ಮುರ್ಡೇಶ್ವರ-ಪರಿಚಯ ಪುಸ್ತಕ ಪ್ರಕಟ

ಉತ್ತರ ಕನ್ನಡ ಜಿಲ್ಲೆ ಭಟ್ಕಳ ತಾಲೂಕಿನ ಪ್ರಸಿದ್ಧ ಕ್ಷೇತ್ರ ಮುರ್ಡೇಶ್ವರವನ್ನು ಜನಸಾಮಾನ್ಯರಿಗೆ ಮತ್ತು ವಿದ್ಯಾರ್ಥಿಗಳಿಗೆ ಪರಿಚಯಿಸುವ 64 ಪುಟಗಳ ಕಿರು ಪುಸ್ತಕವನ್ನು ಬೆಂಗಳೂರಿನ ಹೇಮಂತ ಸಾಹಿತ್ಯ ಪ್ರಕಾಶನ ಪ್ರಕಟಿಸಿದೆ.
ಹೇಮಂತ ಸಾಹಿತ್ಯದ ಸುವರ್ಣ ವರ್ಷದ ನೆನಪಿನಲ್ಲಿ ಕನ್ನಡ ನಾಡುನುಡಿಯ ಪರಂಪರೆಯ ಮಕ್ಕಳ ಸಾಹಿತ್ಯ ಸರಣಿಯಲ್ಲಿ ಈ ಕೃತಿ ಪ್ರಕಟವಾಗಿದೆ. ಸಾಹಿತಿ ಶಾ.ಮಂ. ಕೃಷ್ಣರಾಯರ ಸಂಪಾದಕತ್ವದಲ್ಲಿ 100 ಪುಸ್ತಕಗಳು ಪ್ರಕಟವಾಗಿದೆ. ಮುರ್ಡೇಶ್ವರ ಕೃತಿಯನ್ನು ಪತ್ರಕರ್ತ ಜಿ.ಯು.ಭಟ್ ಬರೆದಿದ್ದಾರೆ. 15 ಕಪ್ಪು, ಬಿಳುಪು ಛಾಯಾಚಿತ್ರಗಳನ್ನು ಹೊಂದಿದ್ದು, ಹಿಂದಿನ ಮತ್ತು ಇಂದಿನ ಮುರ್ಡೇಶ್ವರದ ಪರಿಚಯವಿದೆ. ಮುರ್ಡೇಶ್ವರದ ಖ್ಯಾತಿಗೆ ಕಾರಣರಾದ ಆರ್.ಎನ್.ಶೆಟ್ಟಿ ಅವರನ್ನು ಪರಿಚಯಿಸುವ 10 ಪುಟಗಳ ಬರಹವಿದ್ದು 64 ಪುಟಗಳ ಈ ಪುಸ್ತಕ ಮುರ್ಡೇಶ್ವರವನ್ನು ಸಮಗ್ರವಾಗಿ ಪರಿಚಯಿಸುತ್ತದೆ.