ಜನರ ಸಹಭಾಗಿತ್ವದಲ್ಲಿ ಎಕ್ಕಂಬಿ ಕೆರೆಗೆ ಕಾಯಕಲ್ಪ

ಜನರ ಸಹಭಾಗಿತ್ವದ ಶಿರಸಿ ಜೀವಜಲ ಕಾರ್ಯಪಡೆ ಗ್ರಾಮೀಣ ಪ್ರದೇಶದ ಕೆರೆ ಅಭಿವೃದ್ಧಿಗೆ ನಾಂದಿ ಹಾಡಿದೆ. ಬಿಸಲಕೊಪ್ಪ ಗ್ರಾಪಂ ವ್ಯಾಪ್ತಿಯ ಎಕ್ಕಂಬಿ ಕೆರೆ ಹೂಳೆತ್ತಲು ಕೆಲವೇ ಗಂಟೆಗಳಲ್ಲಿ 1.61 ಲಕ್ಷ ರೂ.ಸಂಗ್ರಹಿಸಿ ಕಾಮಗಾರಿ ಆರಂಭಿಸಿದೆ.


ಎಕ್ಕಂಬಿಯ ಏಕಾಂಬಿಕೇಶ್ವರ ದೇವಾಲಯದಲ್ಲಿ ಶಿರಸಿ ಜೀವಜಲ ಕಾರ್ಯಪಡೆ ನೇತೃತ್ವದಲ್ಲಿ ನಡೆದ ಸಭೆಯಲ್ಲಿ 3.26 ಎಕರೆ ವಿಸ್ತೀರ್ಣದ ಕೆರೆ ಹೂಳೆತ್ತಲು ನಿರ್ಧರಿಸಲಾಗಿತ್ತು. ತಕ್ಷಣವೇ ಸ್ಥಳೀಯರು, ಸಾರ್ವಜನಿಕರಿಂದ ಅಭೂತಪೂರ್ವ ಬೆಂಬಲ ದೊರೆಯಿತು. ಮಾತ್ರವಲ್ಲ, ಜೆಸಿಬಿ, ಹಿಟಾಚಿ, ವಾಹನಗಳ ವ್ಯವಸ್ಥೆಯೂ ಆಯಿತು.