ಬಾಳೆಗೆ ಎಲೆಗೆ ಕೀಟ ಬಾಧೆ

ಇತ್ತೀಚಿನ ದಿನಗಳಲ್ಲಿ ಬಾಳೆಗೆ ಭಾರಿ ಬೇಡಿಕೆ ಬಂದಿದೆ. ಕೆಲ ವರ್ಷಗಳ ಹಿಂದೆ ಬಾಳೆಗೆ ಕಟ್ಟೆರೋಗವಿತ್ತು. ಇಂದು ಅದು ಅಷ್ಟೊಂದು ಕಂಡು ಬರುತ್ತಿಲ್ಲ. ಆದರೆ, ಭವಿಷ್ಯದಲ್ಲಿ ಬಾಳೆಗೆ ಬೇಡಿಕೆಯಿದೆಯೆಂಬ ಹಿನ್ನೆಲೆಯಲ್ಲಿ ಗದ್ದೆಗಳೆಲ್ಲಾ ಬಾಳೆ ತೋಟಗಳಾಗುತ್ತಿವೆ. ಆದರೆ ಬಾಳೆಗೆ ಎಲೆ ಕೀಟ ಬಾಧೆ ಕಾಣಿಸಿಕೊಂಡಿದ್ದು ತಾಲೂಕಿನ ಬೆಳೆಗಾರರಲ್ಲಿ ತಲ್ಲಣ ಮೂಡಿಸಿದೆ.
ಮಲೆನಾಡಿನಲ್ಲಿ ಬಾಳೆಗೆ ವಿಚಿತ್ರ ಎಲೆ ಕೀಟ ರೋಗ ಬಾಧೆ ಕಾಣಿಸಿಕೊಂಡಿದ್ದು, ನಿಯಂತ್ರಣಕ್ಕೆ ಬರುತ್ತಿಲ್ಲ. ಮೊದಲು ಕೇರಳ ರಾಜ್ಯದಲ್ಲಿ ಕಾಣಿಸಿಕೊಂಡಿದ್ದ ಈ ಬಾಧೆ ಅಲ್ಲಿನ ಬಾಳೆತೋಟಗಳನ್ನು ಸಂಪೂರ್ಣ ನಾಶ ಮಾಡಿದೆ. ಈಗ ಈ ರೋಗ ಮಲೆನಾಡಿನ ಪ್ರದೇಶದಲ್ಲಿ ವ್ಯಾಪಿಸಿದೆ. ಇದೊಂದು ಸಾಂಕ್ರಾಮಿಕ ರೋಗ. ಕೀಟದಿಂದ ಬರುವಂತದ್ದು. ಈ ಎಲೆ ಕೀಟ ಬಾಳೆ ಎಲೆಯನ್ನು ಸಂಪೂರ್ಣವಾಗಿ ತಿಂದು ಬಿಡುತ್ತದೆ. ಅಲ್ಲದೇ ಬಾಳೆ ಎಲೆಯನ್ನು ಸುರುಳಿ ಮಾಡಿ ಸುತ್ತಿ ಬಿಡುತ್ತದೆ. ಈ ಕೀಟ ಒಂದು ಬಾಳೆ ಗಿಡವನ್ನು ಪ್ರವೇಶಿಸಿದ ಬಳಿಕ ಆ ಬಾಳೆಗಿಡದಲ್ಲಿ ಉಳಿಯುವುದು ಎಲೆಯ ಕಾಂಡ ಮತ್ತು ಮರದ ಕಾಂಡ ಮಾತ್ರ.
ಮಳೆಗಾಲದಲ್ಲಿ ಈ ಕೀಟಬಾಧೆ ಜಾಸ್ತಿಯಾಗಿದ್ದು, ರೈತರಿಗೆ ಈ ನಾಲ್ಕು ತಿಂಗಳು ಬಾಳೆ ಕಾಪಾಡಿಕೊಳ್ಳುವುದು ದುಸ್ಸಾಧ್ಯವಾಗಿ ಪರಿಣಮಿಸುತ್ತಿದೆ. ಮಳೆಗಾಲದಲ್ಲಿ ಬಾಳೆಗಿಡದ ಎಲೆಗಳನ್ನು ಬೆಳೆಗಾರರು ಕಟಿಂಗ್ ಮಾಡುತ್ತಾರೆ. ಆದರೂ ಹೊಸದಾಗಿ ಎಳೆ ಎಲೆ ಹೊರಬೀಳುತ್ತಿದ್ದಂತೆ ಕೀಟಗಳು ಸ್ವಾಹಾ ಮಾಡುತ್ತವೆ. ತಾಲೂಕಿನ ಚಂದಗುಳಿ ಪಂಚಾಯತ ವ್ಯಾಪ್ತಿಯ ಹುತ್ಕಂಡ ಭಾಗದಲ್ಲಿ ರೈತರೊಬ್ಬರು ಈ ಕೀಟಬಾಧೆ ತಡೆಯಲಾರದೇ ತೋಟದಲ್ಲಿದ್ದ ಸಂಪೂರ್ಣ ಬಾಳೆಗಿಡಗಳನ್ನು ನೆಲಕ್ಕುರುಳಿಸಿದ್ದಾರೆ. ಬಾಳೆತೋಟದ ಸಹವಾಸವೇ ಸಾಕು ಎಂದಿದ್ದಾರೆ. ಒಂದು ತೋಟದಲ್ಲಿ ಈ ಕೀಟಭಾದೆ ಕಾಣಿಸಿಕೊಂಡರೆ ಸಾಕು, ಪಕ್ಕದ ತೋಟಕ್ಕೂ ಬರುತ್ತದೆ. ಈ ರೋಗ ಹೇಗೆ ಮಲೆನಾಡಿಗೂ ಬಂತೆಂಬುದಕ್ಕೆ ಕಥೆಯೇ ಇದೆ.ೆಲ ವರ್ಷದ ಹಿಂದೆ ಕೇರಳದಿಂದ ಗೋವಾ ರಾಜ್ಯಕ್ಕೆ ವಾಹನದಲ್ಲಿ ಸಾಗಿಸುವಾಗ ಅದರೊಟ್ಟಿಗಿದ್ದ ಬಾಳೆ ಹೆಡದಲ್ಲಿ ಈ ಎಲೆಕೀಟ ಬಂದಿದ್ದು, ಘಟ್ಟದ ಕೆಳಗಿನ ತಾಲೂಕುಗಳಲ್ಲಿ ಪಸರಿಸಿ ಈಗ ಎಲ್ಲೆಡೆ ವ್ಯಾಪಿಸಿದೆ ಎಂಬುದು ತೋಟಗಾರಿಕಾ ಹಿರಿಯ ಅಧಿಕಾರಿಗಳ ಅಂಬೋಣ. ಈ ಎಲೆಕೀಟ ಬಾಧೆಗೆ ಕೀಟನಾಶಕಗಳು ಇವೆ. ಆದರೆ, ಬಾಳೆಯೆಲೆಗೆ ಸರಿಯಾಗಿ ಸಿಂಪಡಿಸುವುದು ಕಷ್ಟದ ಕೆಲಸ ಎನ್ನುತ್ತಾರೆ ಅವರು. ಈ ಹಿಂದೆ ಕಟ್ಟೆರೋಗ ಬಾಳೆ ಬೆಳೆಗಾರರನ್ನು ಹೈರಾಣಾಗಿಸಿದ್ದರೆ, ಪ್ರಸ್ತುತ ಎಲೆಕೀಟ ಬಾಧೆ ರೈತರ ಕೈ ಸುಡುವಂತೆ ಮಾಡುತ್ತಿದೆ.

ಗರ್ದಿ ಗಮ್ಮತ್ತಿಗೆ ಈಗ ಕಿಮ್ಮತ್ತಿಲ್ಲ

ಗ್ರಾಮೀಣ ಮಕ್ಕಳ ಮನರಂಜನೆಯ ಪೆಟ್ಟಿಗೆ ಗರ್ದಿ ಗಮ್ಮತ್ತು ಪೆಟ್ಟಿಗೆ ಸಿನಿಮಾ, ಟಿವಿ, ಮೊಬೈಲ್, ಇಂಟರ್ನೆಟ್, ವಿಡಿಯೋ ಗೇಮ್ನ ಭರಾಟೆಯಲ್ಲಿ ಸದ್ದಿಲ್ಲದೇ ಮೂಲೆ ಸೇರುತ್ತಿದೆ. ಗರ್ದಿ ಗಮ್ಮತ್ತು ಹಿಂದೆ ಹಳ್ಳಿ ಮಕ್ಕಳಿಗೆ ಮನರಂಜನೆಯಾಗಿ ಸಂಚರಿಸುವ ಮಿನಿ ಥಿಯೇಟರ್ ಆಗಿತ್ತು. ಗರ್ದಿ ಗಮ್ಮತ್ತಿನವ ಬಂದರೆ ಮಕ್ಕಳು ಮುತ್ತಿಕ್ಕಿ ಪೆಟ್ಟಿಗೆಯ ಕಿಂಡಿ ಮೂಲಕ ಚಿತ್ರಗಳನ್ನು ನೋಡಿ ಆನಂದಿಸುವ ಕಾಲ ಆಗಿನದು. ಕಳೆದ ಮೂರ್ನಾಲ್ಕು ದಶಕಗಳ ಹಿಂದಿಂದ ಈ ಗರ್ದಿ ಗಮ್ಮತ್ತು ಪೆಟ್ಟಿಗೆ ನೇಪಥ್ಯದ ಪಟ್ಟಿಗೆ ಸೇರಿದೆ. ಜಾತ್ರೆ, ಸಂತೆ ಸಂದರ್ಭಗಳಲ್ಲಿ ಇಲ್ಲವೇ ಓಣಿ, ಓಣಿಗೆ ಈ ಪೆಟ್ಟಿಗೆ ಹೊತ್ತೊಯ್ದು, ಪೆಟ್ಟಿಗೆಯಲ್ಲಿರುವ ಚಿತ್ರಗಳನ್ನು ತೋರಿಸಿ, ಬಾಂಬೈ ನೋಡು, ಬೆಂಗಳೂರು ನೋಡು ಎಂಬ ಹಾಸ್ಯ ಮಿಶ್ರಿತ ಶೈಲಿಯಲ್ಲಿ ಸುಶ್ರಾವ್ಯದ ಹಾಡಿನ ಮೂಲಕ ಗಮ್ಮತ್ತು ಸೃಷ್ಟಿಸುವವರು ಇದೀಗ ಅಪರೂಪವಾಗಿದ್ದಾರೆ. ಈ ವೃತ್ತಿಯಲ್ಲಿರುವವರು ಇದೀಗ ಎಲ್ಲೋ ಒಬ್ಬರು ಸಿಗುತ್ತಿದ್ದು ಗ್ರಾಮೀಣ ಮಕ್ಕಳ ಮನರಂಜನೆ ಸಾಧನವನ್ನು ಜೋಪನವಾಗಿಟ್ಟಿದ್ದಾರೆ. ಕುಷ್ಟಗಿಯ ವೃದ್ಧ ರೋಣದ ಸುಂಕಪ್ಪ ಕೊರವರ ಅವರು ಗರ್ದಿ ಗಮ್ಮತ್ತಿನ ವೃತ್ತಿ ಮುಂದುವರಿಸಿರುವುದು ಗಮನಾರ್ಹ. ಇತ್ತೀಚೆಗೆ ಕುಷ್ಟಗಿಯ ಬಸವರಾಜ ಚಿತ್ರ ಮಂದಿರದ ಬಳಿ ಗರ್ದಿ ಗಮ್ಮತ್ತು ಪೆಟ್ಟಿಗೆ ಬಂದಾಗ ಅಲ್ಲಿಗೆ ಸಿನಿಮಾ ನೋಡಲು ಬಂದವರು, 5 ರೂ.ಗೆ ಈ ಗಮ್ಮತ್ತು ವೀಕ್ಷಿಸಿದರು. ಮೊದಲೆಲ್ಲ ಐದು ನೂರುವರೆಗೆ ಆದಾಯ ಆಗುತ್ತಿತ್ತು. ಈ 100 ಆಗುವುದು ತೊಂದರೆಯಾಗಿದೆ ಎಂದು ಸುಂಕಪ್ಪ ಕೊರವರ ಅಳಲು ತೋಡಿಕೊಂಡರು.

ದಾವಣಗೆರೆಯಲ್ಲಿ ಆರಂಭವಾಗಿದೆ ‘ತುಲಾಭವನ’

ದಾವಣಗೆರೆಯ ಚಾಮರಾಜ ಪೇಟೆಯ ಚನ್ನವೀರಪ್ಪ ಯಳಮಲ್ಲಿ ಮೆಮೋರಿಯಲ್ ಟ್ರಸ್ಟ್ನ ಕಚೇರಿಯಲ್ಲಿ ತೂಕ ಹಾಗೂ ಅಳತೆ ಸಾಧನಗಳ ಸಂಗ್ರಹಾಲಯ ಸ್ಥಾಪನೆಯಾಗಿದ್ದು, 1700ರಿಂದ 2000ರ ಅವಧಿಯಲ್ಲಿ ಬಳಕೆಯಾದ ತೂಕ, ಅಳತೆಯ ಸಾಧನಗಳನ್ನು ಒಂದೇ ಕಡೆ ಪ್ರದರ್ಶನಕ್ಕೆ ಇಡಲಾಗಿದೆ. ಟ್ರಸ್ಟ್ನ ಬಸವರಾಜ ಯಳಮಲ್ಲಿ ಎಂಬುವರು ಇದರ ರೂವಾರಿ. ‘ತುಲಾಭವನ’ ಎಂಬ ಹೆಸರಿನ ಈ ಸಂಗ್ರಹಾಲಯ ಆಗಸ್ಟ್ 10ರಂದು ಉದ್ಘಾಟನೆಯಾಗಿದೆ.ಸಂಗ್ರಹಾಲಯದಲ್ಲಿ 1400ಕ್ಕೂ ಹೆಚ್ಚು ನಮೂನೆಯ ತೂಕ ಮತ್ತು ಅಳತೆಯ ಸಾಧನಗಳನ್ನು ನೋಡಬಹುದಾಗಿದೆ. ರಾಜಸ್ಥಾನ, ಗುಜರಾತ, ತಮಿಳುನಾಡು, ಕೇರಳ, ಮಧ್ಯಪ್ರದೇಶ, ಗೋವಾ, ಪಶ್ಚಿಮ ಬಂಗಾಳ ಸೇರಿದಂತೆ ದೇಶದ ವಿವಿಧ ಕಡೆಗಳಲ್ಲಿ ಬಳಸಲಾಗುತ್ತಿದ್ದ ಅಳತೆ ಮತ್ತು ತೂಕದ ಸಾಧನಗಳು ಇಲ್ಲಿರಲಿವೆ. ನಮ್ಮ ಪೂರ್ವಿಕರ ಸಾಧನಗಳಲ್ಲಿ ತೂಕ, ಅಳತೆ ಜತೆ ಕಲೆಯೂ ಪ್ರಧಾನ ಸ್ಥಾನ ಪಡೆದಿತ್ತು ಎಂಬುದಕ್ಕೆ ಇವು ಸಾಕ್ಷಿಯಾಗಿವೆ. ವಿವಿಧ ಚಿನ್ಹೆ, ಭಿನ್ನ ಲಿಪಿಯ ಅಂಕಿ, ಅಕ್ಷರ, ಕಲಾತ್ಮಕ ಕೆತ್ತನೆಗಳನ್ನು ಈ ಮಾಪನಗಳು ಒಳಗೊಂಡಿವೆ. ಹಿತ್ತಾಳೆ, ಕಬ್ಬಿಣ, ಮರ, ತಾಮ್ರ ಹೀಗೆ ಹಲವು ವಸ್ತುಗಳನ್ನು ಬಳಸಿ, ನಿರ್ಮಿಸಲಾದ ಅಳತೆಯ ಸಾಧನಗಳ ಸಂಗ್ರಹ ಇಲ್ಲಿದೆ. ಒಂದೊಂದು ತೂಕದ ಸಾಧನವೂ ಆ ಕಾಲಘಟ್ಟದ ಕತೆ ಹೇಳುವಂತಿದೆ.ಂತರ್ಜಾಲದ ಮೂಲಕವೂ ಈ ಸಂಗ್ರಹ ನೋಡಲು ವ್ಯವಸ್ಥೆಯಿದೆ. www.tulabhavan.org <http://www.tulabhavan.org>ಗೆ ಭೇಟಿ ನೀಡಿದರೆ ಈ ಸಂಗ್ರಹಾಲಯದಲ್ಲಿರುವ ತೂಕದ ಸಾಧನಗಳನ್ನು ನೋಡಬಹುದು.
ನಾಣ್ಯ ಸಂಗ್ರಹದಲ್ಲಿ ಆಸಕ್ತಿ 
ನೋಟು, ಅಂಚೆಚೀಟಿ, ನಾಣ್ಯ ಸಂಗ್ರಹದಲ್ಲಿ ಚಿಕ್ಕಂದಿನಿಂದಲೂ ಹೆಚ್ಚು ಆಸಕ್ತಿ ಹೊಂದಿದ್ದ ಬಸವರಾಜ ಯಳಮಲ್ಲಿಯವರು 1997-98ರಲ್ಲಿ ತೂಕ, ಅಳತೆ ಸಾಧನಗಳ ಸಂಗ್ರಹಕ್ಕೆ ಮುಂದಾದರು. ಅಲ್ಲಿಂದ 2006-07ರವರೆಗೆ ತಮಗೆ ಸುಲಭವಾಗಿ ಸಿಕ್ಕ ಮಾಪನಗಳನ್ನು ಕಲೆ ಹಾಕುತ್ತಾ ಬಂದರು. ನಂತರ ಇತರೆ ರಾಜ್ಯ, ದೇಶಗಳ ಅಳತೆ ಮಾಪನಗಳನ್ನು ಸಂಗ್ರಹಿಸಲು ಹೆಚ್ಚಿನ ಆಸಕ್ತಿ ತೋರಿದರು. ಹೀಗೆ ಸಂಗ್ರಹಿಸಿದ್ದನ್ನು ಒಂದು ಕಡೆ ಇಟ್ಟು ಸಾರ್ವಜನಿಕರಿಗೆ, ಸಂಶೋಧನಾಸಕ್ತರಿಗೆ ಸುಲಭವಾಗಿ ಸಿಗುವಂತೆ ಮಾಡಲು ಕೊನೆಗೆ ಸಂಗ್ರಹಾಲಯ ಆರಂಭಿಸಲು ತೀರ್ಮಾನಿಸಿದರು. 2014ರ ಡಿಸೆಂಬರ್ನಲ್ಲಿ ಚನ್ನವೀರಪ್ಪ ಯಳಮಲ್ಲಿ ಮೆಮೋರಿಯಲ್ ಟ್ರಸ್ಟ್ ಸ್ಥಾಪನೆಯ ಮೂಲಕ ತುಲಾಭವನದ ಕನಸಿಗೆ ಅಡಿಯಿಟ್ಟರು. ಅದು ಇದೀಗ ಸಾಕಾರಗೊಂಡಿದೆ.

ನೆಲಕ್ಕುರುಳಿದ ಅಡಿಕೆ ಮರಗಳ ಮಾರಾಟ ಜೋರು

ೂನ್ ತಿಂಗಳಲ್ಲಿ ಸುರಿದ ಗಾಳಿ ಮಳೆಗೆ ಶಿರಸಿ, ಸಿದ್ದಾಪುರ ತಾಲೂಕಿನಲ್ಲಿ ಅನೇಕ ಅಡಿಕೆ ಮರಗಳು ನೆಲಕ್ಕುರುಳಿದ್ದು, ಇದನ್ನು ಕಡಿದು ಬೇಡಿಕೆ ಇರುವ ಶಿವಮೊಗ್ಗ, ದಾವಣಗೆರೆ ಜಿಲ್ಲೆಗಳಿಗೆ ಸಾಗಾಟ ಮಾಡುವ ದೃಶ್ಯಗಳು ಸಾಮಾನ್ಯವಾಗಿವೆ.
ಹದಿನೈದು ಅಡಿಗೆ ಒಂದರಂತೆ ಅಡಿಕೆ ಮರಗಳನ್ನು ಕಡಿದು ಮಾರಾಟ ಮಾಡಲಾಗುತ್ತಿದ್ದು, ದಾವಣಗೆರೆ, ಶಿಕಾರಿಪುರ ಜಿಲ್ಲೆಗಳಿಗೆ ಸೆಂಟ್ರಿಂಗ್, ಮನೆ ನಿರ್ಮಾಣಕ್ಕೆ ಇದನ್ನು ಬಳಕೆ ಮಾಡಲಾಗುತ್ತಿದೆ. ಹದಿನೈದು ರೂಪಾಯಿಗೆ ಒಂದು ಮರದ ತುಂಡಿನಂತೆ ಕಡಿದು ಒಯ್ಯಲಾಗುತ್ತಿದೆ. ಕೊನೆ ಗೌಡನನ್ನು ಕರೆದುಕೊಂಡು ಬಂದು ಮರ ಕಡಿದು, ಟ್ರಕ್ ಮೂಲಕ ಸಾಗಾಟ ಮಾಡಲಾಗುತ್ತಿದೆ. ಅಲ್ಲಿ ಒಂದು ತುಂಡಿಗೆ 70ರಿಂದ 75 ರೂ.ಲಭಿಸುತ್ತಿದೆ. ಇದರಿಂದ ಪ್ರತಿ ತುಂಡಿಗೆ 2ರಿಂದ 3 ರೂ. ಸಿಗುತ್ತದೆ ಎನ್ನುತ್ತಾರೆ ವಹಿವಾಟು ಮಾಡುವ ನವೀನ ಕಾನಗೋಡ.ಳೆದ ಆರೆಂಟು ವರ್ಷಗಳ ಹಿಂದೆ ಆಶ್ರಯ ಮನೆಗಳಿಗೆ ಬಳಕೆ ಮಾಡಲು ಅಡಿಕೆ ದಬ್ಬೆ ಬಳಸುತ್ತಿದ್ದರು. ಆದರೆ ಅಲ್ಲಿನ ಜಿಲ್ಲಾಧಿಕಾರಿ ಕಬ್ಬಿಣವನ್ನೇ ಬಳಸುವಂತೆ ಆದೇಶಿಸಿದ್ದರಿಂದ ಅಡಿಕೆ ಮರಗಳ ಬಳಕೆ ಕಡಿಮೆ ಆಗಿದ್ದು, ಬೇಡಿಕೆ ಇಲ್ಲ. ಆದರೆ ಈ ಬಾರಿ ಅಡಿಕೆ ತೋಟದಲ್ಲಿ ನೆಲಕ್ಕುರುಳಿದ ಮರಗಳ ಸಂಖ್ಯೆ ಅತಿಯಾಗಿದ್ದರಿಂದ ಬೇರೆ ಗತಿಯಿಲ್ಲ. ಒಂದು ಮರ ನಷ್ಟವಾದರೆ ಸಾವಿರಾರು ರೂ. ನಷ್ಟದ ಜೊತೆಗೆ ಆರೆಂಟು ವರ್ಷಗಳ ಕಾಲ ಸಲೂ ಇಲ್ಲದಂತಾಗುತ್ತದೆ ಎಂಬುದು ರೈತರ ಅಳಲು.

ಕಾಡಿನಿಂದ ಮನೆಗೆ ಬಂದ ಜಿಂಕೆ

ಕಾಡಂಚಿನಲ್ಲಿ ವಿಹರಿಸುತ್ತಿರುವ ಗಂಡು ಜಿಂಕೆಯೊಂದು ಊರನಾಯಿಗಳ ಕೆಂಗಣ್ಣಿಗೆ ಗುರಿಯಾಗಿ ರಕ್ಷಣೆಗಾಗಿ ಮನೆಯಂಗಳಕ್ಕೆ ಧಾವಿಸಿ ಬಂತು. ಈ ಜಿಂಕೆ ಬಂದುದು ಉತ್ತರ ಕನ್ನಡ ಜಿಲ್ಲೆ ಜೋಯಿಡಾ ತಾಲೂಕಿನ ಕುಂಬಾರವಾಡಾ ವನ್ಯಜೀವಿ ವಿಭಾಗದ ಕುಂಬಾರವಾಡಾದಲ್ಲಿ. ನಂತರ, ಸಾರ್ವಜನಿಕರು ಈ ಜಿಂಕೆಯನ್ನು ಮರಳಿ ಕಾಡಿಗೆ ಬಿಟ್ಟು ಮಾನವೀಯತೆ ಮೆರೆದಿದ್ದಾರೆ.ಕುಂಬಾರವಾಡಾದ ಕಾಡಂಚಿನ ರಸ್ತೆ ಪಕ್ಕದಲ್ಲಿ ಆಹಾರ ಸೇವಿಸುತ್ತಿದ್ದ ಜಿಂಕೆಯನ್ನು ನಾಯಿಗಳು ಬೆನ್ನಟ್ಟಿದವು. ಜೀವ ರಕ್ಷಣೆಗಾಗಿ ಜಿಂಕೆ ಕುಂಬಾರವಾಡಾದ ಅಂಗಡಿ ಮಾಲೀಕ ಬಾಬುಸಾವಕಾರ ದುಬಳೆ ಮನೆ ಅಂಗಳದಲ್ಲಿ ಬಂದು ನಿಂತಿತ್ತು. ನಂತರ ನಾಯಿಗಳನ್ನು ಓಡಿಸಿದ ಜನರು ಜಿಂಕೆಯ ರಕ್ಷಣೆ ಮಾಡಿದರು. ಜಿಂಕೆಯ ಹಿಂಭಾಗದ ತೊಡೆ ಪರಚಿದಂತಾಗಿದ್ದು, ಜಿಂಕೆ ಪ್ರಾಣಾಪಾಯದಿಂದ ಪಾರಾಗಿದೆ.

ಚಾತುರ್ಮಾಸ್ಯ ಮುಗಿದರೂ ಟವರ್ನ ವನವಾಸ ಮುಗಿದಿಲ್ಲ

ರಾಘವೇಶ್ವರ ಶ್ರೀಗಳ ಕೆಕ್ಕಾರ ಚಾತುರ್ಮಾಸ್ಯ ವ್ರತಾಚರಣೆ ಮುಗಿದು ಒಂದು ವರ್ಷ ಕಳೆಯಿತು. ಬೆಂಗಳೂರಿನಲ್ಲಿ ಇನ್ನೊಂದು ಚಾತುರ್ಮಾಸ್ಯ ವ್ರತ ಆರಂಭವಾಗಿದೆ. ಆದರೆ, ಭಕ್ತರ ಅನುಕೂಲಕ್ಕಾಗಿ ಕೆಕ್ಕಾರಿಗೆ ಬಿಎಸ್ಎನ್ಎಲ್ ತಂದಿರಿಸಿದ್ದ ಹಂಗಾಮಿ ಮೊಬೈಲ್ ಟವರ್ನ ವನವಾಸ ಇನ್ನೂ ಮುಗಿದಿಲ್ಲ.
ಸ್ಪೀಡ್ ಇಂಟರ್ನೆಟ್ ಮತ್ತು ಮೊಬೈಲ್ ಅನುಕೂಲಕ್ಕಾಗಿ ಲಾರಿಯಲ್ಲಿ ಹೇರಲಾದ ಹಂಗಾಮಿ ಟವರ್ನ್ನು ಕೆಕ್ಕಾರಿನಲ್ಲಿ ಸ್ಥಾಪಿಸಲಾಗಿತ್ತು. ಕೆಲಸ ಮುಗಿದ ಮೇಲೆ ಅದನ್ನು ಸುರಕ್ಷಿತವಾದ ಸ್ಥಳಕ್ಕೆ ಸಾಗಿಸಿ ಇನ್ನೆಲ್ಲಾದರೂ ಬೇಕಾದರೆ ಒದಗಿಸಬೇಕಾದ ಹತ್ತಾರು ಲಕ್ಷ ರೂ. ಮೊತ್ತದ ಉಪಕರಣಗಳ ಲಾರಿ ಬಿಸಿಲು, ಮಳೆ ಎನ್ನದೇ ರಸ್ತೆ ಬದಿಗೆ ನಿಂತಿದೆ. ಸರಕಾರದ ಸ್ವತ್ತು ಅನಾಥವಾಗಿದೆ.

ಕೇವಲ 50 ಮಿಲಿ ಗ್ರಾಂ ಚಿನ್ನದಲ್ಲಿ ಹೆಲ್ಮೆಟ್

ಬಂಗಾರ ಹಾಗೂ ಬೆಳ್ಳಿಯಲ್ಲಿ ಹಲವು ಸೂಕ್ಷ್ಮ ಕಲಾಕೃತಿಗಳನ್ನು ತಯಾರಿಸಿರುವ ಭದ್ರಾವತಿಯ ಅಕ್ಕಸಾಲಿಗ ರವಿಚಂದ್ರ ಈಗ ಕೇವಲ 50 ಮಿಲಿ ಗ್ರಾಂ ಬಂಗಾರದಲ್ಲಿ ಹೆಲ್ಮೆಟ್ ತಯಾರಿಸಿ ಅಚ್ಚರಿ ಮೂಡಿಸಿದ್ದಾರೆ.ಲ್ಲಿಯ ಹಳೇನಗರದ ಎನ್ಎಸ್ಟಿ ರಸ್ತೆಯಲ್ಲಿರುವ ತೇಜಸ್ವಿನಿ ಜ್ಯೂಯಲರಿ ವರ್ಕ್ಸ್ನ ಅಕ್ಕಸಾಲಿಗ ಹಾಗೂ ಕಲಾವಿದ ರವಿಚಂದ್ರ ಈ ಸೂಕ್ಷ್ಮ ಹೆಲ್ಮೆಟ್ ತಯಾರಿಕೆಗೆ ಎರಡು ವಾರ ಶ್ರಮಪಟ್ಟಿದ್ದಾರೆ. ಇದರ ಎತ್ತರ 2.5 ಮಿಲಿ ಮೀಟರ್, ಅಗಲ 3 ಮಿಲಿ ಮೀಟರ್ ಇದೆ. ಇದು ಬೆಂಕಿ ಕಡ್ಡಿಯ ಮದ್ದುಇರುವ ಭಾಗಕ್ಕಿಂತಲೂ ಚಿಕ್ಕದಾಗಿದೆ. ಇದನ್ನು ಬರಿಗಣ್ಣಿನಲ್ಲಿ ನೋಡಿದರೆ ತುಂಬಾ ಚಿಕ್ಕದಾಗಿ ಕಂಡು ಬರುತ್ತದೆ. ಆದರೆ ಸೂಕ್ಷ್ಮದರ್ಶಕದ ಮೂಲಕ ನೋಡಿದರೆ ಈ ಅಕ್ಕಸಾಲಿಗನ ಸೂಕ್ಷ್ಮತೆ ಅರಿವಿಗೆ ಬರುತ್ತದೆ.
ರವಿಚಂದ್ರ ಈ ಹಿಂದೆ 5 ಗ್ರಾಂ ಬೆಳ್ಳಿಯಲ್ಲಿ ತಿರುಗುವ ಟೇಬಲ್ ್ಯಾನ್ ನಿರ್ಮಿಸಿ ಖ್ಯಾತಿ ಪಡೆದಿದ್ದರು. ನಂತರ 150 ಮಿಲಿ ಗ್ರಾಂ ಬಂಗಾರದಲ್ಲಿ ಕ್ರಿಕೆಟ್ ಕಪ್ ತಯಾರಿಸಿದ್ದರು. ಬಳಿಕ ಕ್ರಿಕೆಟ್ ವಿಶ್ವಕಪ್ ನಡೆಯುತ್ತಿದ್ದ ವೇಳೆ ಕೇವಲ 20 ಮಿಲಿ ಗ್ರಾಂ ಬಂಗಾರದಲ್ಲಿ ವರ್ಲ್ಡ್ ಕಪ್ ತಯಾರಿಸಿದ್ದರು. ತಮಿಳುನಾಡಿನ ತಿರುಚಿಯ ಇಂಡಿಯನ್ ಅಚೀವರ್ ಬುಕ್ ಆ್ ರೆಕಾರ್ಡ್ಸ್ ಸಂಸ್ಥೆ 20 ಮಿಲಿ ಗ್ರಾಂ ಬಂಗಾರದಲ್ಲಿ ಇವರು ತಯಾರಿಸಿದ ಕ್ರಿಕೆಟ್ ವರ್ಲ್ಡ್ ಕಪ್ಗೆ ಪ್ರಶಸ್ತಿ ನೀಡಿ ಗೌರವಿಸಿದೆ.
ಪ್ರಸ್ತುತ ತಯಾರಿಸಿರುವ ಹೆಲ್ಮೆಟ್ನ್ನು ಇಂಡಿಯನ್ ಅಚೀವರ್ ಬುಕ್ ಆ್ ರೆಕಾರ್ಡ್, ಮೈಕ್ರೋ ಆರ್ಟ್ ಸಂಸ್ಥೆ, ಲಿಮ್ಕಾ ಹಾಗೂ ಗಿನ್ನಿಸ್ ರೆಕಾರ್ಡ್ ಸಂಸ್ಥೆಗಳಿಗೆ ಕಳುಹಿಸುವ ಬಯಕೆಯನ್ನು ಅವರು ಹೊಂದಿದ್ದಾರೆ.

ಕೃಷಿಕರನ್ನು ಮಂಗ ಮಾಡಿದೆ ಸರಕಾರ

ಮಲೆನಾಡಿನಲ್ಲೀಗ ಮಂಗಗಳದೆ ಕಾಟ. ಮಂಗಗಳು ತೋಟಗಳಿಂದ, ತೋಟಗಳಿಗೆ ದಾಳಿ ಇಡುವ ಮೂಲಕ ಕೃಷಿಕರ ಆರ್ಥಿಕ ನಷ್ಟಗಳಿಗೆ ಕಾರಣವಾಗುತ್ತಿವೆ. ಯಾವುದೆ ಕೃಷಿ ತೋಟಗಳಿಗೆ ಮಂಗಗಳು ದಾಳಿ ಮಾಡಿದರೆ ಅಲ್ಲಿ ಯಾವುದೇ ಸಲು ಉಳಿಯುವುದಿಲ್ಲ. ಯಾಕೆಂದರೆ ಮಂಗಗಳು ತೋಟಗಳಿಗೆ ಲಗ್ಗೆ ಇಟ್ಟರೆ ಅಲ್ಲಿನ ಎಳನೀರು, ಅಡಿಕೆಗಳನ್ನು ಸಂಪೂರ್ಣವಾಗಿ ನಾಶಪಡಿಸುವ ತನಕ ದಾಳಿ ನಿಲ್ಲಿಸುವುದಿಲ್ಲ. ಹಿಂದೆ ಮಂಗ ಬಂದರೆ ಪಟಾಕಿ ಹೊಡೆದು ಓಡಿಸಲಾಗುತಿತ್ತು. ಈಗ ಪಟಾಕಿಗಳಿಗೆ ಅವು ಹೆದರುವುದಿಲ್ಲ. ಮಂಗಗಳನ್ನು ಕೋವಿಯಿಂದ ಗುಂಡು ಹೊಡೆದು ಸಾಯಿಸುವ ಕೆಲಸಕ್ಕೆ ಕೃಷಿಕರ ಧಾರ್ಮಿಕ ನಂಬಿಕೆ ಅಡ್ಡಿಯಾಗುತ್ತದೆ. ಕಾರಣ, ಅದು ಆಂಜನೇಯ ಸ್ವರೂಪ ಎಂಬುದು. ಜೊತೆಗೆ, ಮಂಗಗಳನ್ನು ಹೊಡೆದರೆ ಶಿಕ್ಷೆ ಕೂಡ ಇದೆ. ಹಾಗಾಗಿ, ಮಂಗಗಳು ಸುರಕ್ಷಿತ. ಕೃಷಿಕರಿಗೆ ಸಂಕಟ.
ಮಂಗಗಳ ಹಾವಳಿಯಿಂದ ಕೃಷಿಕರಿಗೆ ಉಂಟಾಗುತ್ತಿರುವ ಬೆಳೆ ನಷ್ಟಗಳಿಗೆ ಪರಿಹಾರ ಪಾವತಿಸಲು ರಾಜ್ಯ ಸರಕಾರ ಒಂದೂವರೆ ವರ್ಷಗಳ ಹಿಂದೆ ನೀಡಿದ ಆದೇಶ ಅನುಷ್ಠಾನಕ್ಕೆ ಬಂದಿಲ್ಲ. ಪರಿಹಾರ ಸಿಗಬಹುದು ಎಂದು ಬೆಳೆ ನಷ್ಟವಾದ ಕೃಷಿಕರು ಸಲ್ಲಿಸಿದ ಅರ್ಜಿ ಅರಣ್ಯ ಇಲಾಖೆಯ ಕಚೇರಿಯ ಕಡತದಲ್ಲಿ ಬಂಧಿಯಾಗಿದೆ. ಸರಕಾರಿ ಆದೇಶ ಪತ್ರದಲ್ಲಿ ಪರಿಹಾರ ನೀಡಿ ಎಂದಿದೆ. ಆದರೆ, ವಿವಿಧ ಬೆಳೆ ಸಲಿನ ನಾಶಕ್ಕೆ ನಿರ್ದಿಷ್ಟ ಮೊತ್ತ ನಿಗದಿಪಡಿಸಿಲ್ಲ. ಹಾಗಾಗಿ ಸಲು ನಷ್ಟವಾದಾಗ ಯಾವ ಮಾನದಂಡದ ಆಧಾರದಲ್ಲಿ ಬೆಲೆ ನಿಗದಿ ಮಾಡಬೇಕು ಎಂಬ ಗೊಂದಲದಲ್ಲಿ ಅರಣ್ಯ ಇಲಾಖೆಯಿದೆ.ರ ಜನವರಿಯಲ್ಲಿ ಮಂಗಗಳ ಹಾವಳಿಯಿಂದ ಕೃಷಿಕರಿಗೆ ಉಂಟಾಗುತ್ತಿರುವ ನಷ್ಟಗಳಿಗೆ ಪರಿಹಾರ ಪಾವತಿಸಲು ಪ್ರಧಾನ ಅರಣ್ಯ ಸಂರಕ್ಷಣಾಧಿಕಾರಿ ಕಚೇರಿ ಮೂಲಕ ಪ್ರತಿ ಜಿಲ್ಲೆಯ ಮುಖ್ಯ ಅರಣ್ಯ ಸಂರಕ್ಷಣಾಧಿಕಾರಿ, ವಲಯ ಅರಣ್ಯಾಧಿಕಾರಿ ಕಚೇರಿಗೆ ಆದೇಶ ಹೊರಡಿಸಲಾಗಿತ್ತು. ಹಲವು ವರ್ಷಗಳಿಂದ ಮಂಗ ಹಾಗೂ ಇತರ ಕಾಡು ಪ್ರಾಣಿಗಳಿಂದ ಬೆಳೆಯ ಸಲಿಗೆ ಹಾನಿ ಉಂಟಾದಾಗ ಪರಿಹಾರ ಸಿಗದೆ ಹತಾಶನಾಗಿದ್ದ ಕೃಷಿಕ, ಸರಕಾರದ ಆದೇಶದಿಂದ ಅರ್ಜಿ ಸಲ್ಲಿಸಿದ್ದ. ಆದರೆ, ಪರಿಹಾರ ಪಾವತಿಸಿ ಎಂದು ಸರಕಾರ ಆದೇಶದ ಸುತ್ತೋಲೆ ಕಳುಹಿಸಿತ್ತೇ ವಿನಃ ಯಾವ ಬೆಳೆ ಸಲಿಗೆ ಎಷ್ಟು ಮೊತ್ತ ಎಂದು ನಿಗದಿಪಡಿಸಿರಲಿಲ್ಲ. ಹಾಗಾಗಿ, ಅರ್ಜಿ ಸಲ್ಲಿಸಿದ ರಾಜ್ಯದ ಯಾವ ಕೃಷಿಕನಿಗೂ ಪರಿಹಾರ ಸಿಕ್ಕಿಲ್ಲ.ೃಷಿಕರ ಆಗ್ರಹದ ಹಿನ್ನೆಲೆಯಲ್ಲಿ ಸರಕಾರ ಪರಿಹಾರದ ಆದೇಶ ನೀಡಿತ್ತು ನಿಜ. ಆದರೆ, ಅದು ಉಲ್ಲೇಖ (2)ರ ಸರಕಾರಿ ಪತ್ರದಲ್ಲಿ ಅಡಿಕೆ, ತೆಂಗು ಇನ್ನಿತ್ತರ ಬೆಳೆನಾಶಕ್ಕಾಗಿ ನಿಗದಿಪಡಿಸಿದ ಮೊತ್ತವನ್ನು ಪರಿಹಾರ ರೂಪವಾಗಿ ಪಾವತಿಸಿ ಎಂದು ಆದೇಶಿಸಿದೆ. ಆದರೆ, ವಿವಿಧ ಬೆಳೆ ಸಲಿನ ನಾಶದ ಬಗ್ಗೆ ಯಾವುದೇ ಮೊತ್ತವನ್ನು ಈ ತನಕ ನಿಗದಿಪಡಿಸಿಲ್ಲ. ಅದಕ್ಕೆ ಸಂಬಂಧಪಟ್ಟಂತೆ ಸರಕಾರಿ ಆದೇಶದ ಪತ್ರ ಬಂದಿಲ್ಲ.
ನಂತರ, 2014ರಲ್ಲಿ ಈ ಸಮಸ್ಯೆಯನ್ನು ಬಗೆಹರಿಸುವಂತೆ ಕೋರಿ, ವಿವಿಧ ಬೆಳೆಗಳ ಫಸಲಿನ ನಾಶಕ್ಕೆ ದರ ಪಟ್ಟಿ ನೀಡುವಂತೆ ವಲಯ ಅರಣ್ಯ ಇಲಾಖಾ ಕಚೇರಿಯಿಂದ ಮುಖ್ಯ ಅರಣ್ಯ ಸಂರಕ್ಷಣಾಧಿಕಾರಿ ಕಚೇರಿಗೆ, ಅಲ್ಲಿಂದ ಪ್ರಧಾನ ಇಲಾಖಾ ಮುಖ್ಯ ಅರಣ್ಯ ಸಂರಕ್ಷಣಾಧಿಕಾರಿ ಕಚೇರಿಗೆ ಮನವಿ ಸಲ್ಲಿಸಲಾಗಿದೆ. ಆದರೆ, ಇಲ್ಲಿಯ ತನಕ ಕ್ರಮ ಕೈಗೊಂಡಿಲ್ಲ.ಅಲ್ಲಿ ಕೃಷಿಕ ಅರ್ಜಿ ಸಲ್ಲಿಸುವಾಗ ತೆಂಗಿನ ಗಿಡ ಅಥವಾ ಮರಕ್ಕೆ ಹಾನಿಯಾದುದಕ್ಕೆ ಪರಿಹಾರ ನೀಡಿ ಎಂಬುದಲ್ಲ. ಬದಲಾಗಿ ತೆಂಗು, ಅಡಿಕೆ ಅಥವಾ ಇನ್ನಿತ್ತರ ತೋಟಗಾರಿಕೆ ಬೆಳೆಯ ಸಲಿನ ನಾಶದ ಪರಿಹಾರಕ್ಕಾಗಿ. ಉದಾಹರಣೆಗೆ, ಅರ್ಜಿದಾರ ಇಷ್ಟು ಸಂಖ್ಯೆಯ ಎಳೆ ನೀರು ಅಥವಾ ಇಷ್ಟು ಕೆಜಿ ಕಾಯಿ ಅಡಿಕೆ ನಷ್ಟವಾಗಿದೆ ಎಂದು ನಮೂದು ಮಾಡಿರುತ್ತಾನೆ. ಹೀಗಾಗಿ ಸರಕಾರ ಪ್ರತಿ ಎಳೆ ನೀರು, ಎಳೆ ಅಡಿಕೆ ಅಥವಾ ಕೋಕೋ ಮುಂತಾದ ತೋಟಗಾರಿಕೆ ಬೆಳೆ ಸಲಿಗೆ ಇಂತಿಷ್ಟು ಮೊತ್ತದ ಪರಿಹಾರ ನೀಡಬೇಕು ಎಂದು ನಿಗದಿಪಡಿಸಬೇಕು. ಮಂಗಗಳಿಂದ ಆದ ಬೆಳೆ ನಷ್ಟಕ್ಕೆ ಪರಿಹಾರ ನೀಡಿ ಎಂದು ಸರಕಾರ ಆದೇಶ ನೀಡಿದುದರ ಜತೆಗೆ, ಸಲಿಗೆ ನೀಡುವ ದರಪಟ್ಟಿ ನೀಡಿದ್ದರೆ ಪರಿಹಾರ ವಿತರಿಸಲು ಸಾಧ್ಯವಿತ್ತು. ಇಲ್ಲಿ ಆದೇಶ ಬಂದಿದೆಯೇ ವಿನಃ ದರಪಟ್ಟಿ ಬಂದಿಲ್ಲ.
ವನ್ಯಪ್ರಾಣಿಗಳಿಂದ ಬೆಳೆ ನಾಶವಾದಾಗ ಬಾಳೆ, ಕಾಫಿ, ಏಲಕ್ಕಿ, ಮೆಣಸು, ಅಡಿಕೆ ಮತ್ತು ತೆಂಗಿನ ಗಿಡಕ್ಕೆ ಇಂತಷ್ಟು ಎಂದು ಪರಿಹಾರ ನೀಡುತ್ತದೆ. ಉದಾಹರಣೆಗೆ 5 ವರ್ಷದ ಒಳಗಿನ ಅಡಿಕೆ ಅಥವಾ ತೆಂಗಿನ ಮರಕ್ಕೆ ಹಾನಿ ಉಂಟಾದರೆ 200 ರೂ., 7ರಿಂದ 9 ವರ್ಷದ ಮರವಾದರೆ 400 ರೂ., 10 ವರ್ಷಕ್ಕಿಂತ ಮೇಲ್ಪಟ್ಟಿನ ಮರವಾದಲ್ಲಿ 1,000 ರೂ. ಎಂದು ನಿಗದಿಪಡಿಸಿದೆ. ಇದೇ ದರಪಟ್ಟಿ ಮಂಗಗಳಿಂದ ಅಥವಾ ಇನ್ನಿತ್ತರ ಕಾಡು ಪ್ರಾಣಿಗಳಿಂದ ಹಾನಿ ಉಂಟಾಗುವ ಬೆಳೆಗೂ ನಿಗದಿಯಾಗಬೇಕು.

ತುಕ್ಕು ಹಿಡಿದ ಸೇತುವೆ-ಮಂತ್ರಿ ಆದೇಶಕ್ಕಿಲ್ಲ ಕಿಮ್ಮತ್ತು

ಎರಡು ಪಂಚಾಯ್ತಿಗಳನ್ನು ಜೋಡಿಸುವ ತೂಗು ಸೇತುವೆಯೊಂದು ಈಗ ತುಕ್ಕು ಹಿಡಿದು ಸಂಕಟ ಅನುಭವಿಸುತ್ತಿದೆ. ಸ್ವತಃ ಜಿಲ್ಲಾ ಉಸ್ತುವಾರಿ ಸಚಿವರು ರಕ್ಷಣೆಗೆ ಸೂಚನೆ ನೀಡಿದ್ದರೂ ಅವರ ಆದೇಶಕ್ಕೆ ಕವಡೆ ಕಿಮ್ಮತ್ತು ನೀಡಲಾಗಿಲ್ಲ. ತ್ತರ ಕನ್ನಡ ಜಿಲ್ಲೆ ಶಿರಸಿ ತಾಲೂಕಿನ ಶಾಲ್ಮಲಾ ನದಿ ತಟದ ಸಹಸ್ರಲಿಂಗ ಪ್ರವಾಸಿ ತಾಣ. ನದಿಯೊಳಗೇ ಸೋದೆ ಅರಸರ ಕಾಲದಲ್ಲಿ ಕೆತ್ತಲಾದ ಶಿವಲಿಂಗಗಳು, ಅವುಗಳ ಮಧ್ಯೆ ಜುಳು ಜುಳು ನಿನಾದದಿಂದ ಹರಿಯುವ ನದಿಯ ನೀರು, ಸುತ್ತಲಿನ ಪ್ರಾಕೃತಿಕ ಸೊಬಗು. ಶಿರಸಿ ನಗರದಿಂದ ಕೇವಲ 13 ಕಿಮೀ ದೂರದಲ್ಲಿನ ಸಹಸ್ರಲಿಂಗಕ್ಕೆ ರಾಜ್ಯ, ಹೊರ ರಾಜ್ಯಗಳಿಂದ ಪ್ರವಾಸಿಗರು ನಿತ್ಯ ಬರುತ್ತಾರೆ.ಳೆದ ಆರು ವರ್ಷಗಳ ಹಿಂದೆ ತೂಗು ಸೇತುವೆ ತಜ್ಞ ಗಿರೀಶ ಭಾರಧ್ವಾಜ ಅವರ ಮೂಲಕ ಪ್ರವಾಸೋದ್ಯಮ ಇಲಾಖೆ 22 ಲಕ್ಷ ವ್ಯಯಿಸಿ ಭೈರುಂಬೆ, ಹುಲೇಕಲ್ ಪಂಚಾಯ್ತಿ ಬೆಸೆಯುವ ಸೇತುವೆ ನಿರ್ಮಾಣ ಮಾಡಿತ್ತು. ಹುಳಗೋಳ, ಭೈರುಂಬೆ ಸಂಪರ್ಕಕ್ಕೆ ಅಥವಾ ಹುಲೇಕಲ್, ಹೊಸ್ತೋಟ ಇತರ ಹಳ್ಳಿಗಳಿಗೆ ಸಂಪರ್ಕ ಕಲ್ಪಿಸಿತ್ತು. ವಾರ್ಷಿಕ ನಿರ್ವಹಣೆ ಮಾಡಿದರೆ ನೂರು ವರ್ಷಗಳ ಕಾಲ ಸೇತುವೆಗೆ ಏನೂ ಆಗೋಲ್ಲ ಎಂದೂ ಆಗ ಹೇಳಿದ್ದರು. ಆದರೆ, ವಾರ್ಷಿಕ ನಿರ್ವಹಣೆ ಬಿಡಿ, ಪಂಚವಾರ್ಷಿಕ ನಿರ್ವಹಣೆ ಕೂಡ ಮಾಡಲಾಗಿಲ್ಲ. ಇದರಿಂದ ಸೇತುವೆಯ ಕಬ್ಬಿಣದ ಸಲಾಕೆಗಳು, ನಟ್ಗಳು, ಜಾಯಿಂಟ್ಗಳು ತುಕ್ಕು ಹಿಡಿದಿವೆ. ಬಣ್ಣಗಳು ಕಳಚಿದೆ.
ನಾಲ್ಕು ತಿಂಗಳುಗಳ ಹಿಂದೆ ಕಾಮಗಾರಿಯೊಂದರ ಉದ್ಘಾಟನೆಗೆ ಆಗಮಿಸಿದ್ದ ಜಿಲ್ಲಾ ಉಸ್ತುವಾರಿ ಸಚಿವ ಆರ್.ವಿ.ದೇಶಪಾಂಡೆ ಅವರ ಬಳಿ ಶಾಸಕ ವಿಶ್ವೇಶ್ವರ ಹೆಗಡೆ ತುಕ್ಕು ಹಿಡಿದ ಸೇತುವೆಯ ಕುರಿತು ಗಮನ ಸೆಳೆದಿದ್ದರು. ಇದಕ್ಕೆ ಸ್ಪಂದಿಸಿದ್ದ ಸಚಿವರು, ಲೋಕೋಪಯೋಗಿ ಇಲಾಖೆ ಅಭಿಯಂತರಲ್ಲಿ ತಕ್ಷಣ ಈ ಕುರಿತು ಗಮನ ಹರಿಸುವಂತೆ ಹಾಗೂ ಹಣಕಾಸಿಲ್ಲದಿದ್ದರೆ ಪ್ರವಾಸೋದ್ಯಮ ಇಲಾಖೆಗೆ ಪ್ರಸ್ತಾವನೆ ನೀಡಿ, ಮಳೆಗಾಲಕ್ಕೂ ಮೊದಲು ಬಣ್ಣ ಮಾಡುವಂತೆ ಆದೇಶಿಸಿದ್ದರು.ಆದರೆ, ಮಳೆಗಾಲ ಆರಂಭವಾಗಿ ಒಂದುವರೆ ತಿಂಗಳಾದರೂ ಸಚಿವರ ಆದೇಶದಿಂದ ಸೇತುವೆಗೆ ಬಣ್ಣದ ಭಾಗ್ಯವಿಲ್ಲ. ಹಣಕಾಸಿನ ಕೊರತೆಯೋ ಅಥವಾ ಅಧಿಕಾರಿಗಳ ನಿರ್ಲಕ್ಷವೋ ಅಂತೂ ತುಕ್ಕಿನ ಭಾಗ್ಯ ಮುಂದುವರಿದಿದೆ. ಈ ಮಧ್ಯೆ, ಹುಲೇಕಲ್ ಪಂಚಾಯ್ತಿಯವರು ನಿರ್ವಹಣೆ ಮಾಡಬೇಕೋ ಅಥವಾ ಭೈರುಂಬೆ ಪಂಚಾಯ್ತಿಯವರು ನಿರ್ವಹಣೆ ಮಾಡಬೇಕೋ ಎಂಬ ಗೊಂದಲ ಕೂಡ ಇದೆ. ಪಾರ್ಕಿಂಗ್ಗೆ ಹಣ ತೆಗೆದುಕೊಳ್ಳುವ ಭೈರುಂಬೆ ಪಂಚಾಯ್ತಿ ಸ್ವಚ್ಛತೆ ನೋಡಿಕೊಳ್ಳುವಲ್ಲಿ ವಿಲವಾಗಿದೆ. ಈ ಮಧ್ಯೆ ಮಳೆ-ಬಿಸಿಲು-ನೀರಿನ ಸೆಳವಿಗೆ ಶಿವಲಿಂಗಗಳು ಮಗುಚಿ ಬಿದ್ದಿವೆ. ಕೆಲವು ಭಗ್ನವಾಗಿವೆ. ಇವುಗಳ ಸಂರಕ್ಷಣೆಗೂ ಪ್ರವಾಸೋದ್ಯಮ ಸಚಿವರು ಓ.ಕೆ. ಎಂದಿದ್ದರು. ಆದರೆ, ಕೆಲಸ ಆಗಿಲ್ಲ.

ಹೊನ್ನಾವರ, ಕುಮಟಾಗಳಲ್ಲಿ ಅರ್ಘ್ಯ

ರಾಮಚಂದ್ರಾಪುರ ಮಠದ ರಾಘವೇಶ್ವರ ಭಾರತಿ ಸ್ವಾಮೀಜಿ ‘ಅರ್ಘ್ಯ’ ಹೆಸರಿನಲ್ಲಿ ಕರೆ ನೀಡಿದ್ದ ಶ್ರಮದಾನ, ಸ್ವಚ್ಛತಾ ಆಂದೋಲನವನ್ನು ಇತ್ತೀಚೆಗೆ ಕುಮಟಾ-ಹೊನ್ನಾವರ ಮಂಡಲ ವ್ಯಾಪ್ತಿಯಲ್ಲಿ ನಡೆಸಲಾಯಿತು. ಕೆಕ್ಕಾರಿನ ರಘೋತ್ತಮ ಮಠ, ಕಾಸರಕೋಡಿನ ಅಪ್ಸರಕೊಂಡ ಮಠ, ಮೂರೂರಿನ ಪ್ರಗತಿ ವಿದ್ಯಾಲಯ, ಹೊಸಾಡಿನ ಗೋಶಾಲೆ, ಗೋಕರ್ಣ ದೇವಸ್ಥಾನ, ಅಶೋಕೆಯಲ್ಲಿ ಕಾರ್ಯಕರ್ತರು ಸ್ವಚ್ಛತಾ ಕಾರ್ಯ ಕೈಗೊಂಡರು.
ಮಹಾಮಂಡಲ ಸೇವಾ ಪ್ರಧಾನ ಮಹೇಶ ಚಟ್ನಳ್ಳಿ, ಮೂಲಮಠ ನಿರ್ಮಾಣ ಸಮಿತಿಯ ಮಂಜುನಾಥ ಸುವರ್ಣಗದ್ದೆ, ಕುಮಟಾ ಮಂಡಲ ಅಧ್ಯಕ್ಷ ಸುಬ್ರಾಯ ಭಟ್ಟ, ಕಾರ್ಯದರ್ಶಿ ರವೀಂದ್ರ ಭಟ್ಟಸೂರಿ, ಉಪಾಧ್ಯಕ್ಷ ನಾಗರಾಜ ಭಟ್ಟ, ಸೇವಾ ಪ್ರಧಾನ ಟಿ.ವಿ. ಹೆಗಡೆ, ಪ್ರಸಾರ ಪ್ರಧಾನ ಅರುಣ ಹೆಗಡೆ, ರಾಘವೇಂದ್ರ ಹೆಗಡೆ, ಹೊನ್ನಾವರ ಮಂಡಲಾಧ್ಯಕ್ಷ ಜಿ.ಜಿ. ಭಟ್ಟ, ಕಾರ್ಯದರ್ಶಿ ಸತೀಶ ಭಟ್ಟ, ಕುಮಟಾದ ಡಾ ಸುರೇಶ ಹೆಗಡೆ ಮಾರ್ಗದರ್ಶನ ನೀಡಿದರು.

ಅಂಜನಾದ್ರಿ ಬೆಟ್ಟದಲ್ಲಿ ಸಹಸ್ರ ಚಂಡಿಯಾಗ

ಗಂಗಾವತಿ ತಾಲೂಕಿನ ಪ್ರಸಿದ್ಧ ಹಾಗೂ ಐತಿಹಾಸಿಕ ಅಂಜನಾದ್ರಿ ಬೆಟ್ಟದಲ್ಲಿ ಲೋಕಕಲ್ಯಾಣಾರ್ಥವಾಗಿ ಸಹಸ್ರ ಚಂಡಿಯಾಗ ಆರಂಭವಾಗಿದೆ. ಇದರ ಅಂಗವಾಗಿ ಪಂಪಾಸರೋವರದಿಂದ ಪವಿತ್ರ ಗಂಗಾಜಲವನ್ನು ಸುಮಂಗಲಿಯರು ಹಾಗೂ ವಟುಗಳು ಅಂಜನಾದ್ರಿಬೆಟ್ಟಕ್ಕೆ ತಂದರು. ಪಂಪಾಸರೋವರದ ಜಲದಿಂದ ಕಾಶಿ ಬನಾರಸ್ ಹಾಗೂ ಅಯೋಧ್ಯೆಯಿಂದ ಆಗಮಿಸಿದ್ದ 108 ಪಂಡಿತರು ಅಂಜನೇಯನ ಮೂರ್ತಿಯ ಅಭಿಷೇಕ ಮಾಡಿದರು. ನಂತರ ಸಹಸ್ರ ಚಂಡಿಯಾಗಕ್ಕೆ ಚಾಲನೆ ನೀಡಲಾಯಿತು. ಜು.25ರ ತನಕ ಯಾಗ ಜರುಗಲಿದೆ.

ಇಡಗುಂಜಿ ಬಾಗಿಲಿಗೆ ಹಿತ್ತಾಳೆ ಕವಚ ಸಮರ್ಪಣೆ

ಬೆಂಗಳೂರು ಬನಶಂಕರಿಯ ವಾಣಿ ಮತ್ತು ಬಿ.ಎನ್. ಗಿರೀಶ ರಾವ್ ದಂಪತಿ ತಮ್ಮ ಹಿರಿಯರಾದ ದಿ. ಜಯಮ್ಮ ಮತ್ತು ಎಚ್. ನಾಗರಾಜ ಅವರ ಸ್ಮರಣಾರ್ಥ ಹಿತ್ತಾಳೆಯ ಕವಚವನ್ನು ಹೊನ್ನಾವರ ತಾಲೂಕಿನ ಇಡಗುಂಜಿ ವಿನಾಯಕ ದೇವರ ವಿಶಾಲ ವಾಸ್ತು ಬಾಗಿಲಿಗೆ ಸಮರ್ಪಿಸಿದ್ದಾರೆ.ಣಪತಿ ಮೂಲಮಂತ್ರ ಮೋದಕ ಹವನ ಸಹಿತ ಹಲವು ಧಾರ್ಮಿಕ ವಿಧಿಗಳನ್ನು ನೆರವೇರಿಸಿ, ಕನ್ಯಾ ಲಗ್ನದ ಸುಮುಹೂರ್ತದಲ್ಲಿ ಗೋಕರ್ಣದ ವೇಮೂ ಶಂಭು ಭಟ್ಟ ಷಡಕ್ಷರಿ ಅವರು ಕವಚ ಸಮರ್ಪಣೆಯ ಧಾರ್ಮಿಕ ವಿಧಿ-ವಿಧಾನಗಳನ್ನು ನೆರವೇರಿಸಿದರು. ದಾನಿಗಳ ಉದಾರತೆಗೆ ವಿನಾಯಕ ದೇವ ಟ್ರಸ್ಟ್ನ ಮುಖ್ಯಸ್ಥರಾದ ಡಾ ಜಿ.ಜಿ.ಸಭಾಹಿತ, ಗಜಾನನ ಸಭಾಹಿತ, ಕಾಶಿನಾಥ ಹೆಗಡೆ ಅಭಿನಂದಿಸಿದರು. ರಥಶಿಲ್ಪಿ ಗಂಗಾಧರ ಆಚಾರ್ಯ ಮೂಲಬಾಗಿಲಿಗೆ ಜೋಡಣಾ ಕಾರ್ಯ ನೆರವೇರಿಸಿದರು. ಗಿರೀಶ ರಾವ್ ದಂಪತಿಯ ಪುತ್ರ ಪ್ರಜ್ವಲ್ ಮತ್ತು ಇಡಗುಂಜಿಯ ಭಕ್ತರು ಈ ಸಂದರ್ಭದಲ್ಲಿ ಉಪಸ್ಥಿತರಿದ್ದರು.

ಉಂಬಳೇಕೊಪ್ಪಕ್ಕೆ ಬೇಕು ಕಾಲು ಸಂಕ

ಉತ್ತರ ಕನ್ನಡ ಜಿಲ್ಲೆ ಶಿರಸಿ ತಾಲೂಕು ಉಂಬಳೆಕೊಪ್ಪದ ಕಾಲುಸಂಕವೊಂದರ ಮೇಲ್ಭಾಗದ ಸ್ಲಾಬ್ ಕೊಚ್ಚಿ ಹೋಗಿ ಮೂರು ವರ್ಷಗಳೇ ಗತಿಸಿದ್ದರೂ ಇನ್ನೂ ಸಂಬಂಧಪಟ್ಟ ಇಲಾಖೆ ಕಣ್ತೆರೆದು ನೋಡಿಲ್ಲ. ತಾಲೂಕಿನ ಉಂಚಳ್ಳಿ ಗ್ರಾಪಂ ಉಂಬಳೆಕೊಪ್ಪ-ಮೋರಿಗದ್ದೆ ಮಧ್ಯೆ ಕಳೆದ 2 ದಶಕಗಳ ಹಿಂದೆ ನಿರ್ಮಿಸಿದ್ದ ಕಾಲುಸಂಕ ಅತಂತ್ರವಾಗಿದ್ದು, ಗ್ರಾಮಸ್ಥರು ಅಡಕೆ ಮರದ ತುಂಡುಗಳನ್ನೇ ತಾತ್ಕಾಲಿಕ ಸಂಪರ್ಕಕ್ಕೆ ಬಳಸಿಕೊಂಡು ದಾಟಿ ಹೋಗಲು ಸರ್ಕಸ್ ಮಾಡುತ್ತಿದ್ದಾರೆ. ಮಳೆಗಾಲದಲ್ಲಿ ತುಂಬಿ ಹರಿಯುವ ಹಳ್ಳ ಇದಾಗಿದ್ದು, ಶಾಲಾ ಮಕ್ಕಳು ಸೇರಿದಂತೆ ನಿತ್ಯ ನೂರಾರು ಜನರು ಓಡಾಡುತ್ತಾರೆ. ಉಂಬಳೆಕೊಪ್ಪದಲ್ಲಿ 15, ಮೋರಿಗದ್ದೆ ಮಜರೆಯಲ್ಲಿ 30 ಮನೆಗಳಿವೆ. ಈ ಎರಡು ಊರುಗಳ ಸಂಪರ್ಕ ಬೆಸೆಯುವ ಹಳ್ಳಕ್ಕೆ ಸುಸ್ಥಿತಿಯ ಕಾಲು ಸಂಕದ ಅಗ್ಯತ್ಯವಿದೆ. 

ಭದ್ರಾ ಅಭಯಾರಣ್ಯದಲ್ಲಿವೆ ಅತಿ ಹೆಚ್ಚು ಹುಲಿಬೆಕ್ಕು

ಭದ್ರಾ ಅಭಯಾರಣ್ಯ ಅತಿ ಹೆಚ್ಚು ಹುಲಿ ಬೆಕ್ಕು (ಲೆಪರ್ಡ್ ಕ್ಯಾಟ್)ಗಳನ್ನು ಹೊಂದಿದೆ. ಈ ಅಭಯಾರಣ್ಯದಲ್ಲಿ ಪ್ರತಿ 100 ಚದರ ಕಿ.ಮೀ.ಗೆ 10 ಹುಲಿ ಬೆಕ್ಕುಗಳಿವೆ.
ಪಶ್ಚಿಮಘಟ್ಟದಲ್ಲಿ ಕ್ಯಾಮರಾ ಸಮೀಕ್ಷೆ ಮೂಲಕ ಇವುಗಳ ಸಂಖ್ಯೆಯನ್ನು ಸ್ಪಷ್ಟ ಮಾಡಿಕೊಳ್ಳಲು ಮುಂದಾದ ವೈಲ್ಡ್ ಲ್ೈ ಕನ್ಸರ್ವೇಷನ್ ಸೊಸೈಟಿಯ ಅರ್ಜುನ್ ಶ್ರೀವತ್ಸ, ರವಿಶಂಕರ್ ಪರಮೇಶ್ವರನ್, ಸುಷ್ಮಾ ಶರ್ಮ ಮತ್ತು ಡಾ.ಉಲ್ಲಾಸ್ಕಾರಂತ್ ತಮ್ಮ ಕ್ಯಾಮರಾದಲ್ಲಿ ಸಿಕ್ಕ ಈ ಹುಲಿ ಬೆಕ್ಕಿನ ಸಂಖ್ಯೆಯನ್ನು ವಿಶ್ಲೇಷಿಸಿದ್ದಾರೆ. ಒಟ್ಟು 2,075 ಚದರ ಕಿ.ಮೀ. ಪ್ರದೇಶದಲ್ಲಿ ಈ ಸಮೀಕ್ಷೆ ನಡೆದಿದ್ದು, ಜಿಲ್ಲೆಯ ಭದ್ರಾ ಅಭಯಾರಣ್ಯ ಸೇರಿದಂತೆ ಬಿಳಿಗಿರಿರಂಗಸ್ವಾಮಿ ದೇವಸ್ಥಾನದ ಅರಣ್ಯ ಪ್ರದೇಶ, ಬಂಡಿಪುರ, ನಾಗರಹೊಳೆ ಹುಲಿ ಸಂರಕ್ಷಣಾ ತಾಣಗಳಲ್ಲೂ ಸಮೀಕ್ಷೆ ಮಾಡಲಾಗಿದೆ.
ಅವುಗಳ ಅಧ್ಯಯನ ನಡೆದಿಲ್ಲ:
ಹುಲಿ ಬೆಕ್ಕುಗಳು ಏಷ್ಯಾ ಖಂಡದ ಕಾಡುಗಳಲ್ಲಿ ಕಾಣಸಿಗುವ ಅತ್ಯಂತ ಸಾಮಾನ್ಯವಾದ ಪ್ರಭೇದ. ಆದರೆ, ಇವುಗಳ ಬಗ್ಗೆ ಹೆಚ್ಚು ಅಧ್ಯಯನ ನಡೆದಿಲ್ಲ. ಇವುಗಳ ಆವಾಸ ಸ್ಥಾನಗಳನ್ನು ವಾಣಿಜ್ಯ ಉಪಯೋಗಕ್ಕಾಗಿ ಬಳಸಿಕೊಳ್ಳಲಾಗುತ್ತಿದೆ. ಜೊತೆಗೆ ಇನ್ನಿತರ ಕಾರಣಗಳಿಂದ ಇವುಗಳ ಆವಾಸ ಸ್ಥಾನಗಳು ಕಿರಿದಾಗುತ್ತಿವೆ. ಅಲ್ಲದೆ, ಈ ಬೆಕ್ಕುಗಳ ಜೀವಕ್ಕೆ ವಿವಿಧ ಮೂಲಗಳಿಂದ ಅಪಾಯ ಕೂಡ ಬರುತ್ತಿದೆ. ಈ ಸುಂದರವಾದ ಸಣ್ಣ ಬೆಕ್ಕುಗಳ ಚರ್ಮ ಮತ್ತು ಅವುಗಳ ಮಾರಾಟ ಕೂಡ ಎಗ್ಗಿಲ್ಲದೆ ಸಾಗಿದೆ. ಇದರಿಂದಾಗಿ ಈ ಬೆಕ್ಕುಗಳ ಸಂಖ್ಯೆ ಕ್ಷೀಣಿಸುತ್ತಿದೆ.
ವೈಲ್ಡ್ ಲ್ೈ ಕನ್ಸರ್ವೇಷನ್ ಸೊಸೈಟಿಯ ಸಂಶೋಧನಾ ವಿಜ್ಞಾನಿಗಳು ಮೊದಲ ಬಾರಿಗೆ ಇವುಗಳ ಸಂಖ್ಯೆಯನ್ನು ಗುರುತಿಸಿದ್ದು, ಪಶ್ಚಿಮಘಟ್ಟದಲ್ಲಿ ಇವುಗಳ ಬಗ್ಗೆ ಇನ್ನಷ್ಟು ಆಳವಾದ ಸಂಶೋಧನೆ ನಡೆಸಲು ಮಾರ್ಗ ನಿರ್ಮಿಸಿದ್ದಾರೆ. ಮನೆಯ ಸಾಕುವ ಬೆಕ್ಕುಗಳ ಗಾತ್ರದಲ್ಲೇ ಇರುವ ಹುಲಿ ಬೆಕ್ಕುಗಳನ್ನು ಅವುಗಳ ಗಾಢವಾದ ಬಣ್ಣದ ಪಟ್ಟೆಗಳಿಂದ ಗುರುತಿಸಬಹುದಾಗಿದೆ. ದೇಹದ ಮೇಲೆ ಚುಕ್ಕೆಗಳಿದ್ದು, ಪ್ರತಿ ಹುಲಿ ಬೆಕ್ಕನ್ನು ಪ್ರತ್ಯೇಕವಾಗಿ ಗುರುತಿಸಲು ಸಹಾಯಕವಾಗಿದೆ.
ಎರಡನೇ ಸ್ಥಾನದಲ್ಲಿ ಬಿಳಿಗಿರಿರಂಗನ ಬೆಟ್ಟ
ಕರ್ನಾಟಕ ಅರಣ್ಯ ಇಲಾಖೆ ಸಹಯೋಗದಲ್ಲಿ ಈ ಹುಲಿ ಬೆಕ್ಕುಗಳ ಚಿತ್ರಗಳನ್ನು ವಿಶ್ಲೇಷಿಸುವುದರ ಮೂಲಕ ಅವುಗಳ ಬದುಕಿನ ಸಹಜಗತಿಯನ್ನು ಗುರುತಿಸಲಾಗಿದೆ. ಅತ್ಯಂತ ಮುಂದುವರೆದ ಕ್ಯಾಮರಾ ಟ್ರ್ಯಾಪ್ಗಳ ಮೂಲಕ ಈ ಹುಲಿ ಬೆಕ್ಕುಗಳ ಸಂಖ್ಯೆಯನ್ನು ನಿರ್ಧರಿಸಲಾಗಿದ್ದು, ಭದ್ರಾ ಅಭಯಾರಣ್ಯದಲ್ಲಿ ಹೆಚ್ಚು ಹುಲಿ ಬೆಕ್ಕುಗಳಿರುವುದು ಕಂಡು ಬಂದಿದೆ. ನಂತರದ ಸ್ಥಾನ ಬಿಳಿಗಿರಿರಂಗ ದೇವಸ್ಥಾನದ ಸುತ್ತಮುತ್ತಲಿನ ಅರಣ್ಯದಲ್ಲಿ ಕಂಡು ಬಂದಿದ್ದು, ಅಲ್ಲಿ 100 ಚ.ಕಿ.ಮೀ.ಗೆ 4 ಹುಲಿ ಬೆಕ್ಕುಗಳು ಕಾಣಸಿಕ್ಕಿವೆ. ಹುಲಿ ಸಂರಕ್ಷಣಾ ತಾಣಗಳಾದ ಬಂಡಿಪುರ ಮತ್ತು ನಾಗರಹೊಳೆಯಲ್ಲಿ ಇವುಗಳ ಸಂಖ್ಯೆ ಅಷ್ಟೊಂದಿಲ್ಲ. ಹೆಚ್ಚಾಗಿ ಈ ಕಾಡುಗಳಲ್ಲಿ ಹುಲಿ ಮತ್ತು ಚಿರತೆಗಳ ಸಂಖ್ಯೆ ಇರುವುದರಿಂದ ಹುಲಿ ಬೆಕ್ಕುಗಳ ಸಂಖ್ಯೆ ಕಡಿಮೆ ಇರಬಹುದೆಂದು ಭಾವಿಸಲಾಗಿದೆ. ಸಾಮಾನ್ಯವಾಗಿ ಹುಲಿ ಬೆಕ್ಕುಗಳು ತೇವಭರಿತ ಪ್ರದೇಶವನ್ನು ಇಷ್ಟಪಡುವುದರಿಂದ ಹೆಚ್ಚು ಮಳೆ ಬೀಳುವ ಭದ್ರ ಮತ್ತು ಬಿಳಿಗಿರಿರಂಗನಬೆಟ್ಟದ ಕಾಡುಗಳಲ್ಲಿ ಹೆಚ್ಚಾಗಿ ಕಾಣಸಿಕ್ಕಿರಬಹುದು.
ಭದ್ರಾ ಅಭಯಾರಣ್ಯದಲ್ಲಿ ಹುಲಿ ಬೆಕ್ಕುಗಳ ಸಂಖ್ಯೆ ಜಾಸ್ತಿ ಕಂಡು ಬಂದಿರುವುದು ದಟ್ಟ ಅರಣ್ಯಗಳಿಗಿಂತ ಹೆಚ್ಚಾಗಿ ಸ್ವಲ್ಪ ತೆಳುವಾದ ಅರಣ್ಯ ಪ್ರದೇಶ ಹಾಗೂ ಕಾಫಿ ತೋಟಗಳಲ್ಲಿ. ಅಂದರೆ ಅಭಯಾರಣ್ಯದ ಗಡಿಯಿಂದ ಹೊರಭಾಗದಲ್ಲಿ. ಈ ಭಾಗಗಳಲ್ಲಿ ಅವುಗಳಿಗೆ ಆಹಾರವಾಗಿ ಸಿಗುವ ಪ್ರಾಣಿಗಳ ಸಂಖ್ಯೆಯೂ ಜಾಸ್ತಿಯಿದೆ. ಇಲ್ಲಿ ಆಹಾರ ಸುಲಭವಾಗಿ ಸಿಗುವುದರಿಂದ ಅವುಗಳ ಸಂಖ್ಯೆ ಅಲ್ಲಿ ಹೆಚ್ಚಾಗಿದೆ ಎಂದು ಭಾವಿಸಲಾಗಿದೆ. ಈ ಹುಲಿಬೆಕ್ಕುಗಳು ಒಂದು ರೀತಿಯಲ್ಲಿ ಕಾಫಿ ತೋಟಗಳಲ್ಲಿ ಸಮಸ್ಯೆಯುಂಟುಮಾಡುವ ಮೂಷಿಕ ಸಂತತಿಯ ನಿಯಂತ್ರಣಕ್ಕೂ ಸಹಾಯಕವಾಗಿವೆ. ಒಟ್ಟಿನಲ್ಲಿ ಪಶ್ಚಿಮಘಟ್ಟ ಹುಲಿ ಬೆಕ್ಕಿನ ಸಂತತಿಗೆ ಅತ್ಯಂತ ಪೂರಕವಾದ ಪ್ರದೇಶವಾಗಿದ್ದು, ಇನ್ನಷ್ಟು ಹೆಚ್ಚಿನ ಸಮೀಕ್ಷೆಯ ಅವಶ್ಯಕತೆ ಇದೆ.

ಕುಮಟಾ ತಾಲೂಕಿನ ಹೆಗಡೆಯಲ್ಲಿ ಉದಕಶಾಂತಿ ಅಭಿಯಾನ

ಪುರುಷೋತ್ತಮ ಮಾಸವೆಂದು ವಿಶೇಷವಾಗಿ ಕರೆಯಲಾಗುವ ಆಷಾಢ ಅಧಿಕ ಮಾಸದ ಪ್ರಯುಕ್ತ ಉತ್ತರ ಕನ್ನಡ ಜಿಲ್ಲೆ ಕುಮಟಾ ತಾಲೂಕಿನ ಹೆಗಡೆ ಗ್ರಾಮದ ವಿಪ್ರ ಒಕ್ಕೂಟದ ವತಿಯಿಂದ ಸಮಾನ ಮನಸ್ಕ ವೈದಿಕರು ಸೇರಿ ಉದಕಶಾಂತಿ ಅಭಿಯಾನ ಹಮ್ಮಿಕೊಂಡಿದ್ದಾರೆ.ವರ್ಷ ಆಷಾಢ ಮಾಸ ಅಧಿಕ ಮಾಸವಾಗಿದ್ದು ಜೂ.16 ರಿಂದ ಜು. 16 ರ ವರೆಗೆ 1 ತಿಂಗಳು (31 ದಿನ) ಅಧಿಕ ಆಷಾಢ ಮಾಸವಾಗಿರುತ್ತದೆ. ಅಧಿಕ ಮಾಸದಲ್ಲಿ ಸಂಸ್ಕಾರ ಕರ್ಮಗಳನ್ನಾಗಲಿ, ದೇವಪ್ರತಿಷ್ಠಾದಿ ಕಾಮ್ಯಕರ್ಮಗಳನ್ನಾಗಲಿ ಮಾಡಬಾರದು ಎಂಬ ಶಾಸ ವಿಧಿ ಇದೆ. ಆದರೆ, ದೇವತಾ ಪ್ರೀತಿಗೋಸ್ಕರ ನಿಷ್ಕಾಮ ಕರ್ಮಗಳನ್ನು ಮಾಡಬಹುದು ಎಂಬ ಶಿಷ್ಟ ಅಭಿಪ್ರಾಯದಂತೆ ಗ್ರಾಮದಲ್ಲಿ ಉದಕಶಾಂತಿ ಅಭಿಯಾನ ನಡೆಸುತ್ತಿದ್ದಾರೆ.
ಮನುಷ್ಯನು ಜೀವಿಸಲು ಅತ್ಯವಶ್ಯವಾದ ನೀರಿಗೆ ಅಸಂಖ್ಯ ಕಲ್ಯಾಣ ಗುಣಗಳಿವೆ. ಉದಕಶಾಂತಿ ಮಂತ್ರಗಳನ್ನು ಪಠಿಸಿ, ಅವುಗಳಿಂದ ಅಭಿಮಂತ್ರಿತವಾದ ನೀರನ್ನು ಪ್ರೋಕ್ಷಿಸುವುದರಿಂದ ಸಕಲ ಆಪತ್ತು ನಿವಾರಣೆಯಾಗಿ ಆಯುರಾರೋಗ್ಯದ ಅಭಿವೃದ್ಧಿ ಮತ್ತು ಎಲ್ಲ ರೀತಿಯಿಂದ ರಕ್ಷಣೆ ಆಗುತ್ತದೆ ಎನ್ನುವುದು ಶಾಸ ವಾಕ್ಯ. ಆದ್ದರಿಂದ ವೈದಿಕರು ಅಧಿಕಮಾಸ ಪೂರ್ತಿ ಪ್ರತಿನಿತ್ಯ ಸಂಜೆ ಪ್ರದೋಷ ಕಾಲದಲ್ಲಿ ಉದಕಶಾಂತಿ ಮಂತ್ರ ಪಠಿಸಬೇಕೆಂದು ಸಂಕಲ್ಪಿಸಿದ್ದಾರೆ. ವಿಪ್ರ ಸಮಾಜದ ಸದಸ್ಯರಿಗೂ ಇದರ ಲ ಸಿಗಲಿ ಎಂಬ ದೃಷ್ಟಿಯಿಂದ ದೇವಸ್ಥಾನದಲ್ಲಿ, ಸಮಾಜ ಬಾಂಧವರ ಮನೆಯಲ್ಲಿ ಉದಕಶಾಂತಿ ಮಂತ್ರ ಪಠಣದ ವ್ಯವಸ್ಥೆಯನ್ನು ಕಲ್ಪಿಸಲಾಗಿದೆ.
ಸಂಭಾವನೆ, ಭೋಜನ ರಹಿತರಾಗಿ ಮಾಡುವ ಈ ಪುಣ್ಯ ಅಭಿಯಾನದ ಸಮಾಪ್ತಿರೂಪದಲ್ಲಿ ಅಧಿಕ ಆಷಾಢ ಅಮಾವಾಸ್ಯೆ ಜು.16 ರಂದು ಹೆಗಡೆ ಗ್ರಾಮದ ಗೋಪಾಲಕೃಷ್ಣ ಸನ್ನಿಧಾನದಲ್ಲಿ ಪುರುಷಸೂಕ್ತ ಹವನ, ಅನ್ನಸಂತರ್ಪಣೆ ಆಯೋಜಿಸಲಾಗಿದೆ. ಈ ಕಾರ್ಯದಲ್ಲಿ ಭಕ್ತಾದಿಗಳು ತನು-ಮನ-ಧನದಿಂದ ಪಾಲ್ಗೊಳ್ಳಬಹುದು.

ಸಯಾಮಿಗಳು


ಉತ್ತರ ಕನ್ನಡ ಜಿಲ್ಲೆ ಶಿರಸಿ ತಾಲೂಕಿನ ಗೋಳಿಕಟ್ಟೆಯ ರಾಜೇಶ ಶರ್ಮಾ ಅವರ ತೋಟದಲ್ಲಿ ಸಯಾಮಿ ಹಲಸು ಮತ್ತು ಸಯಾಮಿ ಬದನೆ ಕಾಯಿಗಳು ಬೆಳೆದು ಅಚ್ಚರಿ ಮೂಡಿಸಿವೆ.

ಎಲೆ...ಭಲೆ ಭಲೆ...

ಪೂರಕ ವಾತಾವರಣವಿದ್ದರೆ ಮಾತ್ರ ಬೆಳೆಯುವ ದೇಶಿ ಕರೆವೀಳ್ಯದ ಎಲೆಯ ಬಳ್ಳಿಯೊಂದು ಮನೆಯೊಂದರ ಟೆರೆಸ್ ಮೇಲೆ ಸೊಗಸಾಗಿ ಬೆಳೆದು ನಿಂತಿದ್ದು, ಇದೀಗ ಬರೋಬ್ಬರಿ ಒಂದು ಪೂಟ್ ಉದ್ದ...ಮುಕ್ಕಾಲ ಪೂಟ್ ಅಗಲದ ವೀಳ್ಯದ ಎಲೆ ನೀಡಿದೆ...!
ಇಂತಹ ಎಲೆ ನೋಡಬೇಕಾದರೆ ಧಾರವಾಡದ ಕರ್ನಾಟಕ ವಿಕಾಸ ಗ್ರಾಮೀಣ ಬ್ಯಾಂಕಿನ ಸಂಪರ್ಕಾಧಿಕಾರಿ ಉಲ್ಲಾಸ ಗುನಗಾ ಅವರ ಮನೆಗೊಮ್ಮೆ ಭೇಟಿ ನೀಡಬಹುದು. ಅಂತಹ ವಾತಾವರಣ ಬೇಕು, ಇಂತಹದ್ದೇ ಗೊಬ್ಬರ ಬೇಕು, ತಂಪು ಬೇಕು, ನೆರಳು ಬೇಕು. ಹೀಗೆ ಎಲ್ಲ ಬೇಕು ಬೇಡಗಳನ್ನು ಬಿಟ್ಟು ಬಳ್ಳಿ ಬೆಳೆದು ನಿಂತಿದೆ. ಅದಕ್ಕೆ ಬಿಟ್ಟ ಎಲೆಗಳು ಊಟ ಬಡಿಸುವಷ್ಟು ದೊಡ್ಡವುಗಳು. ಈ ಎಲೆ ನೋಡಿದವರು ತಬ್ಬಿಬ್ಬಾಗ ಬೇಕು. ಅಂತಹ ಎರೆಡೆಲೆ ಇದ್ದರೆ ದಿನಪೂರ್ತಿ ಬಾಯಾಡಿಸುತ್ತಿರಬಹುದು ಪಾನ್ ಪ್ರಿಯರು. ಆ ಬಗ್ಗೆ ಉಲ್ಲಾಸ ಗುನಗಾ ಅವರನ್ನು ಕೇಳಿದರೆ ತಮ್ಮ ಮನೆ ಕೃಷಿ ಪ್ರಯೋಗ ಶಾಲೆ ಎನ್ನುತ್ತಾರೆ.

ಕ್ಷೌರಿಕ ಕೋಟ್ಯಾಧಿಪತಿಯಾದ ಕಥೆ ಬಿಚ್ಚಿಟ್ಟ ರಮೇಶ ಬಾಬು

ಪರಿಶ್ರಮಪಟ್ಟರೆ ಯಾರಾದರೂ ಉದ್ಯಮಿಯಾಗಬಹುದು ಎಂಬುದನ್ನು ನಿರೂಪಿಸುವ ಉದ್ದೇಶದಿಂದ ಉದ್ಯಮ ಆರಂಭಿಸಿ, ವೈಭವೋಪೇರಿತ ಕಾರುಗಳು ಸೇರಿದಂತೆ 216 ಕಾರುಗಳ ಮಾಲಿಕನಾಗಿದ್ದೇನೆ. ಕಾರ್ ರೆಂಟಲ್ ಉದ್ಯಮ ನಡೆಸುತ್ತಿರುವ ‘ಕೋಟ್ಯಾಧಿಪತಿ ಕ್ಷೌರಿಕ’ ಎಂದೇ ಹೆಸರು ಪಡೆದ ರಮೇಶ ಬಾಬು ಅವರ ಮಾತಿದು.
ಹುಬ್ಬಳ್ಳಿಯಲ್ಲಿ ಇತ್ತೀಚೆಗೆ ಟೈಕಾನ್ ಹುಬ್ಬಳ್ಳಿ-2015 ಸಮ್ಮೇಳನ ನಡೆಯಿತು. ಈ ವೇಳೆ, ಅವರಾಡಿದ ಮಾತುಗಳನ್ನು ಅವರೇ ಬಾಯಲ್ಲೇ ಕೇಳಿ.
ಬಾಲ್ಯಾವಸ್ಥೆಯಲ್ಲಿದ್ದಾಗಲೇ ಕ್ಷೌರಿಕ ವೃತ್ತಿ ಮಾಡುತ್ತಿದ್ದ ತಂದೆ ತೀರಿಕೊಂಡಿದ್ದರಿಂದ ಚಿಕ್ಕಪ್ಪನನ್ನೇ ಆಶ್ರಯಿಸಬೇಕಾಯಿತು. ಆದರೆ ನಾವು ಬೆಳೆಯಬಾರದು ಎಂಬ ದುರುದ್ದೇಶ ಹೊಂದಿದ್ದ ನನ್ನ ಚಿಕ್ಕಪ್ಪ ನಡೆದುಕೊಂಡ ರೀತಿ, ಆತನ ವರ್ತನೆ ನನ್ನಲ್ಲಿ ಸಾಧನೆ ಮಾಡಬೇಕೆಂಬ ತುಡಿತ ಹೆಚ್ಚಿಸಿತು. ನನ್ನನ್ನೇ ಅವಲಂಬಿಸಿದ ಸೋದರರು ಹಾಗೂ ಸೋದರಿಯರು, ಅವರಿವರ ಮನೆಗಳಲ್ಲಿ ಅಡುಗೆ ಮಾಡುತ್ತಿದ್ದ ಅಮ್ಮ ನನಗೆ ಸಾಧನೆ ಮಾಡಲು ಸ್ಫೂರ್ತಿ.ಚಿಕ್ಕಪ್ಪನೇ ನನ್ನ ವೈರಿ ಎಂದು ತಿಳಿದುಕೊಂಡು ಆತ ಕಾರು ಖರೀದಿಸಿದಾಗ ನಾನೂ ಕೂಡ 1993ರಲ್ಲಿ ಮಾರುತಿ ವ್ಯಾನ್ ಖರೀದಿಸಿದೆ. ಆದರೆ, ತಿಂಗಳ ಕಂತು ತುಂಬಲಾಗದೇ ಪರಿತಪಿಸುತ್ತಿರುವಾಗ ಕಾರ್ ಬಾಡಿಗೆ ನೀಡಿದೆ. ಉತ್ತಮ ಸೇವೆ ನೀಡುತ್ತಿದ್ದರಿಂದ ಮುಂದೆ ಕಾರುಗಳ ಸಂಖ್ಯೆ ಬೆಳೆಯುತ್ತ ಹೋಯಿತು. ಸದ್ಯ ಭಾರತದಲ್ಲಿ ಕೇವಲ 3 ರೋಲ್ಸ್ ರಾಯ್ಸ್ ಕಾರುಗಳಿದ್ದು, ಅವುಗಳಲ್ಲಿ ನನ್ನದೂ ಒಂದು ಎಂಬುದು ಹೆಮ್ಮೆಯ ಸಂಗತಿ.
ಸದ್ಯ ಮಾರುಕಟ್ಟೆಯಲ್ಲಿ 5.5 ಕೋಟಿ ರೂ. ಬೆಲೆ ಬಾಳುವ ಕಾರನ್ನು ದಿನಕ್ಕೆ 50,000 ರೂ.ಗಳಂತೆ ಬಾಡಿಗೆ ನೀಡುತ್ತೇನೆ. ನಾನು ಒಮ್ಮೆ ಖರೀದಿಸಿದರೆ 3, 5 ಅಥವಾ 10 ಕಾರುಗಳನ್ನು ಖರೀದಿಸುತ್ತೇನೆ. ಏಕೆಂದರೆ ಹೆಚ್ಚೆಚ್ಚು ಕಾರುಗಳನ್ನು ಖರೀದಿಸಿದರೆ ನನಗೆ ಹೆಚ್ಚು ರಿಯಾಯಿತಿ ಸಿಗುತ್ತದೆ. ಎಲ್ಲ ವರ್ಗದ ಜನರೂ ಕಾರುಗಳಲ್ಲಿ ಸಂಚರಿಸಬೇಕು. ಖರೀದಿಸಲಾಗದಿದ್ದರೆ, ಬಾಡಿಗೆ ಪಡೆದಾದರೂ ಸಂದರ್ಭ ಒದಗಿದಾಗ ಕಾರು ಸಂಚಾರದ ಆನಂದವನ್ನು ಪಡೆಯಬೇಕು. ತಾಳ್ಮೆಯನ್ನು ಕಳೆದುಕೊಳ್ಳದಿರುವುದು ನನ್ನ ಸಾಮರ್ಥ್ಯ. ಎಂಥ ಸ್ಥಿತಿ ಬಂದರೂ ನಾನು ಧೃತಿಗೆಡುವುದಿಲ್ಲ.
ಜಾಗತಿಕ ಬಿಕ್ಕಟ್ಟು ಸಂಭವಿಸಿದಾಗ ಹಲವು ಕಾರ್ ರೆಂಟಲ್ ಉದ್ಯಮಗಳು ನೆಲಕಚ್ಚಿದವು. ಆದರೆ ನಾನು ಕಾರುಗಳನ್ನು ಮಾರದೇ ಉತ್ತಮ ದಿನಗಳಿಗಾಗಿ ಕಾದೆ. ನಂತರ ಸ್ಥಿತಿ ಸುಧಾರಿಸಿತು. ನಾನು ಯಾವುದೇ ಮಾರಾಟ ಪ್ರತಿನಿಧಿಯನ್ನು ನೇಮಕ ಮಾಡಿಕೊಂಡಿಲ್ಲ. ನನ್ನ ಬಳಿ ಸೇವೆ ಪಡೆದವರೇ ಗುಣಮಟ್ಟದ ಸೇವೆಯ ಪ್ರಚಾರ ಮಾಡುತ್ತಾರೆ.
ನಾನು ಕೋಟ್ಯಾಧಿಪತಿಯಾಗಿರಬಹುದು, ಬೆಂಗಳೂರಿನಲ್ಲಿದ್ದರೆ ಈಗಲೂ ಪ್ರತಿದಿನ ಕ್ಷೌರಿಕ ಕೆಲಸ ಮಾಡುತ್ತೇನೆ. ನನ್ನ ಮೂಲ ವೃತ್ತಿ ಬಿಡುವುದಿಲ್ಲ. ನನ್ನ ಸಂಸ್ಥೆಯಲ್ಲಿ 190 ಜನರಿಗೆ ಕೆಲಸ ನೀಡಿದ್ದೇನೆ. 600 ಕಾರುಗಳನ್ನು ಖರೀದಿಸಬೇಕೆಂಬುದು ನನ್ನ ಅಭಿಲಾಷೆ. ಆದರೆ ಅದಕ್ಕೆ ಯಾವುದೇ ಸಮಯ ನಿಗದಿಪಡಿಸಿಕೊಂಡಿಲ್ಲ. ನಿಧಾನ ಗತಿಯಲ್ಲಿ ಉದ್ಯಮ ಬೆಳೆಸಲು ನಿರ್ಧರಿಸಿದ್ದೇನೆ.

ನಾನು ಅನಕ್ಷರಸ್ಥರಾದರೂ ನಿತ್ಯ ಕಲಿಯತ್ತೇನೆ

ನಾನು ಅನಕ್ಷರಸ್ಥ. ಆದ್ದರಿಂದಲೇ ಪ್ರತಿದಿನ ಕಲಿಯುತ್ತೇನೆ. ಪದವಿ ನಂತರ ಅಧ್ಯಯನಕ್ಕೆ ವಿದಾಯ ಹೇಳುವ ರೀತಿಯ ವ್ಯಕ್ತಿ ನಾನಲ್ಲ. ಕೊಡುವಾಗ ಹೃದಯದ ಮಾತು ಕೇಳುತ್ತೇನೆ. ನನ್ನ ಸಂಸ್ಥೆಯ ಕೆಲಸಗಾರರನ್ನು ಕುಟುಂಬದ ಸದಸ್ಯರು ಎಂದು ಪರಿಗಣಿಸಿದ್ದರಿಂದಲೇ ನಾನು ಯಶಸ್ವಿ ಉದ್ಯಮಿಯಾಗಿದ್ದೇನೆ. ಇದು ವಜ್ರಾಭರಣ ವ್ಯಾಪಾರಿ, ಹರಿಕೃಷ್ಣ ಎಕ್ಸ್ಪೋರ್ಟ್ಸ್ ಮುಖ್ಯಸ್ಥ ಸಾವಜಿಭಾಯಿ ಢೋಲಕಿಯಾ ಮಾತು.
ಕೊಟ್ಟ ಮಾತಿನಂತೆ ಗುರಿ ತಲುಪಿದ ಸಂಸ್ಥೆಯ 600 ನೌಕರರಿಗೆ ಕಾರು, ಫ್ಲಾಟ್ ಹಾಗೂ ವಜ್ರಾಭರಣ ನೀಡಿ ದೇಶಾದ್ಯಂತ ಪ್ರಚಾರ ಪಡೆದಿದ್ದ ಉದ್ಯಮಿ ಇವರು. ಟೈಕಾನ್ ಹುಬ್ಬಳ್ಳಿ-2015 ಸಮ್ಮೇಳನದಲ್ಲಿ ಢೋಲಕಿಯಾ ತಮ್ಮ ಅನುಭವ ಹಂಚಿಕೊಂಡರು. ಅವರ ಮಾತುಗಳನ್ನು ಅವರ ಬಾಯಿಯಿಂದಲೇ ಕೇಳಿ. ನನ್ನಂತೆ ನನ್ನ 9,000 ನೌಕರರು ಕೂಡ ಅನಕ್ಷರಸ್ಥರು. ಆದ್ದರಿಂದ ಅವರ ಕಲಿಕೆ ನಿರಂತರ. ಇದೇ ಕಾರಣಕ್ಕೆ ಅವರು ನನ್ನೊಂದಿಗೆ ಹಲವಾರು ವರ್ಷಗಳಿಂದ ಇದ್ದಾರೆ. ನಾನು ಹೇಳಿದಂತೆ ಕೇಳುವುದಷ್ಟೇ ಅವರಿಗೆ ಗೊತ್ತು. ನನಗೆ ತಾಂತ್ರಿಕ ವಿಷಯಗಳು ಗೊತ್ತಿಲ್ಲ. ಆದರೆ ಯಾರಿಂದ ಯಾವ ಕೆಲಸ ಹೇಗೆ ಕೆಲಸ ತೆಗೆಯಬೇಕೆಂಬುದು ಗೊತ್ತು. ಕೆಲಸಗಾರರಿಗೆ ಪ್ರತಿ ದಿನ ಭೋಜನ ನೀಡಲಾಗುತ್ತದೆ. ಭೋಜನ ನೀಡಿದ ಧಣಿಗೆ ಯಾರೂ ಕೂಡ ದ್ರೋಹ ಬಗೆಯುವುದಿಲ್ಲ ಎಂಬುದು ನನ್ನ ಸರಳ ನಂಬಿಕೆ. ಕಾರ್ಮಿಕರ ಮಕ್ಕಳಿಗೆ ಶಾಲೆ ಕಲಿಯಲು, ಕುಟುಂಬದ ಸದಸ್ಯರಿಗೆ ಆಸ್ಪತ್ರೆ, ವಿಮೆ ಸೌಲಭ್ಯ ಕಲ್ಪಿಸಿದ್ದೇನೆ. ಕಾರ್ಮಿಕರಿಗೆ ಶೇ.100ರಷ್ಟು ತೃಪ್ತಿ ಸಿಕ್ಕರೆ ಅವರು ಶೇ.100ರಷ್ಟು ತನ್ಮಯತೆಯಿಂದ ಕೆಲಸ ಮಾಡುತ್ತಾರೆ.
ನಿಷ್ಟೆಯ ನೌಕರರಿಂದಾಗಿಯೇ ನಮ್ಮ ಸಂಸ್ಥೆ ಪ್ರಸಕ್ತ 5,000 ಕೋಟಿ ರೂ. ವ್ಯವಹಾರ ಮಾಡಲು ಸಾಧ್ಯವಾಯಿತು. ನಾನು ಅನಕ್ಷರಸ್ಥನಾಗಿರುವುದೇ ಸವಾಲುಗಳಿಗೆ ಎದೆಗುಂದದೇ ಎದುರಿಸಲು ಕಾರಣ ಇರಬಹುದು. ಪ್ರತಿದಿನ ‘ನಾನು ಸರ್ವಶ್ರೇಷ್ಠ, ನನ್ನಿಂದ ಇದು ಸಾಧ್ಯವಿದೆ. ದೇವರು ಸದಾ ನನ್ನೊಂದಿಗಿದ್ದಾನೆ. ನಾನು ಜಯಶಾಲಿ, ಈ ದಿನ ಹೊಸದಿನ’ ಎಂದುಕೊಂಡು ದಿನದ ವ್ಯವಹಾರ ಆರಂಭಿಸಿದರೆ ಮನಸಿನಲ್ಲಿ ಧನಾತ್ಮಕ ಚಿಂತನೆ ಬರುತ್ತದೆ. ಇತಿಹಾಸ ಓದುವುದಲ್ಲ, ಇತಿಹಾಸ ನಿರ್ಮಾಣ ಮಾಡುವುದು ನನ್ನ ಬಯಕೆ .

ವಿಭೂತಿ ಬೇಕೆ ಕಡೂರಿಗೆ ಬನ್ನಿ

ಹಿಂದೂ ಸಂಪ್ರದಾಯದಲ್ಲಿ ದೇವರ ಪೂಜೆ ಹಾಗೂ ಆಚರಣೆಗಳಿಗೆ ಹೂ, ಹಣ್ಣು, ಕಾಯಿ ಎಷ್ಟು ಮುಖ್ಯವೋ ವಿಭೂತಿಯೂ ಅಷ್ಟೇ ಮುಖ್ಯ. ವಿಭೂತಿ ನಮ್ಮ ರಾಜ್ಯದಲ್ಲಿ ತಯಾರಾಗುವುದು ಬಹಳ ವಿರಳ. ಇಂತಹ ವಿಭೂತಿಯನ್ನು ಹಲವಾರು ವರ್ಷಗಳಿಂದ ತಯಾರಿಸುವ ಕುಟುಂಬವೊಂದು ಚಿಕ್ಕಮಗಳೂರು ಜಿಲ್ಲೆಯಲ್ಲಿದೆ. ಕಡೂರಿನಲ್ಲಿರುವ ವಿಭೂತಿ ಮನೆ ಎಂದೇ ಹೆಸರು ಪಡೆದಿರುವ ಇಲ್ಲಿನ ಶಿವರಾಜ್ ಕುಟುಂಬ. ಸುತ್ತಮುತ್ತಲಿನ ಜನ ಇದನ್ನು ವಿಭೂತಿ ಕುಟುಂಬ ಎಂದೇ ಕರೆಯುತ್ತಾರೆ. ಕಳೆದ 20 ವರ್ಷಗಳಿಂದ ರಾಜ್ಯ-ಹೊರರಾಜ್ಯಗಳಿಗೂ ವಿಭೂತಿಯನ್ನು ತಯಾರಿಸಿ, ರವಾನಿಸುತ್ತಿರುವ ಈ ಕುಟುಂಬ, ಈ ಕಸುಬನ್ನೇ ಜೀವನಾಧಾರವಾಗಿಸಿಕೊಂಡಿದೆ.ಮನೆಯಲ್ಲಿ ಕಣ್ಣು ಹಾಯಿಸಿದಲ್ಲೆಲ್ಲಾ ಬಿಳಿ ಬಣ್ಣದ ವಿಧ ವಿಧದ ಉಂಡೆಗಳು. ನೆಲದ ಮೇಲೂ ಬಿಳಿ ಬಣ್ಣ. ಗೋಡೆಯ ಮೇಲೂ ಬಿಳಿ ಬಣ್ಣ. ಈ ಕುಟುಂಬಕ್ಕೆ ಐವತ್ತು ವರ್ಷಗಳ ಇತಿಹಾಸವಿದೆ. ರಾಜ್ಯ, ಹೊರರಾಜ್ಯಗಳಿಗೂ ವಿಭೂತಿ ತಯಾರಿಸಿ ಕಳುಹಿಸುತ್ತಾರೆ. ಇಲ್ಲಿನ ಘಟಕ ಸುಮಾರು 40ಕ್ಕೂ ಅಧಿಕ ಮಂದಿಗೆ ಉದ್ಯೋಗ ನೀಡಿದೆ. ಇಲ್ಲಿ ಮಹಿಳಾ ಉದ್ಯೋಗಿಗಳೇ ಹೆಚ್ಚು. ಈ ಕುಟುಂಬ ತಯಾರಿಸುವ ವಿಭೂತಿ ರಾಜ್ಯದ ಮೂಲೆ ಮೂಲೆಯ ಚಿಲ್ಲರೆ ಅಂಗಡಿಗೂ ಹೋಗುತ್ತದೆ.
ಕಾಶಿ ಮಠ, ತಮಿಳುನಾಡಿನ ತಿರುಪತಿ ದೇವಾಲಯ, ಬಾಳೆಹೊನ್ನೂರು ಮಠ, ಸಿರಿಗೆರೆ ಮಠ, ಸುತ್ತೂರು ಮಠ ಸೇರಿದಂತೆ ರಾಜ್ಯದ ಬಹುತೇಕ ದೇವಾಲಯಗಳು ಹಾಗೂ ಮಠಗಳಿಗೆ ಇಲ್ಲಿಂದಲೇ ವಿಭೂತಿಯನ್ನು ಸರಬರಾಜು ಮಾಡಲಾಗುತ್ತದೆ. ಜತೆಗೆ ಕೇರಳ, ತಮಿಳುನಾಡು, ಆಂಧ್ರ ಪ್ರದೇಶದ ಅಂಗಡಿಗಳಿಗೂ ಕಳುಹಿಸಿಕೊಡಲಾಗುತ್ತದೆ. ವಿಭೂತಿಗೆ ಕೆಮಿಕಲ್ ಮಿಕ್ಸ್ ಮಾಡ್ತಾರೆ, ಕೈ, ಚರ್ಮಕ್ಕೆ ತೊಂದರೆ ಅನ್ನುವವರ ಬಾಯಿಗೆ ಇಲ್ಲಿ ಕೆಲಸ ಮಾಡುತ್ತಿರುವವರು ಬೀಗ ಹಾಕಿದ್ದಾರೆ. ಕಳೆದ 20 ವರ್ಷದಿಂದ ವಿಭೂತಿ ಮಾಡುತ್ತಿದ್ದರೂ ಇಂದಿನವರೆಗೂ ಯಾವುದೇ ತೊಂದರೆಯಿಲ್ಲದಂತೆ ದುಡಿಯುತ್ತಿದ್ದಾರೆ. ನಾಡಿನ ಅದೆಷ್ಟೋ ಭಕ್ತರ ಹಣೆಯಲ್ಲಿ ವಿಭೂತಿ ಹೊಳೆಯುವಂತೆ ಮಾಡಿದ್ದಾರೆ.

ಭತ್ತ ಸೆಳೆಯುತ್ತೆ, ಒಕ್ಕಲೂ ಬರುತ್ತೆ; ಬಂತು ಸಹಕಾರಿ ಯಂತ್ರ.

ಭತ್ತದ ಕೃಷಿಕರಿಗೆ ದೊಡ್ಡ ತಲೆನೋವು ಅದರ ಕೋಯ್ಲು, ಕೋಯ್ಲೋತ್ತರ ಕಾರ್ಯಗಳು. ಅಡಿಕೆ ಬೆಳೆಗಾರರಿಗೆ ಇದೇ ವೇಳೆಗೆ ಅಡಿಕೆ ಕೊಯ್ಲು ಹಾಗೂ ಭತ್ತದ ಕೊಯ್ಲು ಬರುತ್ತದೆ. ಮೊದಲೇ ಕೃಷಿ ಕಾರ್ಮಿಕರ ಬವಣೆ ಎದುರಿಸುತ್ತಿರುವ ರೈತರು ಇನ್ನಷ್ಟು ಕಂಗಾಲಾಗುತ್ತಾರೆ. ಶಿರಸಿ- ಸಿದ್ದಾಪುರ ಸೀಮೆಗಳಲ್ಲಿ ಭತ್ತದ ಕೃಷಿ ಮಾಡುವ ರೈತರು ಇಂದಿಗೂ ಇದ್ದಾರೆ. ಮನೆಯ ಊಟಕ್ಕಾದರೂ ಭತ್ತ ಬೆಳೆದುಕೊಳ್ಳಬೇಕು, ಸಾವಯವ ಕೃಷಿ ಮಾಡಬೇಕು, ರಾಸಾಯನಿಕ ಬಳಸದೇ ಕೃಷಿ ಮಾಡಬೇಕು ಎಂದು ನಂಬಿದ ನೇಗಿಲ ಯೋಗಿಗಳಿಗೂ ಕೊರತೆ ಇಲ್ಲ. ಆದರೆ, ಈ ಕೆಲಸದ ಸಮಸ್ಯೆಗಳು ಮಾತ್ರ ತಪ್ಪಿದ್ದಲ್ಲ.
ಅಂತೂ ಇಂತೂ ಭತ್ತದ ಗದ್ದೆಯಲ್ಲಿ ಕೊಯ್ಲು ಮಾಡಿದರೂ ಅದನ್ನು ಅರ್ಧ ಕಿಮಿ ದೂರದ ಕಣಕ್ಕೆ ತಂದು ರಾತ್ರಿ ವೇಳೆ ದೀಪದ ಬೆಳಕಿನಲ್ಲಿ ಭತ್ತ ಸೆಳೆದು, ಮರುದಿನ ಧೂಳು, ಕಸ ತೆಗೆದು ಭತ್ತ ಉಳಿಸಿಕೊಳ್ಳುವುದು, ಮತ್ತೆ ಅವಕಾಶ ಆದಾಗ ಹುಲ್ಲುಗಳನ್ನು ಒಕ್ಕುವ ಮೂಲಕ ಜಾನುವಾರುಗಳಿಗೆ ಬಳಸಲು ನೆರವು ಮಾಡಿಸಿಕೊಡುವುದು ನಡೆದೇ ಇದೆ. ಇದನ್ನು ಕಷ್ಟದ ಕೆಲಸ ಎಂದೇ ಶಿರಸಿ ಸೀಮೆಗಳಲ್ಲಿ ಬಣ್ಣಿಸುವುದು ಉಂಟು.
ಇಂತಹ ಕಾರಣಕ್ಕೇ ಅನೇಕ ರೈತರು ಆಹಾರ ಬೆಳೆಯುವ ಭತ್ತದ ಕ್ಷೇತ್ರದಲ್ಲಿ ಅಡಿಕೆ, ಬಾಳೆ, ಅನಾನಸ್, ಶುಂಠಿ ಕೃಷಿ ಮಾಡುವವರೂ ಇದ್ದಾರೆ. ಅನ್ನ ಕೊಡುವ ಭೂಮಿ ಹಣ ಕೊಡುವ ಬೆಳೆಗಳನ್ನು ನಂಬಿಕೊಳ್ಳುವಂತೆ ಆಗಿದೆ. ಇದರಿಂದ ಭತ್ತದ ಭೂಮಿಗಳ ಪ್ರಮಾಣ ಬತ್ತುತ್ತಿದೆ.
ಸುಲಭಕ್ಕೆ ಬಂತು ಯಂತ್ರ:
ಭತ್ತದ ಸಸಿಗಳ ನಾಟಿಗೆ ಪ್ರೋತ್ಸಾಹಿಸಬೇಕು ಎಂದು ಕೃಷಿ ಇಲಾಖೆ ನಾಟಿಗೆ ಯಂತ್ರವನ್ನೂ ಜೋಡಿಸಿಕೊಟ್ಟು ಉತ್ತೇಜಿಸಿತು. ಇಂದು ಭತ್ತದ ಉಳುಮೆಗೆ, ನಾಟಿಗೆ, ಕೊಯ್ಲಿಗೆ ಯಂತ್ರಗಳು ಬಂದಿವೆ. ಕೊಯ್ಲಿನ ನಂತರ ಸಂಸ್ಕರಣೆಗೂ ಯಂತ್ರ ಬಂದಿರುವುದು ಹಲವರ ಬದುಕಿಗೆ ನೆಮ್ಮದಿ ಕೊಟ್ಟಿದೆ.
ಭತ್ತದ ಕೊಯ್ಲಿನ ಬಳಿಕ ಯಂತ್ರಕ್ಕೆ ಒಮ್ಮುಖವಾಗಿ ತೆನೆ ಹುಲ್ಲುಗಳನ್ನು ನೀಡಿದರೆ, ಅದರ ಮುಂಭಾಗದಲ್ಲಿ ಒಕ್ಕಿದ ಹುಲ್ಲು, ಎಡ ಪಾರ್ಶ್ವದಲ್ಲಿ ಚೊಕ್ಕಟವಾದ ಭತ್ತ ಬೀಳುತ್ತದೆ. ಭತ್ತದ ಹುಲ್ಲಿನಲ್ಲಿ ಒಂದೇ ಒಂದು ಕಾಳು ಉಳಿಯದಂತೆ ಚೊಕ್ಕಟವಾಗಿ ಬೇರ್ಪಡಿಸಲಾಗುತ್ತದೆ. ಒಂದು ಯಂತ್ರಕ್ಕೆ ಒಂದು, ಒಂದುವರೆ ತಾಸಿಗೆ ಒಂದು ಎಕರೆ ಭತ್ತದ ಗದ್ದೆಯ ಒಕ್ಕಲು ಸಾಧ್ಯವಿದೆ. ಹತ್ತು ಜನರು ಮೂರು ದಿನ ಮಾಡಿದರೂ ಮುಗಿಯದ ಕೆಲಸವನ್ನು ಹತ್ತು ಜನರಿದ್ದರೆ ಒಂದು ದಿನಕ್ಕೆ ಮುಗಿಸುವ ತಾಕತ್ತು ಯಂತ್ರಕ್ಕಿದೆ. ಯಂತ್ರ ಹೋಗಲು ದಾರಿ ಇದ್ದರೆ ಸಾಕು, ಕಣ ಕೂಡ ಮಾಡಿಕೊಳ್ಳುವ ತಲೆಬಿಸಿ ಇಲ್ಲ.
ಸಹಕಾರಿ ಯಂತ್ರ:
ಇಂತಹ ದುಬಾರಿ ಯಂತ್ರವನ್ನು ಒಂದು, ಎರಡು ಎಕರೆ ಕೃಷಿ ಭತ್ತದ ಬೇಸಾಯ ಮಾಡುವ ರೈತರು ಖರೀದಿಸುವುದು ಸುಲಭದ ಮಾತಲ್ಲ. ಈ ಕಾರಣದಿಂದಲೇ ಸಂಘದ ಸದಸ್ಯರಿಗೆ ನೆರವಾಗಲೆಂದೇ ಶಿರಸಿ ತಾಲೂಕಿನ ಯಡಳ್ಳಿ ಸೇವಾ ಸಹಕಾರಿ ಸಂಘವು ಶಿರಸಿಯ ಯಾಂತ್ರೀಕರಣ ವಿತರಕ ಆರ್.ಎಚ್.ಭಟ್ಟ ಅವರಿಂದ ಕೃಷಿ ಇಲಾಖೆ ಸಹಾಯಧನ ಸಹಿತ ಒಂದು ಲಕ್ಷ ರೂ. ಮೊತ್ತದಲ್ಲಿ ಭತ್ತ ಒಕ್ಕುವ ಯಂತ್ರ ಖರೀದಿಸಿದೆ.

ಳೆದ ವರ್ಷದಿಂದ ರೈತರ ಭತ್ತದ ಗದ್ದೆಗೇ ಈ ಯಂತ್ರವನ್ನು ಕಳಿಸಿಕೊಡಲಾಗುತ್ತಿದೆ. ಟ್ರಾಕ್ಟರ್ ಬಳಸಿಕೊಂಡು ಯಂತ್ರವನ್ನು ತಾಸಿನ ಲೆಕ್ಕಾಚಾರದಲ್ಲಿ ಕಳಿಸಲಾಗುತ್ತದೆ. ಯಂತ್ರಕ್ಕೆ ನಾಲ್ಕು ನೂರು ರೂ.ತಾಸಿಗೆ ಬಾಡಿಗೆ ನಿಗದಿ ಮಾಡಲಾಗಿದೆ. ಸಾಗಾಟಕ್ಕೆ ಟ್ರಾಕ್ಟರ್ ಬಾಡಿಗೆ ಬೇರೆ ಆಗಿದ್ದು, ನಾಲ್ಕೈದು ಬೆಳೆಗಾರರು ಸೇರಿ ಯಂತ್ರ ತರಿಸಿಕೊಂಡಲ್ಲಿ ಸಾಗಾಟದ ಬಾಡಿಗೆ ಉಳಿತಾಯ ಆಗಲಿದೆ.
ವಿವರಗಳಿಗೆ 08384-272133, 272285ಗೆ ಸಂಪರ್ಕ ಮಾಡಬಹುದು.

ಸರಸರನೆ ಮರ ಏರುವ ಮಹಿಳೆಯರು

ಮಹಿಳೆ ಎಲ್ಲ ಕ್ಷೇತ್ರದಲ್ಲೂ ಸಾಧನೆ ಮಾಡುತ್ತಿದ್ದಾಳೆ. ಈಗ ಮರ ಏರಲೂ ಸಲೀಸಾಗಿ ಕಲಿತಿದ್ದಾಳೆ. ಆರಾಮವಾಗಿ ಮರ ಏರಿ ಸೀಯಾಳ, ತೆಂಗಿನ ಕಾಯಿ ಕೆಳಗಿಳಿಸಿ ಕೊಡುತ್ತಾಳೆ. ಬೆಂಗಳೂರಿನ ತೆಂಗು ಅಭಿವೃದ್ಧಿ ಮಂಡಳಿ ನೆರವಿನಲ್ಲಿ ಶಿರಸಿಯ ಕೃಷಿ ವಿಜ್ಞಾನ ಕೇಂದ್ರದ ಆವಾರದಲ್ಲಿ ಇತ್ತೀಚೆಗೆ ನಡೆದ ತೆಂಗಿನ ಮರ ಹತ್ತುವ ಹಾಗೂ ಸಸ್ಯ ಸಂರಕ್ಷಣೆ ತರಬೇತಿಯಲ್ಲಿ ಆರು ಮಹಿಳೆಯರಿಗೆ ಮರ ಏರುವ ಕಲೆ ಸಿದ್ಧಿಸಿದೆ. ತರಬೇತಿಯಲ್ಲಿ 14 ಜನರು ಆಸಕ್ತಿಯಿಂದ ಪಾಲ್ಗೊಂಡಿದ್ದರು.
ಮೊದಲ ದಿನವೇ ಅರ್ಧ ಮರ ಏರಿದ ಮಹಿಳೆಯರು ಎರಡನೇ ದಿನ ತೆಂಗಿನ ಮರವನ್ನು ಸರಾಗವಾಗಿ ಏರಿ ತೆಂಗಿನಕಾಯಿ ಕೊಯ್ದು ಬೆರಗು ಮೂಡಿಸಿದರು. ಇತ್ತೀಚಿನ ದಿನಗಳಲ್ಲಿ ಕೂಲಿಗಳ ಕೊರತೆಯಿಂದ ಸಕಾಲದಲ್ಲಿ ತೆಂಗಿನಕಾಯಿ ಕೊಯ್ಯಲು ಸಾಧ್ಯವಾಗದೆ ರೈತರು ಬೆಳೆ ಬೆಳೆಯಲು ಹಿಂಜರಿಯುವುದನ್ನು ಗಮನಿಸಿದ ಮಂಡಳಿ, ರೈತರಿಗೆ ತೆಂಗಿನ ಮರ ಹತ್ತುವ ಕಾರ್ಯಕ್ರಮ ನಡೆಸಿತು.
ಮಂಡ್ಯದ ಮಹಾದೇವ ಸ್ವಾಮಿ ತರಬೇತಿ ನೀಡಲು ಆಗಮಿಸಿದ್ದು, ಎಲ್ಲರಿಗೂ ಸಮರ್ಪಕವಾಗಿ ತೆಂಗಿನಮರ ಹತ್ತುವ ಚಾಕಚಕ್ಯತೆ ಕಲಿಸಿದರು. ತರಬೇತಿಯ ಕೊನೆಯ ದಿನ ತೆಂಗಿನ ಮರ ಹತ್ತುವ ಸ್ಪರ್ಧೆಯೂ ನಡೆಯಿತು. ಮರ ಏರುವ ಕಲೆಯ ಜೊತೆಗೆ ತೆಂಗಿನ ಉತ್ಪಾದನೆ, ತಾಂತ್ರಿಕತೆ, ರೋಗ ನಿಯಂತ್ರಣ ಕುರಿತೂ ತರಬೇತಿ ನೀಡಲಾಯಿತು. ಮಹಿಳೆಯರು ಸ್ವಯಂ ಆಸಕ್ತಿಯಿಂದ ಬಂದು ತರಬೇತಿಯಲ್ಲಿ ಭಾಗವಹಿಸಿದ್ದರು. ಪುರುಷರಿಗೆ ಕಡಿಮೆ ಇಲ್ಲದಂತೆ ಸರಾಗವಾಗಿ ಮರ ಏರಿ ಕಾಯಿ ಕೊಯ್ದರು. ಕುಸುಮಾ ಬಾಲಚಂದ್ರ ಹೆಗಡೆ, ನೇತ್ರಾವತಿ ಹೆಗಡೆ, ಮಂಗಲಾ ನಾಯ್ಕ, ಮಾಲತಿ ಹೆಗಡೆ, ಸೀಮಾ ಜೋಗಳೇಕರ, ಜಯಶ್ರೀ ಹೆಗಡೆ ಮರ ಹತ್ತಿ ಸಾಧನೆ ಮೆರೆದರು.
ಹಳೆ ಮಾದರಿಯಲ್ಲಿ ಮರ ಏರಿದರೆ ಒಂದು ತಾಸಿನಲ್ಲಿ 10 ಮರ ಏರಬಹುದು. ಯಂತ್ರದ ಮೂಲಕ ಇದೇ ಹೊತ್ತಿನಲ್ಲಿ 20 ಮರ ಏರಬಹುದು ಎನ್ನುವುದು ಶಿರಸಿಯ ಕೃಷಿ ವಿಜ್ಞಾನ ಕೇಂದ್ರದ ಮುಖ್ಯಸ್ಥ ಡಾ ಹೇಮಂತ ಹೆಗಡೆ ಅನಿಸಿಕೆ. ತರಬೇತಿ ಪಡೆದವರಿಗೆ 2500 ರೂ. ಮೌಲ್ಯದ ಯಂತ್ರವನ್ನು ಉಚಿತವಾಗಿ ನೀಡಲಾಯಿತು. ಜೊತೆಗೆ ಒಂದು ವರ್ಷದ ವಿಮೆ ಸಹ ನೀಡಲಾಯಿತು.

ನಡೀಗದ್ದೆಯ ನಾರಾಯಣಗೆ ಇನೋವೇಟಿವ್ ಾರ್ಮರ್ ಪ್ರಶಸ್ತಿ

ಾಳುಮೆಣಸಿನ ವ್ಯವಸಾಯದಲ್ಲಿ ವಿಶೇಷ ಸಾಧನೆ ಮಾಡಿದ ಉತ್ತರ ಕನ್ನಡ ಜಿಲ್ಲೆ ಕುಮಟಾ ತಾಲೂಕಿನ ಅಂತ್ರವಳ್ಳಿಯ ನಡೀಗದ್ದೆಯ ನಾರಾಯಣ ಡಿ.ಹೆಗಡೆ ಅವರಿಗೆ ದಿಲ್ಲಿಯ ಇಂಡಿಯನ್ ಅಗ್ರಿಕಲ್ಚರ್ ರಿಸರ್ಚ್ ಇನ್ಸ್ಟಿಟ್ಯೂಟ್ನಿಂದ 2014-15ನೇ ಸಾಲಿನ ಇನೋವೇಟಿವ್ ಾರ್ಮರ್ ಪ್ರಶಸ್ತಿ ನೀಡಿ ಗೌರವಿಸಲಾಗಿದೆ. ಇದೊಂದು ರಾಷ್ಟ್ರೀಯ ಪ್ರಶಸ್ತಿಯಾಗಿದೆ. ದಿಲ್ಲಿಯಲ್ಲಿ ಇಂಡಿಯನ್ ಅಗ್ರಿಕಲ್ಚರ್ ರಿಸರ್ಚ್ ಇನ್ಸ್ಟಿಟೂಟ್ ಆಯೋಜಿಸಿದ್ದ ಕೃಷಿ ವಿಜ್ಞಾನ ಮೇಳದಲ್ಲಿ ಕೇಂದ್ರ ಕುಡಿಯುವ ನೀರು ಮಂತ್ರಾಲಯದ ಮುಖ್ಯ ಸಲಹೆಗಾರ ಪದ್ಮಕಾಂತ ಝಾ ಪ್ರಶಸ್ತಿ ಪ್ರದಾನ ಮಾಡಿದರು.

ಶಿರಸಿಯಲ್ಲಿ ರಾಮಕೃಷ್ಣ ಹೆಗಡೆ ಪುತ್ಥಳಿ ಅನಾವರಣ

ಕರ್ನಾಟಕ ಕಂಡ ಮುತ್ಸದ್ಧಿ ರಾಜಕಾರಣಿ, ಮಾಜಿ ಮುಖ್ಯಮಂತ್ರಿ ರಾಮಕೃಷ್ಣ ಹೆಗಡೆ ಅವರ ನಿಲುವು ಭಂಗಿಯ ಆಕರ್ಷಕ ಕಂಚಿನ ಪುತ್ಥಳಿಯನ್ನು ಉತ್ತರ ಕನ್ನಡ ಜಿಲ್ಲೆ ಶಿರಸಿಯ ಯಲ್ಲಾಪುರ ನಾಕಾದಲ್ಲಿ ಅನಾವರಣಗೊಳಿಸಲಾಗಿದೆ. ನಾಡಿನ ಪ್ರಸಿದ್ಧ ಶಿಲ್ಪಿ ವೆಂಕಟಾಚಲಪತಿ ಅವರು ಕೆತ್ತಿದ ಮೂರ್ತಿಯನ್ನು ಸಚಿವ ಆರ್.ವಿ.ದೇಶಪಾಂಡೆ, ಎಚ್ಕೆ ಪಾಟೀಲ ಹಾಗೂ ಇತರರು ಅನಾವರಣಗೊಳಿಸಿದರು. ಈ ಸಂದರ್ಭದಲ್ಲಿ ಮಾತನಾಡಿದ ಸಚಿವ ದೇಶಪಾಂಡೆ, ಹೆಗಡೆ ಅವರ ಅಧ್ಯಯನ ಪೀಠ ಆರಂಭಕ್ಕೆ ಒತ್ತಾಯ ಇದೆ. ಮುತ್ಸದ್ಧಿ ರಾಜಕಾರಣಿ, ದೂರದೃಷ್ಟಿ ಉಳ್ಳ ಹೆಗಡೆ ಅವರ ಹೆಸರಿನ ಅಧ್ಯಯನ ಪೀಠವನ್ನು ಸರಕಾರ ಆರಂಭಿಸಲು ಚಿಂತನೆ ಮಾಡಿದೆ. ಪ್ರತಿ ವರ್ಷ ಹೆಗಡೆ ಅವರ ಜನ್ಮದಿನದಂದು ವಿಚಾರ ಸಂಕಿರಣ ಹಾಗೂ ಪ್ರಶಸ್ತಿ ಪುರಸ್ಕಾರ ನೀಡಲು ಹೆಗಡೆ ಅಭಿಮಾನಿ ಬಳಗ ಯೋಜಿಸಬೇಕು ಎಂದು ಸಲಹೆ ನೀಡಿದರು.
ಸಾಹಿತಿ ಪಾಟೀಲ್ ಪುಟ್ಟಪ್ಪ ಮಾತನಾಡಿ, ರಾಜ್ಯದಲ್ಲಿ ಹೆಗಡೆಗೆ ಮಾತ್ರ ಪ್ರಧಾನಿಯಾಗುವ ಯೋಗ್ಯತೆ ಇತ್ತು. ಅವರು ಪ್ರಧಾನಿಯಾಗದಿದ್ದುದು ಕರ್ನಾಟಕದ ದುರಾದೃಷ್ಟ ಎಂದು ವಿಷಾದಿಸಿದರು. ಅಲ್ಲದೆ, ಸರಕಾರ ಆರಂಭಿಸಲು ಉದ್ದೇಶಿಸಿದ ಗ್ರಾಮೀಣ ವಿಶ್ವವಿದ್ಯಾಲಯಕ್ಕೆ ರಾಮಕೃಷ್ಣ ಹೆಗಡೆ ಅವರ ಹೆಸರು ಇಡಬೇಕು. ವಿಧಾನಸೌಧದಲ್ಲಿ ಹೆಗಡೆ ಅವರ ಪ್ರತಿಮೆ ಸ್ಥಾಪಿಸಿ ಗೌರವ ಸಲ್ಲಿಸಬೇಕು ಎಂದು ಒತ್ತಾಯಿಸಿದರು. ಇದೇ ವೇಳೆ ಪುತ್ಥಳಿ ನಿರ್ಮಾಣ ಮಾಡಿದ ಖ್ಯಾತ ಶಿಲ್ಪಿ ವೆಂಕಟಾಚಲಪತಿ ಅವರನ್ನು ಗೌರವಿಸಲಾಯಿತು.

ಕೊಂಡೆವೂರಿನಲ್ಲಿ ಅಪರೂಪದ ಮಹಾಯಾಗ

ಪ್ರಕೃತಿಯ ಸಂರಕ್ಷಣೆ, ಪೋಷಣೆ, ಪರಿಸರ ನೈರ್ಮಲ್ಯೀಕರಣ, ಮಾನಸಿಕ ನೆಮ್ಮದಿಯ ಸಾಧನೆ ಮೂಲಕ ಸ್ವಸ್ಥ ಸಮಾಜ ನಿರ್ಮಾಣ ಮತ್ತು ಲೋಕಕಲ್ಯಾಣ ಎಂಬ ಸಂಕಲ್ಪದೊಂದಿಗೆ ಕಾಸರಗೋಡಿನ ಉಪ್ಪಳ ಸಮೀಪದ ಕೊಂಡೆವೂರಿನ ನಿತ್ಯಾನಂದ ಯೋಗಾಶ್ರಮ ಅಭೂತಪೂರ್ವ ‘ಚತುರ್ವೇದ ಸಂಹಿತಾ ಯಾಗ ಮತ್ತು ಬೃಹತ್ ಗಾಯತ್ರಿ ಘೃತ ಸಂಪ್ರಾಪ್ತಿ ಮಹಾಯಾಗ’ ನಡೆಯುತ್ತಿದೆ.ಪೂರ್ವ ಗಿಡ ಮೂಲಿಕೆ ಉಪಯೋಗಿಸಿ ರೋಗಹರ ‘ಗಾಯತ್ರಿಘೃತ’ವನ್ನು ಪ್ರಸಾದವಾಗಿ ಪಡೆಯಲಿರುವ ಈ ಯಾಗ, ಗಿಡಮೂಲಿಕೆಗಳ ಮಹತ್ವ ಸಾರುತ್ತದೆ. ಸಮಕಾಲೀನ ವೈದ್ಯಕೀಯ ರಂಗದ ಪುನಶ್ಚೇತನಕ್ಕೂ ನಾಂದಿ ಹಾಡಲಿದೆ. ಅಗಸ್ತ್ಯ ಮಹಿರ್ಷಿಗಳಿಂದ ಪ್ರಣೀತ ಬೃಹತ್ ಗಾಯತ್ರಿ ಘೃತ ಸಂಪ್ರಾಪ್ತಿ ಮಹಾಯಾಗ ಸುಮಾರು 500 ವರ್ಷಗಳಿಂದೀಚೆಗೆ ನಡೆದಿಲ್ಲ ಎಂಬುದು ಬಲ್ಲವರ ಅಭಿಪ್ರಾಯ.
ಭಾರತದ ಭವ್ಯ ಪರಂಪರೆಯಲ್ಲಿ ಯಾಗ-ಹೋಮಾದಿಗಳಿಗೆ ತನ್ನದೇ ಆದ ಮಹತ್ವವಿದೆ. ಇಂತಹ ಯಾಗಗಳು ಅನಾದಿ ಕಾಲದಿಂದಲೇ ನಡೆದುಕೊಂಡು ಬಂದಿದೆ. ಯೋಗಿಗಳು ಹಾಗೂ ಮಹಾತ್ಮರು ಯಾಗಗಳಿಗೆ ಬಹಳಷ್ಟು ಮಹತ್ವ ನೀಡಿದ್ದರು. ಅನಾದಿಕಾಲದಿಂದಲೇ ನಡೆದು ಬರುತ್ತಿರುವ ಯಾಗಗಳು ಆಗಾಗ ನಡೆಯುತ್ತಿವೆ. ಕಾಸರಗೋಡಿನ ಉಪ್ಪಳ ಸಮೀಪದ ಕೊಂಡೆವೂರಿನ ನಿತ್ಯಾನಂದ ಯೋಗಾಶ್ರಮ ಈ ಅಪರೂಪದ ಯಾಗ ನಡೆಸಲು ಮುಂದಾಗಿದೆ.

ಅಗಸ್ತ್ಯನಾಡಿಯಲ್ಲಿದೆ ಯಾಗದ ಪ್ರಸ್ತಾಪ:
ಪ್ರಾಚೀನ ಭಾರತದ ಶ್ರೇಷ್ಠ ಮುನಿಗಳಲ್ಲೊಬ್ಬರು ಅಗಸ್ತ್ಯರು. ಆಧ್ಯಾತ್ಮಿಕ, ಆಯುರ್ವೇದ ಮತ್ತು ಭಾಷಾ ಶಾಸದಲ್ಲಿ ನಿಪುಣರಾಗಿದ್ದ ಅವರು ವಾತಾವರಣದ ಸ್ವಚ್ಛತೆ ಮತ್ತು ಜನಜೀವನದಲ್ಲಿ ಶಾಂತಿ ಸ್ಥಾಪಿಸಲು ‘ಅಗಸ್ತ್ಯನಾಡಿ’ ಗ್ರಂಥದಲ್ಲಿ ‘ಚತುರ್ವೇದ ಸಂಹಿತಾ ಯಾಗ ಮತ್ತು ಗಾಯತ್ರಿ ಘೃತ ಸಂಪ್ರಾಪ್ತಿ ಮಹಾಯಾಗ’ ನಮೂದಿಸಿದ್ದರು. ಅಂತಹ ಯಾಗವೊಂದು ಕೊಂಡೆವೂರಿನ ನಿತ್ಯಾನಂದ ಯೋಗಾಶ್ರಮದಲ್ಲಿ ಮಾ.21ರಿಂದ 29ರ ವರೆಗೆ ನಡೆಯುತ್ತಿದೆ. ಉತ್ತರದಲ್ಲಿ ನೀರು ಉಕ್ಕಿ ಹರಿದಾಗ, ಸಮುದ್ರದ ಮಟ್ಟ ಹೆಚ್ಚಿದಾಗ, ಪಂಚಭೂತಗಳ ಮೂಲಕವೇ ಅನೇಕ ರೋಗರುಜಿನಗಳು ಹರಡುತ್ತಿರುವ ಕಾಲದಲ್ಲಿ ಇಂತಹ ಯಾಗ ನಡೆಸಬೇಕು ಎಂದು ಸೂಕ್ತ ಸ್ಥಳ ಮತ್ತು ಸಮಯವನ್ನು ಅಗಸ್ತ್ಯರು ಗ್ರಂಥದಲ್ಲಿ ಸೂಚಿಸಿದ್ದಾರೆ.ಸ್ತ್ಯರು ಗ್ರಂಥದಲ್ಲಿ ನಮೂದಿಸಿದಂತೆ ಕೇಂದ್ರದಲ್ಲಿ ಗಾಯತ್ರಿ ಪೀಠವಿರುವ, ನೈಋತ್ಯ ಮತ್ತು ಆಗ್ನೇಯ ದಿಕ್ಕಿನಲ್ಲಿ ಗುರುಸನ್ನಿಧಿಯಿರುವ ಸ್ಥಳವೇ ಯಾಗಕ್ಕೆ ಸೂಕ್ತ ಸ್ಥಳ. ಯಾಗಕ್ಕೆ ಅಗತ್ಯವಾದ 24 ಗಿಡಮೂಲಿಕೆಗಳ ಪೈಕಿ ಕನಿಷ್ಠ 21ನ್ನು ಸ್ಥಳದಲ್ಲಿಯೇ ಬೆಳೆದಿರಬೇಕು. ಇಂತಹ ಸ್ಥಳ ಹುಡುಕಿಕೊಂಡು ಬೆಂಗಳೂರು ಸೇರಿದಂತೆ ದೇಶದ ವಿವಿಧ ಊರುಗಳನ್ನು ಸುತ್ತಿ ಸುಸ್ತಾಗಿದ್ದ ಕೇರಳದ ಆಯರ್ವೇದ ಪಂಡಿತ ತಂಗಪ್ಪನ್ ಅವರು 2013ರಲ್ಲಿ ಕೊಂಡೆವೂರು ಆಶ್ರಮದಲ್ಲಿ ಆಯೋಜಿಸಲಾಗಿದ್ದ ಸಹಸ್ರ ಚಂಡಿಕಾಯಾಗಕ್ಕೆ ಆಗಮಿಸಿದ್ದರು. ಅಗಸ್ತನಾಡಿಯಲ್ಲಿ ಹೇಳಿರುವಂತೆ ಹಲವಾರು ಲಕ್ಷಣಗಳು ಇಲ್ಲಿರುವುದು ಅವರ ಗಮನಕ್ಕೆ ಬಂದಿತ್ತು. ಬಳಿಕ ಶಾಸ್ತ್ರೋಕ್ತವಾಗಿ ವೀಳ್ಯದೆಲೆ, ಸೋಮಲತೆಗಳಂತಹ ಕೆಲ ಗಿಡಮೂಲಿಕೆಗಳನ್ನು ನೆಡಿಸಿ ನಿತ್ಯಾನಂದ ಯೋಗಾಶ್ರಮದ ಪರಿಸರವನ್ನು ಗ್ರಂಥದಲ್ಲಿ ಉಲ್ಲೇಖಿತ ಗುಣಲಕ್ಷಣಗಳಿಗೆ ಪೂರಕವಾಗುವಂತೆ ಮಾಡಲಾಯಿತು.
ಯಾಗಕ್ಕೆ ಅವಶ್ಯಕ ಕೆಲವು ಶುಭ ಶಕುನಗಳೂ ಕಂಡು ಬರಬೇಕು. ಗ್ರಂಥದಲ್ಲಿ ಉಲ್ಲೇಖಿಸಿರುವಂತಹ ಹಸುವೊಂದು ಆಶ್ರಮಕ್ಕೆ ತಾನೇ ತಾನಾಗಿ ಆಗಮಿಸಿ ಯಾಗ ನಡೆಯುವ ಸ್ಥಳದಲ್ಲಿ ನಿಂತಿತ್ತು. ಹಸುವಿನ ಆಗಮನ ಯಾಗ ನಡೆಸಲು ಸೂಕ್ತ ಸಮಯವೆಂದು ತೀರ್ಮಾನಿಸಲಾಯಿತು ಎಂದು ಶ್ರೀ ಯೋಗನಂದ ಸರಸ್ವತೀ ಸ್ವಾಮೀಜಿ ಹೇಳುತ್ತಾರೆ.
ಯಾಗಕ್ಕೆ ಶ್ರೀ ಮೋಹನದಾಸ ಪರಮಹಂಸ ಸ್ವಾಮೀಜಿ ಮಾರ್ಗದರ್ಶನ, ಶ್ರೀ ಯೋಗಾನಂದ ಸರಸ್ವತೀ ಸ್ವಾಮೀಜಿ ನೇತೃತ್ವ, ಶಿಬರೂರು ವೇದವ್ಯಾಸ ತಂತ್ರಿಗಳ ನಿರ್ದೇಶನ, ಕಟೀಲಿನ ಪ್ರಧಾನ ಅರ್ಚಕರಾದ ಕಮಲಾದೇವಿ ಪ್ರಸಾದ ಅಸ್ರಣ್ಣ-ಅನಂತಪದ್ಮನಾಭ ಅಸ್ರಣ್ಣ ವೈದಿಕ ಆಚಾರ್ಯತ್ವ, ತಂಗಪ್ಪನ್ ವೈದ್ಯ ಆಚಾರ್ಯತ್ವ ಇರುತ್ತದೆ.

ಸಾಮರಸ್ಯ ಸಂಗಮ:
ಅಪರೂಪದ ಈ ಯಾಗಕ್ಕೆ ಎಲ್ಲ ವರ್ಗಗಳ ಜನರು ತಮ್ಮದೇ ವಿಶೇಷ ಸೇವೆಯಲ್ಲಿ ತೊಡಗಿದ್ದಾರೆ. ವಿಶ್ವಕರ್ಮರು ವಿಗ್ರಹ ಮಾಡಿದ್ದಾರೆ. ಕುಂಬಾರರು ಮಡಿಕೆ ಮಾಡಿದ್ದಾರೆ. ಕೊರಗ ಸಮಾಜದವರು ಬಿದಿರಿನ ಬುಟ್ಟಿ ಹೆಣೆದಿದ್ದಾರೆ. ಗಾಣಿಗರು ಆಶ್ರಮದಲ್ಲಿಯೇ ಎಣ್ಣೆ ತೆಗೆದು ಕೊಡುತ್ತಿದ್ದಾರೆ. ನೇಕಾರರು ದೇವರಿಗೆ ವಸ ಹಾಗೂ ದೀಪಕ್ಕೆ ಬತ್ತಿ ನೀಡುತ್ತಿದ್ದಾರೆ. ತಂತ್ರಿ, ಸ್ವಾಮೀಜಿಗಳನ್ನು ಕರೆತರುವಷ್ಟೇ ಗೌರವಯುತವಾಗಿ, ವೇದ ಘೋಷಗಳೊಂದಿಗೆ ಇವರನ್ನೂ ಆಶ್ರಮಕ್ಕೆ ಕರೆತಂದು ಅವರವರ ಕಾರ್ಯದಲ್ಲಿ ತೊಡಗಿಸಲಾಗಿದೆ. ಭೂಮಿಪುತ್ರರು ಎಂಬ ಹೆಸರುಳ್ಳ ಹರಿಜನರು ಸಾವಯವ ಪದ್ಧತಿಯಲ್ಲಿ ಕೃಷಿಮಾಡಿ ಯಾಗಕ್ಕೆ ಆಹಾರ ತಯಾರಿಸುತ್ತಿದ್ದಾರೆ. ಕೃಷಿ ಆಯುರ್ವೇದ, ಪ್ರಕೃತಿ ಬಗ್ಗೆ ಆಸಕ್ತಿ ಜತೆಗೆ ಸಾಮಾಜಿಕ ಸಾಮರಸ್ಯಕ್ಕೆ ನಾಂದಿಯಾದರೆ ಆದೇ ಯಾಗದ ಸಾರ್ಥಕತೆ ಎಂದು ತಿಳಿಸುತ್ತಾರೆ ಯೋಗಾನಂದ ಸರಸ್ವತೀ ಸ್ವಾಮೀಜಿ.

ಯಾಗದ ವೈಶಿಷ್ಟ್ಯಗಳು:
- ಯಾಗೋತ್ಪನ್ನ ಘೃತ ಪ್ರಸಾದ ಆಯುರ್ವೇದ ಪರಂಪರಾ ಚಿಕಿತ್ಸಾ ಪದ್ಧತಿಯಲ್ಲಿರುವ ಲಾಡ ವಿದ್ಯೆಗೆ ಸಂಬಂಧಿಸಿ ಅಗಸ್ತ್ಯ ಋಷಿಗಳಿಂದ ಆವಿಷ್ಕರಿಸಲ್ಪಟ್ಟಿದೆ.
- 500 ವರ್ಷಗಳ ಹಿಂದೆ ಪೂಜ್ಯ ಶ್ರೀ ಪ್ರಭಾಕರ ಸಿದ್ಧಯೋಗಿ ಅವರ ನೇತೃತ್ವದಲ್ಲಿ ತಮಿಳುನಾಡಿನ ಮರುತ್ವಾಮಲೆಯಲ್ಲಿ ಇದೇ ಮಹಾಯಾಗ ನಡೆದ ಮಾಹಿತಿಯಿದೆ.
- ಹಾಲಿರುವ ಮತ್ತು ಹಾಲಿಲ್ಲದ ಆರು ವೃಕ್ಷಗಳ ಕಂಬಗಳಿಂದ ನಿರ್ಮಿಸಿದ ಅಷ್ಟಭುಜಾಕೃತಿಯಲ್ಲಿರುವ ಯಾಗ ಶಾಲೆಯ ಛಾವಣಿಯನ್ನು ದರ್ಭೆಯಿಂದ ಹೊದಿಸಲಾಗುತ್ತದೆ.
- ಯಾಗಶಾಲಾ ಮಧ್ಯದಲ್ಲಿ ಶ್ರೀ ಧನ್ವಂತರಿ ದೇವತೆಯ ಮೃಣ್ಮಯ ಮೂರ್ತಿ ಸ್ಥಾಪಿಸಿ ಅದರ ಮುಂದೆ ಒಲೆ ನಿರ್ಮಿಸಲಾಗುತ್ತದೆ. ತಾಮ್ರದ ಪಾತ್ರೆಯಲ್ಲಿ ಘೃತ ನಿಕ್ಷೇಪಿಸಿ ಪಾಲಾಶ, ಕಾಸರಕ ಹಾಗೂ ಕಂಚಿನ ಸಟ್ಟುಗಗಳ ಸಹಾಯದಿಂದ ಪಾಕ ಮಾಡಲಾಗುವುದು. ಧನ್ವಂತರಿಯ ಅಕ್ಕಪಕ್ಕದಲ್ಲಿ ಬ್ರಹ್ಮ-ಸರಸ್ವತಿ ಕುಂಡಗಳನ್ನು ಸ್ಥಾಪಿಸಲಾಗುವುದು. ಎಂಟೂ ದಿಕ್ಕುಗಳಲ್ಲಿ ಗಾಯತ್ರಿ ಯಾಗಕ್ಕಾಗಿ ಹೊಮಕುಂಡ ನಿರ್ಮಿಸಲಾಗುತ್ತದೆ.
- ಯಾಗಶಾಲೆಯ ನಾಲ್ಕೂ ದಿಕ್ಕುಗಳಲ್ಲಿ ಬೇರೆ ಬೇರೆ ಯಾಗಶಾಲೆ ನಿರ್ಮಿಸಿ ಚತುರ್ವೇದ ಸಂಹಿತಾ ಯಾಗವೂ ನಡೆಯಲಿದೆ.
- ದೇಶದ ವಿವಿಧ ರಾಜ್ಯಗಳ ವಿಶಿಷ್ಟ ವಾತಾವರಣದಲ್ಲಿ ಬೆಳೆದ 24 ಬಗೆಯ ಗಿಡಮೂಲಿಕೆಗಳನ್ನು ಸಂಗ್ರಹಿಸಿ ನಿಶ್ಚಿತ ಪ್ರಮಾಣದಲ್ಲಿ ಅವುಗಳ ರಸವನ್ನು ಘೃತ ತಯಾರಿಕೆಗೆ ಬಳಸಲಾಗುವುದು.
- ಉದಯ ಕಾಲದಿಂದ ಅಸ್ತಮಾನದ ವರೆಗೆ ಏಳೂ ದಿನ ಪರ್ಯಂತ ವೈದಿಕರಿಂದ ನಡೆಯಲಿರುವ ಈ ಯಾಗಶಾಲೆಯಲ್ಲಿ ನುರಿತ ವೈದ್ಯರಿಂದ ಏಕಕಾಲದಲ್ಲೇ ಘೃತ ನಿರ್ಮಾಣ ಕಾರ್ಯವೂ ನೆರವೇರಲಿದೆ.
- ಯಾಗದ ವೇಳೆಯಲ್ಲಿ ಪೂಜಿಸಲ್ಪಡುವ ಗೋವು ಬಿಳಿ ವರ್ಣದಿಂದ ಕೂಡಿದ್ದು, ಸಮಾನ ಎತ್ತರದ ಕೊಂಬು, ಹಣೆಯಲ್ಲಿ ಶಂಖಮುದ್ರೆ, ಮಾಲದ ತುದಿ ಕರಿವರ್ಣ, ತುಂಬು ಕೆಚ್ಚಲು ಮತ್ತು ಒಂದೇ ಕರುವಿನ ತಾಯಿಯಾಗಿರುವುದು ಇನ್ನೊಂದು ವೈಶಿಷ್ಟ್ಯ.
- ಕಬ್ಬಿಣ ಸ್ಪರ್ಶಿಸದೆ ತೋಡಿದ ಒಂಭತ್ತು ಕುಂಡಗಳಲ್ಲಿ ಪ್ರತಿನಿತ್ಯ ಊರ ಗೋವಿನ ಗೋಮಯ, ಗೋಮೂತ್ರ ಮತ್ತು ತುಳಸಿ ಹಾಕಿ ಪೂಜಿಸಿದ ಸರಸ್ವತಿ ಪತ್ರ(ವೀಳ್ಯದೆಲೆ)ದ ರಸವನ್ನು ವಿಶೇಷವಾಗಿ ಈ ಘೃತಕ್ಕಾಗಿ ಉಪಯೋಗಿಸಲಾಗುವುದು.
- ಈ ಯಾಗ ಲಶ್ರುತಿಯಂತೆ ಪಂಚಭೂತಗಳ ಸಮತೋಲನದ ವ್ಯತ್ಯಯದಿಂದ ಉಂಟಾಗಿರುವ ಸೂರ್ಯತಾಪ, ಜಲ, ವಾಯು, ಪೃಥ್ವಿ, ಆಕಾಶಾದಿಗಳಿಗೆ ಉಂಟಾಗಿರುವ ಮಾಲಿನ್ಯ ಮತ್ತು ಅದರಿಂದ ಉಂಟಾಗುತ್ತಿರುವ ದುಷ್ಪರಿಣಾಮಗಳಿಂದ ರಕ್ಷಿಸಲ್ಪಡುವುದು.
- ಮಕ್ಕಳ ಸ್ಮರಣಶಕ್ತಿ ವೃದ್ಧಿಗಾಗಿ, ಮಾನಸಿಕ ಕಾಯಿಲೆ, ಅಪಸ್ಮಾರ ಮತ್ತು ಇನ್ನೂ ಅನೇಕ ಆಯುರ್ವೇದ ಚಿಕಿತ್ಸೆಯಲ್ಲಿ ಅತ್ಯಂತ ಪರಿಣಾಮ ಬೀರಬಲ್ಲ ಈ ಘೃತದ ಸೇವನೆಯಿಂದ ದೇವಾಸುರ ಕೋಪ ಮತ್ತು ಇನ್ನಿತರ ಬಾಧೆಗಳು ಪರಿಹಾರವಾಗುತ್ತವೆ.

ಾಯತ್ರಿ ಘೃತ ತಯಾರಿಕೆಯಲ್ಲಿ ಉಪಯೋಗಿಸುವ ಆಯುರ್ವೇದ ಗಿಡಮೂಲಿಕೆಗಳು:
ವೀಳ್ಯದೆಲೆ (ಸರಸ್ವತಿ ಪತ್ರ), ಕೇಪುಳ, ಅಮೃತಬಳ್ಳಿ, ಹಾರಮುನಿ, ಆಲ, ನೈದಿಲೆ, ಹಿಪ್ಪಲಿ, ದೇವ ಬಾಳೆ (ಕದಳಿ), ಜಾಜಿ, ಗರಿಕೆ ಹುಲ್ಲು, ಶಂಖ ಪುಷ್ಪ, ಒಂದೆಲಗ, ಬ್ರಾಹ್ಮಿ, ವಿಷ್ಯು ಕ್ರಾಂತಿ, ಅಬ್ದ ಹುಲ್ಲು, ನೆಲ ನೆಲ್ಲಿ, ಸೋಮಲತೆ, ರುದ್ರಾಕ್ಷ, ಜ್ಯೇಷ್ಠ ಮಧು, ಜೀರಿಗೆ, ಬಜೆ, ನೀರು ಮಟ್ಟಿ, ಬಿಳಿಎಲೆ, ಕೃಷ್ಣ ತುಳಸಿ.

ಯಾಗಕ್ಕೆ ಗಿಡಮೂಲಿಕೆ ಯಾವುದು? ಎಲ್ಲಿಂದ?
ವೀಳ್ಯದೆಲೆ - ಆಶ್ರಮ
ದೇವ ಬಾಳೆ - ಆಶ್ರಮಾಜಿ - ಆಶ್ರಮೃಷ್ಣತುಳಸಿ - ಆಶ್ರಮಮೃತಬಳ್ಳಿ - ಗುಜರಾತ್ೇಪುಳ - ಗೋವಾ
ಹಾರಮುನಿ - ಕೇರಳ
ಹಿಪ್ಪಲಿ - ಕೇರಳ
ಶಂಖಪುಷ್ಪ - ಕೇರಳಂದೆಲಗ - ಕೇರಳ
ಬ್ರಾಹ್ಮಿ - ಕೇರಳಬ್ದ ಹುಲ್ಲು - ಕೇರಳೀರಿಗೆ - ಕೇರಳಲ - ಆಂಧ್ರ ಪ್ರದೇಶ
ನೈದಿಲೆ - ತಮಿಳುನಾಡು, ಕೇರಳರಿಕೆ ಹುಲ್ಲು - ಮಹಾರಾಷ್ಟ್ರ
ವಿಷ್ಣುಕ್ರಾಂತಿ - ತಮಿಳುನಾಡು, ಕೇರಳ
ಸೋಮಲತೆ - ತಮಿಳುನಾಡು
ರುದ್ರಾಕ್ಷ - ನೇಪಾಳ್ಯೇಷ್ಠಮಧು - ಕೇರಳ, ಕರ್ನಾಟಕ
ಬಜೆ - ಕೇರಳ, ಕರ್ನಾಟಕ
ಬಿಳಿ ಎಲೆ - ಗೋವಾ
ನೀರುಮಟ್ಟಿ - ವಿವಿಧೆಡೆ

ನನಸಾದ ಕನಸು:
ಅನ್ನದಿಂದ ಆರೋಗ್ಯ, ಆರೋಗ್ಯದಿಂದ ಸ್ವಸ್ಥ ಸಮಾಜ, ಅಕ್ಷರದಿಂದ ಅರಿವು, ಆಶ್ರಯದಿಂದ ಸುಭದ್ರತೆ, ಆಧಾರದಿಂದ ಕ್ರಿಯಾಶೀಲತೆಗಳೆಂಬ ಶ್ರೀ ಯೋಗಾನಂದ ಸರಸ್ವತಿ ಸಾಮೀಜಿಗಳ ಕನಸುಗಳು ಸಾಕಾರಗೊಂಡಿದೆ. ಯೋಗ-ತ್ಯಾಗಗಳ ಈ ತವರಿನಲ್ಲಿ ಯಾಗಭೂಮಿಯಾಗಿಯೂ ಗಮನ ಸೆಳೆದಿದೆ. ಈ ಆಶ್ರಮ ಮೇಲೆ ಹೇಳಿದ ಪಂಚಮುಖಿ ಚಟುವಟಿಕೆಗಳಲ್ಲಿ ನಿರತವಾಗಿದೆ.ಶ್ರಮದಲ್ಲಿ ನಿತ್ಯ ಅನ್ನಸಂತರ್ಪಣೆ ವ್ಯವಸ್ಥೆ ಇದೆ. 400 ಮಕ್ಕಳಿರುವ ಎರಡು ಶಾಲೆಗಳಲ್ಲಿ ಗುರುಕುಲ ಮತ್ತು ಆಧುನಿಕ ಶಿಕ್ಷಣ ನೀಡಲಾಗುತ್ತಿದೆ. ಆರೋಗ್ಯ ಶಿಬಿರ, ರಕ್ತದಾನ ಶಿಬಿರ, ಆಯುರ್ವೇದ ಶಿಬಿರದ ಮೂಲಕ ಜಾಗೃತಿ ಮೂಡಿಸಲಾಗುತ್ತಿದೆ. ಬಡವರಿಗೆ ಮನೆ ನಿರ್ಮಾಣಕ್ಕೆ ನಿವೇಶನ ಹಾಗೂ ಸಾಮಗ್ರಿ ನೀಡಲಾಗುತ್ತಿದೆ. ಮಹಿಳೆಯರು ಸ್ವಾವಲಂಬಿಯಾಗಲು ಗುಡಿ ಕೈಗಾರಿಕೆ, ಹೊಲಿಗೆ ತರಬೇತಿ ನೀಡಲಾಗುತ್ತಿದೆ. ಇದೆಲ್ಲದರ ಜತೆಗೆ ಸಾವಯುವ ಕೃಷಿಗೆ ಉತ್ತೇಜನ ನೀಡಲು ‘ಧಾನ್ಯಲಕ್ಷ್ಮೆ’ ಯೋಜನೆ ಹಮ್ಮಿಕೊಳ್ಳಲಾಗಿದೆ. ಮದ್ಯ ವ್ಯಸನಕ್ಕೊಳಗಾಗಿದ್ದ 300ಕ್ಕೂ ಹೆಚ್ಚು ಜನರು ಶ್ರೀ ಯೋಗಾನಂದ ಸ್ವಾಮೀಜಿ ಮಾರ್ಗದರ್ಶನದಲ್ಲಿ ಸರಿದಾರಿಗೆ ಬಂದಿದ್ದಾರೆ.

ಅಥಣಿಯಲ್ಲಿದೆ ಸಿಹಿ ಬೇವಿನ ಮರ

ಬೇವು ಎಂದರೆ ಕಹಿ. ಆದರೆ ಇಲ್ಲೊಂದು ಬೇವಿನಮರವಿದೆ. ಅದರ ವಿಶೇಷವೆಂದರೆ ಅದು ಸಿಹಿಯಾದ ಬೇವಿನಮರ.
ನೀವು ನಂಬುತ್ತಿರೋ ಬಿಡುತ್ತಿರೋ ಗೊತ್ತಿಲ್ಲ, ಅಥಣಿ-ಬಿಜಾಪುರ ರಾಜ್ಯ ಹೆದ್ದಾರಿಗೆ ಹೊಂದಿಕೊಂಡಿರುವ ಬೆಳಗಾವಿ ಜಿಲ್ಲೆ ಅಥಣಿ ತಾಲೂಕಿನ ಐಗಳಿ ಕ್ರಾಸ್ನ ಮಾಣಿಕ ನಗರದಲ್ಲಿ ಲಿಂಗೈಕ್ಯ ರಾಚೋಟೇಶ್ವರ ಶಿವಯೋಗಿಗಳ ದೇವಾಲಯದ ಆವರಣದಲ್ಲಿರುವ ಬೇವಿನಗಿಡದ ಎಲೆ ಮತ್ತು ಹೂಗಳು ವಿಜ್ಞಾನಕ್ಕೆ ಸವಾಲು ಹಾಕುವಂತೆ ತನ್ನ ಕಹಿಯನ್ನು ಕಳೆದುಕೊಂಡು ಸಿಹಿಯಾಗಿವೆ. ಅಷ್ಟೇ ಅಲ್ಲ, ಈ ಗಿಡ ವಿವಿಧ ರೋಗಗಳಿಗೆ ರಾಮಬಾಣವಾಗಿ ಜನೋಪಯೋಗಿಯಾಗಿದೆ.
ಶ್ರೀ ರಾಚೋಟೇಶ್ವರ ಶಿವಯೋಗಿಗಳು ಜಮಖಂಡಿ ತಾಲೂಕಿನ ಕಡಪಟ್ಟಿ ಜಗದೀಶ್ವರ ಮಠದಿಂದ ಐಗಳಿ ಗ್ರಾಮಕ್ಕೆ ಆಗಮಿಸಿದಾಗ ಇಲ್ಲಿಯ ಅರಣ್ಯದಲ್ಲಿ ಕುಳಿತು ತಪಸ್ಸು ಪ್ರಾರಂಭಿಸಿದ್ದರಂತೆ. ಯುಗಾದಿ ಹಬ್ಬದಂದು ಅವರು ನೆಟ್ಟ ಬೇವಿನ ಸಸಿ ಹೆಮ್ಮರವಾಗಿ ಬೆಳೆಯಿತು. ಆದರೆ ಕಹಿಯಾಗಲಿಲ್ಲ. ಬೇವಿನ ಮರದ ಹೂವು, ಕಾಯಿ, ತಪ್ಪಲು ಕಹಿಯನ್ನು ಕಳೆದುಕೊಂಡಿತು.

ಬಿದಿರು ಅಕ್ಕಿಗೂ ಬಂತು ಕಾಲ

ಪ್ರತೀ 60 ವರ್ಷಕ್ಕೊಮ್ಮೆ ಬರುವ ಬಿದಿರಿನಿಂದ ಬರಗಾಲವಾಗಬಹುದು ಎಂಬ ಮಾತನ್ನು ಈಗಲೂ ಹಿರಿಯ ವ್ಯಕ್ತಿಗಳ ಬಾಯಲ್ಲಿ ಕೇಳುತ್ತೇವೆ. ಈ ಹಿಂದೆ ಸುಮಾರು 60 ವರ್ಷಗಳ ಹಿಂದೆ ಬಿದಿರು ಅಕ್ಕಿ ಬಂದಿದ್ದು ಆಗ ಮಳೆ ಇಲ್ಲದೆ ಬರಗಾಲವಾಗಿತ್ತು. ಈ ಬಿದಿರು ಅಕ್ಕಿಯನ್ನು ಉಪಯೋಗಿಸಿದ ನೆನಪು ಮತ್ತೆ ಬರಬಹುದೇನೋ ಎಂಬ ಸ್ಥಿತಿ ಮತ್ತೊಮ್ಮೆ ಕಂಡು ಬಂದಿದೆ. ಕಳೆದ 2 ವರ್ಷಗಳಿಂದ ಮಲೆನಾಡಿನ ಭಾಗದಲ್ಲಿ ಬಹುತೇಕವಾಗಿ ಬಿದಿರು ಅಕ್ಕಿಯಾಗಿದೆ. ಇದರಿಂದ ಬಿದಿರು ತನ್ನ ಸಂತತಿ ನಶಿಸುತ್ತಿದ್ದು ಒಂದೇ ವರ್ಷದಲ್ಲಿ ಸಂಪೂರ್ಣ ಬಿದಿರು ನಾಶವಾಗಲಿದೆ.
ಕಾರಣ:
ಪ್ರತಿ ಜೀವರಾಶಿಗೂ ಇಂತಿಷ್ಟು ಆಯುಷ್ಯ ನಿಗದಿಯಾಗಿರುತ್ತದೆ. ಹಾಗೆಯೇ ಬಿದಿರಿಗೂ 50-60 ವರ್ಷಗಳ ಕಾಲ ಬದುಕುತ್ತವೆ. ಈಗ ರಾಜ್ಯದ ಬಿದಿರು ಬದುಕಿನ ಅಂತಿಮಘಟ್ಟ ಮುಟ್ಟಿದೆ. ಗಮನಿಸಬೇಕಾದ ಅಂಶವೆಂದರೆ ಬಿದಿರು ಸಂತತಿ ಸಾಮೂಹಿಕವಾಗಿ ಕಣ್ಣು ಮುಚ್ಚುವ ಸಮಯ ಬಂದಿದೆ. ಈಗ ಸಾವಿನ ಸಮಯ ಬಿದಿರು ಮತ್ತೆ ಸ್ವತಂತ್ರವಾಗಿ ಚಿಗುರಿ ಎತ್ತರವಾಗಿ ಬೆಳೆಯಲು 4-5 ವರ್ಷಗಳೇ ಬೇಕಾಗಿದೆ. ಇದಕ್ಕೆ ಪರ್ಯಾಯವಾಗಿ ಬಿದಿರು ಬೆಳೆಗೆ ಅರಣ್ಯ ಇಲಾಖೆ ಯಾವುದೇ ರೀತಿಯಲ್ಲೂ ತಯಾರಾದಂತೆ ಕಾಣುತ್ತಿಲ್ಲ.
ಬಿದಿರು ರೈತರಿಗೆ ಜೀವಾಳವಾಗಿದೆ. ಹೊಲಗದ್ದೆಗಳ ಬೇಲಿಗೆ, ಕಾಗದ ತಯಾರಿಕೆಗೆ, ಹಾಗೆಯೇ ಮಳೆಗಾಲದಲ್ಲಿ ಬಿಡುವ ಕಳಲೆಗೂ ಅಪಾರ ಬೇಡಿಕೆಯಿದೆ. ಇದನ್ನು ಸಾಂಬಾರು ಹಾಗೂ ವಿವಿಧ ರೀತಿಯ ತಿನಿಸಿಗೂ ಬಳಸುತ್ತಾರೆ. ಮುಖ್ಯವಾಗಿ ಆನೆಗಳಿಗೆ ಬಿದಿರುಸೊಪ್ಪು ಆಹಾರವಾಗಿದೆ.
ಬಿದಿರು ಅಕ್ಕಿಗೆ ಈಗ ಕಾಲ ಬಂದಿದೆ:
ಮಲೆನಾಡಿನ ಬಹುತೇಕ ಭಾಗದಲ್ಲಿ ಬಿದಿರು ರಾಜನ್ ಬಂದಿದ್ದು ಬಿದಿರು ಅಕ್ಕಿ ಕಾಣುವ ಅವಕಾಶವಾಗಿದೆ. ಈ ಭಾಗದಲ್ಲಿ ಬಾರೀ ಪ್ರಮಾಣದಲ್ಲಿ ಬಿದಿರು ಅಕ್ಕಿ ಬಂದಿದ್ದರಿಂದ ಬಯಲು ಸೀಮೆಯ 2-3 ಲಂಬಾಣಿ ತಂಡದವರು ಈ ಬಿದಿರು ಅಕ್ಕಿಯನ್ನು ಸಂಗ್ರಹಿಸುವಲ್ಲಿ ಮುಂದಾಗಿದ್ದಾರೆ. ಬಿದಿರು ಮಟ್ಟಿಯ ಅಡಿಯಲ್ಲಿ ಬಿದ್ದಿರುವ ಅಕ್ಕಿಯನ್ನು ಸಂಗ್ರಹಿಸುವುದು ತುಂಬಾ ಕಷ್ಟವಾಗಿದೆ. ಸಂಗ್ರಹಿಸಿ ಸ್ವಚ್ಛ ಮಾಡಿ ಅಕ್ಕಿಯ ಮಿಲ್ಗೆ ಸಾಗಿಸಿ ನಂತರ ಉಪಯೋಗಿಸಲಾಗುತ್ತದೆ. ತುಂಬಾ ರುಚಿಕರವಾದ ಈ ಬಿದಿರು ಅಕ್ಕಿಯಿಂದ ಅನ್ನ, ಹಾಗು ತಿಂಡಿಗಳನ್ನು ಮಾಡಬಹುದು. ಆರೋಗ್ಯಕ್ಕೆ ಉತ್ತಮವಾಗಿದ್ದು ತುಂಬ ಉಷ್ಣವಿರುತ್ತದೆ ಮಳೆಗಾಲದಲ್ಲಿ ಈ ಅಕ್ಕಿಯನ್ನು ಉಪಯೋಗಿಸುತ್ತಾರೆ. ಆದರೆ ಬೇಸಿಗೆಯಲ್ಲಿ ಬಳಸಿದರೆ ಉಷ್ಣದ ಪ್ರಮಾಣ ಹೆಚ್ಚಾಗಿರುತ್ತದೆ. ಒಂದು ಬಿದಿರುಮಟ್ಟಿಯಲ್ಲಿ 40-50 ಕೆಜಿ ಬಿದಿರು ಅಕ್ಕಿ ಸಿಗಬಹುದು. ಇದಕ್ಕೆ ಬಯಲು ಸೀಮೆಯಲ್ಲಿ ಹೆಚ್ಚು ಬೇಡಿಕೆ ಇದೆ. ಸೋನಾ ಮಸೂರಿಯಂತಿರುವ ಈ ಬಿದಿರು ಅಕ್ಕಿ ತುಂಬಾ ರುಚಿಯಿಂದ ಕೂಡಿರುತ್ತದೆ.

ಸಾವಿರಾರು ಪಕ್ಷಿಗಳ ಆಸರೆಯಾದ ಕಬ್ಬಿನ ಗದ್ದೆ.

ಸಾವಿರಾರೂ ವಲಸಿಗ ಪಕ್ಷಿಗಳು ಕಬ್ಬಿನ ಗದ್ದೆಯಲ್ಲಿ ಬಿಡಾರ ಹೂಡಿದೆ, ಪ್ರತಿದಿನ ಸೂರ್ಯೊದಯದ ಮೊದಲು ಸೂರ್ಯ ಮುಳುಗುವ ಸಮಯದಲ್ಲಿ ವಲಸಿಗ ಪಕ್ಷಿಗಳ ಹಾರಾಟ ಮತ್ತು ಪಕ್ಷಿಗಳ ಕಲರವ ನೋಡುವುದೇ ಅತಿ ಸುಂದರವಾಗಿರುತ್ತದೆ. ಹೌದು, ಮಾಗಡಿ ಪಟ್ಟಣದ ಕಲ್ಯಾಗೇಟ್ನ ತಟವಾಳ್ ರಸ್ತೆಯಲ್ಲಿರುವ ಡೈರಿ ಶಿವಕುಮಾರ್ ತೋಟಕ್ಕೆ ಬಂದರೆ ಈ ದೃಶ್ಯವನ್ನು ಕಾಣಬಹುದು ಎರಡು ಎಕರೆ ವಿಸ್ತೀರ್ಣ ಪ್ರದೇಶದಲ್ಲಿ ಕಬ್ಬಿನ ಗದ್ದೆಯಲ್ಲಿ ನಿತ್ಯ ಈ ದೃಶ್ಯ ಕಂಡುಬರುತ್ತಿದೆ. ಕಾಂಕ್ರೀಟ್ ನಾಡಿನಲ್ಲಿ ಪಕ್ಷಿಗಳ ಸಂಖ್ಯೆ ಗಣನೀಯವಾಗಿ ಕಡಿಮೆಯಾಗುತ್ತದೆ ಆಗೆಯೇ ಕಾಡುಗಳು ಕೂಡ ಮರೆಯಾಗುತ್ತಿದ್ದು ಪಕ್ಷಿಗಳು ನಿರ್ಭಯವಾಗಿ ವಾಸಮಾಡಲು ಸೂಕ್ತ ಸ್ಥಳವಿಲ್ಲದೆ ಪರಿತಪಿಸುತ್ತಿದ್ದು, ಪಟ್ಟಣದ ಮಧ್ಯ ಭಾಗದಲ್ಲಿ ಪಕ್ಷಿಗಳಗೆ ಹೇಳಿ ಮಾಡಿಸಿದಂತಿರುವ ಈ ಜಾಗದಲ್ಲಿ ಸಾವಿರಾರೂ ಗಿಜಗನಹಕ್ಕಿ ಹಾಗೂ ಗೋರವಾಂಕ ಜಾತಿಗೆ ಸೇರಿರುವ ಪಕ್ಷಿಗಳು ಸಂಜೆ ವೇಳೆ ಬಂದು ವಿಶ್ರಾಂತಿ ಪಡೆದು ಬೆಳಗಿನ ವೇಳೆ ಆಹಾರ ಅರಸಿ ಬೇರೆ ಬೇರೆ ಊರುಗಳಿಗೆ ಹೋಗುತ್ತಿದೆ. ಸಂಜೆ ವೇಳೆ ಸೂರ್ಯಾಸ್ತದ ಸಮಯದಲ್ಲಿ ಒಂದೆ ಸಮನಾಗಿ ಸಾವಿರಾರೂ ಪಕ್ಷಿಗಳು ಏಕ ಕಾಲದಲ್ಲಿ ಅಗಸದಿಂದ ಬರುತ್ತಿರುವುದನ್ನು ನೋಡುವುದೇ ವಿಶೇಷ ಪಕ್ಷಿ ಪ್ರಿಯರಿಗಂತು ಇದು ಒಳ್ಳೆಯ ಸ್ಥಳವಾಗಿದೆ ಛಾಯ ಚಿತ್ರಗಾರರಿಗೆ ವಿವಿಧ ಬಂಗಿಯ ಪಕ್ಷಿಗಳ ಕಲರವಗಳನ್ನು ಸೇರೆಯಿಡಿಯಬಹುದು.
ಕಬ್ಬಿನ ಗದ್ದೆಯಲ್ಲಿ ವಾಸ ಮಾಡುವ ಪಕ್ಷಿಗಳ ಒಟ್ಟಿಗೆ ಬಂದರು ಕಬ್ಬಿನ ಗದ್ದೆಗೆ ಯಾವುದೇ ತೊಂದರೆಯಾಗುತ್ತಿಲ್ಲ ಇದರಿಂದ ರೈತರು ಕೂಡ ಪಕ್ಷಿಗಳು ಬಂದರೆ ಅದಕ್ಕೆ ತೊಂದರೆಯನ್ನು ನೀಡುತ್ತಿಲ್ಲ ನಿರ್ಭಿತಿಯಾಗಿ ಸಂಜೆ ವೇಳೆ ಬಂದು ಮುಂಜಾನೆ ಒತ್ತಿಗೆ ತಮ್ಮ ಗೂಡಿಗೆ ಹಿಂದಿರಿ ಹೋಗುತ್ತಿದೆ. ಅರಣ್ಯ ಇಲಾಖೆಯವರು ಪಕ್ಷಿಗಳಿಗೆ ಆಸರೆಯಾಗಲು ಸಾವನದುರ್ಗ ಅರಣ್ಯ ಪ್ರದೇಶದಲ್ಲಿ ವಿಶೇಷ ವ್ಯವಸ್ಥೆ ಮಾಡುವ ಮೂಲಕ ಅಲಿಮಿನ ಹಂಚಿನಲ್ಲಿ ಇರುವ ಸಾವಿರಾರು ಜಾತಿಯ ಪಕ್ಷಗಳಿಗೆ ನೆರವಾಗುವ ಮೂಲಕ ಪಕ್ಷಿ ಸಂಕುಲವನ್ನು ಉಳಿಸಬೇಕು ಎಂಬುದೇ ಪಕ್ಷಿ ಪ್ರಿಯಾರ ಆಸೆಯಾಗಿದೆ. ಒಟ್ಟಿನಲ್ಲಿ ನಿತ್ಯವು ಸಾವಿರಾರೂ ಪಕ್ಷಿಗಳನ್ನು ಒಂದೆಡೆ ನೋಡುವುದೆ ಮನೋಹರವಾಗಿದೆ.



ಸುಟ್ಟು ಕರಕಲಾಗ್ತಿದೆ ಸಹ್ಯಾದ್ರಿ ಪರಿಸರ

ಏರುತ್ತಿರುವ ಧಗೆಯ ಪರಿಣಾಮ ಸಹ್ಯಾದ್ರಿ ಪರಿಸರದಲ್ಲಿ ಇಡೀ ಕಾಡನ್ನೇ ನುಂಗುವ ಬೆಂಕಿ ಕೂಡ ವ್ಯಾಪಕವಾಗುತ್ತಿದ್ದು, ಅರಣ್ಯ ರಕ್ಷಕರಲ್ಲಿ, ಪರಿಸರ ಪ್ರಿಯರಲ್ಲಿ ಆತಂಕಕ್ಕೆ ಕಾರಣವಾಗಿದೆ.
ಪ್ರಾಣಿಗಳು, ಪಕ್ಷಿಗಳು, ಯಾರೂ ನೋಡಿರದ ಎಂತೆಂಥದೋ ಜೀವ ವೈವಿಧ್ಯಗಳು ಕಾಡ್ಗಿಚ್ಚಿಗೆ ಆಹುತಿಯಾಗುತ್ತಿವೆ. ಬೆಲೆ ಕಟ್ಟಲಾಗದಷ್ಟು ನಷ್ಟಗಳಿಗೆ ಕಾರಣವಾಗುತ್ತಿದೆ.
ಕಿಡಿಗೇಡಿಗಳು ಮಾಡುವ ಕೃತ್ಯಕ್ಕೆ ಕಾಡು, ಬೆಟ್ಟ ಬೆಂಕಿಗೆ ಬಲಿಯಾಗುತ್ತಿದೆ. ರಸ್ತೆ ಅಂಚಿನ ಬೆಟ್ಟ, ಕಾಡಿಗೆ ಬೆಂಕಿ ಕಾಟ ಜೋರಾಗಿದ್ದು, ಅರಣ್ಯಾಧಿಕಾರಿಗಳಿಗೆ ಬೆಂಕಿ ನಂದಿಸುವದೇ ದೊಡ್ಡ ತಲೆನೋವಾಗಿದೆ.
ಸಹ್ಯಾದ್ರಿ ಪರಿಸರದಲ್ಲಿ ಪೂರ್ಣ ಪ್ರಮಾಣದಲ್ಲಿ ಎಲೆ ಎದುರಿಸುವ ಕಾಡುಗಳು ಹೆಚ್ಚಿದ್ದು, ಇಲ್ಲಿನ ಸಾಗವಾನಿ ಮರಗಳು ಬೆಂಕಿಗಾಹುತಿಯಾಗುತ್ತಿವೆ. ಹಿಂದಿನಂತೆ ಮರಮರ ತಿಕ್ಕಿ ಬೆಂಕಿ ಹುಟ್ಟುವದಿಲ್ಲ. ಇಂದು ಅಷ್ಟು ದಟ್ಟವಾದ ಕಾಡೂ ಇಲ್ಲ. ಬೆಂಕಿ ಮಾನವ ನಿರ್ಮಿತವೇ ಎಂಬುದು ಉನ್ನತ ಅಧಿಕಾರಿಗಳ ಅಭಿಮತ. ಈಚೆಗಂತೂ ರೈತರು ಕರಡ ದೇಶಿ ಹುಲ್ಲು ಸರಿಯಾಗಿ ಬರಲೆಂದು ಹಾಕಿದ ಬೆಂಕಿಯ ಪ್ರಮಾಣ ತೀರಾ ಕಮ್ಮಿ. ಆದರೆ ಅತಿಕ್ರಮಣಕ್ಕಾಗಿ, ದಾರಿ ಹೋಕರು ಬಿಸಾಡಿದ ಸಿಗರೇಟು ಸಮಸ್ಯೆಯ ಮೂಲವಾಗುತ್ತಿವೆ ಎಂಬುದು ವನ್ಯ, ಪರಿಸರ ಪ್ರಿಯರ ಲೆಕ್ಕಾಚಾರವಾಗಿದೆ. ಕಾಡಿನ ಬೆಂಕಿಯಿಂದ ಅಂತರ್ಜಲ ಇಳಿಕೆಯಾಗುತ್ತಿದೆ. ವನ್ಯಜೀವಿ ಆವಾಸ ಸ್ಥಾನ ಛಿದ್ರವಾಗುತ್ತಿದೆ.
ಅಪರೂಪದ ಸಸ್ಯಗಳು, ಜೀವ ವೈವಿಧ್ಯಗಳು ಇವಕ್ಕೆ ಆಹುತಿಯಾಗುತ್ತವೆ. ಮಣ್ಣಿನ ಸವಕಳಿ ಹೆಚ್ಚಿ, ಕಾಡು ಬರಿದಾಗುತ್ತದೆ ಎಂಬುದು ಆತಂಕ ವಿಷಯ. ಸ್ಥಳೀಯರನ್ನು ವಿಶ್ವಾಸಕ್ಕೆ ತೆಗೆದುಕೊಂಡು ಅವರ ಸಹಭಾಗಿತ್ವದಿಂದ ಬೆಂಕಿ ಬೀಳದಂತೆ, ಬಿದ್ದ ಬೆಂಕಿ ನಂದಿಸುವಲ್ಲಿ ತೊಡಗಿಕೊಳ್ಳಬೇಕು. ಕಾಯಂ ಬೆಂಕಿ ಬೀಳುವ ಪ್ರದೇಶವನ್ನು ಅಧಿಕಾರಿಗಳು ನಿರ್ಲಕ್ಷಿಸುತ್ತಾರೆ ಎಂಬ ದೂರುಗಳು ಇವೆ. ಒಂದೇ ಸಲ ಎರಡ್ಮೂರು ಪ್ರದೇಶದಲ್ಲಿ ಕಾಣಿಸಿಕೊಂಡರೆ ಕಷ್ಟವಾಗುತ್ತದೆ. ಇದಕ್ಕಾಗಿ ಬೆಂಕಿ ನಿಯಂತ್ರಣಕ್ಕೆ ಪ್ರತ್ಯೇಕ ಕಾವಲು ಪಡೆ ಅಗತ್ಯವಾಗಿದೆ. ವೀಕ್ಷಣಾ ಗೋಪುರ, ವಾಕಿಟಾಕಿಗಳನ್ನೂ ವ್ಯವಸ್ಥಿತವಾಗಿ ಕೊಡಬೇಕಾಗಿದೆ ಎಂಬ ಆಗ್ರಹ ಕೂಡ ಇದೆ.