದ ವಿಚಾರವಾದಿಗಳು, ಬುದ್ಧಿಜೀವಿಗಳು ಕೂಗೆತ್ತಲಿಲ್ಲ.ಂದು ವೇಳೆ ಈ ಕೃತ್ಯವನ್ನು ಹಿಂದೂ ತಂಡದ ಸದಸ್ಯರು ಮಾಡಿದ್ದರೇ?. ಅಷ್ಟಕ್ಕೂ ಈ ಕೃತ್ಯ ಖಂಡನೀಯ ಎನ್ನುವುದನ್ನು ಒಪ್ಪಲೇಬೇಕು. ಇಂತಹ ಕೃತ್ಯವನ್ನು ತಡೆಯಲೇಬೇಕು. ಮಹಿಳೆಯರಿಗೆ ರಕ್ಷಣೆ ಸಿಗಬೇಕು. ಅದರೆ, ಒಂದು ವೇಳೆ ಈ ಕೃತ್ಯವನ್ನು ಹಿಂದೂ ತಂಡದ ಸದಸ್ಯರು ಮಾಡಿದ್ದರೇ?...

ಹಣದ ಹೂವು ಸ್ಟಾರ್ಚ್ ಜಿಂಜರ್

ವಾಣಿಜ್ಯ ಲಾಭ ತರುವ ಅಲಂಕಾರಿಕ ಹೂಗಳಲ್ಲಿ ಸ್ಟಾರ್ಚ್ ಜಿಂಜರ್ ಕೂಡ ಒಂದು. ಜಿಂಜರ್ ಮೂಲತಃ ಇಂಡೋನೇಷ್ಯಾದ ಮಳೆಕಾಡಿನ ಸ್ವಾಭಾವಿಕ ಸಸ್ಯ. ಮಲಯ ಮತ್ತು ಥೈಲಾಂಡ್ ದೇಶಗಳಲ್ಲಿ ಇದರ ಎಲೆಯಿಂದ ತಯಾರಿಸಿದ ಸಲಾಡ್ ಜನಪ್ರಿಯವಾಗಿದೆ. ಎಲೆಗಳಿಗೆ ವೈರಾಣುನಾಶಕ ಶಕ್ತಿಯಿರುವುದೇ ಇದಕ್ಕೆ ಕಾರಣ.
ಹಲವು ಬಣ್ಣಗಳಿರುವ ಈ ಹೂವಿನ ಕೆಂಪು ಮತ್ತು ಬಿಳಿಯ ಎರಡು ಜಾತಿಗಳು ನಮ್ಮ ದೇಶಕ್ಕೆ ಬಂದಿವೆ. ಮೇಲ್ನೋಟಕ್ಕೆ ಇದು ತಾವರೆ ಹೂವಿನಂತೆ ಕಾಣಿಸುತ್ತದೆ. ಸುವಾಸನೆಯಿಲ್ಲವಾದರೂ ಅದರ ನಿಧಾನವಾದ ಅರಳುವ ಪ್ರಕ್ರಿಯೆಯಿಂದಾಗಿ ಸುಮಾರು ಒಂದು ತಿಂಗಳ ವರೆಗೂ ಸ್ವಲ್ಪ ಸ್ವಲ್ಪವೇ ಅರಳುತ್ತ ಅರಳಿದ ಮೇಲೂ ಕೆಲವು ದಿನ ಉಳಿಯುತ್ತದೆ. ಜಿಂಜರ್ನಲ್ಲಿ ಅನೇಕ ಎಸಳುಗಳಿದ್ದು ನಡುವೆ ಪುಟ್ಟ ಎಸಳುಗಳ ಗುಚ್ಛವಿರುವುದು ಹೂವಿಗೆ ಶೋಭೆ ನೀಡಿದೆ.ಂಜಿಬರೇಸಿ ಕುಟುಂಬಕ್ಕೆ ಸೇರಿದ ಅದರ ಸಸ್ಯಶಾಸೀಯ ಹೆಸರು ನಿಕೋಲೈಯ ಇಲೇಟರ್. ಆರ್ಥಿಕವಾಗಿ ಲಾಭ ತರುವ ಹೂವೆಂದು ಗುರುತಿಸಲ್ಪಟ್ಟಿದ್ದರೂ ಇಲ್ಲಿ ರೈತರು ಇದನ್ನು ವ್ಯಾಪಕವಾಗಿ ಬೆಳೆಯಲು ಮುಂದಾಗಿಲ್ಲ. ವಿದೇಶಗಳಲ್ಲಿ ಅದರಿಂದ ತಯಾರಿಸುವ ಕೇಶವರ್ಧಕ ಶಾಂಪೂಗಳು ಮಾರಾಟವಾಗುತ್ತಿವೆ.
ಸ್ಟಾರ್ಚ್ ಜಿಂಜರ್ನ ಸಸಿ ಸುಮಾರಾಗಿ ಶುಂಠಿಯ ಗಿಡದ ರಚನೆ ಹೊಂದಿದ್ದರೂ ಎಲೆಗಳು ಅಗಲವಾಗಿವೆ. ಗೆಡ್ಡೆ ನೆಟ್ಟು ವಂಶಾಭಿವದ್ಧಿ ಮಾಡುವುದು ವಾಡಿಕೆ. ಬಿಸಿಲು, ನೆರಳು ಎರಡನ್ನು ಕೂಡ ಸಮಾನವಾಗಿ ಬಯಸುವ ಗಿಡವಿದು. ಉಳಿದ ಹೂ ಗಿಡಗಳ ನಡುವೆ ಬೆಳೆದರೆ ಇಂಥ ಅನುಕೂಲ ಸಿಗುತ್ತದೆ. ಇದರ ಒಂದು ಗೆಡ್ಡೆಯಿಂದ ವಂಶಾಭಿವದ್ಧಿಯಾಗುತ್ತದೆ. ಸುತ್ತಲೂ ಗಿಡಗಳು ಹುಟ್ಟುತ್ತ ಬಳಗ ಬೆಳೆಯುತ್ತದೆ. ಇದಕ್ಕೆ ಕೀಟಬಾಧೆಗಳಿಲ್ಲ. ರಾಸಾಯನಿಕ ಗೊಬ್ಬರ ಬೇಡ. ಆದರೆ ಸೆಗಣಿ ಗೊಬ್ಬರ, ಎರೆಗೊಬ್ಬರ ಹಾಕಿದರೆ ಉತ್ತಮ. ಬೇಸಗೆಯಲ್ಲಿ ಇದಕ್ಕೆ ಅಧಿಕ ಪ್ರಮಾಣದಲ್ಲಿ ನೀರು ಬೇಕಾಗುತ್ತದೆ. ಈ ಗಿಡದಲ್ಲಿ ಮೊದಲ ಹೂ ಸಿಗಲು ಸುಮಾರು 2ವರ್ಷ ಕಾಯಬೇಕು.ಆದರೆ ಗಿಡ ಕೆಲವು ವರ್ಷ ಬದುಕಿ ನಿರಂತರ ಹೂ ಕೊಡುತ್ತ ಹೋಗುತ್ತದೆ. ಗ್ರೀನ್ಹೌಸಿನ ಹಂಗಿಲ್ಲದೆ ಇತರ ಗಿಡಗಳ ಜತೆಗೇ ಬದುಕಿ ಆದಾಯ ತರುತ್ತದೆ.
ಹೂ ಅರಳುವ ಪ್ರಕ್ರಿಯೆ ಮುಗಿಯುತ್ತ ಬಂದಾಗ ನೀಳವಾಗಿ ತೊಟ್ಟು ಇರುವಂತೆ ಕೊಯ್ಯಬೇಕು. ತೊಟ್ಟಿನ ಬುಡಕ್ಕೆ ಮೇಣ ಸವರಿದರೆ ಹೂ ಬೇಗನೆ ಒಣಗುವುದಿಲ್ಲ. ಹೂವನ್ನು ನೀರಿನಲ್ಲಿಟ್ಟರೆ ಒಂದು ತಿಂಗಳಿನ ಕಾಲ ಹೊಸದರಂತೆ ಉಳಿಸಬಹುದು. ವಿದೇಶಗಳಿಗೂ ಇದು ರವಾನೆಯಾಗುತ್ತದೆ. ಬೆಂಗಳೂರಿನ ಹೂ ಮಾರುಕಟ್ಟೆಯಲ್ಲಿ ಈ ಹೂವಿಗೆ ಸುಮಾರು 15 ರೂ.ಗಳ ವರೆಗೆ ಧಾರಣೆ ಇದೆ. ಮಾರುಕಟ್ಟೆಯ ವಿವರ ತಿಳಿದುಕೊಂಡು ರೈತರು ಇದರ ಕಷಿಯತ್ತ ಗಮನಹರಿಸಿದರೆ ಉತ್ತಮ ಆದಾಯ ಸಿಗಬಹುದು.

ಜಾನುವಾರುಗಳಿಗೂ ಸೊಳ್ಳೆ ಪರದೆ

ಸೊಳ್ಳೆ ಕಡಿತದಿಂದ ತಪ್ಪಿಸಿಕೊಳ್ಳಲು ಜನಸಾಮಾನ್ಯರು ಸೊಳ್ಳೆ ಪರದೆ ಬಳಸುವುದು ಸಾಮಾನ್ಯ. ಆದರೆ ಯಾದಗಿರಿ ಜಿಲ್ಲೆಯ ಕೆಲವೆಡೆ ಸೊಳ್ಳೆಗಳ ಕಡಿತದಿಂದ ರಕ್ಷಿಸಿಕೊಳ್ಳಲು ಜಾನುವಾರುಗಳಿಗೂ ಸೊಳ್ಳೆ ಪರದೆ ಬಳಸಲಾಗುತ್ತಿದೆ. ಜಿಲ್ಲೆಯ ಶಹಾಪುರ ತಾಲೂಕಿನ ಗಡ್ಡೆಸೂಗೂರು, ಗೌಡ್ಯಾಳ, ಹಲಗೇರಾ, ಅಜ್ಜಣಗಿ, ಕುಮೂರು, ಬಿರನಾಳ, ಹುಲಕಲ್ (ಜೆ), ಬಬಾದಿ, ಗುರುಸಣಗಿ ಸೇರಿದಂತೆ ಇತರ ಗ್ರಾಮಗಳಲ್ಲಿ ಜಾನುವಾರುಗಳಿಗೆ ಸೊಳ್ಳೆ ಪರದೆ ಕಟ್ಟಿ ಸೊಳ್ಳೆಗಳಿಂದ ರಕ್ಷಿಸಲಾಗುತ್ತಿದೆ.
ಹಿಂದಿನ ಕಾಲದಲ್ಲಿ ಕೊಟ್ಟಿಗೆಯಲ್ಲಿ ಹೊಗೆಯಾಡಿಸುವ ಮೂಲಕ ಸೊಳ್ಳೆಗಳನ್ನು ಹೋಗಲಾಡಿಸಿ ಜಾನುವಾರುಗಳಿಗೆ ರಕ್ಷಣೆ ಒದಗಿಸಲಾಗುತ್ತಿತ್ತು. ಈಗ ಸೊಳ್ಳೆಗಳ ಕಡಿತದಿಂದ ತಪ್ಪಿಸಿಕೊಳ್ಳಲು ಎಮ್ಮೆ, ಆಕಳು, ಎತ್ತುಗಳಿಗೆ ಸೊಳ್ಳೆ ಪರದೆ ಕಟ್ಟಲಾಗುತ್ತಿದೆ. ಇದು ರೈತರು ಕಂಡುಕೊಂಡ ಸುಲಭ ತಂತ್ರವಾಗಿದೆ.
ನಗರ ಪ್ರದೇಶಗಳಲ್ಲಿ ಜನತೆ ಸೊಳ್ಳೆ ಪರದೆ ಹಾಗೂ ಸೊಳ್ಳೆ ಬತ್ತಿ ಬಳಸಿ ಸೊಳ್ಳೆ ಕಡಿತದಿಂದ ರಕ್ಷಣೆ ಪಡೆಯುತ್ತಾರೆ. ಆದರೆ ಮೂಕ ಪ್ರಾಣಿಗಳು ಯಾವ ರಕ್ಷಣೆಯಿಲ್ಲದೆ ಸೊಳ್ಳೆ ಕಡಿತದಿಂದ ತೊಂದರೆ ಅನುಭವಿಸುತ್ತಿರುತ್ತವೆ. ಇದನ್ನರಿತ ಈ ಗ್ರಾಮಗಳ ರೈತರು ತಮ್ಮ ಜಾನುವಾರುಗಳಿಗೆ ಸೊಳ್ಳೆ ಪರದೆ ಕಟ್ಟಿ ಸೊಳ್ಳೆ ಕಡಿತದಿಂದ ರಕ್ಷಿಸುತ್ತಿದ್ದಾರೆ.ಭಾಗದಲ್ಲಿ ಇತ್ತೀಚೆಗೆ ನೀರಾವರಿ ಪ್ರದೇಶ ಹೆಚ್ಚಾದಂತೆ ಹಾಗೂ ಭತ್ತದ ಗದ್ದೆಗಳ ವ್ಯಾಪ್ತಿ ವಿಶಾಲವಾದಂತೆ ರಕ್ತ ಹೀರುವ ಸೊಳ್ಳೆಗಳ ಹಾವಳಿ ವಿಪರೀತ ಹೆಚ್ಚಾಗುತ್ತಿವೆ. ಸಂಜೆಯಾಗುತ್ತಲೇ ಸೊಳ್ಳೆ ಕಾಟ ಹೆಚ್ಚಾಗುತ್ತಿರುತ್ತದೆ. ಇದರಿಂದ ಜಾನುವಾರುಗಳು ಮೂಕ ವೇದನೆ ಅನುಭವಿಸುತ್ತಿರುತ್ತವೆ. ಇವುಗಳ ವೇದನೆ ನೋಡಲಾಗದ ರೈತರು ಸಾವಿರಾರು ರೂ. ಖರ್ಚು ಮಾಡಿ ಸೊಳ್ಳೆ ಪರದೆ ಖರೀದಿಸಿ ಸೊಳ್ಳೆಗಳಿಂದ ಜಾನುವಾರುಗಳ ಸಂರಕ್ಷಣೆ ಮಾಡುತ್ತಿದ್ದಾರೆ.
ಸೊಳ್ಳೆಗಳಿಂದ ರಕ್ಷಿಸಲು ಜಾನುವಾರುಗಳಿಗೆ ಸೊಳ್ಳೆ ಪರದೆ ಕಟ್ಟುವುದು ಆಂಧ್ರಪ್ರದೇಶದಲ್ಲಿ ಸಾಮಾನ್ಯವಾಗಿ ಕಂಡು ಬರುತ್ತದೆ. ಈ ಮಾದರಿಯನ್ನೇ ಇಲ್ಲಿಯ ರೈತರು ಅನುಸರಿಸುತ್ತಿದ್ದಾರೆ. ಸಂಜೆಯಾಗುತ್ತಿದ್ದಂತೆ ರೈತರು ತಮ್ಮ ಜಮೀನುಗಳಲ್ಲಿ ಹಾಗೂ ಮನೆಯ ಮುಂದೆ ಜಾನುವಾರುಗಳಿಗೆ ಮೇವು ಹಾಕಿ ಸೊಳ್ಳೆ ಪರದೆ ಕಟ್ಟುತ್ತಾರೆ. ಪ್ರಾಣಿಗಳಿಗೂ ಸೊಳ್ಳೆಗಳ ಕಡಿತದಿಂದ ರೋಗಗಳು ಬರುತ್ತವೆ. ಹೀಗಾಗಿ ರೈತರು ಮುನ್ನೆಚ್ಚರಿಕೆ ಕ್ರಮ ಅನುಸರಿಸುತ್ತಿದ್ದಾರೆ.

ಬೂದುಗುಂಬಳ ಬೆಳೆಯಿರಿ

ಬೂದುಗುಂಬಳವೊಂದು ಬಳ್ಳಿ ತರಕಾರಿ. ಬೂದಿಯ ಮೈ ಹೊಂದಿರುವುದರಿಂದ ಇದನ್ನು ಬೂದುಗುಂಬಳ ಎನ್ನುತ್ತಾರೆ. ಕರಾವಳಿ, ಮಲೆನಾಡು ಜಿಲ್ಲೆಗಳಲ್ಲಿ ಇದು ಕುಂಬಳಕಾಯಿ ಎಂದೇ ಪ್ರಸಿದ.್ಧ ಕುಂಬಳ ಕೃಷಿ ಲಾಭದಾಯಕ. ಸಣ್ಣ ಹಿಡುವಳಿದಾರರು ಬೂದುಗುಂಬಳ ಬೆಳೆದು ಮಾರಾಟ ಮಾಡಿ ಸಾಕಷ್ಟು ಹಣ ಗಳಿಸಬಹುದು. ಇದು ಹೆಚ್ಚಿನ ಆರೈಕೆಯಿಲ್ಲದೆ, ಕಡಿಮೆ ಖರ್ಚಿನಲ್ಲಿ ಬೆಳೆಯಬಹುದಾದ ಬೆಳೆ. ಇದನ್ನು ಬಹಳ ದಿನಗಳವರೆಗೆ ಕೆಡದಂತೆ ಇಡಬಹುದು.
ಬೂದುಗುಂಬಳಕ್ಕೆ ಸರ್ವಋತುವಿನಲ್ಲೂ ಬೇಡಿಕೆ ಇದೆ. ಅಪರಕ್ರಿಯೆ ಕಾರ್ಯಕ್ರಮಕ್ಕೆ, ಭೂತಾರಾಧನೆ, ದೇವಿಯ ಆರಾಧನೆ, ಆಯುಧಪೂಜೆ, ನೂತನ ಕಟ್ಟಡಗಳಿಗೆ ಶಿಲಾನ್ಯಾಸ ನೆರವೇರಿಸುವಾಗ ಬೂದುಗುಂಬಳ ಬೇಕೇ ಬೇಕು. ಅಡುಗೆಯಲ್ಲೂ ಇದಕ್ಕೆ ಮಹತ್ವದ ಸ್ಥಾನವಿದೆ. ಇದರಿಂದ ತಯಾರಿಸಿದ ಹಲ್ವ, ಕೀರು, ಸಾಂಬಾರ್, ಬೋಳುಹುಳಿ, ದೋಸೆ, ಕಡುಬು, ಪಲ್ಯ, ಮಜ್ಜಿಗೆ ಹುಳಿ, ಸಂಡಿಗೆ ಎಲ್ಲವೂ ಒಂದಕ್ಕಿಂತ ಒಂದು ರುಚಿ. ಕರಾವಳಿ ಜಿಲ್ಲೆಗಳಲ್ಲಿರುವ ದೇವಸ್ಥಾನಗಳ ಮೆನುವಿನಲ್ಲಿ ಬೂದುಗುಂಬಳ ಖಾದ್ಯ ಇದ್ದೇ ಇರುತ್ತದೆ. ಹೊಟೇಲ್ನವರೂ ಇದನ್ನು ಹೆಚ್ಚು ಬಳಸುತ್ತಾರೆ.
ಬೂದುಗುಂಬಳ ಔಷಧೀಯ ಗುಣವನ್ನೂ ಹೊಂದಿದೆ. ಹೃದಯ ರೋಗಿಗಳಿಗೆ, ಮಧುಮೇಹಿಗಳಿಗೆ, ಕ್ಷಯ ರೋಗದಿಂದ ನರಳುವವರಿಗೆ ಉತ್ತಮ. ಶರೀರಕ್ಕೆ ಬಲವನ್ನು ನೀಡುತ್ತದೆ. ಕುಂಬಳ ಬಳ್ಳಿಯನ್ನು ನೆಲದಲ್ಲೂ ಬಿಡಬಹುದು ಅಥವಾ ಮರಕ್ಕೂ ಹಬ್ಬಿಸಬಹುದು. ಜೊತೆಗೆ ಚಪ್ಪರ ಹಾಕಿಯೂ ಬೆಳೆಸಬಹುದು. ಆದರೆ ಇವುಗಳಲ್ಲಿ ನೆಲಕ್ಕೆ ಬಿಡುವುದೇ ಉತ್ತಮ. ಚಪ್ಪರ ಮತ್ತು ಮರಕ್ಕೆ ಬಿಟ್ಟರೆ ಕಾಯಿ ದೊಡ್ಡದಾದಂತೆ ಬಳ್ಳಿ ಕಡಿಮೆ ಬೀಳಬಹುದು. ಕುಂಬಳಕಾಯಿ ಬೀಜ ಬಿತ್ತಿದ ಮೂರು ತಿಂಗಳಲ್ಲಿ ಸಲು ಕೊಯ್ಲಿಗೆ ಬರುತ್ತದೆ.
ಮಾರುಕಟ್ಟೆಯಲ್ಲಿ ಒಂದು ಕೆ.ಜಿ. ಬೂದುಗುಂಬಳಕ್ಕೆ 10ರಿಂದ 15 ರೂ. ಬೆಲೆ ಇದೆ. ಒಂದು ಕುಂಬಳ 2 ರಿಂದ 20 ಕೆ.ಜಿ.ವರೆಗೆ ತೂಗುತ್ತದೆ. ಕುಂಬಳ ಬೆಳೆಗೆ ರಾಸಾಯನಿಕಗಳ ಅಗತ್ಯವಿಲ್ಲ. ಸೊಪ್ಪು, ಹಟ್ಟಿಗೊಬ್ಬರ ಮತ್ತು ನೀರು ಇಷ್ಟಿದ್ದರೆ ಹುಲುಸಾಗಿ ಬೆಳೆದು ಸಮೃದ್ಧ ಇಳುವರಿ ಕೊಡುತ್ತದೆ.

ಭಾರತದಲ್ಲಿ ಪ್ರತಿ ವರ್ಷ ಕೊಳೆಯುತ್ತಿವೆ 13 ಸಾವಿರ ಕೋಟಿ ರೂ.ಗಳ ಹಣ್ಣು

ದೇಶದಲ್ಲಿ ಹಣ್ಣು, ಹಂಪಲುಗಳ ಬೆಲೆ ಗಗನಕ್ಕೇರಿದೆ. ಜನ ಸಾಮಾನ್ಯರು ಇವುಗಳನ್ನು ಕೊಳ್ಳುವುದು ಸಾಧ್ಯವೇ ಇಲ್ಲ ಎಂಬ ಸ್ಥಿತಿ ಆದೆ. ಆದರೆ, ದೇಶದಲ್ಲಿ ಪ್ರತಿವರ್ಷ 13 ಸಾವಿರ ಕೋಟಿ ರೂ. ಮೌಲ್ಯದ ಹಣ್ಣುಗಳು ವ್ಯರ್ಥವಾಗುತ್ತಿವೆ ಎನ್ನುತ್ತದೆ ವರದಿ. ಹಣ್ಣುಗಳ ಶೇಖರಣೆಗೆ ಸೂಕ್ತ ಶೀತಲೀಕರಣ ವ್ಯವಸ್ಥೆ ಇಲ್ಲದಿರುವುದು, ಸಾಗಾಟದ ಅವ್ಯವಸ್ಥೆಗಳಿಂದಾಗಿ ಅಪಾರ ಪ್ರಮಾಣದ ಹಣ್ಣುಗಳು ಕೊಳೆತು ಬಳಕೆಗಿಲ್ಲವಾಗುತ್ತಿವೆ.ಮರ್ಸನ್ ಕ್ಲೈಮೇಟ್ ಟೆಕ್ನಾಲಜೀಸ್ ಇಂಡಿಯಾ ಎಂಬ ಅಮೆರಿಕ ಮೂಲದ ಉತ್ಪಾದಕ ಕಂಪನಿ ಈ ವರದಿ ಹೊರ ತಂದಿದ್ದು, ದೇಶದಲ್ಲಿ ಪ್ರತಿವರ್ಷ 44 ಸಾವಿರ ಕೋಟಿ ರೂ. ಮೌಲ್ಯದ ಹಣ್ಣುಗಳು ಮತ್ತು ತರಕಾರಿಗಳು ವ್ಯರ್ಥವಾಗುತ್ತಿವೆ.
ಪ್ರಪಂಚದಲ್ಲೇ ಭಾರತ ಹಣ್ಣು, ತರಕಾರಿ ಬೆಳೆಯಲ್ಲಿ ಎರಡನೇ ಸ್ಥಾನದಲ್ಲಿದ್ದರೂ, ಅವುಗಳ ಸಂಗ್ರಹಣೆ ವ್ಯವಸ್ಥೆಗಳ ಕೊರತೆ ಅಪಾರವಾಗಿ ಭಾದಿಸುತ್ತಿದೆ. ಸದ್ಯ ದೇಶದಲ್ಲಿ 6,300 ಶೀತಲೀಕರಣ ಘಟಕ ವ್ಯವಸ್ಥೆಯಿದ್ದು, ಇದರಲ್ಲಿ ಸುಮಾರು 3 ಕೋಟಿ ಮೆಟ್ರಿಕ್ ಟನ್ ಹಣ್ಣು ದಾಸ್ತಾನು ಮಾಡಬಹುದಾಗಿದೆ. ಒಟ್ಟು ಉತ್ಪಾದನೆ 6.1 ಕೋಟಿ ಮೆಟ್ರಿಕ್ ಟನ್ ಆಗಿದ್ದು, ದಾಸ್ತಾನು ವ್ಯವಸ್ಥೆ ಉತ್ಪಾದನೆಯ ಅರ್ಧದಷ್ಟಕ್ಕೆ ಮಾತ್ರ ಸಾಕು ಎಂಬುದು ವರದಿಯ ತಿರುಳು.

ಗಾಂಜಾ ಸೇವನೆಯಲ್ಲಿ ಮೈಮರೆಯುತ್ತಿದ್ದಾರೆ ಯುವಕರು

ರಾಜ್ಯದ ಕೆಲವೆಡೆ ಈಗ ಗಾಂಜಾ ಸೇವನೆಯ ಸಂಶಯದ ಗಾಳಿ ಬೀಸುತ್ತಿದೆ. ಇದನ್ನು ಮಾರುವವರು ದೊಡ್ಡ ಜಾಲವನ್ನೇ ಹೊಂದಿದ್ದಾರೆ. ಅನೇಕ ಯುವಕರು ಈ ಕೆಟ್ಟ ಹವ್ಯಾಸವನ್ನು ಬೆಳೆಸಿಕೊಂಡು ವಿದ್ಯಾಭ್ಯಾಸವನ್ನು ಮುಂದುವರಿಸದೇ ಅಕ್ರಮ ಚಟುವಟಿಕೆಗಳ ಸರದಾರರಾಗುತ್ತಿದ್ದಾರೆ. ಕೆಲವೆಡೆ ಇದು ಯುವಕರ ಜೀವವನ್ನೂ ತೆಗೆದ ಉದಾಹರಣೆ ಇದೆ. ರಂಭದಲ್ಲಿ ನಾಲಿಗೆಯಡಿಯಲ್ಲಿ ಅಥವಾ ಹಲ್ಲು ಮತ್ತು ತುಟಿಗಳೆಡೆಯಲ್ಲಿ ಹೊಗೆಸೊಪ್ಪನ್ನು ಸೇವಿಸುವ ಹವ್ಯಾಸವನ್ನು ಹುಟ್ಟುಹಾಕಿಸಿ, ಬಳಿಕ ಗಾಂಜಾವನ್ನು ಹಂತ ಹಂತವಾಗಿ ಸೇರಿಸಲಾಗುತ್ತದೆಯಂತೆ!. ಕ್ರಮೇಣ ಆತನಿಗೆ ಅದಿಲ್ಲದೇ ಕ್ಷಣ ಕ್ಷಣವನ್ನು ಕಳೆಯಲಾಗುವುದಿಲ್ಲವೆಂಬ ಹಂತ ತಲುಪುತ್ತದೆ. ಆಗ ಆತ ಎಷ್ಟೇ ಹಣ ನೀಡಿಯಾದರೂ ಇದನ್ನು ಖರೀದಿಸುವ ಹಂತ ತಲುಪುತ್ತಾನೆ. ಹಣಕ್ಕಾಗಿ ಆತ ಕದಿಯಲೇ ಬೇಕಾಗುವ ಹಂತ ತಲುಪುತ್ತದೆ. ಒಂದು ಹವ್ಯಾಸಕ್ಕೆ ಮತ್ತೊಂದು ಫ್ರೀಯಾಗಿ ಮುಂದುವರಿಯುತ್ತದೆ. ಚೈನ್ ಸ್ಕೀಮ್ನ ಹಾಗೇ ಈ ಕೆಟ್ಟ ಚಾಳಿ ವ್ಯಕ್ತಿಯಿಂದ ವ್ಯಕ್ತಿಗೆ ಹರಡುತ್ತದೆ. ಮೂಲ ಸ್ಥಾನದಲ್ಲಿರುವ ಅಕ್ರಮಗಳ ಸರದಾರ ಹಣ ದೋಚಲಾರಂಭಿಸುತ್ತಾನೆ. ಈ ಬಗ್ಗೆ ಅನೇಕ ಕಡೆಗಳಲ್ಲಿ ಸಂಶಯಗಳು ಹುಟ್ಟಿಕೊಂಡಿವೆಯಾದರೂ ಅದನ್ನು ನಿವಾರಿಸುವ ಕ್ರಿಯಾಶೀಲ ಕೂಗುಗಳೆದ್ದಿಲ್ಲ.

ದೀಗೊಪ್ಪದಲ್ಲಿ ಜಾನುವಾರುಗಳಿಗೆ ಕಾಲು-ಬಾಯಿ ರೋಗ

ಉತ್ತರ ಕನ್ನಡ ಜಿಲ್ಲೆ ಶಿರಸಿ ತಾಲೂಕಿನ ಯಡಳ್ಳಿ ಗ್ರಾಮ ಪಂಚಾಯತ್ ವ್ಯಾಪ್ತಿಯ ದೀಗೊಪ್ಪದಲ್ಲಿ ಜಾನುವಾರುಗಳಿಗೆ ಕಾಲು-ಬಾಯಿ ರೋಗ ಕಾಣಿಸಿಕೊಂಡಿದ್ದು, ರೈತರು ಆತಂಕಕ್ಕೊಳಗಾಗಿದ್ದಾರೆ.ರಿನಲ್ಲಿ ಇರುವ ಸುಮಾರು 50ರಷ್ಟು ಜಾನುವಾರುಗಳ ಪೈಕಿ 15ರಷ್ಟು ದನಗಳು ರೋಗದಿಂದ ಬಳಲುತ್ತಿದ್ದು, ಪ್ರತಿನಿತ್ಯ ಪಶು ವೈದ್ಯರು ಬಂದು ಚಿಕಿತ್ಸೆ ನೀಡುತ್ತಿದ್ದಾರೆ. ಈಗ 10 ದಿನಗಳ ಹಿಂದೆ ಒಂದು ಆಕಳಿಗೆ ರೋಗ ಕಾಣಿಸಿಕೊಂಡಿತ್ತು. ಅಂದೇ ಪಶು ವೈದ್ಯರಿಗೆ ರೋಗ ಬಂದ ಬಗ್ಗೆ ಮಾಹಿತಿ ನೀಡಿದ್ದು, ತಕ್ಷಣ ಆಗಮಿಸಿದ ಪಶುವೈದ್ಯರು ಊರಿನ ಎಲ್ಲ ದನಗಳಿಗೆ ರೋಗ ನಿರೋಧಕ ಚುಚ್ಚುಮದ್ದನ್ನೂ ನೀಡಿದ್ದಾರೆ. ಆದರೆ ದಿನದಿಂದ ದಿನಕ್ಕೆ ರೋಗ ವ್ಯಾಪಿಸತೊಡಗಿದ್ದು, ಈಗ ರೋಗದಿಂದ ಬಳಲುತ್ತಿರುವ ಜಾನುವಾರುಗಳ ಸಂಖ್ಯೆ 15ಕ್ಕೇರಿದೆ. ಆರಂಭದಲ್ಲಿ ರೋಗ ಕಾಣಿಸಿಕೊಂಡ ಜಾನುವಾರುಗಳು ಚೇತರಿಸಿಕೊಂಡಿದ್ದು, ಬೇರೆ ದನಗಳಿಗೆ ರೋಗ ವ್ಯಾಪ್ತಿಸುತ್ತಿರುವುದು ಆತಂಕ ಹೆಚ್ಚಲು ಕಾರಣವಾಗಿದೆ.
ರೋಗಕ್ಕೆ ತುತ್ತಾದ ಜಾನುವಾರುಗಳ ಬಾಯಿಯಲ್ಲಿ ಹುಣ್ಣಾಗುವುದರಿಂದ ಆಹಾರ ಸೇವಿಸುವುದನ್ನು ನಿಲ್ಲಿಸಿ ಬಿಡುತ್ತವೆ. ಇದರಿಂದಾಗಿ ಅವು ನಿತ್ರಾಣವಾಗಿ ಮಲಗಿದರೆ ಏಳಲಾಗದೇ ತೊಂದರೆ ಪಡುತ್ತವೆ. ಕೆಲವು ಹಾಲು ಕರೆಯುವ ದನಗಳು ರೋಗಕ್ಕೆ ತುತ್ತಾಗಿದ್ದು, ಮನುಷ್ಯರಿಗೆ ಇರಲಿ ಕರುಗಳಿಗೂ ಹಾಲು ಇಲ್ಲದಂತಾಗಿದೆ. ಹಾಲು ಮಾರಾಟ ಮಾಡಿ ಜೀವನ ಮಾಡುವವರಿಗೆ ಜೀವನ ನಡೆಸುವುದು ಹೇಗೆಂಬ ಚಿಂತೆ ಕಾಡುತ್ತಿದೆ. ಕೆಲ ಎತ್ತುಗಳೂ ಸಹ ರೋಗದಿಂದ ಬಳಲುತ್ತಿದ್ದು, ಕೃಷಿ ಕೆಲಸಕ್ಕೆ ಸಮಸ್ಯೆಯಾಗಿದೆ.

ಹೊರದೇಶದಿಂದ ಒಂದು ಕೆಜಿ ಚಿನ್ನ ತಂದರೆ 4 ಲಕ್ಷ ರೂ.ಲಾಭ

ಸರಕಾರ ಚಿನ್ನ ಆಮದು ಸುಂಕವನ್ನು ಹೆಚ್ಚಿಸಿದ ಬಳಿಕ ಗಲ್ಫ್ ದೇಶಗಳಿಂದ ಬರುವವರಿಗೆ ಚಿನ್ನ ಸ್ಮಗ್ಲಿಂಗ್ ನಿಜವಾಗಿಯೂ ಚಿನ್ನದ ಮೊಟ್ಟೆಯಿಡುವ ಕೋಳಿಯಾಗಿದೆ. ಕೊಲ್ಲಿ ರಾಷ್ಟ್ರಗಳು ಮತ್ತು ಭಾರತದಲ್ಲಿ ಚಿನ್ನದ ಬೆಲೆಯಲ್ಲಿ ಬಹಳ ಅಂತರವಿರುವುದರಿಂದ ಕಸ್ಟಮ್ಸ್ ಅಧಿಕಾರಿಗಳ ಕಣ್ಣುತಪ್ಪಿಸಿ 100 ಗ್ರಾಂ ಚಿನ್ನ ತಂದರೂ ಸಾವಿರಾರು ರೂ.ಗಳ ಲಾಭ ಗ್ಯಾರಂಟಿ. ಇದರಿಂದಾಗಿ ಕಳೆದ 10 ತಿಂಗಳಲ್ಲಿ ನೆರೆಯ ಕೇರಳ ರಾಜ್ಯಕ್ಕೆ ದುಬೈ ಮತ್ತಿತರ ದೇಶಗಳಿಂದ ಚಿನ್ನದ ಹೊಳೆಯೇ ಹರಿಯುತ್ತಿದೆ.
ರಾಜ್ಯದ ಮೂರು ಅಂತರಾಷ್ಟ್ರೀಯ ವಿಮಾನ ನಿಲ್ದಾಣಗಳಲ್ಲಿ 10 ತಿಂಗಳಲ್ಲಿ ಸುಮಾರು 200 ಕೆಜಿ ಚಿನ್ನ ಸಿಕ್ಕಿದೆ. ಇದು ಸಿಕ್ಕಿ ಬಿದ್ದ ಚಿನ್ನದ ಲೆಕ್ಕಾಚಾರ ಮಾತ್ರ. ಸಿಕ್ಕಿ ಬೀಳದೆ ಪಾರಾದ ಚಿನ್ನ ಇದರ ಎರಡು ಪಟ್ಟಾದರೂ ಇರಬಹುದು. ಮಂಗಳೂರು, ಮುಂಬಯಿ, ಹೈದರಾಬಾದ್ ಮತ್ತು ಚೆನ್ನೈ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣಗಳಲ್ಲೂ ಆಗಾಗ ಕೆಜಿಗಟ್ಟಲೆ ಚಿನ್ನ ವಶವಾದ ಪ್ರಕರಣಗಳು ವರದಿಯಾಗುತ್ತಿರುತ್ತವೆ.
ಸುಂಕ ತಪ್ಪಿಸಿ ಒಂದು ಗ್ರಾಂ ಚಿನ್ನ ತಂದರೆ 424 ರೂ.ಲಾಭವಾಗುತ್ತದೆ. ಈ ಪ್ರಕಾರ ಲೆಕ್ಕ ಹಾಕಿದರೆ ಒಂದು ಕೆಜಿ ಚಿನ್ನ ದಾಟಿಸಿಬಿಟ್ಟರೆ 4,24,000 ರೂ. ಜೇಬಿಗೆ ಬೀಳುತ್ತದೆ. ಇದರಲ್ಲಿ ಚಿನ್ನ ತಂದವರ ಕಮಿಶನ್, ವಿಮಾನ ಟಿಕೆಟ್ನ ದರ, ಲಂಚ ಮತ್ತಿತರ ಖರ್ಚುವೆಚ್ಚಗಳನ್ನು ಕಳೆದರೂ ಕನಿಷ್ಠ 3 ಲಕ್ಷ ರೂ. ಲಾಭ ಗ್ಯಾರಂಟಿ. ಹೀಗಾಗಿ ಈಗ ಮಾದಕ ವಸ್ತುವಿಗಿಂತಲೂ ಚಿನ್ನ ಕಳ್ಳಸಾಗಾಟವೇ ಸ್ಮಗ್ಲರ್ಗಳ ಪಾಲಿಗೆ ಹೆಚ್ಚು ಲಾಭದಾಯಕವಾಗಿದೆ.ಲ್ಫ್ ದೇಶಗಳಲ್ಲಿ ಮಲಯಾಳಿಗಳು ಹೆಚ್ಚಿನ ಸಂಖ್ಯೆಯಲ್ಲಿರುವುದರಿಂದ ಕೇರಳಕ್ಕೆ ಹೆಚ್ಚಿನ ಪ್ರಮಾಣದಲ್ಲಿ ಅಕ್ರಮ ಚಿನ್ನ ಬರುತ್ತದೆ. ಅಲ್ಲಿ ಉದ್ಯೋಗದಲ್ಲಿರುವವರು ಕೂಡ ಊರಿಗೆ ಬರುವಾಗ ಖರ್ಚಿಗಾದೀತು ಎಂದು ಹೇಳಿ ಸ್ವಲ್ಪ ಚಿನ್ನ ತರುತ್ತಾರೆ. ಸ್ಮಗ್ಲರ್ಗಳು ಇಂತವರನ್ನು ಹಿಡಿದು ಚಿನ್ನ ದಾಟಿಸುತ್ತಾರೆ.
ವಿಶೇಷವೆಂದರೆ ಪುರುಷರಿಗಿಂತ ಹೆಚ್ಚಾಗಿ ಮಹಿಳೆಯರು ಚಿನ್ನ ಕಳ್ಳ ಸಾಗಾಣಿಕೆ ಮಾಡುತ್ತಿದ್ದಾರೆ. ಕೇರಳದಲ್ಲಿ ಹಲವು ಮಹಿಳೆಯರು ಚಿನ್ನ ಕಳ್ಳ ಸಾಗಾಟ ಮಾಡಿ ಸಿಕ್ಕಿ ಬಿದ್ದಿದ್ದಾರೆ. 1 ಕೋಟಿ ರೂ. ಮೌಲ್ಯದ ತನಕ ಸುಂಕ ತಪ್ಪಿಸಿ ಚಿನ್ನ ತಂದರೆ ಅದು ಜಾಮೀನು ಸಿಗುವ ಅಪರಾಧ. ಸಿಕ್ಕಿ ಬಿದ್ದರೂ ಜಾಮೀನಿನಲ್ಲಿ ಬಿಡುಗಡೆಯಾಗುವ ಭರವಸೆಯಿರುವುದರಿಂದ 3 ಕೆಜಿಯಷ್ಟು ಚಿನ್ನ ತರಲು ಇವರು ಹೆದರುವುದಿಲ್ಲ.
ಚಿನ್ನದ ಲೆಕ್ಕಾಚಾರ:


  • ದುಬೈನಲ್ಲಿ ಚಿನ್ನದ ಬೆಲೆ 1 ಗ್ರಾಂಗೆ 2,579 ರೂ.
  • ಭಾರತದಲ್ಲಿ ಚಿನ್ನದ ಬೆಲೆ 1 ಗ್ರಾಂಗೆ 3,100 ರೂ.ಸ್ಟಮ್ಸ್
  • ಅಧಿಕಾರಿಗಳ ಕಣ್ಣು ತಪ್ಪಿಸಿ ತಂದರೆ ಆಗುವ ಲಾಭ 1 ಗ್ರಾಂಗೆ 424 ರೂ.
  • 1 ಗ್ರಾಂ ಚಿನ್ನಕ್ಕೆ ಕಸ್ಟಮ್ಸ್ ಸುಂಕ ಶೇ.10 (ಗ್ರಾಂಗೆ 257 ರೂ.)
  • ಚಿನ್ನ ಕಳ್ಳಸಾಗಾಟ ಮಾಡುವವರ ವಿಮಾನದ ಟಿಕೆಟ್, ಇತರ ಖರ್ಚುವೆಚ್ಚ ಮತ್ತು ಅಧಿಕಾರಿಗಳಿಗೆ ಕೊಡುವ ಲಂಚ ಎಲ್ಲ ಸೇರಿಸಿ ಗ್ರಾಂಗೆ 100 ರೂ.ಯಂತೆ ಖರ್ಚಾದರೂ 324 ರೂ. ಲಾಭ ಗ್ಯಾರಂಟಿ.


ಬರುತ್ತಿದೆ ಬೈಕ್ ಆ್ಯಂಬುಲೆನ್ಸ್

ನಗರಗಳಲ್ಲಿ ಇಂದು ಎಲ್ಲಿ ನೋಡಿದರೂ ಸಂಚಾರ ದಟ್ಟಣೆ. ನಿರಂತರ ವಾಹನಗಳ ಒತ್ತಡ. ಇಂತಹ ಸಂದರ್ಭ ನಗರದ ಯಾವುದೋ ಪ್ರದೇಶದಲ್ಲಿ 108ಕ್ಕೆ ಕರೆ ಮಾಡಿ, ತುರ್ತು ಚಿಕಿತ್ಸೆಗೆ ಬರುವಂತೆ ಹೇಳಿದರೆ, ಸಂಚಾರ ದಟ್ಟಣೆಯ ಮಧ್ಯೆ ಆ್ಯಂಬುಲೆನ್ಸ್ ತರುವುದೇ ದೊಡ್ಡ ಸಾಹಸ. ಆ್ಯಂಬುಲೆನ್ಸ್ಗಳು ಚತುಷ್ಚಕ್ರ ವಾಹನವಾದ್ದರಿಂದ ‘ಬ್ಲಾಕ್’ ಇದ್ದರೂ ಸುಲಭವಾಗಿ ಹೋಗಲು ಸಾಧ್ಯವಾಗುವುದಿಲ್ಲ. ಎಷ್ಟು ಸೈರನ್ ಹೊಡೆದರೂ ಬ್ಲಾಕ್ ನಿಭಾಯಿಸುವುದು ತುಸು ಕಷ್ಟವೇ. ಇಂತಹ ಸಂದರ್ಭ ತುರ್ತಾಗಿ ರೋಗಿಯ ಆರೈಕೆ ಮತ್ತು ಚಿಕಿತ್ಸೆಗೆ ವೈದ್ಯರ ತಂಡ ಕಳುಹಿಸುವುದು ಅನಿವಾರ್ಯ. ಇದಕ್ಕಾಗಿಯೇ ಬರುತ್ತಿದೆ ಬೈಕ್ ಆ್ಯಂಬುಲೆನ್ಸ್.
ಪೂರಕ ರಸ್ತೆ ಇಲ್ಲದ ಕಡೆ ಸಹಕಾರಿ:
ಹಳ್ಳಿಯ ಯಾವುದೋ ಮೂಲೆಯಲ್ಲಿ ತೀವ್ರ ಅಸ್ವಸ್ಥರಾಗಿ ತುರ್ತು ಚಿಕಿತ್ಸೆಗೆ ಆ್ಯಂಬುಲೆನ್ಸ್ಗೆ ಕರೆ ಮಾಡಿದರೆ ದ್ವಿಚಕ್ರ ವಾಹನ ಹೊರತುಪಡಿಸಿ, ಇತರ ವಾಹನಗಳಿಗೆ ಆ ಮನೆಯ ಹತ್ತಿರದವರೆಗೆ ಹೋಗಲು ಪೂರಕ ರಸ್ತೆಗಳಿರುವುದಿಲ್ಲ. ಈ ಸಂದರ್ಭ ಆ್ಯಂಬುಲೆನ್ಸ್ ಬರುವ ರಸ್ತೆವರೆಗೆ ರೋಗಿಯನ್ನು ಎತ್ತಿಕೊಂಡು ಅಥವಾ ಬೇರೆ ರೀತಿಯಲ್ಲಿ ಕರೆತರಬೇಕಾಗುತ್ತದೆ. ಈ ಕಷ್ಟ ಹೋಗಲಾಡಿಸಲು ಹಾಗೂ ತತ್ಕ್ಷಣಕ್ಕೆ ರೋಗಿಗೆ ಸೂಕ್ತ ಚಿಕಿತ್ಸೆ ದೊರೆಯುವಂತೆ ಮಾಡಲು ಬರುತ್ತಿದೆ ಬೈಕ್ ಆ್ಯಂಬುಲೆನ್ಸ್.
ಹೊರದೇಶದಲ್ಲಿ ಪ್ರಸ್ತುತ ಭಾರೀ ಉಪಯೋಗವಾಗುತ್ತಿರುವ ಬೈಕ್ ಆ್ಯಂಬುಲೆನ್ಸ್ಗೆ ಭಾರತದಲ್ಲೂ ಬೇಡಿಕೆ ಇದೆ. ಪ್ರಸ್ತುತ ಕೆಲವು ರಾಜ್ಯಗಳು ಈ ಸಂಬಂಧ ಮಾತುಕತೆ ನಡೆಸುತ್ತಿವೆ. ಖಾಸಗಿ ವಲಯದಲ್ಲಿಯೂ ಕೆಲವೆಡೆ ಇದರ ಬಳಕೆಯಾಗುತ್ತಿದೆ. ಈಗ ಕರ್ನಾಟಕದಲ್ಲಿ ಇದನ್ನು ಮಾದರಿ ರೂಪದಲ್ಲಿ ಜಾರಿಗೆ ತರಲು ಆರೋಗ್ಯ ಇಲಾಖೆ ಮನಸ್ಸು ಮಾಡಿದೆ. ಈ ಸಂಬಂಧ ಅಂತಿಮ ಸಿದ್ಧತೆ ಕೂಡ ನಡೆಯುತ್ತಿದೆ.
ಬೆಂಗಳೂರಿನಲ್ಲಿ ಜನವರಿಯಿಂದ ಆರಂಭ:
ಬೆಂಗಳೂರಿನ ಒಂದು ವಾರ್ಡ್ನಲ್ಲಿ ಬೈಕ್ ಆ್ಯಂಬುಲೆನ್ಸ್ ಯೋಜನೆಯನ್ನು ಪ್ರಾರಂಭಿಕವಾಗಿ ಜಾರಿಗೆ ತರಲಾಗುತ್ತದೆ. ಪೈಲೆಟ್ ಪ್ರಾಜೆಕ್ಟ್ನಲ್ಲಿ ಪ್ರಾರಂಭಿಸಲು ಉದ್ದೇಶಿಸಿರುವ ಈ ಬೈಕ್ ಆ್ಯಂಬುಲೆನ್ಸ್ ಅನ್ನು ಜನವರಿ ವೇಳೆಗೆ ಮುಖ್ಯಮಂತ್ರಿ ಚಾಲನೆ ನೀಡಲಿದ್ದಾರೆ. ಪ್ರಾರಂಭಿಕವಾಗಿ ಒಂದು ವಾರ್ಡ್ನಲ್ಲಿ ಇದನ್ನು ಸೇವೆಗೆ ಬಳಸಿಕೊಂಡು, ಅದಕ್ಕೆ ಜನರ ಪ್ರತಿಕ್ರಿಯೆ ಹಾಗೂ ಸ್ಪಂದನೆ ಗಮನಿಸಿಕೊಂಡು ಮುಂದೆ ರಾಜ್ಯಾದ್ಯಂತ ವಿಸ್ತರಿಸಲು ಆರೋಗ್ಯ ಇಲಾಖೆ ನಿರ್ಧರಿಸಿದೆ.ನಿದು ಬೈಕ್ ಆ್ಯಂಬುಲೆನ್ಸ್?:್ಯಂಬುಲೆನ್ಸ್ ತಲುಪಲು ಸಾಧ್ಯವಾಗದ ಸ್ಥಳಗಳಿಗೆ ಬೈಕ್ ಆ್ಯಂಬುಲೆನ್ಸ್ ಸಹಾಯವಾಗಲಿದೆ. ಇದರಲ್ಲಿ ಇಬ್ಬರು ನುರಿತ ವೈದ್ಯರು ಇರಲಿದ್ದಾರೆ. ಅವರು ಉತ್ತಮ ಬೈಕ್ ಸವಾರರು ಕೂಡ ಆಗಿರುತ್ತಾರೆ. ತುರ್ತು ಚಿಕಿತ್ಸೆಗೆ ಬೇಕಾದ ಪರಿಕರಗಳು ಬೈಕ್ನಲ್ಲಿರುತ್ತದೆ. ತತ್ಕ್ಷಣಕ್ಕೆ ರೋಗಿಯ ಅಗತ್ಯಕ್ಕೆ ಬೇಕಾದ ಎಲ್ಲ ಔಷಧಗಳು ಕೂಡ ಅಲ್ಲಿರುತ್ತದೆ. ಸಾಧ್ಯವಾದರೆ ಬೈಕ್ನಲ್ಲೇ ಅಥವಾ ಆ್ಯಂಬುಲೆನ್ಸ್ ಮೂಲಕ ರೋಗಿಯನ್ನು ಆಸ್ಪತ್ರೆಗೆ ಮುಟ್ಟಿಸುವ ಕಾರ್ಯವೂ ಬೈಕ್ ಆ್ಯಂಬುಲೆನ್ಸ್ನವರ ಮೂಲಕ ನಡೆಯುತ್ತದೆ.
ಬೈಕ್ ಆ್ಯಂಬುಲೆನ್ಸ್ ಯೋಜನೆ ಕರ್ನಾಟಕಕ್ಕೆ ಹೊಸದು. ಆರೋಗ್ಯ ಕ್ಷೇತ್ರದಲ್ಲಿ ಇನ್ನಷ್ಟು ಸುಧಾರಣೆ ತರುವ ಉದ್ದೇಶದಿಂದ ಈ ಯೋಜನೆ ಜಾರಿಗೆ ತರಲಾಗುತ್ತದೆ. ಸಂಚಾರ ದಟ್ಟಣೆ ಹಾಗೂ ಒತ್ತಡದ ಪ್ರದೇಶದಲ್ಲಿರುವ ರೋಗಿಗಳಿಗೆ ಕ್ಲಪ್ತ ಸಮಯದಲ್ಲಿ ಚಿಕಿತ್ಸೆ ದೊರೆಯುವಂತೆ ಮಾಡಲು ಇದು ಜಾರಿಗೆ ಬರಲಿದೆ.

ಫೇಸ್ಬುಕ್ ವಂಚಕ, ಪೊಲೀಸ್ ಬಲೆಗೆ ಬಿದ್ದ

ಉತ್ತರ ಪ್ರದೇಶದ ಮಿಸ್ಬಾಹ್ ಅಯೂಬ್ ಅಲಿ ಖಾನ್, 18ರ ಹರೆಯದ ಯುವಕ. ಹೋಟೆಲ್ ಮ್ಯಾನೇಜ್ಮೆಂಟ್ ವಿದ್ಯಾರ್ಥಿ. ಅಜ್ಜ, ಅಜ್ಜಿ ಜತೆ ವಾಸಿಸುತ್ತಿದ್ದ. ಓದು ಬೇಸರ ಎನಿಸಿತು. ಕೆಲವು ತಿಂಗಳುಗಳ ಕಾಲೇಜಿಗೆ ಹೋಗಲಿಲ್ಲ. ತ್ವರಿತವಾಗಿ ಹಣ ಮಾಡುವ ಹಂಬಲ ಬಂತು.ರಡು ನಕಲಿ ಫೇಸ್ಬುಕ್ ಪ್ರೊಫೈಲ್ ಸೃಷ್ಟಿಸಿದ. ಒಂದು ಶೈಲಿ ಪಾರೀಖ್ ಎಂಬ ಯುವತಿಯ ಹೆಸರಿನಲ್ಲಿ, ಇನ್ನೊಂದು ಅರ್ಮಾನ್ ಕಪೂರ್ ಎಂಬ ಯುವಕ ಹೆಸರಿನಲ್ಲಿ ಫೇಸ್ಬುಕ್ ಪ್ರೊಫೈಲ್ ಸೃಷ್ಟಿಸಿದ. ಎರಡೂ ಪ್ರೊಫೈಲ್ಗಳಲ್ಲಿ ತನ್ನದೇ ಛಾಯಾಚಿತ್ರಗಳನ್ನು ಲಗತ್ತಿಸಿದ. ಕೆಲವು ದಿನಗಳ ಬಳಿಕ ಆತ ಶೈಲಿ ಪ್ರೊಫೈಲ್ನಿಂದ ಸಂದೇಶಗಳನ್ನು ಹಾಕಲಾರಂಭಿಸಿದ. ಅರ್ಮಾನ್ ಜತೆ ಸಂಬಂಧ ಕಡಿದುಕೊಳ್ಳಲು ತಾನು ಉದ್ದೇಶಿಸಿದ್ದೇನೆ. ಆಸಕ್ತ ವ್ಯಕ್ತಿಗಳು ಅರ್ಮಾನ್ ಜತೆ ಸಂಬಂಧ ಕುದುರಿಸಿಕೊಳ್ಳಬಹುದು. ತಾನು ಮತ್ತು ಅರ್ಮಾನ್ ಈಗಲೂ ಒಳ್ಳೆಯ ಸ್ನೇಹಿತರು ಎಂದು ಸಂದೇಶದಲ್ಲಿ ಬರೆದಿದ್ದ.
ಶೈಲಿ ಒಳ್ಳೆಯ ಹುಡುಗಿ ಎಂದು ಭಾವಿಸಿದ ಕೆಲವು ಯುವತಿಯರು ಶೈಲಿ ಜತೆಗೆ ಸ್ನೇಹ ಬೆಳೆಸಿದರು. ತಾವು ಅರ್ಮಾನ್ನನ್ನು ಭೇಟಿ ಮಾಡಲು ಬಯಸಿರುವುದಾಗಿ ಶೈಲಿಗೆ ತಿಳಿಸಿದರು. ಆಗ ಖಾನ್, ಈ ಹುಡುಗಿಯರ ಜತೆ ಸ್ನೆಹ ಬೆಳೆಸಲು ಅರ್ಮಾನ್ನ ಪ್ರೊಫೈಲ್ ಬಳಸಿದ. ಈ ಹುಡುಗಿಯರ ಪೈಕಿ ಕೆಲವರ ಜತೆಗೆ ಚಾಟ್ ನಡೆಸಿದ ಬಳಿಕ ಖಾನ್, ಮುಂಬಯಿಯ 14 ವರ್ಷದ ಶಾಲಾ ಬಾಲಕಿಯನ್ನು ಗುರಿಯಾಗಿ ಆಯ್ಕೆ ಮಾಡಿಕೊಂಡ.
 ತಾನಿನ್ನೂ ಯುವಕ. ಯಶಸ್ವಿ ಉದ್ಯಮಿ. ದೇಶ, ವಿದೇಶದಲ್ಲಿ ಸಾಕಷ್ಟು ಆಸ್ತಿಯಿದೆ ಎಂದು ಬಾಲಕಿಗೆ ಖಾನ್ ಹೇಳಿದ. ಆತನ ಸುಳ್ಳುಗಳಿಗೆ ಬಾಲಕಿ ಮರುಳಾದಳು. ಕೆಲವೇ ದಿನಗಳಲ್ಲಿ ವಿವಾಹವಾಗುವ ಕುರಿತೂ ಅವರು ಮಾತನಾಡಿದರು. ತನ್ನ ಪೋಷಕರ ಅರಿವಿಗೆ ಬರದಂತೆ ಆತನನ್ನೂ ಭೇಟಿ ಮಾಡತೊಡಗಿದಳು.
  ತಾನು ಮುಂಬಯಿ ಸಮೀಪದ ಹಿಲ್ ಸ್ಟೇಷನಿನಲ್ಲಿ 2 ಕೋಟಿ ರೂ. ಮೌಲ್ಯದ ನಿವೇಶನ ಖರೀದಿಸಿದ್ದೇನೆ. ಅಲ್ಲಿ ಬೃಹತ್ ಬಂಗಲೆ ನಿರ್ಮಿಸುತ್ತೇನೆ. ವಿವಾಹದ ಬಳಿಕ ಅದರಲ್ಲಿ ತಾವಿಬ್ಬರೂ ವಾಸಿಸಬಹುದು. ಆದರೆ ತಾನು ಈಗ 1.7 ಕೋಟಿ ರೂ. ನೀಡಿದ್ದೇನೆ. ಹಲವು ಯೋಜನೆಗಳಲ್ಲಿ ತನ್ನ ಹಣ ಸಿಕ್ಕಿ ಹಾಕಿಕೊಂಡಿರುವುದರಿಂದ 30 ಲಕ್ಷ ರೂ. ಹಣದ ಕೊರತೆ ಬಂದಿದೆ ಎಂದು ಖಾನ್ ಬಾಲಕಿಗೆ ತಿಳಿಸಿದ.
ತಾನು ಸಾಧ್ಯವಾದಷ್ಟು ನೆರವಾಗುವುದಾಗಿ ಬಾಲಕಿ ಸ್ವಯಂ ಮುಂದೆ ಬಂದಳು. ತನ್ನ ತಾಯಿಯ 19 ತೊಲದ ಚಿನ್ನದ ಒಡವೆಯನ್ನು ಮತ್ತು ಸ್ವಲ್ಪ ನಗದನ್ನು (ಒಟ್ಟು 10 ಲಕ್ಷ ರೂ. ಮೌಲ್ಯದ) ಕದ್ದು, ಆತನನ್ನು ಭೇಟಿ ಮಾಡಿ ಕೊಟ್ಟಳು.ದರೆ, ಬಾಲಕಿ ಆತನನ್ನು ನೋಡಿದುದು ಅದೇ ಕೊನೆಯ ಸಲ. ನಂತರ ಫೋನ್ ಮಾಡಿದರೆ ಆತ ಸ್ವೀಕರಿಸಲಿಲ್ಲ. ಆಗ ಆಕೆಗೆ ಅನುಮಾನ ಬಂತು. ತಾನು ವಂಚನೆಗೊಳಗಾಗಿರುವುದು ಅರಿವಾಯಿತು. ಕೊನೆಗೆ ಧೈರ್ಯ ಮಾಡಿ ತನ್ನ ಹೆತ್ತವರಿಗೆ ವಿಷಯ ತಿಳಿಸಿದಳು. ಹೆತ್ತವರು ಪೊಲೀಸರಿಗೆ ದೂರು ನೀಡಿದರು.
  ಪೊಲೀಸರು ಆತನನ್ನು ಪತ್ತೆ ಹಚ್ಚಲು ಆತನ ತಂತ್ರವನ್ನೇ ಬಳಸಿದರು. ಯುವತಿಯ ಹೆಸರಿನಲ್ಲಿ ಫೇಸ್ಬುಕ್ನಲ್ಲಿ ಪ್ರೊಫೈಲ್ ಸೃಷ್ಟಿಸಿದರು ಮತ್ತು ಅರ್ಮಾನ್ಗೆ ಫ್ರೆಂಡ್ ರಿಕ್ವೆಸ್ಟ್ ಕಳಿಸಿದರು. ಆತನ ಸೆಲ್ ಫೋನ್ ಸಂಕೇತಗಳನ್ನು ಬಳಸಿಕೊಂಡು ಆತ ಉತ್ತರ ಪ್ರದೇಶದಲ್ಲಿರುವುದನ್ನು ಪತ್ತೆ ಹಚ್ಚಿದರು. ಬಳಿಕ ಆತನ ನಿವಾಸದಿಂದ ಆತನನ್ನು ಬಂಧಿಸಿದರು.

ಉಚಿತವಾಗಿ ಮನೆಪಾಠ ಮಾಡ್ತಾರೆ ಇವರು

ಶಿಕ್ಷಣ ವ್ಯಾಪಾರೀಕರಣವಾಗಿದೆ. ದುಡ್ಡು ಇದ್ದರೆ ಮಾತ್ರ ಶಿಕ್ಷಣ ಎನ್ನುವಂತ ಸ್ಥಿತಿ ನಿರ್ಮಾಣವಾಗಿದೆ. ಆದರೆ ಇದಕ್ಕೆ ಅಪವಾದವೆಂಬಂತೆ ಸಂಭಾವನೆಯನ್ನು ನಿರೀಕ್ಷಿಸದೇ ತಮ್ಮೂರಿನ ಸಾಕ್ಷರತೆ ಸುಧಾರಣೆಗೊಳ್ಳಲಿ ಎಂಬ ಉದ್ಧೇಶದಿಂದ ಆರು ಜನ ಪದವೀಧರ ಯುವಕರು ಉಚಿತ ಮನೆಪಾಠ ನಡೆಸುವ ಮೂಲಕ ಇತರರಿಗೆ ಮಾದರಿಯಾಗಿದ್ದಾರೆ
ಯಾದಗಿರಿ ಜಿಲ್ಲೆ ಗುರುಮಠಕಲ್ ತಾಲೂಕಿನ ಗುಡ್ಲಗುಂಟಾ ಗ್ರಾಮದ ಭೀಮರಾಯ, ದೇವಪ್ಪ, ಬನ್ನಪ್ಪ ಎಸ್., ಬನ್ನಪ್ಪ. ಬಿ., ನಾಗಪ್ಪ ಮತ್ತು ಅಂಜಪ್ಪ ಎಂಬ ಪದವೀಧರ ಯುವಕರು ಯಾದಗಿರಿಯ ನ್ಯೂ ಕನ್ನಡ ಪದವಿ ಕಾಲೇಜಿನಲ್ಲಿ ವ್ಯಾಸಂಗ ಮಾಡುತ್ತಿದ್ದಾರೆ. ಕಾಲೇಜು ಬಳಿಕ ತಮ್ಮ ಗ್ರಾಮದ ಒಂದರಿಂದ ಹತ್ತನೇ ತರಗತಿಯಲ್ಲಿ ಓದುತ್ತಿರುವ ಸುಮಾರು 70 - 125 ವಿದ್ಯಾರ್ಥಿಗಳಿಗೆ ಪ್ರತಿನಿತ್ಯ ಮೂರ್ನಾಲ್ಕು ಗಂಟೆಗಳ ಕಾಲ ಉಚಿತವಾಗಿ ಬೋಧನೆ ಮಾಡುತ್ತಿದ್ದಾರೆ.ಂದೆರಡು ಗಂಟೆ ಸ್ನೇಹಿತರ ಜೊತೆಗೆ ಹರಟೆ ಹೊಡೆಯುವುದಕ್ಕಿಂತ ಮಕ್ಕಳಿಗೆ ಭೋಧನೆ ಮಾಡುವುದರಿಂದ ತಮ್ಮ ಜ್ಞಾನವೂ ವಿಕಾಸವಾಗುತ್ತದೆ ಎಂಬ ಸದುದ್ಧೇಶದೊಂದಿಗೆ ಪದವೀಧರ ಯುವಕರು ಗ್ರಾಮದ ಶೈಕ್ಷಣಿಕ ಏಳಿಗೆಗಾಗಿ ಉಚಿತ ಮನೆಪಾಠ ಆರಂಭಿಸಿದ್ದಾರೆ. ಮಾಜಿ ರಾಷ್ಟ್ರಪತಿ ಡಾಅಬ್ದುಲ್ ಕಲಾಂ ಅವರ ನುಡಿ ನಿಮ್ಮ ನೆರೆಹೊರೆಯವರಿಗೆ ಅಕ್ಷರ ಕಲಿಸಿ ದೇಶವನ್ನು ಸಂಪೂರ್ಣ ಸಾಕ್ಷರತೆಗೊಳಿಸಲು ಯುವಕರು ಒಲವು ತೋರಿ ಎಂಬ ಮಾತುಗಳೇ ಇವರಿಗೆ ಸ್ಫೂರ್ತಿ.
ತಮ್ಮ ಗ್ರಾಮದ ವಿದ್ಯಾರ್ಥಿಗಳು ಒಮ್ಮೆಯೂ ಎಸ್ಎಸ್ಎಲ್ಸಿ, ಪಿಯುಸಿ ಹಾಗೂ ಪದವಿ ಪರೀಕ್ಷೆಗಳಲ್ಲಿ ಉತ್ತಮ ಸಾಧನೆ ಮಾಡಿಲ್ಲ. ಶಿಕ್ಷಣಕ್ಕೆ ಗ್ರಾಮಸ್ಥರು ಒತ್ತು ನೀಡುವಲ್ಲಿ ನಿರಾಸಕ್ತಿ ತೋರುತ್ತಿದ್ದರು. ಆದಕ್ಕಾಗಿ ತಮ್ಮ ಗ್ರಾಮದರು ಉನ್ನತ ಶ್ರೇಣಿ ಪಡೆಯುವಂತೆ ಪ್ರೇರಿಪಿಸಬೇಕು ಎಂಬ ಯೋಚನೆಯೇ ಉಚಿತ ಮನೆಪಾಠದ ಭೋಧನೆಗೆ ಅಡಿಪಾಯ ಹಾಕಲಾಗಿದೆ ಎನ್ನುತ್ತಾರೆ ಮನೆಪಾಠದ ಯುವಕರು. ಅವರ ಭೋಧನೆಯಿಂದ ಈಗ ಎಸ್ಎಸ್ಎಲ್ಸಿ ಹಾಗೂ ಪಿಯುಸಿಯಲ್ಲಿ ಮಕ್ಕಳು ಉತ್ತಮ ಶ್ರೇಣಿ ಪಡೆಯುವಲ್ಲಿ ಸಲರಾಗುತ್ತಿದ್ದಾರೆ. ಮನೆಪಾಠ ಮಾಡುತ್ತಿರುವ ಯುವಕರ ಈ ಶ್ರಮಕ್ಕೆ ಗ್ರಾಮಸ್ಥರು ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ.


ಜೀವಂತ ಕುರಿ ಕಡಿತಾರೆ, ಗಿಡಕ್ಕೆ ಜೋತು ಬಿಡ್ತಾರೆ

ಕುರಿಗಳಿಗೆ ರೋಗ ಬರದಂತೆ ಚಿಕಿತ್ಸೆಗೆ ಮುಂದಾಗುವ ಬದಲಿಗೆ ಜೀವಂತ ಕುರಿಯನ್ನು ಕಡಿದು ಗಿಡಕ್ಕೆ ನೇತು ಹಾಕುವ ಮೌಢ್ಯ ಇನ್ನೂ ಜೀವಂತವಾಗಿದೆ. ಕೊಪ್ಪಳ ಜಿಲ್ಲೆ ಕುಷ್ಟಗಿ ತಾಲೂಕಿನ ಜೂಲಕಟ್ಟಿ ಗ್ರಾಮದ ಬಳಿ ಹನುಮಸಾಗರ ರಸ್ತೆಯಲ್ಲಿ ಗಿಡವೊಂದಕ್ಕೆ ಕುರಿಯನ್ನು ನೇತು ಹಾಕಿರುವ ಈ ದೃಶ್ಯ ನೋಡಿ. ಕುರಿಗಳನ್ನು ಮೈಲಿ ಬ್ಯಾನಿಯಿಂದ ಸರಣಿಯಾಗಿ ಸಾಯುವುದನ್ನು ತಪ್ಪಿಸುವ ಉದ್ದೇಶ ಇದಾಗಿದೆ. ಕುರಿಗಾರರು ಇದಕ್ಕೆ ಸಿಡಿ ಬ್ಯಾನಿ ಎಂದು ಕರೆಯುತ್ತಿದ್ದು, ಮೈಲಿ ಬ್ಯಾನಿಯಿಂದ ಸಾಮೂಹಿಕವಾಗಿ ಕುರಿಗಳನ್ನು ಸಾಯುವುದನ್ನು ತಪ್ಪಿಸಲು ರೋಗ ಪೀಡಿತ ಕುರಿ ಬಲಿ ಹಾಕಿ ಗಿಡಕ್ಕೆ ನೇತು ಹಾಕಲಾಗುತ್ತಿದೆ. ಇದರಿಂದ ರೋಗ ಊರನ್ನು ಪ್ರವೇಶಿಸುವುದಿಲ್ಲ ಎಂಬ ನಂಬಿಕೆ ಕುರಿಗಾರರದ್ದಾಗಿದೆ.ುರಿಗಾರರ ಈ ಮೌಢ್ಯ ಬ್ಯಾನಿ ಒಂದಕ್ಕೆ ಬರೀ ಮತ್ತೊಂದಕ್ಕೆ ಎನ್ನುವಂತಾಗಿದೆ. ರೋಗ ಪೀಡಿತ ಕುರಿಗೆ ಚಿಕಿತ್ಸೆ ನೀಡಿ ಗುಣಪಡಿಸುವ ಸಾಧ್ಯತೆಗಳಿವೆ. ಹೀಗಿದ್ದಾಗ್ಯೂ ಉಳಿದ ಕುರಿಗಳಿಗೆ ರೋಗ ಬರದಂತೆ ಜೀವಂತ ಕುರಿಯನ್ನು ಮೌಢ್ಯದ ಹೆಸರಿನಲ್ಲಿ ಬಲಿ ನೀಡುತ್ತಾರೆ.

ಕಾರವಾರ ಬಂದರಿನಲ್ಲಿ ಹೂಳಿನ ರಾಶಿ

ವಾರಕ್ಕೆ 3-4 ಹಡಗು ಬಂದು ಹೋಗುತ್ತಿದ್ದ ಉತ್ತರ ಕನ್ನಡ ಜಿಲ್ಲೆಯ ಕಾರವಾರ ಬಂದರಿನಲ್ಲಿ ಇಂದು ತಿಂಗಳಿಗೆ ಒಂದು ಹಡಗು ಸಹ ಬರುತ್ತಿಲ್ಲ. ನೈಸರ್ಗಿಕ ಬಂದರಾಗಿರುವ ಕಾರವಾರ ವರ್ಷ ಪೂರ್ತಿ ಚಟುವಟಿಕೆಯಲ್ಲಿರುತ್ತದೆ. ಆದರೆ ಈ ವರ್ಷ ಬಂದರು ಪ್ರದೇಶದಲ್ಲಿ ಹೂಳು ತುಂಬಿರುವುದರಿಂದ ಯಾವುದೇ ಹಡಗು ಬಂದರು ಪ್ರವೇಶಿಸಲು ಸಾಧ್ಯವಾಗುತ್ತಿಲ್ಲ. ದೇಶ-ವಿದೇಶದಿಂದ ಆಗಮಿಸುತ್ತಿದ್ದ ಹಡಗು ಇಲ್ಲಿನ ಬೈತಖೋಲದ ಸರ್ವಋತು ಬಂದರಿನಲ್ಲಿ ಆಮದು-ರ್ತು ಚಟುವಟಿಕೆಗಳಲ್ಲಿ ತೊಡಗಿಕೊಳ್ಳುತ್ತಿದ್ದವು. ಬಂದರಿನಲ್ಲಿ ಹಡಗಿನ ಪ್ರವೇಶ ಕಡಿಮೆಯಾಗಿದ್ದರಿಂದ ಸರಕಾರದ ಆದಾಯದ ಮೇಲೂ ತೀವ್ರ ಪರಿಣಾಮ ಉಂಟಾಗಿದೆ.ಳೆದ 2011-12ರಲ್ಲಿ ಕಾರವಾರ ಬಂದರು ಪ್ರದೇಶದಲ್ಲಿ 29.28 ಕೋಟಿ ರೂ. ವೆಚ್ಚದಲ್ಲಿ ತುಂಬಿರುವ ಹೂಳು ತೆಗೆಯುವ ಕಾಮಗಾರಿ ನಡೆಸಲಾಗಿತ್ತು. ಡ್ರೆಜಿಂಗ್ ಕಾರ್ಪೋರೇಶನ್ ಆ್ ಇಂಡಿಯಾ ಎನ್ನುವ ಕಂಪೆನಿಯೂ ಬಂದರು ಪ್ರದೇಶದಲ್ಲಿ 18 ಲಕ್ಷ ಕ್ಯೂಬಿಕ್ ಮೀಟರ್ ಹೂಳು ತೆಗೆಯುವ ಕಾಮಗಾರಿ ವಹಿಸಿಕೊಂಡಿತ್ತು. ಆದರೆ ಕಳೆದ ವರ್ಷ 18 ಲಕ್ಷ ಕ್ಯೂಬಿಕ್ ಮೀ.ಹೂಳು ತೆಗೆಯುವ ಬದಲು 14 ಲಕ್ಷ ಕ್ಯೂಬಿಕ್ ಮೀ. ಹೂಳು ತೆಗೆದು, 4ಲಕ್ಷ ಕ್ಯೂಬಿಕ್ ಮೀ. ತೆಗೆಯಬೇಕಾಗಿದ್ದ ಹೂಳನ್ನು ತೆಗೆದಿರಲಿಲ್ಲ.್ರೆಜಿಂಗ್ ಕಾರ್ಪೋರೇಶನ್ ಆ್ ಇಂಡಿಯಾ ಕಂಪೆನಿ ಪ್ರಸಕ್ತ ಸಾಲಿನಲ್ಲಿ ಮತ್ತೇ ಹೂಳು ತೆಗೆಯುವ ಕಾಮಗಾರಿ ಪ್ರಾರಂಭಿಸದೆ ಇರುವುದರಿಂದ ಈ ವರ್ಷ ಬಂದರು ಪ್ರದೇಶದಲ್ಲಿ ಯಥೇಚ್ಛ ಪ್ರಮಾಣದಲ್ಲಿ ಹೂಳು ತುಂಬಿಕೊಂಡಿದೆ. ಇದರಿಂದಾಗಿ ಹಡಗು ಬಂದರಿಗೆ ಪ್ರವೇಶಿಸಲು ಸಾಧ್ಯವಾಗುತ್ತಿಲ್ಲ. ಸದ್ಯ ಬಂದರಿಗೆ ಹಡಗುಗಳು ಬಾರದೆ ಇರುವುದರಿಂದ ಇಲಾಖೆಯ ಆದಾಯದಲ್ಲೂ ಕುಂಠಿತವಾಗಿದೆ.

ದೇವಸ್ಥಾನಗಳಲ್ಲಿದ್ದಾರೆ ಸರಗಳ್ಳರು, ಎಚ್ಚರಿಕೆ

ಕೊಲ್ಲೂರು, ಮುರ್ಡೇಶ್ವರ, ಉಡುಪಿ, ಧರ್ಮಸ್ಥಳ, ಸುಬ್ರಹ್ಮಣ್ಯ ಮುಂತಾದ ಜನನಿಬಿಡ ದೇವಸ್ಥಾನಗಳನ್ನು ಆಯ್ದು ವಿವಿಧ ಪಂಗಡಗಳಲ್ಲಿ ಕುಟುಂಬಸ್ಥರ ಹಾಗೇ ದೇವಾಲಯಕ್ಕೆ ತೆರಳಿ ದೇವರ ದರ್ಶನಕ್ಕೆಂದು ಸಾಲಿನಲ್ಲಿ ನಿಂತು ಭಕ್ತರ ಗಮನ ಬೇರೆಡೆ ಸೆಳೆದು ಅವಕಾಶ ನೋಡಿ ಕುತ್ತಿಗೆಯಲ್ಲಿನ ಚಿನ್ನದ ಆಭರಣ ಹಾಗೂ ಬ್ಯಾಗ್ಗಳಲ್ಲಿರುವ ನಗದನ್ನು ಅನಾಯಾಸವಾಗಿ ಅಪಹರಿಸಿ ಪರಾರಿಯಾಗುವ ತಂಡ ಇದೀಗ ಕೊಲ್ಲೂರಿನಲ್ಲಿ ಪತ್ತೆಯಾಗಿದೆ.ತ್ತೀಚೆಗೆ ಕೇರಳದ ಪೊಲೀಸ್ ಅಧಿಕಾರಿಯೋರ್ವರು ಮುರ್ಡೇಶ್ವರಕ್ಕೆ ತೆರಳಿದಾಗ ಅಲ್ಲಿ ದಂಧೆ ನಡೆಸುತ್ತಿರುವ ಇಂತಹ ಗುಂಪಿನ ಬಗ್ಗೆ ಅನುಮಾನಗೊಂಡು ಸ್ಥಳೀಯ ಪೊಲೀಸರಿಗೆ ಮಾಹಿತಿ ನೀಡಿದರು. ಕೊಲ್ಲೂರು ಕ್ಷೇತ್ರಕ್ಕೆ ಆಗಮಿಸಿದ ಅದೇ ಅಧಿಕಾರಿ ಅಲ್ಲಿ ಕೂಡ ಅ ತಂಡವು ಮಹಿಳೆಯರ ಕೊರಳಿನ ಸರ ಎಗರಿಸುತ್ತಿರುವುದನ್ನು ಗಮನಿಸಿ ಅವರನ್ನು ಸ್ಥಳೀಯರ ನೆರವಿನಿಂದ ಪೊಲೀಸರಿಗೆ ಒಪ್ಪಿಸಿದ್ದಾರೆ.
ರಾಜ್ಯದ ವಿವಿಧೆಡೆ ಈ ದಂಧೆ ನಡೆಸುತ್ತಿರುವ ಗುಂಪು ವಿಶೇಷ ವಾಹನಗಳಲ್ಲಿ ಭಕ್ತರ ಸೋಗಿನಲ್ಲಿ ದೇವಾಲಯಕ್ಕೆ ಆಗಮಿಸುತ್ತದೆ. ನಾನಾ ತಂಡಗಳಲ್ಲಿ ಸಾಗುವ ಕಳ್ಳರ ಗುಂಪು ಸರ ಅಪಹರಣವಲ್ಲದೇ ದೇವಾಲಯಕ್ಕೆ ಕನ್ನ ಹಾಕುವ ಗುಮಾನಿಯೂ ಇದೆ. ಲ್ಲ ದೇವಸ್ಥಾನಗಳಲ್ಲಿ ಸಿ.ಸಿ.ಕ್ಯಾಮರಾ ಅಳವಡಿಸಬೇಕೆಂಬ ಸುತ್ತೋಲೆಯನ್ನು ಪೊಲೀಸ್ ಇಲಾಖೆ ನೀಡಿದ್ದರೂ ಹಲವು ದೇವಸ್ಥಾನಗಳಲ್ಲಿ ಸಿ.ಸಿ.ಕ್ಯಾಮರಾ ಅಳವಡಿಸಿಲ್ಲ. ಅಳವಡಿಸಲಾದ ಅನೇಕ ದೇವಸ್ಥಾನಗಳ ಸಿ.ಸಿ.ಕ್ಯಾಮರಾಗಳು ನಿರುಪಯುಕ್ತವಾಗಿವೆ. ಹಾಗಾಗಿ, ಭಕ್ತರೇ ಎಚ್ಚರದಿಂದ ಇರಬೇಕಿದೆ.

ಕೋಳಿ ಮೊದಲೋ? ಮೊಟ್ಟೆ ಮೊದಲೋ?'

ಮೊಟ್ಟೆ ಧಾರಣೆ ಏರಿ ಈಗ 4.5 ರೂ.ನಲ್ಲಿದೆ. ಒಂದು ಟ್ರೇಯಲ್ಲಿ 30 ಮೊಟ್ಟೆ ಇರುತ್ತದೆ. ಒಂದು ಟ್ರೇ ಮೊಟ್ಟೆಯ ಒಟ್ಟು ಬೆಲೆ 135 ರೂ. ಒಂದು ಕೆ.ಜಿ. ಕೋಳಿ ಮಾಂಸದ ಬೆಲೆ ಇತ್ತೀಚಿಗೆ 90 ರೂ. ಇತ್ತು. ಮತ್ತೆ 120 ರೂ.ಗೆ ಏರಿ ಈಗ 110 ರೂ.ನಲ್ಲಿ ನಿಂತಿದೆ. ಈಗ ಹೇಳಿ 'ಕೋಳಿ ಮೊದಲೋ ಮೊಟ್ಟೆ ಮೊದಲೋ'?. ಮೊಟ್ಟೆ ದರ ಏರಲು ಕಾರಣ ಉತ್ತರ ಭಾರತದಲ್ಲಿ ಚಳಿ ಇರುವುದು. ಅಲ್ಲಿ ಮೊಟ್ಟೆಗೆ ಬೇಡಿಕೆ ಹೆಚ್ಚುತ್ತಿದೆ. ಸಹಜವಾಗಿ ಬೆಲೆ ಏರುತ್ತದೆ. ಕೋಳಿ ಮಾಂಸವನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡುವಾಗ ಕೆ.ಜಿ.ಯೊಂದಕ್ಕೆ ಕನಿಷ್ಠ 120 ರೂ. ಖರ್ಚಾಗುತ್ತದೆ. ಉತ್ಪಾದನೆ ಜಾಸ್ತಿ ಇರುವುದರಿಂದ ಸಹಜವಾಗಿ ಬೆಲೆ ಇಳಿಕೆಯಾಗುತ್ತದೆ. 40 ದಿನಗಳಲ್ಲಿ ಕೋಳಿ ಬೆಳೆಯುತ್ತದೆ. ಮಾರುಕಟ್ಟೆ ಬೆಲೆಯನ್ನು ಕಾದಿರಿಸಲು ತಡ ಮಾಡಿದರೆ ಕೋಳಿ ಇನ್ನಷ್ಟು ತಿನ್ನುತ್ತದೆ, ಇನ್ನಷ್ಟು ತೂಕ ಬೆಳೆಯುತ್ತದೆ. ಮತ್ತೂ ನಷ್ಟವಾಗುತ್ತದೆ. ಹೀಗಾಗಿ ನಷ್ಟವನ್ನು ತಡೆಗಟ್ಟಲು ಉತ್ಪಾದನೆಯನ್ನು ಕಡಿಮೆ ಮಾಡಬೇಕಾಗುತ್ತದೆ. ತ್ಪಾದನೆ ಕಡಿಮೆ ಮಾಡುವ ಮಾರ್ಗವೆಂದರೆ ಮರಿ ಇಡುವ ಮೊಟ್ಟೆಯನ್ನು ಒಂದೋ ನಾಶ ಮಾಡುವುದು ಅಥವಾ ಮಾರಾಟ ಮಾಡುವುದು. ಮೊಟ್ಟೆಯಿಂದ ಮರಿ ಬರಲು ಮೂರು ವಾರ ಬೇಕು. ಮರಿ ಮಾಂಸದ ಕೋಳಿಯಾಗಲು 35-40 ದಿನ ಬೇಕು. ಹೀಗೆ ಮೊಟ್ಟೆಯಲ್ಲಿ ಮರಿ ಹುಟ್ಟದಂತೆ ಮಾಡಿದರೆ ಆ ಅವಧಿಯಲ್ಲಿ ಉತ್ಪಾದನೆ ಸಹಜವಾಗಿ ಕಡಿಮೆಯಾಗುತ್ತದೆ. ಇದನ್ನು ಬಹಳ ದಿನ ಇಟ್ಟುಕೊಳ್ಳಲು ಆಗದ ಕಾರಣ ಮಾರುಕಟ್ಟೆ ಬೇಡಿಕೆ -ಪೂರೈಕೆ ಏರಿಳಿತವಿದ್ದಂತೆ ಇಂತಹ ತಾತ್ಕಾಲಿಕ ಕ್ರಮಗಳನ್ನು ಕೋಳಿ ಉತ್ಪಾದಕರು ಕೈಗೊಳ್ಳುತ್ತಾರೆ.ೋಳಿ ಮಾಂಸವೆಂದರೆ ರೆಕ್ಕೆ ಪುಕ್ಕ ಎಲ್ಲಾ ಕಡಿತ ಮಾಡಿ ನೇರ ಬಳಕೆಗೆ ಸಿಗುವ ಅಂಶ. ಸಜೀವ ಕೋಳಿ ತೆಗೆದುಕೊಂಡರೂ ರೆಕ್ಕೆಪುಕ್ಕ ತೆಗೆಯುವುದು ಇದೆ. ಸಜೀವ ಒಂದು ಕೋಳಿ ಬೆಲೆ 15 ದಿನದ ಹಿಂದೆ 35 ರೂ. ಇತ್ತು. ಮೂರ್ನಾಲ್ಕು ದಿನಗಳ ಹಿಂದೆ 65 ರೂ.ಗೆ ಏರಿ 55ಕ್ಕೆ ಇಳಿದು ಮತ್ತೆ 65ರಲ್ಲಿದೆ.

ಅಡಿಕೆ ಕೃಷಿ ಮೇಲೆ ನಿಷೇಧದ ತೂಗುಕತ್ತಿ

ತಂಬಾಕು ಹಾಗೂ ರಾಸಾಯನಿಕ ವಸ್ತುಗಳ ಮಿಶ್ರಣವಾಗಿರುವ ಗುಟ್ಕಾ ನಿಷೇಧದ ವಿಚಾರ ಸುಪ್ರೀಂಕೋರ್ಟ್ನಲ್ಲಿ ಇನ್ನೂ ತೀರ್ಮಾನಗೊಂಡಿಲ್ಲ. ಅದಾಗಲೇ ಅಡಿಕೆ ಬೆಳೆಗಾರರು ಅರ್ಧ ಅಧೀರರಾಗಿದ್ದಾರೆ. ಈ ಮಧ್ಯೆ, ಅಡಿಕೆಯನ್ನೇ ನಿಷೇಧಿಸಬೇಕೆಂಬ ವರದಿಯನ್ನು ಕೇಂದ್ರ ಸರ್ಕಾರದ ಆರೋಗ್ಯ ಇಲಾಖೆ ಸುಪ್ರೀಂಕೋರ್ಟ್ಗೆ ಸಲ್ಲಿಸಿರುವುದು ಅಡಿಕೆ ನಂಬಿ ಬದುಕುತ್ತಿರುವ ಬೆಳೆಗಾರರ ಬದುಕಿಗೆ ಕೊಡಲಿ ಏಟು ನೀಡುವ ಆತಂಕ ಉಂಟು ಮಾಡಿದೆ. ೆ ಬೆಳೆ ನಿಷೇಧಿಸಿದರೆ ದೇಶದ 436 ಸಾವಿರ ಹೆಕ್ಟೇರ್ ಪ್ರದೇಶಗಳಲ್ಲಿ ವ್ಯಾಪಿಸಿರುವ ಅಡಿಕೆ ತೋಟ ನಾಶವಾಗುತ್ತದೆ. 5.5 ಲಕ್ಷ ಮೆಟ್ರಿಕ್ ಟನ್ ಅಡಿಕೆ ಉತ್ಪಾದಿಸುವ ಬೆಳೆಗಾರರು ಪರ್ಯಾಯ ವ್ಯವಸ್ಥೆ ಇಲ್ಲದೆ ಬೀದಿ ಪಾಲಾಗುತ್ತಾರೆ. 20 ಲಕ್ಷಕ್ಕೂ ಮೀರಿದ ಪಾನ್ವಾಲಾಗಳು ನಿರ್ಗತಿಕರಾಗುತ್ತಾರೆ. ಅಡಿಕೆ ವ್ಯಾಪಾರ ನಂಬಿಕೊಂಡಿರುವ ವರ್ತಕ ವಲಯ, ಅಡಿಕೆ ಕೆಲಸ ಮಾಡುತ್ತಿರುವ ಕಾರ್ಮಿಕರು, ಅದಕ್ಕಿಂತಲೂ ಮಿಗಿಲಾಗಿ ದೇಶದ 5 ಲಕ್ಷ ಕುಟುಂಬಗಳ ಅನ್ನದ ಬಟ್ಟಲಿಗೆ ನಿಷೇಧದ ಕತ್ತರಿ ಹೊಡೆತ ನೀಡುತ್ತದೆ.
ಪಾರಂಪಾರಿಕ ಕೃಷಿ ನಾಶ:
ತಲೆಮಾರುಗಳಿಂದ ನಂಬಿಕೊಂಡು ಬಂದಿದ್ದ ಪಾರಂಪರಿಕ ಕೃಷಿಯೊಂದು ನಾಶವಾಗುತ್ತದೆ. ಅಡಿಕೆ ವ್ಯವಹಾರ ಮತ್ತು ಅದರ ಮೌಲ್ಯವರ್ಧನೆಯ ಮೊತ್ತ ಸೇರಿಸಿದಾಗ ವಾರ್ಷಿಕ 50 ಸಾವಿರ ಕೋ.ರೂ.ಗಳ ವ್ಯವಹಾರವನ್ನು ಅಡಿಕೆ ಹೊಂದಿದೆ. ಕೇಂದ್ರ ಮತ್ತು ರಾಜ್ಯ ಸರಕಾರಗಳಿಗೆ ಈ ವ್ಯವಹಾರದ ಪಾಲು ತೆರಿಗೆಯ ರೂಪದಲ್ಲಿ ತಪ್ಪುತ್ತದೆ. ಕೇಂದ್ರ ಮತ್ತು ರಾಜ್ಯ ಸರಕಾರಗಳು ಒಮ್ಮಿಂದೊಮ್ಮೆಗೆ ಅಡಿಕೆ ನಿಷೇಧಕ್ಕೆ ಹೊರಟಲ್ಲಿ ಬದಲಿ ಬೆಳೆಯಿಂದ ಜೀವನ ಸಾಗಿಸಲಾರದೆ ಅಡಿಕೆ ಬೆಳೆಗಾರ ಕುಟುಂಬಗಳು ಸಾಮೂಹಿಕ ಆತ್ಮಹತ್ಯೆಗೆ ತಮ್ಮನ್ನು ಒಡ್ಡಿಕೊಳ್ಳುವ ಅಪಾಯ ಎದುರಾಗಲಿದೆ. ಅಡಿಕೆ ಮಾರಾಟ ವ್ಯವಸ್ಥೆಯಲ್ಲಿ ಲಕ್ಷಗಟ್ಟಲೆ ಚಿಲ್ಲರೆ ವ್ಯಾಪಾರಸ್ಥರು ನಿರುದ್ಯೋಗಿಗಳಾಗಲಿದ್ದಾರೆ.ೆಯಲ್ಲಿ ಔಷಧಿಯ ಗುಣವಿದೆ:ೆುಡಿಸಿನಲ್ ಸೀಕ್ರೆಟ್ಸ್ ಆ್ ಯುವರ್ ಪುಡ್' ಎಂಬ ಪುಸ್ತಕದಲ್ಲಿ ಪ್ರಖ್ಯಾತ ಆಂಗ್ಲ ವೈದ್ಯರು ಉಲ್ಲೇಖಿಸಿದಂತೆ ಅಡಿಕೆ ಮಲಬದ್ದತೆ, ಹೃದಯ ಸಂಬಂಧಿ ಖಾಯಿಲೆ, ಮೂತ್ರಪಿಂಡದಲ್ಲಿನ ಕಲ್ಲು, ಜಾಂಡೀಸ್ ಮೊದಲಾದ ಖಾಯಿಲೆಗಳ ತಡೆಗೆ ಉಪಯುಕ್ತ. ಹೊಟ್ಟೆಯಲ್ಲಿನ ಹುಳದ ಭಾದೆ ನಿವಾರಣೆ, ಚರ್ಮರೋಗಕ್ಕೆ ಪರಿಹಾರ, ರಕ್ತದ ಒತ್ತಡದ ಹತೋಟಿಗೆ ಸಹಕಾರಿ. ಭಾರತೀಯ ವಿದ್ವಾಂಸ ವಾಗ್ಬಟನ ಪ್ರಕಾರ ಅಡಿಕೆಯಲ್ಲಿ ನಾನಾ ಔಷಧೀಯ ಗುಣಗಳಿವೆ. ಅಡಿಕೆಯ ಮಹತ್ವದ ಕುರಿತು ಪ್ರಾಚೀನ ಗ್ರಂಥಗಳಲ್ಲೂ ಸಾಕಷ್ಟು ಉಲ್ಲೇಖವಿದೆ. ಅಡಿಕೆಯಲ್ಲಿ ಕಾರ್ಬೋಹೈಡ್ರೇಟ್, ಪ್ರೊಟೀನ್, ಕೊಬ್ಬು, ಕ್ಯಾಲ್ಸಿಯಂ, ಪಾಸ್ಫರಸ್, ಕಬ್ಬಿಣಾಂಶ, ಕ್ಯಾಲೊರಿ ಇದೆ.
ಧಾರ್ಮಿಕ ಮತ್ತು ಸಾಂಸ್ಕೃತಿಕ ಮಹತ್ವವನ್ನು ಅಡಿಕೆ ಹೊಂದಿದೆ. ಋಗ್ವೇದದಲ್ಲಿ, 9ನೇ ಶತಮಾನದ ಅಜಂತಾ ವರ್ಣಚಿತ್ರಗಳಲ್ಲಿ ಅಡಿಕೆಯ ಕುರಿತು ಉಲ್ಲೇಖವಿದೆ. 12ನೇ ಶತಮಾನದ ಹೊಯ್ಸಳರ ಕಾಲದಲ್ಲಿ ಅಡಿಕೆ ಬೆಳೆ ಉತ್ತೇಜನಕ್ಕೆ ಅವಕಾಶ ನೀಡಲಾಗಿದೆ. ಸ್ವಾತಂತ್ರ್ಯಪೂರ್ವದಲ್ಲಿ ಬ್ರಿಟಿಷರು ಅಡಿಕೆ ಬೆಳೆಯ ಕುರಿತು ಅಧ್ಯಯನ ನಡೆಸಲು 1928ರಲ್ಲೇ ಶಿವಮೊಗ್ಗ ಜಿಲ್ಲೆಯ ಮಾರ್ತರೂರಿನಲ್ಲಿ ಅಡಿಕೆ ಸಂಶೋಧನಾ ಕೇಂದ್ರ ತೆರೆದಿದ್ದರು. ಈಗ ಕರ್ನಾಟಕವೂ ಸೇರಿದಂತೆ ವಿವಿಧ ರಾಜ್ಯಗಳಲ್ಲಿ ಅಡಿಕೆ ಸಂಶೋಧನಾ ಕೇಂದ್ರಗಳಿವೆ.
ಕರ್ನಾಟಕಕ್ಕೆ ಪ್ರಬಲ ಹೊಡೆತ:
ವಿಶ್ವದಲ್ಲಿ 7.3 ಲಕ್ಷ ಹೆಕ್ಟೇರ್ ವಿಸ್ತೀರ್ಣದಲ್ಲಿ ವಾರ್ಷಿಕ 8.7ಲಕ್ಷ ಟನ್ ಅಡಿಕೆ ಉತ್ಪಾದನೆಯಾಗುತ್ತದೆ. ಭಾರತದಲ್ಲಿ 4.4 ಲಕ್ಷ ಹೆಕ್ಟೇರ್ ವಿಸ್ತೀರ್ಣದಲ್ಲಿ 6.3 ಲಕ್ಷ ಟನ್ ಅಡಿಕೆ ಬೆಳೆಯುತ್ತದೆ. ಕರ್ನಾಟಕದಲ್ಲಿ 2.11 ಲಕ್ಷ ಹೆಕ್ಟೇರ್ ಪ್ರದೇಶದಲ್ಲಿ 2.79 ಲಕ್ಷ ಟನ್ ಅಡಿಕೆ ಬೆಳೆಯುತ್ತದೆ. ಅಡಿಕೆ ಬೆಳೆ ವಿಸ್ತೀರ್ಣದ ಕುರಿತು ರಾಷ್ಟ್ರದಲ್ಲಿ ಕರ್ನಾಟಕದ ಪಾಲು ಶೇ. 47, ಕೇರಳದ ಪಾಲು ಶೇ. 24. ಕರ್ನಾಟಕದ ದ.ಕ., ಉಡುಪಿ, ಉ.ಕ., ಚಿತ್ರದುರ್ಗ, ತುಮಕೂರು, ದಾವಣಗೆರೆ, ಶಿವಮೊಗ್ಗ ಹಾಗೂ ಚಿಕ್ಕಮಗಳೂರು ಜಿಲ್ಲೆಗಳಲ್ಲಿ ಅಡಿಕೆ ಬೆಳೆಸಲಾಗುತ್ತಿದೆ. ರಾಷ್ಟ್ರಮಟ್ಟದಲ್ಲಿ ಅಂಡಮಾನ್, ಆಂಧ್ರ, ಅಸ್ಸಾಂ, ಗೋವಾ, ಕರ್ನಾಟಕ, ಕೇರಳ, ಮಹಾರಾಷ್ಟ್ರ, ಮೇಘಾಲಯ, ಮಿಜೋರಾಂ, ನಾಗಾಲ್ಯಾಂಡ್, ತಮಿಳುನಾಡು, ತ್ರಿಪುರಾ ಮತ್ತು ಪಶ್ಚಿಮ ಬಂಗಾಲಗಳಲ್ಲಿ ಅಡಿಕೆ ಬೆಳೆಯಲಾಗುತ್ತದೆ.
ಅಡಿಕೆ ಬೆಳೆಯಲ್ಲಿ 211 ಸಾವಿರ ಹೆಕ್ಟೇರ್ ಅಡಿಕೆ ತೋಟವಿರುವ ಕರ್ನಾಟಕ ರಾಜ್ಯ ಮೊದಲ ಸ್ಥಾನದಲ್ಲಿದೆ. 2.79 ಲಕ್ಷ ಟನ್ ಅಡಿಕೆ ಉತ್ಪಾದನೆ ಮಾಡುವ ಮೂಲಕ ಅಗ್ರಸ್ಥಾನದಲ್ಲಿದೆ. ರಾಜ್ಯದ ಆದಾಯಕ್ಕೆ ಅತಿ ಹೆಚ್ಚಿನ ಕೊಡುಗೆ ಅಡಿಕೆಯಿಂದ ಸಿಗುತ್ತದೆ. ಇದರೊಂದಿಗೆ ಕರ್ನಾಟಕದ ದ.ಕ., ಮತ್ತು ಉ.ಕ. ಹಾಗೂ ಶಿವಮೊಗ್ಗ ಜಿಲ್ಲೆಗಳ ಸಂಪೂರ್ಣ ಆರ್ಥಿಕತೆ ಮತ್ತು ಅಭಿವೃದ್ಧಿಗೆ ಹಿನ್ನಡೆಯಾಗಲಿದೆ. ಗಿರಿಶೃಂಗಗಳು ಮತ್ತು ತಪ್ಪಲು ಪ್ರದೇಶದ ಒಂದು ಭಾಗವೇ ಅಡಿಕೆ ಬೆಳೆ ನಿಷೇಧದ ಹಿನ್ನೆಲೆಯಲ್ಲಿ ಆರ್ಥಿಕವಾಗಿ ದುರ್ಬಲಗೊಳ್ಳಲಿದೆ. ಇದರ ಪರಿಣಾಮ ರಾಜ್ಯದ ಒಟ್ಟು ಆರ್ಥಿಕತೆಯ ಮೇಲೆ ಬೀಳಲಿ. ಕೇರಳ ರಾಜ್ಯ ಅಡಿಕೆ ಕೃಷಿಯಲ್ಲಿ 96.30 ಟನ್ ಉತ್ಪಾದಿಸುವ ಮೂಲಕ 2ನೇ ಸ್ಥಾನದಲ್ಲಿದೆ. ಅಸ್ಸಾಂನಲ್ಲಿ 75.06 ಸಾವಿರ ಹೆಕ್ಟೇರ್ ಅಡಿಕೆ ತೋಟವಿದ್ದು, 72.58 ಸಾವಿರ ಟನ್ ಅಡಿಕೆ ಉತ್ಪಾದಿಸಿ ದೇಶದಲ್ಲಿ ಮೂರನೇ ಸ್ಥಾನದಲ್ಲಿದೆ.
ಅಡಿಕೆಯಿಂದ ಆದಾಯ:
ಸರಕಾರಕ್ಕೆ ಅಡಿಕೆಯಿಂದ ಸೆಸ್, ವ್ಯಾಟ್, ಕಮಿಷನ್, ಕೇಂದ್ರೀಯ ಸೀಮಾ ಸುಂಕ, ಆಮದಿನ ಮೇಲೆ ಕಸ್ಟಮ್ಸ್ ಸುಂಕ ದೊರೆತರೆ, ರಾಜ್ಯ ಸರಕಾರಕ್ಕೆ ಎಪಿಎಂಸಿಯಿಂದ 5ಶೇ. ತೆರಿಗೆ ಮತ್ತು ಕಮಿಷನ್ ಮತ್ತು ಸೆಸ್ ಹಾಗೂ ವ್ಯಾಟ್ನಲ್ಲಿ ಪಾಲು ದೊರೆಯುತ್ತದೆ. ಕರ್ನಾಟಕದ ಶಿವಮೊಗ್ಗ, ಶಿರಸಿ ಮತ್ತು ಕ್ಯಾಂಪ್ಕೋ ಸಂಸ್ಥೆಯ ಮಾರುಕಟ್ಟೆಯಿಂದ ಒಟ್ಟಾರೆ 56 ಕೋ.ರೂ.ಗಳಿಗಿಂತಲೂ ಹೆಚ್ಚು ತೆರಿಗೆ ರಾಜ್ಯ ಸರಕಾರಕ್ಕೆ ಸಿಗುತ್ತದೆ. ಕೇಂದ್ರ ಸರಕಾರಕ್ಕೆ 1,700ರಿಂದ 2,000 ಕೋ.ರೂ.ಗಳಷ್ಟು ತೆರಿಗೆ ಸಿಗುತ್ತದೆ. ಇದರಲ್ಲಿ ಕರ್ನಾಟಕ ರಾಜ್ಯದ ಪಾಲು 150ರಿಂದ 200 ಕೋ.ರೂ. ಅಡಿಕೆ ಬಳಸುವ ರಾಜ್ಯಗಳಾದ ಮಹಾರಾಷ್ಟ್ರ, ಗುಜರಾತ್, ಉತ್ತರ ಪ್ರದೇಶ, ಬಿಹಾರ ಮೊದಲಾದ ಕಡೆಗಳಿಂದ ಅಧಿಕ ಪ್ರಮಾಣದ ಅಡಿಕೆ ವ್ಯವಹಾರದ ತೆರಿಗೆ ಸರಕಾರಗಳಿಗೆ ಬರುತ್ತಿದೆ.
ತುರ್ತಾಗಿ ಆಗಬೇಕಿದೆ:
ಅಡಿಕೆ ಬೆಳೆಗಾರರನ್ನು ನಿಷೇಧದ ದವಡೆಯಿಂದ ಪಾರು ಮಾಡಲು ಅಡಿಕೆಯ ಇತಿಹಾಸ, ಔಷಧೀಯ ಗುಣಗಳು, ಧಾರ್ಮಿಕ ಮತ್ತು ಸಾಂಸ್ಕೃತಿಕ ಮಹತ್ವದ ಕುರಿತು ದಾಖಲೆಗಳನ್ನು ಸಂಗ್ರಹಿಸಿ ಸುಪ್ರೀಂಕೋರ್ಟ್ಗೆ ಮನವರಿಕೆ ಮಾಡಿಕೊಡಬೇಕು. ಅಡಿಕೆ ಬೆಳೆ ಅವಲಂಬಿತರ ಕುರಿತು ಖಚಿತ ಮಾಹಿತಿ ಸಂಗ್ರಹಿಸುವುದು. ಅಡಿಕೆ ಬೆಳೆಯುವ ಪ್ರದೇಶದಲ್ಲಿ ಬೇರೆ ಬೆಳೆ ಬೆಳೆಸಲಾಗದ ಕುರಿತು ಮನವರಿಕೆ ಮಾಡಲು ಕೃಷಿ ಮತ್ತು ತೋಟಗಾರಿಕಾ ತಜ್ಞರ ವರದಿಯನ್ನು ನ್ಯಾಯಾಲಯಕ್ಕೆ ನೀಡುವುದು. ದೇಶದಲ್ಲಿ ಅಡಿಕೆ ಬೆಳೆಯಲ್ಲಿ ತೊಡಗಿಸಿಕೊಂಡಿರುವ ಶೇ.85ರಷ್ಟು ಸಣ್ಣ ಮತ್ತು ಅತಿ ಸಣ್ಣ ರೈತರ ಭವಿಷ್ಯದ ಕುರಿತು ತಿಳಿಯ ಪಡಿಸುವುದು. ಅಡಿಕೆ ಅವಲಂಬಿಸಿರುವ ಬಡ ಕಾರ್ಮಿಕರ ಸ್ಥಿತಿಗತಿ, ಬ್ಯಾಂಕ್, ಶಿಕ್ಷಣ, ಆರೋಗ್ಯ, ಸಾರಿಗೆ ಮುಂತಾದ ವ್ಯವಸ್ಥೆಗಳ ಮೇಲಿನ ಹೊಡೆತಗಳ ಕುರಿತು ಮಾಹಿತಿ ನೀಡುವುದು. ಅಡಿಕೆ ಬೆಳೆಗೆ ಕೇಂದ್ರ ಮತ್ತು ರಾಜ್ಯ ಸರಕಾರಗಳು ಕೊಟ್ಟ ಉತ್ತೇಜನಗಳ ಕುರಿತು ಸವಿವರ ಮಾಹಿತಿಯನ್ನು ನ್ಯಾಯಾಲಯಕ್ಕೆ ನೀಡುವುದು ಮೊದಲಾದ ಕೆಲಸಗಳನ್ನು ಅಡಿಕೆ ಬೆಳೆಗಾರರ ಪರ ಸಂಘಟನೆಗಳು ಮತ್ತು ಸಂಸ್ಥೆಗಳು ತುರ್ತಾಗಿ ಮಾಡಬೇಕಾಗಿದೆ.

ಬ್ರಾಹ್ಮಣದ್ವಯರಿಗೆ ಭಾರತರತ್ನ







ಈ ಬಾರಿ ಖ್ಯಾತ ವಿಜ್ಞಾನಿ ಸಿಎನ್ಆರ್ ರಾವ್ ಹಾಗೂ ಖ್ಯಾತ ಕ್ರಿಕೆಟ್ ಆಟಗಾರ ಸಚಿನ್ ತೆಂಡೂಲ್ಕರ್ಗೆ ಭಾರತ ರತ್ನ ಬಂದಿದೆ. ಇಬ್ಬರೂ ಬ್ರಾಹ್ಮಣರು. ಬ್ರಾಹ್ಮಣರಿಗೆ ಭಾರತ ರತ್ನ ನೀಡಿದ ಕೇಂದ್ರ ಸರ್ಕಾರಕ್ಕೆ ಅಭಿನಂದನೆಗಳು.

ಭತ್ತದ ಕೊಯ್ಲು ಜೋರು

ಮಲೆನಾಡಿನಲ್ಲಿ ಭತ್ತದ ಕೊಯ್ಲು ಬಿರುಸಿನಿಂದ ಪ್ರಾರಂಭಗೊಂಡಿದೆ. ಮಳೆಯಿಂದ ಕೊಯ್ಲು ತಡವಾಗಿ ಪ್ರಾರಂಭವಾಗಿದ್ದರೂ ರೈತರು ಹಗಲಿರುಳೂ ಭತ್ತವನ್ನು ಒಟ್ಟುಗೂಡಿಸುವುದರಲ್ಲಿ ಮಗ್ನರಾಗಿದ್ದಾರೆ. ಇದರ ಮಧ್ಯೆ ಕೃಷಿ ಕೂಲಿಗಳ ಅಭಾವವೂ ಕಾಡುತ್ತಿದೆ.ರ್ಥಿಕ ಬೆಳೆಯಾದ ಭತ್ತದ ಬಗ್ಗೆ ಗೌರವ ಹಾಗೂ ಪೂಜ್ಯ ಭಾವನೆ ರೈತರಲ್ಲಿದೆ. ಮಳೆಯಾಶ್ರಿತ ಬೇಸಾಯವಾಗಿದ್ದರಿಂದ ಬೆಳೆ ಯಾವಾಗಲೂ ಅನಿಶ್ಚಿತ. ಇತ್ತೀಚಿನ ವರ್ಷಗಳಲ್ಲಿ ಮಳೆ ಅನಿಯಂತ್ರಿತವಾಗಿ ಸುರಿಯುತ್ತಿರುವುದರಿಂದ ರೈತರ ಬದುಕು ಕಷ್ಟಕರವೇ. ಅಲ್ಲದೇ ಹೈಬ್ರಿಡ್ ತಳಿ ಪ್ರಚಲಿತದಲ್ಲಿ ಇರುವುದರಿಂದ ಅವುಗಳಿಗೆ ರೋಗ ರುಜಿನಗಳು ಹೆಚ್ಚು.
ಭತ್ತದ ಸಂಸ್ಕೃತಿ ಇಲ್ಲಿ ಪ್ರಾಚೀನ ಕಾಲದಿಂದಲೂ ಉಳಿದುಕೊಂಡು ಬಂದಿದೆ. ಅದರ ಮೇಲೆಯೇ ಹಬ್ಬ ಹರಿದಿನಗಳು, ಸಾಹಿತ್ಯಗಳು, ಕೆಲ ಆಚರಣೆಗಳು ಹೇರಳವಾಗಿವೆ. ಪಾರಂಪರಿಕ ಕೃಷಿ ಪದ್ಧತಿಗಳು ಕೂಡಾ ಇಲ್ಲಿ ಇನ್ನೂ ಉಳಿದುಕೊಂಡಿದೆ. ಸುಮಾರು 35 ಕ್ಕೂ ಹೆಚ್ಚು ಪಾರಂಪರಿಕ ತಳಿ ಭತ್ತಗಳು ರೈತರ ಹೊಲದಲ್ಲಿ ಈಗಲೂ ಉಳಿದು ಕೊಂಡಿವೆ. 30 ವರ್ಷಗಳ ಹಿಂದೆ 60ಕ್ಕೂ ಹೆಚ್ಚು ಹಳೆಯ ತಳಿ ಭತ್ತಗಳು ಇದ್ದವು. ಇಂದು ಅವು ಸುಧಾರಿತ ಭತ್ತದ ಅಬ್ಬರದಲ್ಲಿ ನಶಿಸಿವೆ.ವರ್ಷ ಮಳೆ ಕಾರಣದಿಂದ ಭತ್ತದ ಸಲು ಅಲ್ಲಲ್ಲಿ ನಷ್ಟಕ್ಕೆ ಒಳಗಾಗಿವೆ. ನದಿ ಪ್ರವಾಹದಲ್ಲಿ ಸಾವಿರಾರು ಎಕರೆ ಭತ್ತದ ಬೆಳೆ ಹಾಳಾಗಿದೆ. ಇವುಗಳ ಮಧ್ಯೆಯೂ ರೈತರು ಕೃಷಿಯನ್ನು ನಡೆಸಿದ್ದರು. ಮಳೆ ಕೊಯ್ಲು ಮಾಡಲು ಬಿಡುವು ನೀಡದೇ ಇದ್ದುದರಿಂದ ಕೆಲ ಕಡೆಗಳಲ್ಲಿ ಸಲು ಕೆಳ ಬಿದ್ದು ಮೊಳಕೆಯೊಡೆದಿದೆ. ಒಂದು ಎಕರೆಗೆ 20 ರಿಂದ 30 ಕ್ವಿಂಟಾಲ್ ಭತ್ತವನ್ನು ಬೆಳೆಯಲಾಗುತ್ತದೆ. ಮಳೆ ವೈಪರಿತ್ಯವಾದರೆ ಅದು 5 ರಿಂದ 10 ಕ್ವಿಂಟಾಲ್ ಗೆ ಇಳಿಯುತ್ತದೆ. ಖರ್ಚು ಎಕರೆಯೊಂದಕ್ಕೆ ಕನಿಷ್ಠ 10 ಸಾವಿರ ರೂ. ಸಾಮಾನ್ಯ. ಇಂದು ಮಾರುಕಟ್ಟೆಯಲ್ಲಿ ಭತ್ತ ಕ್ವಿಂಟಾಲ್ ಒಂದಕ್ಕೆ 1400 ರೂ. ದರವಿದೆ ಎಂದು ರೈತರು ಹೇಳುತ್ತಿದ್ದಾರೆ. ಮಳೆ ಈಗ ಬಿಡುವು ನೀಡಿರುವುದು ರೈತರಿಗೆ ಹರ್ಷವಾಗಿದೆ. ಹೀಗಾಗಿ ಇದ್ದ ಸಲನ್ನು ಒಟ್ಟು ಮಾಡುವ ಕಾರ್ಯದಲ್ಲಿ ತೊಡಗಿದ್ದಾರೆ.

ಚಂದನದಲ್ಲಿ ಟಿಎಸ್ಎಸ್ ಪರಿಚಯ

ಚಂದನದಲ್ಲಿ ಟಿಎಸ್ಎಸ್ ಪರಿಚಯತ್ತರ ಕನ್ನಡ ಜಿಲ್ಲೆ ಶಿರಸಿಯ ಅಡಿಕೆ ಬೆಳೆಗಾರರ ಸಂಸ್ಥೆ ತೋಟಗಾರ್ಸ್ ಕೋಆಪರೇಟಿವ್ ಸೇಲ್ ಸೊಸೈಟಿಯ ಕುರಿತಾದ ಪರಿಚಯ ಕಾರ್ಯಕ್ರಮ ನ.21ರಂದು ಸಂಜೆ 6ಕ್ಕೆ ದೂರದರ್ಶನ ಚಂದನವಾಹಿನಿಯ ಕೃಷಿದರ್ಶನ ದಲ್ಲಿ ಪ್ರಸಾರವಾಗಲಿದೆ. ಸಂಘದ ಅಧ್ಯಕ್ಷ ಶಾಂತಾರಾಮ ವಿ. ಹೆಗಡೆ ಶೀಗೇಹಳ್ಳಿ ಜೊತೆ ಸಂದರ್ಶನ ಹಾಗೂ ಸಂಘದ ಕಾರ್ಯಚಟುವಟಿಕೆಗಳ ವಿವರ ಕಾರ್ಯಕ್ರಮದಲ್ಲಿ ಮೂಡಿಬರಲಿದೆ.

ಕುದಿಯುವ ಎಣ್ಣೆ ಬಂಡಿಯಿಂದ ಬರಿಗೈಯಲ್ಲಿ ವಡೆ ತೆಗೆದ ಭಕ್ತರು

ಉತ್ತರ ಕನ್ನಡ ಜಿಲ್ಲೆ ಅಂಕೋಲಾ ಸಮೀಪದ ಹನುಮಟ್ಟಾದ ಶ್ರೀ ಲಕ್ಷ್ಮೆ ನಾರಾಯಣ ಮಹಾಮಾಯ ದೇವಸ್ಥಾನದಲ್ಲಿ ಆಶ್ವಿನಿ ವದ್ಯ ಪಂಚಮಿ ಉತ್ಸವ ಸಡಗರ ಸಂಭ್ರಮದಿಂದ ನಡೆಯಿತು. ಶ್ರೀ ಲಕ್ಷ್ಮೆ ನಾರಾಯಣ ಮಹಾಮಾಯ ದೇವಸ್ಥಾನದ ಹಿಂಬದಿಯ ಶ್ರೀ ಭಗವತಿ ದೇವಸ್ಥಾನದಲ್ಲಿ ಭಕ್ತರು ಕುದಿಯುವ ಎಣ್ಣೆಯಿಂದ ಬರಿಗೈಯಲ್ಲಿ ವಡೆ ತೆಗೆದು ದೇವರಿಗೆ ನೈವೇದ್ಯ ಮಾಡಿದರು. ಭಕ್ತರಿಗೆ ವಡೆ ತೆಗೆಯುವ ದಶ್ಯ ವೀಕ್ಷಿಸಲು ದೇವಸ್ಥಾನದ ಆವಾರದಲ್ಲಿ ದೊಡ್ಡದಾದ ಟಿವಿ ಪರದೆ ಅಳವಡಿಸಲಾಗಿತ್ತು.ಮಧ್ಯೆ, ಕುಮಟಾದ ಶ್ರೀ ಶಾಂತೇರಿ ಕಾಮಾಕ್ಷಿ ರಾಮನಾಥ ದೇವಾಲಯ, ಶ್ರೀ ರಾಯೇಶ್ವರ ಕಾಲಭೈರವ ಕಾವೂರ ಕಾಮಾಕ್ಷಿ ದೇವಾಲಯ ಹಾಗೂ ಗುಜರಗಲ್ಲಿಯ ಶ್ರೀ ಕಾವೂರ ಕಾಮಾಕ್ಷಿ ದೇವಾಲಯದಲ್ಲಿಯೂ ಭಕ್ತರು ಕುದಿಯುವ ಎಣ್ಣೆ ಬಂಡಿಯಿಂದ ಬರಿಗೈಯಲ್ಲಿ ವಡೆ ತೆಗೆಯುವ ಮೂಲಕ ಭಕ್ತಿ ಮೆರೆದರು. ದೈವಿ ಜಾಗೃತ ತಾಣಗಳೆಂದೇ ಖ್ಯಾತವಾದ ಈ ದೇವಾಲಯಗಳಲ್ಲಿ ಕುದಿಯುವ ಎಣ್ಣೆಯ ಬಂಡಿಯಿಂದ ಪಾತ್ರಿಗಳು ವಡೆ ತೆಗೆಯುವ ವಿದ್ಯಮಾನವು ನವರಾತ್ರಿ ಸಂಪನ್ನತೆಯ ಪ್ರಮುಖ ಧಾರ್ಮಿಕ ಪದ್ಧತಿಯಾಗಿ ಆಚರಣೆಯಾಗುತ್ತಿದೆ.ಪೈಕಿ ಕಾವೂರ ಕಾಮಾಕ್ಷಿಯ ಶ್ರೀ ಸಂಸ್ಥಾನದಲ್ಲಿ ಪೂರ್ಣಿಮೆಯ ದಿನ ನಡೆಯುವ ಕಾರ್ಯಕ್ರಮಗಳಿಗೆ ವಿಶೇಷ ಪೌರಾಣಿಕ ಹಿನ್ನೆಲೆಯೂ ಅಡಗಿದೆ. ಆದಿಶಕ್ತಿಯ 51 ಸಿದ್ಧ ಪೀಠಗಳ ಪೈಕಿ ಅಸ್ಸಾಂನ ನೀಲಾಚಲ ಪರ್ವತದ ಮೇಲಿರುವ ಕಾಮಾಖ್ಯ ಮಂದಿರ ಪ್ರಥಮ ಸ್ಥಾನದಲ್ಲಿದೆ. ಅಲ್ಲಿನ ಶಕ್ತಿ ರೂಪವೇ ಗೋಮಾಂತಕ (ಗೋವಾ)ದ ರಾಯ ಎನ್ನುವಲ್ಲಿ ನೆಲೆಸಿತ್ತು. ಕಾಲಾನಂತರದಲ್ಲಿ ಪೋರ್ಚುಗೀಸರ ಕಾಟದಿಂದ ತಮ್ಮ ಆರಾಧ್ಯ ದೇವರ ವಿಗ್ರಹ ಸಮೇತ ಕುಮಟಾಕ್ಕೆ ಬಂದು ನೆಲೆಸಿ ಲಕ್ಷಾಂತರ ಭಕ್ತಾದಿಗಳ ಆರಾಧ್ಯ ದೈವವಾಗಿದೆ ಎಂಬ ಪ್ರತೀತಿ ಇದೆ.

ನಾಗಪತಿ ಆದ ಮನಮೋಹನ್ ಸಿಂಗ್

ಕರ್ನಾಟಕದ ರಾಜಧಾನಿ ಬೆಂಗಳೂರಿಗೂ ಭಾರತದ ಪ್ರಧಾನಿ ಮನಮೋಹನ್ ಸಿಂಗ್ ಭೇಟಿ ಕೊಟ್ಟಿದ್ದು ಅಪರೂಪವೇ?. ಅಂತಹುದರಲ್ಲಿ ಅವರು ಉತ್ತರ ಕನ್ನಡ ಜಿಲ್ಲೆ ಶಿರಸಿ ತಾಲೂಕಿನ ಮತ್ತಿಘಟ್ಟಕ್ಕೆ ಬಂದಿದ್ದರೇ?.
ಸ್ಥಳೀಯ ಯುವಕ ಸಂಘವು ಮತ್ತಿಘಟ್ಟ ಸೊಸೈಟಿ ಆವಾರದಲ್ಲಿ ಇತ್ತೀಚೆಗೆ ನಡೆಸಿದ ಹಲವು ಸ್ಪರ್ಧೆಗಳನ್ನು ನೋಡಲು ಪ್ರಧಾನಿ ಮನಮೋಹನ್ ಸಿಂಗ್ ಪಾತ್ರಧಾರಿ ಬಂದಿದ್ದರು. ಸ್ವತಃ ಸ್ಪರ್ಧಿಯಾಗಿ ಗಮನ ಸೆಳೆದರು. ಪ್ರಧಾನಿಯವರ ನಡಿಗೆ, ಮಾತು, ಕೈ ಬೀಸಿ ನಮಸ್ಕರಿಸುವ ರೀತಿಯಲ್ಲೂ ಅನುಕರಣೆ ಮಾಡಿದರು. ಸ್ಥಳೀಯರೇ ಆದ ನಾಗಪತಿ ಹೆಗಡೆ ಪ್ರಧಾನಿ ಸಿಂಗ್ ವೇಷಧಾರಿಯಾಗಿ ಗಮನ ಸೆಳೆದರು.

ಬಿತ್ತದೆ ಭತ್ತ ಬೆಳೆಯೋ ನಾಡಿದು

ಇಲ್ಲಿ ಭತ್ತ ಬಿತ್ತಲು ಉಳುಮೆ ಮಾಡುವುದಿಲ್ಲ, ಬೀಜ ಬಿತ್ತುವುದಿಲ್ಲ. ಆದರೂ, ಭತ್ತ ಬೆಳೆಯುತ್ತದೆ. ಇಂತಹ ವಿಸ್ಮಯ ನಡೆಯುವ ಚಿತ್ತಾಪುರ ತಾಲೂಕಿನ ಎರಡನೇ ತಿರುಪತಿ ಎಂದೇ ಖ್ಯಾತಿ ಪಡೆದಿರುವ ಸೂಗೂರು (ಕೆ) ಗ್ರಾಮದಲ್ಲಿ ಅ.9ರಿಂದ 17ರವರೆಗೆ ನವರಾತ್ರಿ ಬ್ರಹ್ಮೋತ್ಸವ ನಡೆಯಿತು. ದೇವಸ್ಥಾನದ ಪಕ್ಕದಲ್ಲಿರುವ ಬೆಟ್ಟದಲ್ಲಿರುವ 200ಅಡಿ ಉದ್ದ, ಏಳು ಅಡಿ ಅಗಲದ ಕ್ಷೇತ್ರದಲ್ಲಿ ಒಂದರಿಂದ ಎರಡು ಚೀಲದವರೆಗೆ ಭತ್ತ ಬೆಳೆಯುತ್ತದೆ. ಭತ್ತದ ಮೇಲೆ ಬಿಳಿ, ಕೆಂಪು, ಹಸಿರು ಬಣ್ಣ ಕಂಡು ಬರುತ್ತದೆ. ಪ್ರತಿಯೊಂದು ಅಕ್ಕಿಯ ಮೇಲೆ ಮೂರು ನಾಮಗಳಂತೆ ಮೂರು ರೇಖೆಗಳು ಇರುತ್ತವೆ. ಈ ಬೆಳೆ ಜೂನ್ದಿಂದ ಅಕ್ಟೋಬರ್ ತಿಂಗಳವರೆಗೆ ಮಾತ್ರ ಇರುತ್ತದೆ. ರಾತ್ರಿ ಸಮಯದಲ್ಲಿ ಭತ್ತದ ಗದ್ದೆಯ ಸಮೀಪ ಮಲಗಿದರೆ ‘ನಾರಾಯಣ ನಾರಾಯಣ’ ಎಂಬ ಧ್ವನಿ ಕೇಳಿ ಬರುತ್ತದೆ ಎನ್ನುತ್ತಾರೆ ಹಿರಿಯರು. ಹಾಗಂತ, ಈ ಭತ್ತವನ್ನು ಬೇರೆ ಕಡೆ ನಾಟಿ ಮಾಡಿದರೆ ಬೆಳೆಯೋದಿಲ್ಲ ಹಾಗೂ ಇದನ್ನು ಸ್ವಂತಕ್ಕೆ ಬಳಸಿಕೊಂಡರೆ ಅಪಾಯ ತಪ್ಪಿದ್ದಲ್ಲ ಎನ್ನುವ ಪ್ರತೀತಿಯೂ ಇದೆ. ಈ ಸ್ಥಳದಲ್ಲಿ ಋಷಿ ಮುನಿಗಳು ಜಪ-ತಪ-ಅನುಷ್ಠಾನ ಮಾಡಿ ತಮ್ಮ ಭೋಜನಕ್ಕಾಗಿ ಈ ಭಾಗದಲ್ಲಿದ್ದ ಬೆಳೆಯನ್ನು ತೆಗೆದುಕೊಳ್ಳುತ್ತಿದ್ದರು. ಇದಕ್ಕೂ ಮುನ್ನ ವೆಂಕಟೇಶ್ವರನಿಗೆ ನೈವೇದ್ಯ ಅರ್ಪಿಸುತ್ತಿದ್ದರು ಎನ್ನುತ್ತಾರೆ ಈ ಭಾಗದ ಹಿರಿಯರು.
ದೇವಸ್ಥಾನದಿಂದ ಹನುಮಾನ ಮಂದಿರದವರೆಗೆ ಗ್ರಾಮದ ಪ್ರಮುಖ ಬೀದಿಗಳಲ್ಲಿ ಪ್ರತಿದಿನ ಒಂದೊಂದು ವಾಹನದ ಮೆರವಣಿಗೆ ನಡೆಯುತ್ತದೆ. ವಿಗ್ರಹಗಳಿಗೆ ಐದು ಕಡೆಯಲ್ಲಿ ಆರತಿ ಬೆಳಗಲಾಗುತ್ತದೆ. ತಿರುಪತಿಯಲ್ಲಿ ಗರುಡವಾಹನ ಶ್ರೇಷ್ಠವೆಂಬಂತೆ ಸೂಗೂರ (ಕೆ) ಗ್ರಾಮದಲ್ಲಿ ಗಜವಾಹನ ಶ್ರೇಷ್ಠವಾಗಿದೆ.